انشدك عن بنت ترضع امها
لماتت البنت مال امها وجود
يافكرتي من بنت ما احدا ذمها
اقولها وانا عاشق عريب الجدود
انشدك عن عذرى عصاها في ظهرها
والمعنتر في شخلها
والناس تاكل من بعرها
ويش شي على احجره
الشر في بطنه والخير في اظهره
ميت مات بشلشه
جاه الحي وانبشه
قام عليه الميت واكبشه
انشدك عن عذرى طويلا جعدها
ماهيب جنيه ولامن الناس
تضرب بسيف ماتشيله بيدها
سيف لمنه ورد قطع الياس
يالي تحل الغز مليان لك انت
رجلا فهيم للمعاني تحلي
انشدك وش بنت تعلت على بنت
ورجالهن من فوقهن مستقلي
انشدك عن اغلام من دون تفصيل
يلقح لقاح ماتمسه جنابه
حرام لاكن حل عقب الغرابيل
معروف في عصر النبي والصحاب
ياويش رجلا يمشي الليل كله
جاه الضحى من ماقفه مامشى بوع
في صوح لوح مايغادر محله
تلقى جوابه على القراطيس مطبوع
الاياويش عذرى ماملكها بلوطى مخلوق
ولاضنيت يملكها بعد رجله ثاني
ملكها واحد له مسكنا عند البشر مرموق
وبعد موته بقت ماعاشرت افلان وافلاني
يامن حكم غيابي بلاعدام
ذكاه حطم دولة مستقله
لازال تلقاه البشر بعض الايام
مات الحكيم والمتهم في محله
ياويشرجلا مع الناس موجود
عجزوا عنه موسى وعيسى وداوود
وعجزوا عنه شيخان نجد هل الجود
وكل الاوادم مالقوله طريقه
ويــــــش شايــــــب يدينـــــه في امتونه
لامسكله صيدة مايجيه الى اعياله
يسهر اليل الطويل ولاتحقق في اعيونه
وان نصاه المعتدي ياقف على احياله
انشدك عن عذرى رقيقة حال
لها في كل الامر سريه
عذرى لجيل يعقب اجيال
بامر من الوالي رب البريه
ابنشدك عن شايب في وسط صندوق
يعطي اعياله كل مادار راسه
لهم على الشايب مطاليب واحقوق
وبتوزيع عيشتهم يذوق التعا سه
ياويش شي فيه خمسة رياجيل
لاانس ولاجان ولاهن بضاعه
اولهم اليا مات باقي بهم جيل
صاروا ثمان كلهم جما عه
وش لك من عذرى تستر الناس
والناس تعشقها ولاهي عشاقه
ماتاخذ الى من توده وبقياس
كمواحدا جاها وانحاش من غثاها
انشد ك عن ثنتين في موقع الياس
الله خلقهن في الاوادم علامه
لاهن ولد جن ولاهن ولد ناس
من رافقنه ماتشيله اعظامـــــــه
انشد ك عن عــــــذرى لهـــــا رجليـــــن
رجل يجامعــــــها ورجل يناظــــــرها
الي يجامعهـــــــا يضغط عليها زيــــــن
والي يناظرهــا يعلمك بسرايــــــرهــــــا
ويــــــش شــــــي يرهزاك
يرهز امــــــك من وراك
ان تقدم عقب الـــــــدم
وان تــــــاخر يا بـــــلاك
