THE NOTEBOOK
أغسطس 4, 2008مسـاءكـم / صـباحكـم ,, رومانسيـة ..
تقـريري راح يكون عن فـلم رومانتك أوي أوي .. من أرمنتك الأفلام اللي شفتها ..
وهـو فلم .. ][ THE NOTEBOOK ][ ..
.~.~.~.~.~.~.
الفلم مأخوذ من رواية بنفس أسم الفلم لـ الكاتب نيكولاس سباركس .. وهذا غلاف الرواية .,
.~.~.~.~.~.~.
غلاف الفلم ..,
.~.~.~.~.~.~.
المخرج ..,
Nick Cassavetes
.~.~.~.~.~.~.
الأبطال ..,
James Garner
Gena Rowlands
Rachel McAdams
Ryan Gosling
.~.~.~.~.~.~.
عام إنتاج الفلم ..,
سنة 2004 ..
.~.~.~.~.~.~.
مدة الفلم ..,
ساعتين تقريباً ..
.~.~.~.~.~.~.
نوع الفلم ..,
دراما , رومانسي ..
.~.~.~.~.~.~.
جوائز الفلم ..,
حاصل على 11 جائزهـ ومرشح 7 مرات ..
.~.~.~.~.~.~.
قصة نص الفلم ..,
في البداية يجيبون لك عجوز وش حليلها اللي هي ( جينا رولاندز ) , ودايم في حالها ولاحد يزورها وحالتها صعبة , وفيه شايب متعود يجيها كل يوم ويقرأ لها قصه وهـ الشايب هو ( جايمس كارنر ) , والقصة هي نفسها قصة الفلم , عن عشيقين نوح وإلي ( رايان جوسلنج و رايتشل ماك آدامز ) ..
قصة هـ الحلوين الآمورين هي , نوح شاب مكافح ويتيم الأم وفقير , وكيوت برضو .. , كان طالع مرهـ مع خويه للملاهي , وشاف ذيك البنية اللي تطيح الطير من السماء .. والبنية هذي بنت حمايل وناس هاي هاي عمرها تقريباً 16 داخلتن الـ 17 بـ الهجري , بعني من سابع المستحيلات إنه ممكن يلفت نظرها هـ الشاب الضعيف , عاد هو مستحيل يبي شي ولا يأخذهـ , فقام وشي سوا ,, قولي لي وش سوا , أها قلتوا لي وش سوا .. << يرحم امتس قصي زين ..
المهم , عشان يلفت نظرها زي ماقلت لكم فوق .. راح ونط على اللعبة ذيك اللي ما بعد عرفت وش سنعها في الحياة , اللي تصير دويريه وش كبرها , وكلها عربات صغيرهـ , تقعد فيها ثمن تدور على روحها وانت مغير راقي ونازل , الله من السخافة بعد .. << لو سمحتي ركزي في الموضوع ..
وقعد متعلق يقول لها , إذا تبيني إنزل واصير عاقل وما اطيح نفسي , أطلعي معي بكرا .. لاحظوا انه يقول هـ الحتسي , وصديقها جالسن جبنها هـ الحمار ولا قال شي .. أمحق رجال ..
طبعاً هي مالها إلا توافق , عشان ما يموت , ويصير ذنبه في رقبتها ..
وصاروا يطلعون مع بعض , وشوي شوي سحبت على صديقها الأولاني , وشوي شوي أعجبوا في بعض , وشوي شوي , صار يعرفها على أبوهـ , وشوي شوي , حبوا بعض مااارهـ ..
عاد طبعاً لزوم الأكشن , لازم يجي شي ويخرب عليهم , البنية اهلها قالوا لها يالله بس ما عندنا بنات يحبون قبل العرس , كملي دراستس أحسن لتس .. وأرسلوها تدرس ..
ونوح وعد إلي إنه يكتب لها في كـل يوم رسالة , وذا الضعيف قام يكتب ويكتب لمدهـ سنة كاملة ولا حصل رد ..
بعدها قال ما بدهاش , شكلها كرشتني , ومير يهون معد كتب شي ..
ومرت السنوون , وكبروا الصغار , والأحوال تغيرت .. والباقي عاد أنتوم شوفوهـ , لإن لو كملت لكم السالفة , حرقت الفلم عليكم , وأبصير مالي داعي ..
.~.~.~.~.~.~.
دعاية الفلم ..,
~.~.~.~.~.~.
رابط التحميل , تورنت + الترجمة ..,
http://www.mal7aq.com/vb/forum38/thread5744-post338225.html
.~.~.~.~.~.~.
