|
|
|
|
التسجيل | إسترجاع كلمة المرور | تفعيل العضوية | طلب كود تفعيل العضوية | إتصل بنا
10-10-2007, 02:06 AM
|
#136 |
 
|
رد: Prison Break (تغطية السيزون الثالث)
السلام عليكم ..
أنتم للحين تبطحون فيذا  <- آوتـبعدين ليش الصور ما تطلع  المهم أبي ترجمة الحلقة 21 & 22 من سيزون تو <- مغررزهـ عندهن لآنهن مترجمات عندي بـ الفرنسي ولا عليكم أمر   سيــآااا .. |
|
    |
|
10-10-2007, 10:18 AM
|
#137 |
 
|
رد: Prison Break (تغطية السيزون الثالث)
^
^ ياعردزي بوه موضوع خاص للطلبات http://www.d77b.com/vb/showthread.php?t=2050 طبي فيه حياتس محجوز لي تقرير الحلقه الرابعه اذا امكن  برب ابشوفها واسوي برنتات وكيذا |
|
|
|
|
10-10-2007, 10:20 AM
|
#138 |
 
|
رد: Prison Break (تغطية السيزون الثالث)
وانا الي محجوزن لي الحلقة الخامسة
 حقت الي بعد العيد برب اشوف الحلقة الرابعه الحين وجاي انتظر تغطية ماحولك |
|
|
|
|
10-10-2007, 02:34 PM
|
#139 |
|
|
رد: Prison Break (تغطية السيزون الثالث)
ترجمة الحلقة الرابعه باسلوبي
بالمرفقات |
|
|
|
|
10-10-2007, 03:12 PM
|
#140 |
|
|
رد: Prison Break (تغطية السيزون الثالث)
الحلقه الرابعه " الحلقه التي تقهر جدن " وقسم غش غش غش وش ذا الاحداث حلقه اليوم كلها فجعات  بريفيسلي اون بريزن بريك * شفنا كيف ماهون في السيزن الثاني اقنع هاورد المجنون انه ينتحر ومات بسببه هالتسلب الاجرب * بيليك للحين ماشي على التصنت والوزوزه ورا الجدران بس يتسمع كود تجيه معلومه تسذا ولا تسذا تفيده * جيمس ويسلر وصديقته يتشاورون بامر الاخوان بوروز وسكوفيلد * لينك ومحاولته الفاشله لانقاذ الرهينتين ال جاي وسارا من ايدي العدو جعل ايدينهم الشلل قولو آمين * the box  ثم بدأت الحلقه *ّ*ّ*ّ*ّ*ّ*ّ*ّ*ّ*ّ*ّ*ّ*ّ*ّ*ّ*ّ*ّ*ّ*ّ*ّ ^ تبطون ما تلقون مثل هالزخرفه شفنا اول شي لينكون وهو راكب التكسي ورايح يزور اخيه بالسجن وجايبن له سندوشته حلاوه طحينيه شعر << تراي اتسذب وباين على وجهه الهاندسوم التعب والقهر والحزن طبعا هذه المشاعرات والاحساسات جت عقب ما شاف البوكس المنحوس اللي كان بالقراج وداخل سونا كان سكوفيلد مغير يا رايحن يا جاي يدور له خطتن كذا ولا كذا عشان يطلعون وجع العنز ويسلر ويفتكون من شره وهو ماشي قام يويدز مع الدريشه ^ ^ يا زين اللي يوايدزون يانااااس ما اقو الا يا ليتني دريشتن في سونا وشاف حفار القبور الخاص بالسجن هذا سلمكم الله وش شغلته اذا طلعو هالجيف الميته من السجن يجي هالحفار ومعه شي يرشه على الجيف ويربصهم بماده كيميائيه عشان لا يخيسون وتطلع ريحتهم همن يحفر القبر ويدفنهم عاد سكوفيلد في مخه يبي يدخل هالحفار معهم بالخطه عشان يهربون وكيذا << قولي قاا همن جاه هالملقوف جيمس ويسلر يقول ميد سكوفيلد ياخي قل لاخوك يعطين كتابي ترا وقسم احتاجه باتسر لا قالوا لي وش سويت بالموضوع اللي قلنا لك عليه ابقول لهم كل السبه من لينكن هو اللي موزين كتابي وعيا يخلين ادرس وترا هالناس اللي برا يبي يلعنون خيرك وبيسون لك اكشن عاد سكوفيلد ما رضى على اخوه ومير يكرشه قال له هاللحين ورا ما تاكل تبن وهالاكشن دسه بوشسمه ترا منيب اهتم فيه الزبده في ردة الفعل وانا اخوك مهب في الفعل نفسه وسفهه وطلع من السيل وصل حبي ومستقبل غيري لينكن بن بوروز لسونا بالسلامه وفي وجهه اخبارن ما تطمن بس ما حتسى ولا قال شي لاخوه << قاعدتن تبتسي ومايكل يقول وش بلاك ياخوي وجهك تسن بك حمى ولاش عسى ما شر ولنكن مغير يقول بس افكر بحالنا وكيذا قال سكوفيلد اسمع يا اخوك هاالحفار شكله بيفيدنا زبنه باي شي ونااه هالورقه مكتوبن فيها وش لازم تسوي تصرف معه وخله معنا بفريقنا عساس نصير الفرسان الثلاثه انا وانت والحفار تسننا موافق ووخرو وجاسم اللي فازوا في فعاليه التقنيه << تصدقون اني منيب احب التسذب ابد همن قال مايكل : لنكن وش بك تسنك مخبي علي شي ؟؟؟ لنكن : لا ابد بس وشسمه كل الناس اللي تأذو عشاني وكيذا تسن ضميري وده يأنبني << بدري يابوو تسان صبرت شوي اومير يهوشه مايكل يقول كل تبن بس مهب انت اللي اذيتهم هذول الاشرار الحقراء المعفنين هات بوسه ياكلب << تسني تقمصت الشخصيه او لا  المهم طلع لنكن وعينااه تفيض الدمع ويروح ويقضب له زاويه وقعد يبتسي ^ ^ ياعزي لحاله وقسم انعفط قلبي عليه طبعا كلكم تبون تعرفون ليه هو زعلان وكذا و وشهو الشي اللي شافه بالصندوق اللي خلاه يتفل العافيه اترك لكم الصوره لتحكمو دقيقه صمت لتخليد ذكرى رويس المرحومه سارا الصدز ان عييناتي غورقن وبطبطن وثم هبطت بعض الامطار الغزيره وكان باقي نقطه واسكر الحلقه اشوا اني تفرجت هالحلقه لحالي وازوفا مهب معي ولا تسان نياااااح ما يبقى عايرن ما نبتسي عنده مير على الطاري ازوفا وقسم ما قويت احتريتس الين تقومين عشان نتفرج سوا بتلت عيوني تحكني الين تفرجتها وليتني ما تفرجتها وقسم نحس هالحلقهالمهم هذا هو الشي اللي كان مضيقن صدر لينك ومأزم وضعه وما ينلام والله  الزبده انه راح يقابل بنت ابليس مدري وش اسمها اللي تبع الكمبوني :sوقعدت تقوله ترا انا مالي دخل انا عبدتن مأموره << ايه مره عبده ما اقول الا اهب يالسيقان ويعني ترا الشي اللي سويته كان غصب وانا زيي زيك انت جندي وانا جنديتن مثلك انفذ الاوامر وانت بعد لازم تنفذ الاوامر ياااعردزي يالينكن قال ابد لتس اللي تبين بس لا يجي وليدي شي قالت عاد هذا شي بيدك وانا اختك ان تسانك ما تبينا نهتر وليدك ونرسل لك كل يوم قرطوع التزم باللي نبيه وخل عنك السربته << تبون الصدز بديت استشف احتمال حدوث علاقه رومنسيه بين لنكن وبنت بليس في الحلقات القادمه يعني عقب فيرونكا البعرصيه اكيد ان ذا القشطه بتجوز له او لا قال ابشري لتس اللي تبين بس ترانا نبي ندخل حفار القبور معنا قولي تم قال تم بس جب الكتاب يالهيس ترانا درينا ان اللي عطيتني مهوب الصدزي عاد لنكن عقب ما شاف رويس سارا يتدربى بهاك الصندوق خاف على راس وليده وعطاه اياه << تصرف سليم المهم نرجع لسونا وسكوفيلد وخطته للهروب نشوف سكوفيلد وهو يتناقش مع ورع الباسكيت يقول له: اتحداك تجيب الهدف ذا مرتين قال الورع: من وشو؟؟ قال سكوفيلد: 20 ريال قال الورع تم اومير ما يجيبه عاد تسنه تحسف الورع قال تخبر ياخوي الحاله كسيفه ومامعي دراهم اصبر علي قال مايكل : ايه ما يخالف بس انا ابي شي ثاني قال الولد : لا ياخووك منيب ما بي مشاكل قال ما يكل : ما ابي الا هالصليب اللي انت معلقه في رقيبتك قال الولد : لاا ياخي ذا معطينياه ابوي نجاحه يوم تخرجت من الكفائه لا تصير كذا عاد بدين من قايلن لك انه ذهب تراه مغير لصفه كذابيه مهب ذهب والله قال ما يكل : اني داري انه مهوب ذهب الزبده ابيه وبس قال الولد : بس هالمره لازم اعرف ليه هنا نرى ثيادور تي باغ وهو يتحسر على حاله في اثناء مشاهدته لمنظر جميل جدن في غرفة الزعيم الاسوديكا ويقول في نفسه : ياوجه العنز مدري وش انتي لاقيتن في هالتيح الهقوه انتس طايحتن في ربيع ياداشرة التسلاب ومن ثم وعلى حين غره طفا الكهرب ومن جهتن اخرى نشوف ماهون وحالته الي كل ماله من ردي لاردى مسيكين من كثر فقدته للقضوم اللي كان ياخذها برا الرجال قام يهلوس ويطلع له المجنون هاورلد بكل ربعه بالسجن ويسمع صوته كل شوي يحرشه على سكوفيلد ويحرضه على انه يقتله << هاللحين ماهون ورا ما ينتحر ويفكنا همن جاه سكوفيلد قال تراك معنا بالخطه يا اليكس بس بشرط تجيب لي قلم اسود له راس حديد حاد << يبي يسحب به شوي كوده ينهبل وينتحر ويفطس قال الكمخه اليكس: ابشر اجيبه وانا ولد ماهون قال له مايكل : وابي شي ثاني بعد ابيك تضبببط نفسك تراك صايرن تخوره هاليومين مغير تراقل وتلفت تسن داخلك سكني ترا هالحركات تبي تفطن الناس لنا وهالشي ما نبيه شف لك صرفه بنفسك و اقضب روحك قال اليكس: هاه ايه ما عليك انا مسيطر عالوضع << ايه من جنبه اشوا ان عييناتك مغير تلاقط تشاوف هالمجنون هاورد بقرن السجن ساد فيك مير وقعد يجتلد يدور هالقلم باللي هي به يبي يصير بفريقهم وهو يدور ويطلع له الحقير بيليك من ورا الخرقه عاد بيليك هاللحين عنده طرف السالفه ان مايكل يبي يهرب ويسلر بس يبي التفاصيل عاد حاول يجرجر اليكس على اساس ترانا كنا اخويا من زمان وكيذا يالله علمني عاد وكيذا قال اليكس: اقول براد عندك قلم اسود؟؟ قال: لا قال :اجل ضف خشتك همن جابو لنا جيمس ويسلر وهو يتشاور هو ورفيدزته تقول له تراني دريت عن خططكم يالسملق تبي تنحاش مع سكوفيلد يا التسلب ولا علمتني قال لها : يااهووه روقينا ترا انا مثلتس مدري وش السالفه بس الزبده اني ابطلع من هالمكان ونبي نختفي انا وانتي للابد بس عاد لا تصيرين نشبه مهب لزمه تعرفين كل شي ترا وضعنا خطر واخاف يجيتس شي قالت مالك دخل انا منيب استأذنك انا اقول ابساعدك غصب من ورا خشمك علمن وش اسوي بس وانت عاضن على شحمه قال اجل اسمعي هم شكلهم يعرفون كل شي عني انتي ابيتس تعرفين كل شي عنهم وتجين تعلميني وبس همن عقب شفنا سكوفيلد وهو يسرق الشطرطون ما اقول الا ليت ازوفا شطرطون << اجحديها يالجربا همن جاه اليكس بازن بقلم يقول نااه لقيت لك اللي تبي قال مايكل : لا مهب ذا اللي انا ابي وين عيونك ياجعلك الحول دور لي غيره ذا ما جاز لي << بس يبي يسحب به وكيذا بعدي والله هنا نشوف زعيمهم وهو طاااااااااااااق امبيره من ذا الكهرب اللي طفا ويقول ميد سكوفيلد : اقووولك تسنعه يعني تسنعه بدون كهرب ما اقدر اشحن هالجوال واذا مافيه جوال يعني ما فيه اكل مافيه مويه ما فيه راهبات نص كم  دبرنا يا سكوفيلدقال سكوفيلد : بس ترا الاسلاك وهالخرابيط مهيب من شنقنا هذي من شنق الارض اللي عند الحراس واللي خبرته ان اللي ياطا هالارض يطخونه بالرصاص طختن وحده وانا ما بعت عمري قال الاسود : ابد ما عليك انا ادبرك بس سنعه لي واللي يرحم والديك تراني رجالن عجل ما اعرف اصبر << وش يصبر عنه الله اعلم قال سكوفيلد :طيب ابسنعه بس بشرط تعطين هالزنزانه ( فيس يأشر على زنزانه ) موقعا زين ودريشتها شرقيه زينه ابيها قال الاسود : تم وفي هذه الاثناء لنكن كان قاعد يضبط وضع حفار القبور عساس يتضامن معهم وخذا معه الاسبانيه صديقه ويسلر عشان تترجم له عقب ما كسحه سوكري وعيا لا يجي معه عاد تسن بغو يروحون ملح عقب ما حس الحفار انه يعرف البنت يقول انا تسني شايفن خشيشتس من قبل وهي تصرفه قال : اها بس اخلصوا علي انتم وش تبون مني وعلموه وش يبون واتفقوا على 15 الف دورار عشان ينضم لهم راح سكوفيلد وويسلر وبعض المساجين لارض الحراس عشان يحفرون يدورون اسلاك الكهرب وجا معهم بيلك عقب ما هدد سكوفيلد يقول له : انا خابرك انت وراك بلا علمني وش عندكم واصير معكم احسن لك اومير يخصره سكوفيلد ويقول له صم بس صم ما عندي الا هالكهرب اللي ابسنعه تبي تحفر معنا دووك الشفل احفر معناوهم يحفرون ومير يلقى مايكل صندوق الكهرب بالارض ويقعد يحربش فيه هو ويسلر وتسنهم دفنو فيه شي همن غطوه بالتراب همن صكوه كل ذا وبيليك يناظرهم وعييناته كلها شر يبي يفضح سكوفيلد عشانه عيا لا يدخله معهم بالخطه لكن خسأت يا بيليك وستنال جزائك عقب برهه راح هالجرذي بيليك لم الزعيم وقال له ترا كيذا وكيذا هذا اللي صاير ودام انهم ما خذوني معهم اجل بخرب عليهم << الله من النحاسه بهالرويس وقال له ان تسانك منتاب تأكد رح شف وش دفنو بالصندوق وجعل رقبتي المصع ان تساني اتسذب وهه ( لعط اصبعه وحط فيه سعبوله همن سوا حركه صليب على رقبته ) قال الاسود ترا ان تسانك تكذب فعقوبة الله عليك همن راح لسكوفيلد قال وش انت مسوي يالهيس قدامي عالصندوقوراحوا للصندوق وخلا مايكل يفتح الصندوق ويطلع اللي دفنه طلع سكوفيلد الذهين الرايع العبقري مغير ملصقن شطرطون على الاسلاك عساس انه يصلحهنقال : هااه شفت مغير مسنعن هالاسلاك عشان لا تتفكك وهمن غطيتها بالتراب عشان لا تتحرك من مكانها وتبلشنا مره ثانيه على هالكهرب اومير يتفشل هالاسود : ايه ما يخالف بس كووه نروح نولع العداد نشوف زان الكهرب ولا لا قال مايكل : ابد عنك انا اروح لحالي قال الاسود : اقول رجلي على رجلك قدامي بسهمن توهق مايكل لانه ما يقدر يرجع الكهرب الا اذا شال الصليب اللي في سلسال الولد من مفتاح في العداد اللي على جنب ويعني لو درا الاسود ان سكوفيلد هو اللي لاعبن يالكهر ان يخلي اذنيه واذني مايكل اربع بس ربك ستر عقب كمن حركه مع بوقس محترم من مدهون الصير الاسود الثاني قدر سكوفيلد انه يشيل الصليب من غير ما ينتبهون الاشرار ورجع الكهرب مره ثانيه وفرحو وفالو هييييييييه هيييييييييه وكذا همن شفنا تي باغ وهو يتلحوس عند المحصل حق الزعيم اللي يجيب الدراهم وهو ايضا راعي مخدرات وكيذا وتي باغ حس ان شغلة هالمحصل بتفيده وبغاه قال يا ولد شلون اخذ وظيفة الرجال مافيه الا اني اذبحه والله وما عاقت زنط الرجال وفطس همن بعدين ترقى وصار هو المحصل ^ ^ اقنعننننننننننننننني يعنني بريئ ومالي دخل وقسم هالممثل خورااافي مهب سهلن ابد وبعدين لنكن وبنت ابليس راحو عشان يتفقون مع الحفار على اساس يسلمونه 15 الف همين يبدا الشغل بس هالحفار طلع طماع قال ابي زود 15 ما يسدن ابدن قالت بنت ابليس انا اعلمك شلون ما تسد طراااخ طراااخ ذبحته بنت بليس وقالت للنكن ترا هالرجال نصاب كان ناوي يسلمنا للشرطه عقب ما يلهف قريشاتنا خن نروح لم اللي اكبر منه والمشرف عليه ونضبط وضعه احسن وصدز راحوا له وضبطوا وضعهم وعينو لهم حفار قبور جديد وسنع من تهقونه ؟؟ بعد شوي اعلمكم بليك رااااح ملح عقب سالفه الصندوق اللي طلعت تسذب جرجروه هالعبند لوكرهم همن بطحوه على بطنه وفصخو فنيلته ومير يزعجووووون عليه هاااااك القهوه الحاااااااره تحرق ظهره حرق جزائن له وردعا لامثاله عشان لا يتسذب ثاني مره ساد فيه هالتسلب الاجرب لااااااا يفوتكم اليكس وهو هاااااااي ابو الشباب خذا له ابره اومير يستاسع صدره ويغدي حليو مغير يتبوسم  بس ان للحين بليس هاورد في راسه يحرشه على سكوفيلد وقام يهدده يقول ترا ان تسانك تلعب علي لا تلوم الا رويحتك هاهاهاها<<تاثير الابره مهب مصالتن مني :ي همن شفنا الحفار الجديد منهو ترااااااااااترااااااااااااااا سوكري يبي يفيدهم بالمنصب الجديد جعله الله فاتحة خير عليهم بيسنعهم ان شاء الله وبيساعدهم انهم يظهرون من سونا عن طريق هالماده اللي يرشون بها الجيف يبي يغليها همن يرش بها السور اللي محاوطن السجن عساس هالماده اذا انغلت تصير مذيبه للفولاذ وكيذا << يعني زود على ان برزن بريك وناسه بعد فيه معلومات علميه وطبعا الكتاب اللي خذوه من لنكن حق الطيور وصل لصاحبه وسلر مع رساله تقول الوقت كالسيف ان لم تقطعه قطعك وبكذا تكون الحلقه الرابعه خلصت بما فيها من زين وشين مرينا بلحظات بطبطت دميعاتنا ومن ثم لحظات من السب |
