سطير الزلابه ((موضوع يرضع نذاله)) ..!!

A S 6 O R H · 20-06-2007, 10:17 AM

انا فقيـر

لكم الكلام يا اعضائي وهي خطرهـ وخلوها الرقابه تسجن راعية الموضوع و جمهورهـ هدوئن (( طن طن طن يصقع بـ الملعقه ع الكاس )) هدوئن ايوهـا الزلايب حضور الذب و العطله صباح الخير ع الصاحي قبل الفاقد واشوف الناس مخموره انا آسف ع الازعاج ولكن طارت السكرهـ ذكرت اني قبل ساعات اصير لـ عزوتي نورهـ (( تراني حامل )) على فكرهـ الكرفته عجزت افكها ابي واحد ينزلها او اي وحدهـ ومشكورة وابي ثوبي .. جيبو لي ثوبي الاشهب مع الغترهـ لا والله اطربقها ع الموضوع وحضورهـ ولا واحد يتكلم قبل ما اخلص الكلام لا اللعن صير صيركم ومن يحكي قسم بالله لا ادوس برجلي حنجورهـ تراها قفلت (( طيب افتحها )) وهي ما دامها خربت بقول هـ الصبحيه ثورهـ انا بحكي من اول يوم جيت لـ دنيتن قذرهـ وتكرم عن قذارتها بيوت الله ومعمورهـ انا مولود في ليلة شتاء مع بردها مطرهـ في خيمة وسط صحراء ما بها سستر ودكتورهـ (( يا روحي يـ الواحد وخمسون )) << لـ عيون حقين المدارس والعطله وولف وماحولك احد
انا يا حضرة السادهـ غريب وضاع من صغرهـ .. لعن جدي زماني بين مدهورهـ ومهجورهـ حملت من الشقا ما لا يطاق وجايكم ذكرهـ ولا ني عاجز اتحمل واموت بنفس مقهورهـ وانا ادري يذبح الرجال كثر الصبر في قهرهـ وعن قهر الرجال .. المصطفى حذر و مذكورهـ (( طيب انت حامل شلون تصير رجال )) وهم قالو مفايتح الفرج للحي في صبرهـ وانا اشوف الصبر مفتاح ضاع وزاد طابورهـ تعبت اللملم ايامي وانا احمل من هـ المواد الملعونه و بيدين الهم والحسرهـ تعبت اللمع البرواز وامسح غبرت الصورهـ (( اشوى انك فاقن خشتك ع النت )) تعبت ابوس كف الجوع وخشم الفقر طال عمرهـ << يا جحلط شفتو اني واصل وابوس
تعبت اكذب ع الحاجه واقول الحال ميسورهـ (( صورتي الرمزية كلك يمين حفظ بـ أسم اقرو الاسم ولا تحفظون الصورة )) تعبت احمس من القهوة واحط السمن والتمرهـ وانسى دروسي تعبت ودلتي وحدهـ وكل شوي منثورهـ احسب العز بـ الدله .. انا بداخلي بذرهـ .. عن علوم المراجل الف بذرهـ فيني مبذورهـ (( بلا دراسه بلا هم )) تربينا ع الدين ونطيع الله مع الشكرهـ تعلمنا نصلي ونحفظ القرآن وكل صورة .. تعلمنا نحب الضيف وفينا الكرم فطرهـ تعلمنا نقول الصدق لا لفه ولا دورهـ تعلمنا الظماء وحنا بيدين البير محفورهـ .. تعلمنا وكثير اللي تعلمناهـ وش كثرهـ اخذنا درس بـ الدنيا بلا دفتر وسبورة (( )) وانتم يا سكارى الحفل عفوا ً يا ايها الزلايب منهو فيكم عرف قهر الزمان وظلمه وجورهـ وحمل له مادتين والترم اللي بعد مادتين للحين منهو فيكم وطاهـ الجوع وذله وصفقه فقرهـ منهو فيكم عرف يحتاج للقمة ونشف زورهـ منهو فيكم من الضيقة حفر بـ اصابعه قبرهـ منهو فيكم رقد ليله وسط اجساد مقبورة منهو فيكم مشى حافي بزفلتن كنها الجمرا منهو فيكم راح لكليته بـ سيارتن قرنبعه منهو فيكم لا جاء يعبي بنزين قال ما عندك اقل من الواحد و تسعين منهو فيكم سهر ليل الظلام بدون ابجورة منهو فيكم ما طاح اللفين مرهـ وتسلم الجرهـ وانا من قبل اطيح وجرتي بيديني مكسورهـ (( بلاك مطفوق )) لكم الماء والوجه الحسن و المال والخضرهـ .. ولنا حنا الظماء والجوع وفقر وشيفتن عورا .. (( حتى بـ الوجيه ان حصلت لنا الشينه )) ولا مرهـ حظي ضحك في وجهي واشكرهـ المرهـ .. وغيري مبتسم حظه وكل ايامه مسرورهـ (( اهب يا انتم )) انا يا حظرت السادهـ فقير وانا يا حظرت السادهـ هنا الصبحيه وعلى فكرهـ ترا هـ البدله مسروقه ورجلي بجزمه محشورهـ ولكن قلت بحضر هـ الموضوع والعمر بـ اختصرهـ وابي ابدع معاكم وسط ليلة انس و محظروة (( دقو اللطم يا عيال فيه بحوث )) واذا كانت رجولتكم بـ كاس الثلج والخمرهـ انا بشرب بدون الكاس وثلجه الف قارورهـ (( وولف تعرفني لمني خربتها ولا انواع السك )) ابوي قال لي مرهـ دسم شاربك يا اسطورة بـ الغبرهـ ما يدري بـ الشنب محلوق واسطورة فاقد شعورهـ .. انا بمشي مدام الصبح ودع وابتدى ظهريته .. بروح ارجع البدله على هـ المعلاق مزرورة وانا ادري يا كلاب الذب والموضوع اني بسجن بكرى من القاضي مدام هـ الليله جبت العيد بـ الموضوع واعضائه

هايدي سحقـا ً لكي وعليكي اللعنه

// ملاحظات الرد //

شعر : جابر هيف
تعديلاات بسيطه ع الشعر : الاسطورة والحالة ميسورة

WOLF · 20-06-2007, 01:23 PM

<< رااح بيجيب الماوس بيشبكها باللابتوب ما يعرف يمخمخ الا فيها " كيفني انا ولابتوبي الجديد "

دقايق ونفتح ((الملف الاسود وماجاء في ذكر الاسطورة المتسعود ))

A S 6 O R H · 20-06-2007, 01:41 PM

وولف تراني توي جاي من الحلاق والشنب مكينة ع رقم 2 والسكسوكه ع رقم 1,5 ياخي اعوذو بالله ما حلقت من ايام الاختبارات غاديتن تسنها لحية مهيب سكسوكه الا وش اخبار خويك اللي رحنا له الصبح هاك اليوم ما غيرهـ يومنك تبي تسافر << للحين الصور عندي (( تهديد صريح ))

ابلهـ عطيات · 20-06-2007, 01:45 PM

وولف و سطير..

اللهم اجعل كيدهم بينهم ..

عشان كلن يطلع لنا المستخبي

روتــــــــــانا · 20-06-2007, 01:48 PM

الاسطوره

تراني ابشرك قريت الي كاتبه كله علشان افهم

واعجبني جملتين (( السوال الاول )) << متاثر بدفتر الاجابه

اقتباس

(( دقو اللطم يا عيال فيه بحوث ))

اقتباس

انا بشرب بدون الكاس وثلجه الف قارورهـ

يقولون ان السك حار ويقطع الحلق

بعدين حلقك ينعدم مب كافي الشيشه الي قالبه صدرك ورشه

لي رجعه بعد مايطلع الملف الاسود ولف

ابلهـ عطيات · 20-06-2007, 01:54 PM

من هذا المنبر...

احب ارحب بالعضو خفيف الظل وا لنفس والعقل

رت رت ..

واقول له من صميم فؤادي ..و اقصى ما تقصى من قلبي ...

طلع عنك الشر ..يادويفير ..

نعنبو بلسيك ...احسبك فاطس ولا شي..

لنا شهرين ما سمعنا حسك ...
عز الله الي صكيت الاول على المملكة وانت مغمض ..

ولكم باك رت رت

روتــــــــــانا · 20-06-2007, 02:04 PM

يسلمو عطيات

بلاك ماتدرين غرفه فيها جهاز كمبيوتر ولا اي جهاز الكتروني مسلي مسوين فيها حظر تجول

من ناحية الاول ماضنتي ولا فيه امل << متحطم بعد اختبار الانقلش والادب

يعني على النسبه الاولى طاحت 6 نسب

بس المهم بتصير في التسعين

WOLF · 20-06-2007, 05:26 PM

((الملف الأسود وما جاء في ذكر الأسطورة المتسعود ))

المجلد الأول
الصفحه الأولى

( المقدمه )

بسم الله الرحمن الرحيم وبه نستعين والله يهدينا السراط المستقيم , ايها الحضور الكريم , انني احييكم من هذا المنبر وكلي أمل (يالبيه ) ان افضح هذا المدعو بالمعزب والذي حقيقةً لا اعلم كيف اصبح معزبا, ونحن في الملحق معزبين عليه فـ من تسيرة على تسيرة ومعزبكم ما غير يمشّي دوره كل يوم ويا قلبي لا تحزن

ايها الحضور الغفير الي كنة جمهور ديربي الوسطى , لا يغرنّكم المدعو بالاسطورة فهو ما عنده من الاساطير الا اسمه الي جا على طريقة (سمّوني قرندايزر يرحم امكم ابي احس اني قوي ) قم صب شاهي واقلب الصفحه

شخخخخط <<< صوت قلبة الصفحه واصابعك مابها سعبولة

الصفحه الثانية

من هو الأسطورة ؟

انه كائن برمائي ,, يعيش في ملحقهم ,, وما عنده مشكلة تصب عليه خزان موية , ولذلك سموه بالبرمائي اضافة الى انه يقدّر الرضع من شيشته المصدية

(صورة الملحق) <<< افهم يا تبن افتح ملحقكم بصور

يهوى النت والتبطح قدام اللابتوب المعتّق بالفضي وملصقن عليه صورتي من زود الحب ,, ويحب يمدد رجولة الي تسنها كتكات ابو قصديرة (عاشت ماحولك وخواتها الموزع الرسمي لابو قصديرة ) دقيقة على طاري ماحولك مبروووك التخرج واهديلك حافظة فاضية تحطين لنا فيها من مطازيزكم سمعنا ان كوكي مطززة اليوم )

ويعشق الاسطورة سماع الاغاني الي فيها عشق ووله وغرام ومسوي حبّيب الرجال وهو اصلا فوق النخل يعني يرحم امكم تراني احب ولي شعور واحاسيس << مستحي مهوب قايل حمار اجل وش زود هايدي عني ( هايدي تدرين ؟ خن نطقها بوجه وماجانا على مدري تهوشه )

ومن الاغاني الي يسمعها وينطرب معها اغنية ( المعازيم ) لانه كل ما سمعها يذرف دمعتين مهوب حب .. لا .. لانه مسيكين يحب طاري العزايم بس من زين خشته محد يعزمة ,, حظة السيئ وسحابته على اخوياه الي معهولا كنه يعرفهم وحركات منفوحة .. كل هذا يجيب النحس للي قاعدين معاه .. اجل ذيك المرة قاعدين نفطر ببوفية ويطب علينا التركي ويشوفني وانا اطبع من الكتاب قبل الاختبار ومن زود النحس جا التركي وقعد معنا ويناظر فيني يقول لو انك في تركيا الحين تسان علوم انا بالنسبة لي ما همني كلامه .. بس حسيت في عينة نغزة مهيب شريفة طيب يا اسطورة افزع سو شي عدل بدل ياخوي وش قلة الحيا ذي الي فيك هات الخمسة تريل حقتي لا ابو من يفطرك مرتن ثانية

اقلب الصفحه وش تناظر ?

الصفحه الثالثة

ومما يعرف عن الاسطورة .. حبه الجم للترزز عند بنات خلق الله يعني ما خلى مدرسة في الرياض الا وهو زاهمن على وولف والكلب يجيبها بطريقة غير مباشرة ( وولف تعال يا حبيب البي اليوم الغدا على ) واذا مريته قالك خذلك لفة منب جوعان خن نأخر الغدا شوي . واشهر مكان يتواجد به هذا الثنائي وولف والاسطورة مدارس التربية التموذجية ومدرسة الواحد والخمسون
لا تلومونهم . بل لانهم سمعوا الكثير عن حنان ورقة من بداخل هالصروح المدرسية << اهداء لمدري وراح اليوم ولا هو الي حطلي غدا ولا يحزنون

صفاته

يتصف الاسطورة بالعديد من المزايا ,, يعني هالادمي فل كامل جناح وفتحه ومراتب جلد مستحيل تركبة معك الا وهو ماسكن الدركسون عنك ويلف بك على اقرب بقالة وياخذلك ابرد هولستن تفاح ,,, اما اذا رحنا لجنوب الرياض الاقصى ولا شرق الرياض الاقصى فيتغير الحال ويأتي بدال الهولستن تفاح " تروبيكانا تفاح سكككك "

ويتصف ايضا بالانفصام .. مرات وانت قاعد معاه بالملحق تلقاه مهوب صادن عنك .. بعد شوي تلقاه يضحك . بعد شوي تلقاه يرقص .. بعد شوي تلقاه يصيح بعد شوي تلقاه في حضنك يشكي لك

ويعرف عنه النوم في الصباح والسهر في المساء , حتى سموه عيال الحاره بـ " الهايم السهران" ويوم ان بيتهم في ظهره لبن كانوا يسمونه عيال حارتهم " النا&

سطير الزلابه ((موضوع يرضع نذاله)) ..!!

ذهب الملحق