باب الحارة (تغطية)

	اقتباس
	على قولت الوالد مغير ياكلون ويغسلون

	اقتباس
	انشاء الله تكون تغطيتي خفيفه عليكم بس حبيت اكتبلكم كل شي

الحلقـــه نمبر فايف
<< ( فيس يكمخني مع اسفل راسي ويقول يرحم امتس ماصله بدون )

//

اول شي شفنا شلون ابو شهاب يطالع سطيف حسيت انه بادي يشك فيه ..!!

وعبـدو تسـامح مع ابو مرزوق مشـان الخمس ليرات ونص ( ابو عصـام هو اللي كافلن عبدو )
جــايز لي شكل ابو مرزوق وهو زعلان

الرجـال اللي بالقهوهـ حايمتن تسبدهم من ابو غالب وليش انه يتمشى بالحـارهـ كيذا على كيفه !!

ابراهيـم استأذن ابوهـ انه ياخذ قماش لـ دلال .. أخذهـ وراح لامـه قال لها خن نروح لهم قالت له لا وين عيب ماقلنا لهم ولا شي ! قال وشسمه خن نخليها مفاجأهـ لأن صراحتن ياميمتي اني ودي اشوف دلال زين وكيذا امـه عسرتها شوي .. بعدين قالت انها بتكلمهم عشـان يروحون ..

( هدى اتوقـع كيذا اسمها ) .. بنت أم بشير فيه شين منتفخ في رقبتها .. ام زكي تقول انها عين .. لآن شكل الورم جاي مثل بؤبؤ العين << يقطعهم ويا افكارهــم !
حطوا لها هذاك الشي اللي تقول انه يحر وكيذا .. عاد شسمه ام زكي تقول لـم ام بشير انتبهي لبنيتس من عيينات الحريـم .. وخلي الشيخ عبد العليم يقرا عليها ..


أبـو مرزوق راح لـ أبو عصـام يقول ان عندهـ بلا من شهر وكيذا همن قاموا يتساسرون وأبو عصـام يسوي ردات فعـل وكيذا .. عصـام ذابن اذينته بس ماش ماسمع شي !! يوم قـاضوا قال ابو عصـام ايه اجل حمد لله احد تصول عليه عينه ولا يروح لـ الطبيب

أم ابراهيـم و ولدهـا راحوا لـ بيت دلال .. ( معتز ) قال لـ جميله قولوا اني مابعد جيت << ليش مايندرى عاد !! .. المهم دلال دخلت على هذاكا وسلموا على بعض وكيذا ..

لطفيه ليتني حق السيناريو مدري شسمه عشـان اموتها كريهه كريهه
زعله ان عصـام ماوداها لأمها امـس .. قعد يعذر يقول ان عندنا شغل واجد وكيذا !
ومن بكرا الصبح وداها لـ أمها وقامت تقولها عن معتز يوم يشوفها بحلقة امس وتتشكى وكيذا يعني ..

أبو مرزوق رجـع لـ ابو عصـام .. فـ صرف ابو عصـام ولدهـ
قاله ابو مرزوق ان الهذا ماضبط مادري وش قاله وكيذا همن قاله قبل بساعتين ألحس عسـل قد ماتقدر وكل لوز وصنوبر وفستق ومن هـ الشي ( يا والله ان السالفه مهيب في السليم )

أبو بشير راح لـ أبو عصـام << كلن يروح له اليوم بس ابو شهاب ماشفناهـ زين
ايه وش كنت اقول .. راح له عشـان بنته ( هدى ) قاله عن مرضها وكيذا قال اني لازم اشوفها .. فـ أبو بشير سأل شيخهم وقاله ان مافي اشكاليه عالج ابو عصام البنت وعطاها شاش واشياء وقال ان الهذا جايها من قرصة مدري وشو

فريـال ( بعد ماتشكت لها بنتها ) قالت لم عصـام ان حاتسى اخوك بنتي مرهـ ثانيه معدهيب راجعه معك .. ويــوم رجعوا هاوش عصام لطفيه ويقولها يعني انو مو كل اسرار البيت تخرينها لامتس

نرجـع لأبو مرزوق .. راح لابو عصام وقال له ان الوضع تمام همن راح للقهوهـ وتكلم مع ابو حـاتم و ابو حاتم يقول ان ابو شهاب قالهم لعد تجيبون في الحـارهـ طاري موتت الزعيم او ابو سمير .. وقولوا ان ابو شهاب عرف منهو القاتل ولا يعرفه غيرهـ وانه راح لـ حلب << اللي هو القاتل وان ابو شهاب مرسلن وراهـ واحد واذا جابوهـ بيعلمون منهو .. عشـان يبان القاتل الحقيقي .. << مخ يبو شهاب اسم الله عليك


وش ذا مليت وانا اكتب << كملي وانتي ساكته


ايه اقولكم عاد الحين شسمه الحدث الابرز بحلقه اليوم معتز دخـل البيت وقال ( يالله يالله هاهـ سمعتوا ) همن دخل وشـاف لطفيه تنزل من الدرج وقرعا او مدري وشي الكلمه الي يقولونها يعني شعرها طالع ولابسـه قصير ومن هـ الشي !! عصصصصصصصصصصصصب وسب ابو ابو اللي جابوها وتربيتها واخلاقها وكلش .. همن جـآ الرخمه رجلها << بديت اكرهـ عصـام .. يهاوش في ابو العـز وكيذا همن سطرهـ كف !!! طارت عيونهم كل ابوهم .. وأمـه تقول موب هذا اللي ربيتك عليه وكيذا واني بعلم ابوك .. المهم همن راح عصـام لغرفته ولقـآ لطفيه ( اكرهها ) لابسه عبايتها تقول ودني لامـي ومدري وشو المهم انه وداها .. وأمها تقول لها معد لتس رجعه لهاك اليت ! << ليته من زماااان
أبو عصــام درا وكيذا وجالس يهاوش عصـام يقول هذا اخوك اذا مت انا ( اسم الله عليه ) هو اللي بيصير سندك .. ممكن يصير كل يوم عندك مرهـ بس الاخو لا !! ثمن قاله ارفـع راسك .. يوم رفعه جآ بيسطرهـ كف بس معتز وقف قدامــه قال اضربني بداله ! قاله ابوهـ هه هه شفت ياعصــام هذا وأنا ابوك ماسمح لي اضربك اجل شلون الغريب !! همن استسمحوا من بعـض وكلن يبتسي وكيذا

وبآخر الليل دخلوا اثنين ع الحــارهـ وراحوا لـ بيت ابو شهاب قالوا ان الخبر بيجي قريب وصاحبهم ابو حـازم مدري وش سالفته المهم قالهم اذا جاكم شي لا تجوني هينا روحوا لم ابو عصـام ..

راح عصـام بياخذ لطفيه بس امها قالت له مهيب راجعه معك لـ بيت اهلك دبر نفسك !!
كلم أبو عصــام سعاد تعطيهم بيتها و وافقت بس منقهرهـ ماتبي كلمة فريال تمشي عليها ..

إبر&#