الملك فاروق [ آخر ملوك مصر ] (تغطية)

Panda · 15-09-2007, 03:57 AM

.:تقرير الحلقـــ2ـــة:.

فاروق الصغير المسكين....دايم محبوس في غرفتة...
لكنه هرب مع بعض الموظفين عشان يلعب...
وطبعن درت عنه المربية وعصبت وقالت ممنوع تغارد غرفتك في وقت الراحة..وممنوع تلعب مع الكلاب مدة اسبوع...
ضاق صدره فاروق وقعد يصيح

***

سعد زغلول قام بزيارة الملك...وكانوا يتطاقون على اختيار أعضاء مجلس الشيوخ وكل شوي الملك يقترح اسامي يقوم يقول زغلول لا هذولي الشعب مايرضى فيهم..
قام قال الملك وش هالمهزلة معد صار لي ولا صلاحية اني اسوي شي...
قال زغلول والله هذا الدستور وإذا موعاجبك تعال نتحاكم في البرلمان
قال الملك تحسبني مجنون أصلن الشعب كله راح يوقف وراك
قال زغلول اييه هذا لأني فاهم الشعب ومتطلباته وجالس أطالب بحقوقهم لكن أنت للأسف مافهمت شعبك

***

زوجة الملك كانت تكلم زوجة سعد زغلول عـ التلفون وكانوا يسولفون على انهم صديقات (ووحدة من العاملات كانت رافعة السماعة وتتجسس عليهم)
وفي هذه الأثناء
جا واحد اسمه نشأة باشا(وكيل الأوقاف) وزار سعد وبين له إن الملك زعل من طريقة كلامه معه اليوم...وقال سعد أنا ماقلت إلا الحق

***

الأمير فاروق كان جالس في غرفته آخر الليل وراقد في السرير...سمع صوت تصفير في الحديقة ولقى بعض الموظفين مجتمعين ومعهم كلاب
طلع فاروق يتأكد إن المربية نايمة بعدين راح وطمر ولعب معهم(بس عقب المربية قامت وشافته)
فعقب راحت المربية لسفير انقلترا وقالت انها معد تقدر تسيطر على الأمير وانها إذا شدت عليه تركها ومال لباقي الموظفين...
وقال السفير...أجل صار لازم نرسل ولي العهد للندن

***

سعد زغلول زار الملك وجاب واحد عشان يصلح بينهم ويبين حقوق الملك
وبعدين قام الملك يعتذر وقال خلاص ماكنت ادري إني كنت متمسك بشي ليس من حقي...
وتصالحوا...وقال زغلول ان الخلاف بينهم من صالح الانقليز
وفي هذا الأثناء <<جازت لي الكلمة
دخل عليهم الأمير فاروق وسلم على سعد وقال يحيا سعد يحيا سعد <<يعني زي المظاهرات
راح الملك للمربية وعصب عليها وقال من وين تعلم ولدي هالكلام...قالت يمكن من اللي يتظاهرون قدام السرايا
...ودخل الملك على فاروق وقال له ممنوع تهتف باسم واحد من الرعاع...وقام مسك العرق وقام يطق فيه لييييين تشلخ ظهرة
وأمر بحبسه في الغرفة...
أم فاروق درت عن السالفة وحاولت تروح له وقالت لازم أشوف ولدي...وهم يعيون
قامت دقت على أخوها واشتكت له(ونفس الشي وحدة موظفة تتجسس)
وعقب جا واحد من الموظفين وقال لوصيفة الملكة ان الملك منع التلفون من الملكة << حشاا وش ذا العيشة

***

جا السفير الانقليزي وزار الملك وقال له ان الأمير كبر وصار لازم يروح يتعلم في لندن...
بس الملك رفض وقال ان توه صغير <<على قولته بمبينو

***

دخل الأمير فاروق على أمه في موعد زيارته وقامت تخمخم فيه من الشوق
وصيفة الملكة كلمت المربية وقالت ان الملكة تطلب زيادة مدة الزيارة...لأن الولد صغير وبحاجة لحنان أمه
بس المربية التبنه عيت وقالت الحين موعد غداه
المهم انها خذته يتغدا...وهو يتغدا كانت المربية ناسية مفتاح الغرفة على الطاولة
قام سرقه الأمير ووزاه

***

الملكة ارسلت الوصيفة للملك تطالبة بزيادة فترة زيارة ولدها...بس الملك رفض
وضاق صدر الملكة وقامت تصارخ...قالت مو مهم أشوف ولدي اهم شي ودي يغير هالمربية..
وقامت تحش في الملك وتسبه وتشتمه (ونفس الجاسوسة كانت تتسمع عليها )
فجو ناس وقفلوا على الملكة في غرفتها بالمفتاح

***

راحت الملكة للاسكندرية وزارت أمين الملك...
وهي تسلم عليه...حطت في يده ورقة
تشتكي من وضعها وعيشتها في السرايا...وانها كأنها سجينة
وقالت انها تبيه يكلم الملك عشان يطرد عشيقتة الفرنسية اللي معيشها في جناح لحالها...ومخليها مسؤولة عن تربية بناتها...
وفعلاً راح الأمين وكلم الملك لكن الملك رفض << جعله السكني شرير أكرهه

***

سعد زغلول راح يزور محطة...وهو هناك اطلق عليه واحد بالمسدس بطلقتين مدري ثلاث طلقات في صدره
لكنه بسبع ارواح ولا مات
وهم يعتقدون ان اللي اطلق عليه النار من طرف الانقليز...
مع انه تعبان إلا انه طلب من الدكتور يسمح له يزور لندن عشان يجتمع مع واحد اسمه دونالد...
بس الدكتور رفض وقال انت توك تعبان ودا مش كويس عشان صحتك
<< لما درا الملك عن اللي صار لسعد..قال جعله يموت

***

وانتهت الحلقة
اعذروني اذا كانت تقاريري طويلة..بس احس ودي اللي تفوته الحلقة
لما يشوف تقريري يحس انه مافاته شي

Panda · 15-09-2007, 06:44 AM

اقتباس

سعد زغلول؟ مهوب هو هذاك المصري المشهور الي دايم يثور؟ الا الا هو الي نفووه لمالطا مدري وين ...

في حلقة اليوم يوم كان زغلول يسولف مع زوجته جاب طاري انه كان منفي في جبل طارق

alzenh_vaslInah · 15-09-2007, 07:53 PM

شقت حلقة امس كانت حلوه مش بطاله
يختي يازين ذا السرايه
كره لم ضرب ولده فاروق والله تكتني العبره
واكثر شي يضحك لم ذاك قال ماقدرنا نشيل الرصاصه قال خلها ذكره
يعنني ينكت
مشكوره حبيبتي بنده على التغطيه

Panda · 15-09-2007, 10:20 PM

^
^

من جد زغلول مب عاقل...أجل عاجبته الرصاصاة بيخليها سوفونيير
ولا يوم يقول بروح اتطاق مع دونالد....لأن الطقاق يرد لي عافيتي
مب صاحي احسه مزلب بصحته

***

يله احس حلقة اليوم ان شاء الله بتتطور الأحداث وتاخذ منحنى ثاني << تقول يارب يكبر اليوم فاروق

alzenh_vaslInah · 15-09-2007, 10:58 PM

بنده اقسم بالله زيي ادعي متى يكبر مليت نمر بن عدوان ولدعم كبر وولدنا الله يغربله فاروق ماكبر
ليش هم وش احسن منى فيه

Panda · 16-09-2007, 03:32 AM

^
^

كبر كبر ولدنا
والله حلقة اليوم كانت حلوة..وكلما هي بتصير أحسن...
خصوصن ان فاروق مابقى عليه شي ويمسك حكم مصر...
يعني اتوقع على حلقة بكره بيصير الملك فاروق

***

برب شوي وانزل تقرير اليوم

Panda · 16-09-2007, 03:42 AM

.: تقرير الحلقـــ3ـــة :.

بعض العمليات الارهابية ضد بعض العسكريين الانقليز...
فراحوا لسعد زغلول وقالوله انه هو السبب وهو اللي يثور الشعب المصري عليهم
بس سعد قال ان مالهم دخل لأن اللي سواا كذا اكيد انه مستفيد...بس حنا مااستفدنا!!
بس الانقليز ماعليهم منه...وحطوا عقابات وبنود قاسية...من بينها دفع غرامة مالية عالية
وقاموا باعتقالات عشوائية وعزلوا سعد زغلول من منصبة

***

فاروق كبر وصار عمره تقريباً 14 سنة...
المهم امه كانت جالسة معه وتسولف وتمدح في سعد زغلول ...
وقالت له أنت أول ملك مصري من ذرية محمد علي<<يمكن قصدها لأن أمه مصرية ولا يخسى كل اجداده مدري من وين جايين
وكان فيه واحد يتجسس عليهم وعلم الملك باللي سولفوا فيه
عصب الملك عليها وقالها انتي تربيتك للولد غلط...فطقها ومنعها تشوف ولدها وقفل عليها الباب

***

كبر فاروق وصار رجال
وجااا تيم جااا تيم

وارسلوه لندن عشان يدرس هناك...ويتربى صح
بس انه ماكان شاطر ويرسب كثير فرئيس الأساتذة قال أصلن نص المواد اللي يدرسها ماراح تفيده
عشان كذا غير جدوله وحذف مواد...وخلا دراسته تبدا من 5 الصبح...
وركز على الفروسية والمبارزة...وتقريبا صارت دراسته عسكرية
بس يا حبيله قام يعوض عن الكبت اللي صار له في القاهرة...فصار يطلع ويتمشى
حتى انه ينحاش آخر الليل ويروح لنايت كلوب <<خلوه يا جماعة ياخذ راحتة
ويا حبيله تيم لين حكا مصري اييييه تعاالااا يا عووومر
حتى كان يتعب من الجدول ويقولون له هذا وانت ماتدرس إلا يومين في الاسبوع
أجل لو خلوك نظامي السنة الجاية وش بتسوي
رد عليهم وقال كلمة مصرية...بس نسيتها الظاهر قال هزروف أو قال هزوغ يعني بنحاش

***

نجي الحين نشوف كيف الأوضاع في مصر
الملك فؤاد تعبان جداً وسألت الملكة الدكتور عن صحته وطلبت منه يكون صريح معها...
وقالها انه مريض جدا ومرضه ماله علاج...
قامت الملكة اجتمعت مع واحد اسمه علي باشا(والله نسيت وش يشتغل بس انه واحد وفي جداً للملك)
وقالت له انها قلقانه من ضياع عرش مصر من فاروق لأنه خارج البلاد...وزيادة على كذا توه صغير ومازال في سن الوصاية
وانها خايفة من واحد اسمه محمد علي لأنه طامع في العرش...ويعتبر هو ولي العهد بعد فاروق
فلو ماجا فاروق من بريطانيا راح ياخذه هو...
وطمنها علي باشا وقالها ان شاء الله كل شي بيصير زين << نسيت وش قال المهم انه قال شي يطمن

***

نهاية الحلقة...
ياربي ودي يجي بكره

bareed235 · 16-09-2007, 07:17 AM

المسلسل خطير ومتميز لأبعد الحدود.
ماشفت ولامسلسل مصري بحياتي لأنها ماتعجبني.... لكن هذا غيير وشدني بشكل عجيب
الاخراج مبدع ,الديكور والأزياء أكثر من رائعة, التمثيل من أفضل مايكون , القصه والحبكة شيقة لأبعد الحدود

بشكل عام المسلسل يستحق المشاهده وبشده.
حاليا مااشوف غيره على التلفزيون... يعني متفرغ له

اقول للاخت بنده ياماللعافيه على هيك موضوع .... والله انه يهووووووبل
وتراي ماسجلت بالمنتدى الا عشان موضوعك..... عجبتني حركة التقارير... تفيدني كثير عشان افهم بعض الي مافهمته او مالحقت عليه
خصوصا انها سواليف مهب هرج رسمي وهذا احسن شي بالعالم وفوق هذا كله مخليتنا نعيش الحدث قلبا وقالبا

وترا موضوعك حاطه بالمفضلة واشيك عليه يوميا ... يعني لاتقطعين ولاتبطين علينا

تشكرات كتيرات <<< على باله الملك فؤاد

يالله بروح ارقد الحين ولي رجعة ان شاءالله

Panda · 16-09-2007, 08:30 AM

^
^

يا هلاا وسهلا يا بارد
اقوى شي في الحياة لما تدري انك سبب في تسجيل عضو في منتدى...
مو لأنك تعرفه...لا..لأنه اعجب بموضوعك وهذا أكبر نجاح

***

بارد ماتتصور كيف أنا استمتع بكتابة هالتقارير...بسبب حبي الشديد لهالمسلسل
وحبي الأكبر لبطل المسلسل
يعني مدري شلون كنت متردده قبل لا انزله << مالت علي

وأبشر ان شاء الله يومياً وطول ماانا أقدر راح أظل انزل هالتقارير
وان جا يوم لاسمح الله ولا قدر اتمنى تعذروني

***

مشكوورة بارد على مرورك...
والله خجلتني بمدحك لي
ودووك ذا الوردة
ويله برب...وراي دوام

حلو بس أخلاق · 16-09-2007, 10:30 AM

أول مرة أتابع تقرير هع

سيري ونحن خلفك ( ياشين الكويتين ماحوبهم )

بس من جد حابكة القصة يابنت

هب عليك مافوتي ولا لقطة << وش عنده اللي شايف المسلسل

إبداع يابنده

إبداع يابنده

المنقهره · 16-09-2007, 02:11 PM

اناااااه
حلقة بكره بيصير عمره ست طعش ويحكم
ويجي حسن تيم <<-- ياحماره تراتس فرمضان اتقي الله
بنده تغطيتس مومتعه
اتذكر منول كانت عندنا مدرسة اسمها بروكسان مصريه تقول على عهد الملك فاروق كانت مصر مره تاجره تقول لدرجة اننا بنلبس الغوايش من صوباعيتنا حتى رئبتنا <<--- هذي اللي ماعرفت تنصب
ويوم جاء جمال عبدالناصر قمنا نفصخ غوايشنا ونعطيه اياه <<- كمخ
و قبل يدخل رمضان بيومين جايبين مقابله مع بنته الكبيره اسمها فدوى مدري فريال أو شي زي كذا
لهجتها مره متأثره بالفرنسيه .. بإختصار لهجه تحوم التسبد
وقامت تحتسي عن ابوها وكذا ..
حمستني مره أشوف التمثيليه
لإني استقريت فرمضان على باب الحارة والملك فاروق وبس

alzenh_vaslInah · 16-09-2007, 07:24 PM

بنده تخيلي كذا القهر ماشفت حلقة امس بس شكرا على التغطيه
وانا اقرا تغطيتك احس اني اشوفه

الملك فاروق [ آخر ملوك مصر ] (تغطية)

ذهب الملحق