نصف نهائي كأس ولي العهد (الهلال Vs الشباب ) ذهاب & إياب

المنقهره · 01-03-2008, 07:13 AM

ياويلك يالشباب جاكم البعبع ليلو راس حربه
ماادري وش يحس فيه كوزمين <<--- الجود من الموجود والا ؟
نبيها مولعه اليوم ياعيال عطيف

سلفر · 01-03-2008, 06:36 PM

كا تكتيك اتوقع الشباب بيسيطر .. لكن كا نتيجه اتوقع الهلال راح يحسمهاا

وليلو موفق بالهجوم و هجوم الشباب غير موفق قدام الدعيع

شليويح بيك · 01-03-2008, 08:06 PM

اخالفك الراي ياكبتن !

ليلو صفر على الشمال بالتهديف من جنب القده .. لو تحط المرمى فاضي يطير الكورة فما بالك بحارس زي وليد عبدالله واعد قدامه ؟
بس انه حليل بازعاج المدافعين لكنه يطقع بالتحيات الله يصلحه

مدرب الهلال " كوزمين اولاريو " اعلن التشكيله اللي بيدرعم بها للمباراة
وهي
الدعيع

الذياب/ تفاريس/المرشدي/العنقري

عزيز/ الشلهوب/ الغامدي/ الفريدي /الخثران

ليلو

تواجد العنقري بالدفاع الهلال هذي احسن نقطه ممكن يستغلونها الشباب لانه بالعربي " زلابه "

جميل جدا ان نرى اسم مبدع مثل الفريدي من الاولمبي ولو كان معه بدر الخراشي كان اجمل

عموما ..تكتيكيا " على قولة كبتن سلفر " الشباب افضل
تواجد وانتشار لاعبيه في المباراة السابقه افضل بما لايوجد مجال للشك
تواجد لاعبين مبدعين مثل عبده عطيف .. احمد عطيف .. الحقباني .. ناجي مجرشي .. كماتشو .. وحارسهم القادم بقوة وليد عبدالله .. ممكن بنسبه كبيره يطلعون باهداف كثيره لو استغلوا الفرص
التهيئة النفسيه الشبابيه بقيادة الرئيس خالد البلطان اكثر من ممتازة امس عشاهم

بينما نجد العكس بالهلال .. بعد المباراة طلع محمد بن فيصل يهاوش
وكذلك كوزمين مصرح انه ماراح يستمر مع الهلال يعني ماهمته المباريات الجايه

على العموم ماراح نستبق الاحداث .. ننتقل الى الملعب بصوت المعلق عبدالله الحربي .. فـ الى هناك

كان معكم خلف الشاشة شليويح اباظة بيك

المنقهره · 01-03-2008, 09:20 PM

^
^
ورى جماهيركم غاديتن كذا ؟! وين جماهير الزعيم اللي نخبر ؟! والا مايجون الا اذا لعب التايب <<----- تقز موافق
متوقعه ان جماهيركم تملى الملعب .. غريبه !
نتمنى أن ليلو يمتعنا بعد شوي ودنا نشوفه وهو يرقص دفاع الشباب

A S 6 O R H · 01-03-2008, 10:39 PM

1 / 0 .
للزعيم والدقيقة للحين 65 .. الشوط الثاني

A S 6 O R H · 01-03-2008, 10:48 PM

الدقيقة 70 .. تغيير لنادي الشباب .. مع شوية ضغط .
الدقيقة 72 .. تغير لنادي الشباب .. مع كرت اصفر لـ ابو دعيع .
وخلونا نشوف الركني للشباب .. اوووهـ لا لا بعيدهـ مره عن مرمى ابو دعيع .. وهجمه مرتدهـ للهلال .. اووهـ قهر انقلبت للشباب .
تغيير هلالي واحد و 3 تغيييرات شبابيه

مشكلتي إني حلوه · 01-03-2008, 10:52 PM

للحين 1 / 0
وماجبرني اتابع إلا حماس الهيس روؤف خليف
لنا عوده

A S 6 O R H · 01-03-2008, 10:53 PM

مجرشي قاعد يصيد صقور .. والحكم يقول للدعيع اللعب بسرعه لا اقوم اكوفنك .. والتغيير الثاني للهلال بـ الطريق .
وللحين النتيجة هلاليه .. والموري عطاهم قذيفة بس لو هي نازلتن حدر شوي .
الدقيقة ( 79 ) .

A S 6 O R H · 01-03-2008, 11:05 PM

الدقيقة .. 90 .. تغير هلالي أخير .. وفاول للهلال .. والشلهوب طلعوهـ والمؤشر جاء مكانه .
وان شاء الله هلاليه .. والوقت بدل الضايع 3 دقايق

A S 6 O R H · 01-03-2008, 11:09 PM

مبروك الفوز للهلال .. الف الف مبروك .. وعقبال الكاس يا رب .. والمنقهره يـ النحس لو تشجعين الهلال من اليوم اللين باتسر بـ اذن الله الفوز دايم هلالي .
الف الف مبروك للازرق الف مبروك النهائي يا ابطـال .. ابو شلحلح شرهـ اللعيبه لاهنت .

قاعده مع بلحالي · 01-03-2008, 11:19 PM

مبرووووووووووووووووووووووووووك للهلال

شليويح بيك · 01-03-2008, 11:29 PM

[ بخطأ قاتل " العبيلي " يحبط امال الشباب بالبطولة ]
تغير هلالي 180 درجه عن المباراة السابقة .. عودة الروح .. تواجد عناصر جديده شابة .. ابداعات الفريدي وانسجام الوسط الهلالي بالشوط الاول .. جدار الحماية الهلالي تفاريس .. حامي عرين الزعيم الدعيع .. انهوها هلالية

البطاقة الاولى للنهائي " هلاليـة "
فمن سيكون الطرف الثاني وصاحب البطاقة الثانيه .. ؟

قاعده مع بلحالي · 01-03-2008, 11:32 PM

اقتباس

نصف نهائي كأس ولي العهد (الهلال Vs الشباب ) ذهاب & إياب

طقها والحقها