النمرة .. أو .. مطخطخه .. هذا هو السؤال .. !!

نمبر ون · 21-04-2008, 03:54 AM

من دخلت المنتدى وأنا لافت نظري شي غريب
بس قلت لا مهوب صدز اسمن على اسم ..

يوم دخلت تكية الملحق شميت ريحه مهيب بالحيل
تقل ريحة واحد ماسبح من سنة ..

أنا قلت الريحة ذي مهيب غريبة علي بس أبتأكد هي صدز ذي الريحة وإلا لا
وقمت أقرب وأقرب حتى صارت الريحة قوية
تقل كنها ريحة قطو ميت من سنة

قلت أعووووذ بالله وش ذا من وين جت ذي الريحة؟؟؟!!لازم أجيب مكافحة الحيوانات الفاطسة عشان يشيلون هالقطو يمكنه مات محدن درى عنه ..

ثم دخلت لهالموضوع وانا صاكن خشمي ومتلطم ..

وشوي إلا وشوف اسم النمرة طن طرررراااااااااان من وين جت هي صدز النمرة لا لا ما أصدق خلني أتأكد بنفسي ..

وأقوم وأتحرش بها (وش دعوة مونيكا ) يوم فاحت الريحة ريحة النمره مغير الله يذكرها بالخير ويغمد روحها الجنة

إلا من وين طلعتي؟

اقتباس

********** فاصل إعلاني *********وه بس يازين العز .. مدريشلون كنا صابرين على هالدايل أب من اول

********** عدنا *** *********

يوم كنا نفتح الصفحة ونروح نخلص اشغالنا ولارجعنا لينها على وشك تفتح
يوم كان الاتصال بالواسطة دايركت مع مدينة الملك عبدالعزيز
يوم كان مافيه إلا شات أين الصوتية
<== عطوه ريال يفكنا قسم رحمته

النمرة ... أحلى ولاكم لك

النمرة · 22-04-2008, 06:05 PM

نمبر واحد كلش كوم وذي >>>>>>>>>>> طن طرررراااااااااان

كوم ثاني

الله مير يحييك ويبدزيك .. بس بما إنك خابرني وتعرفني من ذاك الحين أكيد انك قديم شرواي الطيب يعني مخنز ومعتق مثلي مفيش حد أحسن من حد

بس وراك ما صرتا مثلي شجاع وكتبت بيوزرك اللي كنت أعرفك فيه ؟؟

مشكور عالترحيب وخل نشوفك

آهات · 23-04-2008, 05:47 AM

سبحان اللي يحيي العظام وهي رميم
يااااوك وش هالغبار ..... انا اقول الرياض اليوم جايتها عاصفة رملية وحسن كراني طالع بالنشرة الجوية والفلكي الزعاقي يحذر .. اثرها النمرة

هلا هلا والله باللي لفا ... ويامرحبا ترحبيبتن كلها لش
صراحة لو مااستفدنا من هالملحق الا جية النمرة يكفي

لحظة انتو فاهمين وش معناة النمرة؟ معناتها الجيل الذهبي وجيل الرعيل الأول
جيل كنا نسمع بالحريم بس مانشوفهن
جيل الحرمة هذي نحسبها كائن فضائي ... يعني ما نعرف الا النمرة وسمي النور وانسة كدرجان
وهذولي اصلا مانعتبرهم حريم ... نعتبرهم زي اي شنب معنا بالاستراحة .. لدرجة اذا جينا نمزح مع وحدة منهم نهبدها على ظهرها ونقول الله يقطع سوالفك ياشيييييخ

اقول النمرة تذكرين موضوعك ( سواليف شيوخ الغابة )

اقتباس

بس انه فيه حروف الألف واللام والألف بهمزة من تحت والقاف واللام والألف و مابقى الا العين اللي ما تعلى على الحاجب عاد الباقي عليكم وش ذا تبوني اعلمكم كلش مايصير

هوتميل ؟ ( يالله لا تبلانا باللي بليتها فيه )

اقتباس

ويمكن بعض الاعضاء هنا يتذكرون تجاربي وقصصي في الحياة اللي أدوشت المنتدى فيها ذيك الايام هماه يا آهات

تجاربك وقصصك في الحياة؟ ترفقي يا غازي القصيبي

اقتباس

وذا الحكام ما اجتمعوا الا في صاحبة الحظ السعيد ستار ستي مدري ستاربكس ههههههههه لحظه بالله كلمة راس بيني وبين اخيتي

اها .. ستاربكس اختك .. اثر العايلة فاصلة هههههههههههههه الله يعين ابوك ويخلفه خير فيكم . له الجنة انشالله

الا اقول سرك فيه قطن مثل اختك

اقتباس

يامال الفانكس

هههههههههههههههههههههههههه اقول الله يشفيك بس يالمريضة
يا ناس قسم بالله مريضة هالانسانة ادعو لها بالشفاء .. لا واختها ستاربكس .. لاحول ولا قوة الا بالله

النمرة تذكرين يوم تترجيني ارفع ملفاتك بالاف تي بي؟ هذاك الوقت انتي تحسبين الـ FTP نوع من الخضروات ...

على فكرة يوم كتبتي بمجلة حياة شفتي نفسك لدرجة انك سويتي لك موقع (هذا قمة الغرور عندك )

الساعة المباركة اللي جابتك لنا ايتها الديناصور الأثري ... أيتها الزاحفة ... أيتها المغبرة
<<< للحين مهوب مصدق انها النمرة يقول يمكن احدن زارف يوزرها

اللاذع · 23-04-2008, 03:29 PM

النمره
وشسمه اسمتس كشخه وخقاقي وخاصتن صورة هالنمر احستس افلام كرتون يعني تسذبيه واسلوبتس ملعون جدف تسنتس ليل ابولمبه والله توحشين على ذا الردود اللي تقطع عيوني وانا ماقريت نصها
اجل انتي قديمه وخمس سنين ومدري ويش الله مير يخلف علينا ثلاث سنين او مدري سنتين وذال فيها ابوالعالم كل ماشفت لي واحدن توه داخلن النت قلت له انا لي ثلاث سنين لين صرت سبهه يجيبونني بالمجلس ويقولون لي ياللاذع تقول لنا كم لك بالنت وانا مدهر طول الليل ثلاث سنين ثلاث سنين <-- بس بس الله لا يفضحنا
الله مير يحييتس وحنا نستانس يوم نشوف الماصلين شرواتس يسجلون معنا ونستانس بشوفة مواضيعهم وردودهم وكيذا
ارحبي ارحبي والمحل محلتس <-- قل قاااا .. دوتس

النمرة · 24-04-2008, 03:40 AM

يالله دخلك ... هذي مشكلة الشهرة من جد .... وش جايب ذا اللزقة فيذا
الله يصبرني بس

آهات : شكراً على ردك وطس يالله <--- تسمع بالأسلوب

لحظة لحظااااااااااااااااااااااه

أمزح أمزح لا تصيح خابرتك رهيف وشاعري ورومانسي <<< (داريه انك من جنبها بس يقال لي بأمشّي سوقك عند ذا البنيات اللي مابعد انغشوا في الشباب السعودي ) .... بشر عسى الأحباب سمحوا بالوصل بعدُ يا ربي

لا عاد الصدق الصدق ..

الله يحيي من جانا وإذا حيا كثـّر .. أسفرت وأنورَت واستهلت وأمطرت ...

وش ذا النور اللي جانا ؟ وش ذا اليوم السعيد اللي شفت فيه ردك على موضوعي ..؟؟ لو مايجيني من النت كله إلا إني شفت ردك بعد هالسنين كلها ... ياربي لك الحمد والشكر على ما أنعمت علي ....

آهاااات أرجوك رجاء المقصر المعتذر أن تتواضع وتقبل مني هذا الإهدااااء :..

هلا بك مرحبا مليون طلقة وارحب وحيّاك ***** تنق اللي تبي منها ولو ّ الهرج ما يوفي

<--- اما حبى والا برك

<--- الحين ورا ما تاكلين تراب وتخلصين علينا بالرد

آهات اقتباس

لحظة انتو فاهمين وش معناة النمرة؟ معناتها الجيل الذهبي وجيل الرعيل الأول
جيل كنا نسمع بالحريم بس مانشوفهن
جيل الحرمة هذي نحسبها كائن فضائي ... يعني ما نعرف الا النمرة وسمي النور وانسة كدرجان
وهذولي اصلا مانعتبرهم حريم ... نعتبرهم زي اي شنب معنا بالاستراحة .. لدرجة اذا جينا نمزح مع وحدة منهم نهبدها على ظهرها ونقول الله يقطع سوالفك ياشيييييخ

اسكت بس اسكت عمى يعمي عدوك بغيت أصيح تخبرني حسحاسه مثلك وشرواك

إيييييييييييييييييه ومضى زمان الصمت <<< تكفين لاعاد تسوين فيها سقراط

وين راحوا شلتي ........ ولا تنسى أم عزيز وبنت الأجاويد وذروووق لا تخلونهاااا طن طقطن طن طقن

آهات اقتباس

اقول النمرة تذكرين موضوعك ( سواليف شيوخ الغابة )

الله يفشلك بلا خخخخخخخخخخخخخخخخخخخخخخخ قعدت استرجع الذاكرة وادور في تلابيب مخي لين ذكرت طرف علم ذاك الموضوع خخخخخخخخخخخخخخخخخخخخخ ما لقيت إلا مواضيعي يومي مستجدة تذكرني فيها بس ولو أتحداك انه موب أطلق من مواضيع مخضرمين ذا الأيام >>> ويقولون ميب متواضعه

آهات اقتباس

الا اقول سرك فيه قطن مثل اختك

وشو !! الحين من جدك تقول ذا الكلمة كذا عيني عينك ؟؟؟؟ وين الأخلاق وين الأدب والوقار والشيم وسلوم العرب وخزياه في ربي بس ... مدري شلون للحين ساكتين عليكم مدينة الملك عبدالعزيز مابعد شفروا الموقع !! لولا غلاكم والا كان رحت بنفسي وطلبت حجبه عن بكرة أبيه !! وانا اقووووووووووول وش بلا ستار لها كم شهر ماش باديه تخرب فاصخة ٍ الحيا مرة وحدة واثرك معلمها ذا الكلام !! وش سر وما سر هاه ؟؟؟ عييييييييييب عيب وشق جيب ..... السر عندنا هذا ما يدرون عنه إلا أيام النفاس وإذا طاح سر البزر خلاص ماعاد يشوفه ولا ينجاب له طاري خير شر وانت هنا تقولها كذا علني !! صدق اللي اختشوا ماتوا !!

ستاروه .... يا ويلتس إن شفتس تماشين آهات ثاني مرة ترى أبوي موصيني عليتس فيذا وإن شفتيه بدا يخنبق سكري آذانتس وغمضي واتفلي عن يسارتس ثلاث مرات

آهات اقتباس

النمرة تذكرين يوم تترجيني ارفع ملفاتك بالاف تي بي؟ هذاك الوقت انتي تحسبين الـ FTP نوع من الخضروات ...

على فكرة يوم كتبتي بمجلة حياة شفتي نفسك لدرجة انك سويتي لك موقع (هذا قمة الغرور عندك )

أقول كل تبن بس <<< هذي اللي تقول الأخلاق وسلوم العرب تو !!

بعدين ما ترجيتك أنت ووجهك أنت اللي مسوي فيها كريم وتبي ترفع الملفات بلاك تحسب انها صور صدقية مادريت انها رسم يدي الكريمة والا ناوي تتمقل في محارمنا يا دزليل الحيا أقول الله لا يخزينا بس بعدين خابرة إن الإف تي بي إختصار كلمة دركتر لا تسوي لي فيها تفت إنقلينزي

وبعدين على طاري الموقع أحب أضيف لك معلومة إنه موب انا اللي مسويته فيه واحد من المعجبين أمثالك هو اللي سواه وتولى أمره كله وأهداني إياه ... الله يجزاه خير يوم شاف توقيعي اللي كنه منتدى متنقل رحمني وضف التوقيع كله وحطه فيه .. مير مدري وش صار عليه شرهتك على اللي فتحه من سنين أظنه تقفل <<< يختي اكتبي العنوان وروحي شيكي الله من العجز
ويالله بس فارق مليت منك ياخي مافيه إلا انت أرد عليك خل أشوف اللاذع وش علومه
<--- أنتي كفو من يرد عليتس أصلاً

آهات ...... تكفى أرجوك أن تقبل مني هذا البيت:-

******

وسلامتك

معليش سامحني على القصور وكثر الخنبقة بس إني ما صدقت ألقى يوزر أعرفه حتى أهبده على وجهه <<< تسمع بالتعبير

ويامال الفانكس

النمرة · 24-04-2008, 04:03 AM

يالله حي اللاذع ترحيبة ٍ كبر راس آهات

اللاذع اقتباس

النمره
وشسمه اسمتس كشخه وخقاقي

الله يسلمك مير أجل مفروض تكتب في اسمي قصيدة دامه يخقق

اللاذع اقتباس

وخاصتن صورة هالنمر احستس افلام كرتون يعني تسذبيه

أنا حسيتك في مضارب البادية وبيدك اليمنى نجر واليسرى فيها الربابة

اللاذع اقتباس

واسلوبتس ملعون جدف

أموت انا في الغزل العفيف

اللاذع اقتباس

صرت سبهه يجيبونني بالمجلس ويقولون لي ياللاذع تقول لنا كم لك بالنت وانا مدهر طول الليل ثلاث سنين ثلاث سنين <-- بس بس الله لا يفضحنا

خخخخخخخخخخخخ الله يرجك على هالتشبيه الخالع أهم شي لا يدرون إنك تحط عنوان الايميل تبعك في الآدرس بار حق العناوين تبيه يجيب رسايلك وبعدين ثلاث سنين حلوين أحسن من ثلاث شهور أنت شف اللي أقل منك حتى لا تزدري نعمة الله عليك وش فيك يابن الحلال

المراد ألف شكر على الرد وحياك الله الموضوع موضوعك تقهو

انتي قسيتي · 24-04-2008, 10:38 PM

النمره ... !!
مآغيرها ...

يا اني تذكرت زمآن اول يوم قريت يوزرك <= صار كتآب مب يوزر
سقا الله ايام مآكنت بحضن عمي اكل كتكآت وهو يقرا مواضيعتس
من ثم يقوم يتوضى ...
< = تريشه + نغزه = اسلوب ظافر علي ..

نتمنى لتس طيب الاقامه ..

فله تلعب سله · 28-04-2008, 06:44 AM

أومااا عاااااااااد ..!!
يختي اذكر ..اذكر .. إني اتذكرك
بروح احوس بلمفي الي بذاك المكان الي