{..♥ .. Grey's Anatomy

كابتشينو · 23-05-2008, 08:15 PM

بس مافي ترجمه

تراهم بالعادهـ يأخرونها .. لكن نعين خير و نقول اغديهم ينزلنها بدري

مشكور مجودي على الحلقتين ، يعطيك العافيه

..

ابو نورهـ. .

Panda · 24-05-2008, 12:24 AM

كابتشينوو

ان شاء الله أول ماتنزل الترجمة بجيبها لكم..
وتراها ماتطول يومين ثلاثة بالكثير

Panda · 26-05-2008, 03:09 PM

ترجمة الحلقة 16 & 17 من الموسم الرابع ..

Panda · 26-05-2008, 03:11 PM

الحمد الله اكتمل الموسم الرابع
وفي هالموضوع حطينا لكم كل المواسم بترجماتها
وأتمنى لكم مشاهدة ممتعة ان شاء الله

وإلى اللقاء في الموسم الخامس ان شاء الله

كابتشينو · 27-05-2008, 01:16 AM

مشكورهـ بندهـ ما قصرتي

تم تحميل الحلقه و الترجمه و جاري مشاهدتها .. وبانتظار الموسم الخامس

يعطيك الف عافيه على المجهود الرائع .. شكرياتي الكثيرات لك

ابو نورهـ ..

كابتشينو · 27-05-2008, 02:55 AM

خونفشاريه الحلقه

...

والله روعه من جد .. صح انهم طاربونا شوي .. بس ولو

بانتظار الموسم الخامس

qe9manji · 31-05-2008, 09:28 PM

يا مال العافيه بنده يا حبيبة البي ..

ايه هذا الشغل العدل مهوب مثل بلو ..

تسد قلت لمصيول جب لي ترجمة واحد من الأجزاء ومير يقول بلو مافيه هالمسلسل هذا بالكو ن..

قسم بالله انتس افرحتين .. بس بغيت اعرف هل السيد لسيزن 3 كويس او لا .. ماله داعي اقعد مثل سيزن 2 13 يوم يا كافي ..

ما اقول الا سلمت اناملك يا اكوس مؤاقبة بمنتديات خنبقه << < قديم ..

لاهنتي يالغلا والله لا يحرمنا منك ولا من ابداعاتك ..

دمت بود اخوك ريان ..

Panda · 01-06-2008, 03:22 PM

^
^

أهلن أهلن ريان

أجل بلو يقولك مافيه من ذا المسلسل اترك عنك بلو هذا حده مسلسل هيروز هههههههههه

بالنسبة للسيد.. أنا حاولت أجيب اللي فيها أكبر عدد من السيدات
فان شاء الله يكون سريع

الله يسلمك ريان..
نورت الموضوع والله
واتمنى لك مشاهدة ممتعة

وسيم · 18-06-2008, 04:42 AM

مشكوره بنده علاالتوضيح وضحتي لي اشيا كانت خافيه علي اناكنت اتابع هذاالمسلسل علا قناة امريكا بلس
بس صراحه موضوع متعوب عليه وتقبلي مروري وهاردلك هزيمه فرانسا

Panda · 20-06-2008, 01:36 AM

^
^

هلا والله وسيم..
نورت الموضوع..
و ماعليك مهما تهزم فرنسا ستظل فووق فووق

دووك

v e r s a c e · 27-07-2008, 12:07 PM

المسلسل حـلـو !!

لكن بعـد ما شفـت هـذا !

مـا صـار أي مسلسل يعـجبـني !

رفـع من معدل القبول زي مايقولون ..

و أحس إن قريز حلو للبنـات .. !

لكن هـاوس غيــــر !!
.
.

جُــهــد مجـنـون !
لاهنّـتي

M O 3 T A D · 29-07-2008, 10:23 PM

.
.
الله عليك بنده

والله المسلسل روعه ..... وأنواع الرومانسيه
يعطيك العافيه على المجهود الرائع
وبإنتظار الموسم الخامس

v e r s a c e

والله ما ألومك إذا أعجبك

،

Panda · 24-08-2008, 11:22 AM

توني من فترة وجيزة انتهيت من مشاهدة السيزون الرابع
هالموسم لايصل لروعة السيزنات اللي قبله..لكن مع ذلك اعتبره ناجح ومرضي
وشهدنا فيه تغيير كبير في الشخصيات.. يعني ناس طلعوا وناس دخلوا..

في نهاية الموسم اللي راح..شفنا ان طلابنا انهوا سنتهم الأولى
وفي هالموسم تحولوا من مستجدين إلى مقيمين .. يعني صاروا زي بيلي كل واحد تحته مجموعة طلاب مسؤول عنهم وعن تدريبهم
وتأثرهم بشخصية د.بيلي في تعاملهم مع الطلاب الجداد كان واضح

الشخصيات اللي فقدناهم هالموسم >>

هذي من الموسم اللي راح وهم يلمحون بأنهم بتطلع..
وذلك لما جابوها تروح للوس انجلس تزور أصحابها هناك
فهالموسم راحت لهم وخلتنا يعني صار لها مسلسل خاص فيها اسمه (Private Practice )
للي حاب يتابعه وفي هالموسم بتجي كزيارة في حلقة وحدة بس
ياحبيلها والله لها فقدة كانت مسويه جو

د. بورك
فجأة طلع
بدا هالموسم وقالوا بسبب تأثرة من علاقته مع كريستينا قدم استقالته وترك المستشفى
ويقولون ان هالممثل صار بينه وبين المنتجين مشاكل..وهذا اللي خلاهم يقشعونه
هالممثل طلع وشارك في مسلسل ثاني اسمه Bionic Woman << شفت منه شوي ولاجاز لي باااايخ

عاد نجي ألحين للشخصيات اللي شرفت المسلسل

ذي من الطلاب الجداد..اسمها لكسي قري..يعني أخث مريديث
امممم مدري دورها ماجاز لي أحس ماله داعي..
جايه متحمسة تبي تحسن علاقتها مع أختها..بس ماش مريديث ماعطتها وجه

وهذي د. لوهان
متخصصة في جراحة القلب..
حنا شفناها شوي في الموسم الثاني كانكم تذكرون عاد هالموسم حطوها ممثلة رئيسية بدال د. بورك
انسجمت هي و كيلي..وصار بينها وكيلي ود. سلون سوالف مالها داعي

وماننسى نتكلم عن الشخصيات القديمة >>

مريديث قري
حالتها حالة هالموسم.. بنشوف حوستها مع أختها لكسي..
وكيف انها تحاول تتجنبها ولا تبي تتعرف عليها..
وبنشوف كيف فتحت عيادة تجريبية لمعالجة أحد أنواع الأورام مع د.شيبرد
وغير كذا زيارتها للطبيبة النفسية بسبب المشاكل اللي تعرض لها..

كرستينا
هذي وضعها مع الطلاب اللي تشرف عليهم مضحكة
أول شي ماتبي تعلمهم ثاني شي مب تسميهم باساميهم كل واحد تناديه برقم يعني يا واحد سو كذا ويا اربعه سوو كيذا
حتى من كثر ماتسميهم بالأرقام مرة د. شيبرد سأل طالب قاله من أنت؟ قال أنا رقم 4
وبنلاحظ بعد حالة كرستينا من بعد ماتركها د. بورك متدهورة.. صحيح انها قوية ولا خلت هالشي يعيقها.. بس ولو حالتها تغيرت
خصوصن انها تحب جراحة القلب..ود. لوهان ماتحبها ولا تبي تعلمها وهالشي أثر على وضعها..

ايزي
وضعها مع طلابها مايطمن ياعمري من بدا اليوم وهم حاقرينها ويحسونها مب قد المسؤولية
واللي زاد الطين بله انها ومن أول يوم خلتهم يساعدونها في معالجة غزال
هذا غير وضعها المتأزم من علاقتها بأومالي..وحبها له.. بالله فيه أحد يعشق أومالي ذا السبهه

أليكس
رجعت له المريضة القديمة ايفا..فرح بشوفتها لكنه صار يذكرها انها متزوجة وعندها بنت ولازم ترجع لهم..
لكن الحرمة مصره وكل شوي تنقز له..وهو لأنه يحبها مايقدر يقولها شي..
لحد ماآخر شي طلع الحرمة مجنونة

أومالي
هو الطالب الوحيد اللي رسب في الاختبار وعاد السنة الأولى..
في البداية ماكان أحد يدري انه عايد من الطلاب الجداد..وطول الوقت كانوا مستغربين من شطارته
وعلاقته مع زوجتة متدهورة..بسبب خيانته لها مع ايزي..

د. بيلي
يععع هذي كرهتها هالموسم أحس حومت كبدي صايرين يجيبون حلقات كاملة عن وضعها مع زوجها ومشاكلها معه
وأشين شي لي جابوها تصيح يععع يا زينها يوم نازية بس

ويبر
هههههههه أحلى شي انه صار يعيش جنب شيبرد في مقطورة
وأحيانن يطلب منه يزين له ملابسة ويوديها للوندري حتى ان د. سلون يذب عليه ويقوله انت الـ girlfriend حق الرئيس
وويبر في هالموسم بيحاول يحسن علاقته مع زوجته ويرجعها..

شيبرد
صاحب العيون الحزينة
ياقلبي عليه..الرجال عاشق ميريدث حتى النخاع حتى انه كان ناوي يطلع مع ميريدث رحلة..
وقالها اني كنسلتها لأني مابي اجلس يوم ولا يومين معك ..أبي اعيش معك بقية عمري وطلب منها الزواج
لكن ميريدث صرفت وقالت انها ماتقدر ومب مستعدة ياربيه مدري شلون قواها قلبها ترفض
ومن عقبها وهو حالته النفسية زفت..تعرف على ممرضة وحاول يبين معها علاقة لكن مانجح..

كالي..
مشاكلها مع زوجها أومال أثرت عليها بشكل كبير..حتى انها ماقدرت تقدم واجباتها على أكمل وجه كرئيسة المشرفين..
وآخرتها انفصلت عن أومالي..وتحسنت نفسيتها عقب ماتعرفت على لوهان.. وصارت أعز صديقاتها و أكثر

سلون
كن شخصيتها هالموسم وش زينها صاير خفيف دم وعليه ذبات
علاقته مع سيبرد رجعت زي أول وصاروا أعز أصدقاء ..ودايم مع بعض
لكنه يظل زير نساء حتى ان الممرضات قاطعوه ولايبون يدخلون عملياته ويساعدونه

***

تقريباً هذي رؤوس أقلام عن اللي صار في الموسم الرابع..
وموعد عرض الموسم الخامس راح يكون في 25 سبتمبر يعني باقي شهر عليها..
وان شاء الله كلما نزلت حلقة بجيب لكم رابطها زي دايم

Panda · 04-10-2008, 05:09 AM

Grey's Anatomy S05

بدأ عرض الموسم الخامس من Grey's Anatomy
وإلى الآن نزل منه حلقتين وان شاء الله ببدا أنزل لكم الحلقات

Panda · 04-10-2008, 05:30 PM

Grey's Anatomy
S.5 E01 & E02

***
في المرفقات ,,
مشاهدة ممتعة .. ..

{..♥ .. Grey's Anatomy

هوم سينما