موافق عليها

ياناس تراني ماشفت الحلقه اليوم عشان كيذا ماكتبت شي ابشوفها من جاسم البطل همن

تراني كنت اؤدي واجب الوطن

موافق عليها

الحقه (7)

بدايه الحلقه شفنا ابو ضاري شلون متكدر بعد ماتت بعارينه وكريم يحاول يواسيه ويخفف عنه وسليم تحس منبلش فيه ويبي يروح الاستراحه المهم ان سليم راح لم الاستراحه واقترح عليه خويه (المزيني) انه يروح يسجل له بمسجل صوت بعارين ويجيب له صور بعد ماجرب ها العلاج مع بنته ام قطووه ميته وجاك سليم مسوي فيها دكتور وجاب معه الدكتور الزول وشوله مدري ويعطون كريم الصور والصوت ويم شغلوه لبو ضاري تسنه صار اشوا ويوم جاء الصبح جاك سليم ومعه الفطور وجلس نص ساعه يمدح بها الفطور وراعيه وجل وهو وكريم وابو ضاري وقالهم سمو جايب لكم كبده حاشي وانتكس بعدها ابو ضاري وبعدها راح كريم لم الدوام وبعد ماجاء وهو جايب الغدا وراقي العماره الا يشوف هاك القمر اللي طالعه من شقتهم ( يوووه والله ياانا تمنيت اننا نروح نسكن بششقه ) ويوم دخل وجايب معه الغدا وجايب المندي قال لسليم وين ابو ضاري قاله سليم مشى وجلسوا وتغدوا وتذكروا مباراه الهلال والنصر ويفكرون شلون يشوفون المباراه وقال له كريم نركب دش والله وصار ملكع كريم وراحو وجابوا الفني ومعهم الدش ودخلوا العماره بالتسحب وقعدوا يركبون وطب عليهم صاحب العماره وقال وش تسوون وزحلقه كريم قال نركب المجد وبعدها ماركبوا راحوا لم الاستراحه وقعدوا يقصون قصتهم للعيال بس والله يالطسهم فتحي يوم يقطع سالفتهم ويسأل المزيني عن بناته بس برضوا يوم جا طاري القطه ابد نقز سليم وكمل القصه ويوم جا موعد المباراه تجمعوا الزكرت بالشقه ( سليم وكريم وفتحي و وولد صاحب العماره والدكتور الزول ) اجل الدكتور الزول نصراوي هذولا الجمهور اللي يرفع الناس دكاتره وطب عليهم راعي العماره وبغى يحرق عليهم المباراه ولا يشفونها قاعد كل شوي يقول لولده رح لم الجوازات لاتنسى ومدري شلون وها المكسرات حلوه وسليم يقول نبي نعطيكياها سفري يوم راح راعي العماره شغلوا التلفزيون (وهجمه للخثران ) وخلصت الحلقه

النمرة

انا عجزت اشوف شي من هالحلقات ابتداءً من الرابعة وحتى السابعة اليوم
كل ماجت الحلقة في التلفزيون يطب علي السنع واقول بعدين اشوفها لاحقة .. والإعادة يصير عندي شي يلهيني عنها ولا أشوفها اقول بألقاها في الملحق .. ولين الحين كل مره افتح الجهاز واتركه يحمل الحلقات لا جيت اشوفها القى الجهاز معلق والشاشه زرقا وتقول انقلعي واطفيه وافتحه من جديد مره طلعت لي الشاشه مقلوبه واقول اكيد اني مانمت زين وقمت اهلوس .. واروح اغسل وجهي وارجع القى السالفة صدق ما تمزح كلش مقلوب فوق حدر ؟؟؟ سويت استعادة نظام واشوى الحمدلله رجع زي ما كان لكن الحلقات رجعت احملهم من جديد

يوم رجعت للجهاز ولاه ازرق زي العادة واقفله وادخل واعيد التحميل ليييييييييييين زعل مني اليوتيوب قال لي ان المقاطع كلها ميب فيه

وش السواة ؟

موافق عليها

الحقله 7

(1)
YouTube - ظƒظ„ظ†ط§ ط¹ظٹط§ظ„ ظ‚ط±ظٹط© / ط§ظ„ط*ظ„ظ‚ط© ط§ظ„ط³ط§ط¨ط¹ط© (1/3)

(2)

YouTube - ظƒظ„ظ†ط§ ط¹ظٹط§ظ„ ظ‚ط±ظٹط© / ط§ظ„ط*ظ„ظ‚ط© ط§ظ„ط³ط§ط¨ط¹ط© (2/3)

(3)
YouTube - ظƒظ„ظ†ط§ ط¹ظٹط§ظ„ ظ‚ط±ظٹط© / ط§ظ„ط*ظ„ظ‚ط© ط§ظ„ط³ط§ط¨ط¹ط© (3/3)

MţωlЗђ ƒέκ

الله يرجهم يركبون المجد اجل

موافق ..

تسلم ع التغطيه

موافق عليها

النمره سهله مشكلتك صح ان المفروض تروحين لم التقني تسألين هناك .. بس انا ابساعدك
شوفي يا اخت بالله نمره خانو اول ماتفتحين الكمبيوتر وتروحين لم الملحق قبل لاتشوفين.. ولا تصير شاشتك زرقا .. روحي لم لوحه التحكم وشوفي النظام تلقين فيه شي اسمه وروحي لم خيارات متقدمه شوفي الاداء وحطي النقطه الثالثه وان شاء الله يبي يزين كمبيورترك



برايفت النمره : ترا اذا سويتي اللي قلت تبين توهقين لاني قاعد احس واعطيك

النمرة

يامال العافية مع اني رحت لوصف الحارة اللي تقول عليه ولا حصلت البقالة اللي تمدحها لي

ابشرك اني شفت اعادة السابعة و شفت الرابعة من هنا اشتغلت الحمدلله .. اما الخامسة والسادسة كلهم يقول not availabe مدري وراه زعلن علي

بس وش قصة النظام والسستم فيليور مالقيت فيها شي ينحبرش فيه ؟
<--- قلبوه تقني

سلفر

النمره شوفي على جزء جزء واضح ان جهازك يالله يستجمل جزء واحد .. النمره المشكله في جهازك يعلق .. والا المقاطع كلها تلقينها على يوزر المحلق في اليوتيوب

YouTube - Mal7aq's Videos


شباب المشاكل التقنيه تكلموا فيها ما شليويح على الخاص .. اوكي

تَمَـآزُجْ

آتعبني الترحال

A S 6 O R H

حلقة اليوم ( الثامنه )

وشذا راعي العقار الدعلة والله لو اني مستاجرن عنده ويغثني مثل كيذا اني لا اجيب بنزين واشب فيه .. الا وش بنزينه البنزين غالي يلعن ابو بليسه .. يا شيخ اجيب لي قاز ولا اجيب لي فليت وابخه في وجهه واولع بولاعتي عليه .. اني لا اخليه يحرم يطب شقتي .. اعنبو دارهـ اليوم راعي العقار ( ابو سعد ) نشب بـ شقة ( سليم اخو كريم ) وكانو مجتمعين عنده الزقرت " الدكتور السوداني .. و فخري السديراوي .. وسعد ولد ابو سعد الغثة " وكانت المباراة بين " الهلال و النصر " والعيال انغثو منذا الشايب الغثيث .. وقامو يجرجرونه ويخرفنوووونه .. ويدقون عليه بصوت بنت عشان ينزل لـ مكتبه .. لكن الزلابه والله ولدهـ سعد يومنه بس ينزل حدر عند العقار .. لو اني منه اني لا امصعه لقلعت وادرين وامسكه طريق الملك فهد من الشمال الى الجنوب .. وشفنا اليوم اختهم " انتي يا اخت سليم أخو كريم " ذا الشيفه وهي طاقتن زوجها مثل العاده .. ودايم هي اللي تطقه وهي اللي تصيح .. يقطع دلعن جايين منها تسانها ما جازت لي فيذا المسلسل ابد ( مهوب لازم تجوز لك ) اي ما علينا منذا السبهه ابو الاقواس .. اقول لكم سليم سليم .. قام يشرح لزوجها انه طقها ومعط شوشتها .. حتى قام يوريه اصابعه اللي تسنهن اصابع مصيول من طوله .. وهه هه شف تسان باقي شعرن ناشبن فيني منها .. وكريم يسلك لـ اخوه كثير .. والحمد لله اللي طلقها ويا رب نفتك منها ولا عاد نشوفها فيذا المسلسل وعندي شطحه شوي .. يا رب انها ما تنشب لنا ونقعد نشوفها كل يوم بشقة سليم و كريم لـ انها تبي تحوق علينا المسلسل ذا الماصله .. العيال راحو للاستراحه وقعدو يسولفون او بـ الاصح يفتحون سالفة عن ذا المجتمع وخذ يا فلسفه زي اي استرااحه فيذا الديرة .. واكثرهم يقولون ما لا يفعلون .. وجاهم فخري السديراوي ومعه " لحمه " وكريم ذا القروي يقول يمكن انه جايبن " امه " اعنبو حيك يا كريم وش تحس فيه يا راعي عرعر .. جعل العرعره في منيب قايل وفي موافق عليها اللي النت خربان عندهم اليوم وموصيني اكتب عنه .. ونزلها فخري من الموتر وقال يا عيال بجيب العصير وبجي لاحدن يسوي لها شي ( اعنبو خيرك جادعها عند ذا المشافيح ولأحدن يسوي شي ) بس ناصر القصبي " سليم " تحفه هـ الادمي اليوم يومنه يكلم راشد الماجد .. صح ان الفكر مستهلكه بس دايم ناصر القصبي يحلي الادوار بطريقة الفكاهية .. ويقعد يقول خل ابو نورة يدق ع جوالي ( الخ ... 0405333 ) والزقرت كلهم طبو عندها وكلن يحكي لها مغامرته وتطب عليهم الهيئة والزقرت اللي يصلح الشاهي فقع وتركهم ومعهم واحدن متلطم ورفعو يدينهم ذا الدلوخ وقضت حلقة اليوم .

الجديد بحلقة اليوم : اننا ما شفنا خالهم البثر .. او اني انا اللي مسبه ولا انتبهت .

توقعاتي الشخصيه : اتوقع ان البنت انها رجال وحركة منكح من فخري .. ويوم طبو الهيئة بدت تتغير نظرتي واقول لا انها صدز الدعوة .. بس اللي متلطم خلاني ارجع واشك ان الدعوة مقلب .. بس ننتظرها بكرا بـ اذن الله ونشوف السالفه وشي .

المنقهره

أول حلقة اشوفها كامله بالعادة استملغهم بس يوم شفت ريان بلال خقيت وقلت بناظرها كامله
اللحين لطيفه صدق بنت والا ولد يستهبل ؟ مهوب معقولة بنت تصير بهالشين ومهوب معقولة ولد ماصل لهدرجة
السدحان مع انك شقراوي بس عرفت وراه استمصلك

تَمَـآزُجْ

سلفر

أنا لطيفه كل ما شفتها تذكرني بالمنقهره لا قامت تتميلح تسوي لك فيها انها هي الدلوعه .. حبيب الحبيب دور شايب وحاطينه مع فوزيه اتوقع انهم قتلوووه وصار دوره بايخ

بعدين تشوفون انتم الاخراج الزباله اللي صاير

هدف ريان بلال هو الثاني .. والبلنتي الهدف الاول .. عاكسين امييين اللقطات

بعدين الاوقات عندهم غبيه .. مره يصيرون في الليل .. واللقطه اللي بعدها في الصبح


اللي اعرفه ان مباراة النصر والهلال تصير في الليل .. وابو سعد لما ينزل المكتب ولا الوقت الصباح ههههههههههههههههههههههههههههههههه

بعدين بنت عبدالله السدحان اسمها ريم متاكدين منهاا واالا لا ؟

غرام

شسمه اليوم الحلقه كانت حماس شوي موب العاده عجبتني حركه سليم وهو حاقد ع ولد ابو سعد وكل شوي يرجمه بالمكسرات .. شسمه خويه السديراوي تراه ولد ابو سعد واتوقع ان الهيئه مقلب من فخري مو جد يعني لاني بعد اتوقع ان هو اللي متلطم ... وشسمه ترى ذا الغثيث ابو سعد اتوقع بيتجوز خالتهم وبعد اتوقع ( ياليل قلبت الدعوه توقعات ) ان لطيفه تزوج ولده .. وآخر توقع اني قررت اتابع المسلسل للاخر واشوف توقعاتي صدز وإلآ من جنبها