طمبيـراه

وش هالشغل السنع يا دبتين
غرت من هالتنسيق قسم غرت --- هذا مفهوم الأعجاب عندي
شغل يجنن والله لو ادابتس اسبوع كامل عشان تغطيه
ان ما اطلع يبمثل تغطيتكم .. والله اعقب واخسي

شخصية معتز

في البدايه يومنه طلع وهو مطلقن اللحيه ..قلت اكيد ان المخرج نذل وشايفن البنات

هابين عليه ومعجبين فيه .. قال خن اطوعه كود يخفون البنات شوي عنه .. مادريت الا وهو حالقن اللحيه وهـ يالبيه عليه ودي انلفز بجكيته الأسود .. والله لو يموتونه ان اترك المسلسل .. ابو عصام وباغيتن اترك المسلسل يوم مات بس قلت أها بس وش هالحتسي وين راح معتز .. وشو عـاد لا مات معتز .. لانتحر عشانه .. ومير اخوي يوم شاف معتز قال وشوو بعد ارهابي

يالبيــه يا معتز



جميله

وين راحت .. يابيخهم اقدر احلف انه قعط في المخرج مطلعهم .. اجل يصلح تعرف شخص سنتين كاملتين ثمن تغير وجهه .. كلاب دارين اننا بناظر ولو موتو كل الشخصيات وجابو بدالهم مسلسل جديد تحت اسم باب الحاره


مهيب .. هماي .. لبى تسبودكم غرت غرت

Xxx ... ooO

A S 6 O R H

بـ اذن الله كل يوم راح تنزل تغطية الحلقات .. للي فاته شي يرجع لنا فيذا ويشوفه .. واللي فاته مقطع معين ولا خاقن ع لقطه هه يحس انه يبي يفكر ويهوجس فيها يبي يصير هـ الموضوع مرجع له

ما قصروا المراقبين ع التعب اللي قاعدين يسوونه وهم يسجلون لنا الحلقات ( ) وكل هذا عشانكم لبى قلوبكم .

تَمَـآزُجْ

f a m o u s

الله يعافيكم يا رب :
والله مجهود تشكرون عليه بكل المسلسلات ,
وتغطيه ولا احلى ولا لها مثيل ما شا الله

||

وحبيت اضيف نقطه عاد ما ادري انتم كاتبينها ولا لا دورتها على خفيف ما لقيتها

بالنسبة لباب الحارة واللي يبي يفتك من غثا هالفواصل والاعلانات
يتابعها بنفس الوقت على (( ليــبيـا الشبـابيه ))

ولا هنتوا

مهيب عاقله

الطاسه

تغطيه متعوب عليها وتخقق ( )

بس مااش المسلسل بادي يخرب

الله يقلعه من مخرج قعيطي

طلع ابوعصام وبنته وام خاطر ...

الا اقول الحين هو يجي 10 على الام بي سي متى ينعاد ؟

يعطيكم العافيه ،، تغطيه بنت ستين كلب وسجلوني متابع

أبو شلحلح : لاتخلينا تكفى من تغطيه الفيديو نبيها كل يوم

youSsef

أول شيء قبل أحتسي عن المسلسل .. فيه ثلاث ابضايات هنا على قولة سطير (يا لبى قلوبهم) ..

شيليويح بيك // مُتابع يومي لتغطيتك وما شاء الله تو اشوف عدد المشاهدات تعدت الـ 5000 اللهم زِد وبارك وابداع من القروب كله الله لا يضركم ..

مهيب عاقله // وش ذا وش ذا .. حسيت اني اشوف كركمات الوشسمه والله شُغل مش طبيعي عاد تخيلي كل يوم تسوين كييذا ان اسحب ع المسلسل وشيليويح وتغطيته واتابع هنا لا عاد صدق شُغل مجنووون .. وبعدين وش ذا المقطع صراحه حرق علي المسلسل بس مب حرقه حرقه يعني على خفيف .. يعني ابو شهاب بيعرس على بنت ابو حاتم ومعتز بيموت

هماي انا // وش ذا السعودي الزلابه والله شكله سبك ما يصلح يمثل معهم الا تسان دوره ع الصامت ..






* الحين وش ذا الخربطه مب هم قايلين ان (ابو غالب) و (ابو النار) ماتوا .. يموتون بطل ما اختلفنا .. يبدلون بطله برضو ما اختلفنا ولو انها خربطه .. اما يقومون واحد من الموت معليش يا ابو علوص تراك فليتها بعدين خابر ان فريال قامت تتبتسبتس على حركتها اللي سوتها في ام عصام وزوجها وانها تبي تعتذر ومدري ايش .. وراها قلبت قشرى .. المسلسلات العربيه (المخرق عاوز كدهـ!)

لا أبوها حاره عقبتس يا (جميله)

MţωlЗђ ƒέκ

الحين تخربطت

مدري اشوف التقرير او الصور او الترتيب او ماارد اصرف


ماشاء الله عليكن ماخليتو شيء الا قلتوه


كأنكم خربتو علي المسلسل


وبعدين ليه معتز يموت كنت اتابع المسلسل علشانه


بس اذا جاء الجد الجد ( ابو شهاااب ) لايعلى عليه < قلوب الى سوريا



تغطيه شامله وحلوه , وترتيب ماشاء الله قمه


ومن بعد هالموضوع تم اصدار قرار ..


بجي اتابع المسلسل هِنا

من يدين مانعدمها يااقمل القميلااات

مهيب عاقله

يآآ أخضررررر حيّه حيّه بس شسمه فيه نقطتين حبّيت انوّه عليهن

أحداث الجزء1 & 2 مذكوره في التقرير أعلاه غير المكتوب ماصار ولاهوب حقيقي خذها مني ياشنب .
يوسف ماسوينا الا الواجب ولو

ثاني نوقطه
الحين اذا جت معتز رصاصه يعني خلاص بيموت ؟! حلوه ذي لاتفتون من عندكم هيييييه هذا "يحيى" جته رصاصه و عآش
متولعه فيك وهـ

برب عيال قريه <<فوقه سويت لك دعايه ياكلب .

A S 6 O R H

باب الحارة ( الحلقة الثانيه )
ننتظرك يا ابو شلحلح بفارغ الصبر .. لـ اني اول الحلقة الى نصها رحت اودي ملابسي للمغسلة بسرعه عشان ارجع لباب الحارة واشوفها واول ما رجعت .. اتصال فيذا الجوال لـ اتصال ثاني .. ولا ركزت بـ اولها زين .. يا ليت نشوفك الليلة منزل لنا الحلقة الثانية
ولا ودي اكتب شي واعطيكم حتسي من عندي وهمن احوق الحلقة الثانيه .. ننتظر مهيب او همآي يغطون لنا او اي احد ازين مني .. بس فيه شين يقرقع في صدري بقوله .. هـ الحين بنت اللذينا آمنو ( فريال ) اللي يحلفون انها مهيب تعمر وتكمخ ولا احط شي في ذمتي لـ اني استاثمت بتغطية موضوع الصور اللي بيننا و بين المساطيل وانا احط في ذمتي .. هي وسنونها اللي حدر هـ الفريال وش هي متعنفستن عليه الله ابو شكلها .. يا زين من جاب سوط وكلبشات وقناع ( ) وربطها ولبسها القناع عشان ما يسمع الكلام من لسانها المدود ويقعد يمحطها فيذا السوط وهو مادها جمب النافورة .. ورجائن لحد يقول سطير يا سادي .

youSsef

حتى انا والله مثل سطير ما شفتها لكن هذا ما يمنع اننا نستنكر انه يجلس يحوم تسبودنا بفريال خانو .. وحنا للحين ما طاب جرحنا من فراق جميله وحتى شغل الزكرت والفله ابو عصام اجل ما يستحون على وجيههم ابو عصام على سن ورمح يختمون به هالختمه البايخه ايييه يا ابو عصام يا زكرت يا ابضاي يوم رحت حكموك الرخوم احس اني شطحت شطحه بنت كلب .. بإنتظار تغطية شيليويح (قلوب لان القلب عيا يطلع الصفحه معلقه)

مهيب عاقله

بالبدآيه توضّح في الحلقه عدّة خفآيا :-
تبدّلت شخصيّة خيريّه بنت ام خآطر من ( ديمه قندلفت ) إلى --> ( إمارآت رزق ).

-->

{۞ مُسَلْسَلْ بَآبْ الحَآرَه الحَلَقَه الثَّآنِيَه"2"۞
من بدت حلقة اليوم و نسوآن الحآره متجمّعين في بيت (ام عصام) اللي قرّرت ان كل شي يرججع مثل ماكان بما ان عدّتها خلّصت , والنسوآن كآنوا يتكلّمون عن رجوع ( لطفيّه ) لـ ذمّة ( عصآم ) اللي تزوج عليها ( مجهولة الاسم)<-- واضح اني راعية التغطيه , طبعاً ام بشير كانت تقول لا ترجّعون لطفيه (طبيعي لان بنتها هي ضرّة لطفيه ) , و ام زكي مغير تسكّتها , و ام حاتم تقول لطفيه مالها دخل اذا كانت امها حيوانه و لَعِينه رجعوها بس , و ام خاطر ماسمعنا رآيهآ , و بوران أكبر بنات ام عصام من جلست وهي تقول لالالا ماراح ترجع لطفيه لـ عصام لا معصي على فريال , المهم ان بالأخير (ام عصآم) حرمتن كبيره عارفتن الصح من الغلط و أصرّت انها ترجعها لـ ولدها .

-----



هنا نشوف (جميله) قاعده هي ورجلها بشير الخباز في لحظه تذكّروا فيها ابو عصآم و قعدت تنعى هي , و هو عاد يقول خلاص ترحّمي عليه وكيييذا همّن قعد يغازلها و ينغز رجلها و مدري وش و يقول " مابدّك تسقينآ مّيْ لِكْ جَميلِه ؟! " و صبّت له قدحاً من الماء , عاد هي وقفت صياح .

-----



هذا مثل ماقلت لكم قررت (ام عصام) انها ترجع مثل اول و تعزم نسوان الحاره عندها و يجلسون يدقون حنك ع قولة ام زكي , مافيه شي جديد يتكلّمون عن رجوع لطفيّه لـ عصام .

-----



ع نفس الطاوله لكن هذولا الصبايا و البناات البنااات ألطف الكآئنآت غنّوا ياااااا تلميزات <-- التغطيه التغطيه الله يصلحتس .

-----



يحاآآآآآولون يضبطون الدور جميله الجديده و هي في المطبخ تدّهر للحريم اللي برا . يقالكم كاشخه بـ خشمها الحين وع !

-----



في الطرف الآخر , فريآل و فوزيه جالسين يحشون في (ام عصام) لا شيء جديد و يتناقشون في رجوع لطفيه لـ عصام , فوزيه تقول لـ فريال ذلّيهم عند الولد اللي ببطن بنتتس تقول معتس الكبير , و اذكّركم ان الرابط العجيب بين الثنتين انهن كلهن متهاوشات مع ام عصام , فريآل السبب معروف , اما فوزيه من تُعْتَبَر هي سبب طلاق ام عصام من ابو عصام , لان ام عصام يوم تلفّظت ع زوجها كانت في لحظة غضب من فوزيه .

-----



فريآل و جآيز لها حتسي فوزيه و تزوووود عليه , طبيعي يجوز لها دآم انها تسبّ في ام عصام ! , بالأخير الثنتين خقوا ع بعض وقالت فريآل لـ فوزيه " لِك تُؤبريني شو فهيمه هآتي بوسه لشوف أوآم " . بعدها طلعت فوزيه من عندها و توعّدتها بأنها تلقط لها كل اللي تسمه من بيت ام عصام .

-----



هنا ام زكي راحت لم فريآل عشان تفهّمها ان ام عصام تبي لطفيه ترجع لـ عصام , وافقت فريآل ترجع له لطفيه لكن بـ شروط تعجيزيّه . قالت ابي لها طقمين ذهب و شيئين مدري وشهن نسيت اسمهن وتبي و تبي و تبي , و تبي بيت لها ماتبيها تسكن مع ضرّتها , هنا ام زكي طقّت لها بـ إصبع و ربي ياجناعة الخير طقّت لها بـ إصبعها خخخخخخخخ و هي تقولها " وشو بدّك كمآن يامرت البآشأ؟! " . قالت لها فريال لا تطنزين , قالت ام زكي وين تبينهم يجيبون فلوس منه لهالقش كله؟! قالت عندهمياحبيبتي عنددددهم قاللت ام زكي وش عندهم؟! قالت فريآل عندهم فلوس ابوهم قالت ييييي يخرب بيتك من حالك بدّك يورثوا ابوهن هلأّ ؟!
قالت ايه وش فيها ؟! أوّلها و آخرتها بيتقاسمون الورثه , المهم قالت ام زكي حتى فلوس الورث ماتكفي لطلباتتس قالت فريآل عندهم المحل صلّعت ام زكي المهم لاااااااااا يفووووتكم هالمقطع.

-----



هنا ام زكي راحت لم ام عصام و علّمتها عن طلبآت فريآل , قالت ام عصام لعنه!! طلباتها صعبه وش قالوا لها ؟!
-----



كبريآئي تآجي ام زكي.

-----


ابو غآلب هو و بليلته مرّ من عند ابو النار و سلّم عليه و كلّمه , بس ابو النار يرد عليه من طرف خشمه . يوم راح ابو غالب سأل واحد من رجال ابو النار قاله وش فيه عقيدكم ابو النار علي ؟! قالّه الرجال ماتذكر يوم ان جت حارتنا ضد حارة الضبع وش سويت؟! تركتنا ولا هاجمت معنا كـ رجال قعد يخربط ابو غالب المهم انه موب حدث مهم في الحلقه .

-----



بعد موت ابو عصام الله يرحمه , نلاحظ ان الامور تداخلت بـ بعضها و معتز لازم يحوّل شغله ع محل ابوه , و برضوو لازم يتعلّم الحلاقه لـ أبسط ظرف ممكن انه يصيب عصآم ! , مثل ماتشوفون معي بالصوره عجز مسيكين خخخخخخخخ لبى اللي مايعرفون الا لـ علوم الرجآل .

-----



بعد فشل معتز الذريع في الحلاقه , قرّر انه يصير العطّآر بدال ابوه , و دكتور
لو كُنْتُ من صبايا الحاره .. لا إدّعيتُ المَرَضَ! <-- لو تغطيتي بالقوافي أزين !

-----



بعد كذا راح (نوري) يحلق ذقنه , و قعدوا يسولفون نعه عصام و معتز و يريشووون به يقولون انت أحقّ من (أبو جودت) في انك تكون رئيس المخفر , و انك انت أفهم منه في طلق الأحكآم وعبّوا رآسه ماقصّروا .

-----



هنا جلسة عائليه لـ عايلة ابو عصام الله يرحمه , ام عصآم تقول لـ معتز بأخطبك لـ خيريه بـ أقرب وقت ان شاء الله , قال لا انا مأبي أتزوج قبل ماتعدّي سنه ع موت ابوي ! و برضووو عيّآ دلال تتزوج قبل فوآت سنه ع موت ابوه . كلب << ع لساني (كلب) هاليومين.

-----



هنا نشوف ولد الادعشري رايح يتعلّم القراءه و الكتابه عند (أدهم ) لاتسألوني منهو شخصيّه جديده متعلّمه دارسه , فجأه طلعت بالمسلسل ! , المهم ان أدهم سأله هو من أي حاره ؟! قآم ولد الادعشري يتهرّب من الاجابه , و (أدهم) حسّ بـ أنه مهوب مضبوط ;).

-----



في غرفة نوم عصام و زوجته , الحرمه طلع لسانها وقامت تكاذخ و تقول ورأك تبي ترجع لطفيه؟! معناتها انك لهالحين تحبها ؟! لالالالالا لاترجعها وه بس ياملحها يلعن شكلها انا و انا بنت خقيت , شسمه قال عصام انا برجعها عشان الوبد يابنت الحلال , قالت اجيب لك 10 أولاد , قال يله ورينا همّتس , قالت طيب لا ترجّعها الين تآلد ع الاقل , قال لأ. حرمتي مآ تآلد الا عنيد بالبيت . قالت لالالالا مابدّب مابدّي , و طلعت . (يلعن شكلك احد يزعّلها ذي ) << وش عندي ؟!

-----



هنا نشوف (أبو جودت) وهو يهوجس في الحلم اللي هو محلّم فيه ثعآبين و مدري وش .

-----



هنا دخل عليه (نوري) الباب انخرع من كود الفتح إرتآع ابو جودت وطمر .

-----



بعدين قالّه نوري انك انت يا (ابو جودت) جايّك خطآب عآجل , قرآه ابو جودت همّن قال:
" و هلأّ وقعت بـ إيدي يآ ابو شهآب "

-----


هنا وقّفت حلقة اليوم , نشوفكم باتسر أن شاء الله .

f a m o u s

هالحين مدري عادي لنا الحق نناقش الحلقات ونتكلم عن المسلسل هنا ولا كيف
اخاف اتقرشع انا وردي

::

انا ما جيت الا عشان اقول وآ اسفاه ايها المخرج العزيز .. تخربها وتقرشع جميله
عطها لو تبي مثل (( اجر )) ابو شهاب ولا ابو العز ولا ابو عصام
لعنبو بليسك اشتقنا لنطآتها بالحوش عند النافوره
اشتقنا نصيح لصياحها ونعيش لحظاتها

جبت لنا وحده مثل الناقه اكبر من اختها .. خربتم ام السالفه
والله ياللي يشوف جميله جنب دلال الجديده انه ليحلف ان هالمخرج انلحس

قلوب من هنا الى قلب جميلة <-- ما يقلد احد

||

والله يا احس نفسي طلع لي قرون وبديت (( اتنعج )) و (( اتخرفن ))
لحد يصدق بس هنا الشعب لا بغى يمدح يمجد تمجيد خخخخخخخخخخخخخخ


زبدة الحكي إنا بدينا نفقد بعض الشخصيات بالمسلسل مثل ما فقدنا (( الايدعشري ))
اي هين يبطون والله يحتكون احتكاك بسيط في الذيب الايدعشري (( ذيبآن ))

||


لو يفكونا شوي من سوالف الحريم الزايده سلكنا لهم بالجزء الثاني لا يفلونها واجد

شليويح بيك

باب الحارة 3
الحلقة الثانيه







.. يتبع





تم