MţωlЗђ ƒέκ

سْطِيرْ ..
حسيت اني اتكلم اوردوا مو فصحى
لا وليته فصحى زين والله كله مكسر خخخخخخخخخخخخ
المهم آجي واقول لكْ ..
انت الحين تقول ان الاخلاق مو شرط تجي عند الانسان المسلم بس ..!
طيب انا ابيك تقول لي وش يندرج تحته مسمى الاخلاق بس .!؟
يعني وش التصرف اللي يسويه الشخص علشان تقول هـ الانسان سيئ اخلاقياً ؟!
علشان اعرف اوصل لك فكرتي وكذا

:

وبعدين احب اوضح شي من ردِيّ ,,,, ان مو كل مسلم كامل اخلاقياً ,
لو كان كل شخص مسلم كامل اخلاقياً ماكان للدين مراتب
اعلاها الاحسان وادناها الاسلام ..!
هذا شي الشي الثاني انو الرسول صلى الله عليه وسلم كان يقول في الخاطب
اذا اتاكم من ترضون دينه وخلقه فزوجوه .!
لو كان كل مسلم دَيّنْ خلوق ماكان الرسول اشترط الخُلق للرجل .!


ومن ناحية المراءه ووجود الاخلاق فيها وكلامكم فوق فـ احب اقول
انو الرسول لما اشترط في الزواج الاخلاق شرطها للرجل فقط ..
وقال تنكح المراءه لـِ دينها ماقال لخلقها لـِأن المراءه تروض ..!
يعني على حسب الاهل والاب والبيئه المحيطه فيها ..
هذا دليل على ان الغالب في المجتمع القديم والوقت الحالي ان الرجال اسواء من النساء في هـ الموضوع !!
وهذا مايعني انو كل عائله دينه ومطوعه مافيها اي شخص سيئ ابداً ..

الشي الثالث : الى الان وانا ماعممت على الشعب السعودي وقلت انو كله سيء اخلاقياً ..
واحتمال يكوون اغلبكم من النصف الباقي || الجيد طبعاً .. ..

وبس

اُنشودة المـَطـَر

سلمى

ما دام انك رديتي بيوز سلمى اذا برد على (نبض) و(سلمى) مره وحده

خلينا من هذا كله .. انا استفزتني نقطة بجد
الي هي :

مخبينها ؟ او ع قولك مغبينها؟
يعني طول هالوقت مو عاجبك احد؟
ويعني بعد ردك هذا تبين ان قبل الموضوع طايحين من عينك عالآخر
وبعدين اقتعنتِ ان البعض اذا لم يكن الكل عنده اخلاق
لكن مخبيها؟؟
سلمى ما يصير كذا ؟!

اقتباس:

وانا بصراحة منصدمة من المجتمع ! كنت احسبهم شي افضل وارقى ! لكن طلعوا علوم

طيب ، انصدمتِ .. والله يعينك
تقومين ترمين اتهامات وتعممينها عالشعب؟؟

اقتباس:

وانا حكمت بالي اشوفة حولي

تخيلي معي دكتورة في الجامعة تجي وتقول والله ياكلاسكم كسالى بلدا تنابل
وانتي وزميلاتك باذلين الي تقدرون عليه
بتسكتين وتقولين خلاص لا تردون - او بتقولين لها صح عليك؟ رغم ان لك راي مخالف ؟
لا طبعاً
وعشان كذا الناس قاعدة ترد ع الموضوع هنا

اقتباس:

هم يعتبرون الشخص الطبيعي والي مايتطرق للأمور الي تتجاوز الخط الأحمر ملائكة ! لذلك حنا نكلمهم من منطقهم , لنخبرهم اذا كان هذا حكمهم فنحن ايضاً لا نستطيع إلا ان نقول انهم شياطين

منهم ؟؟ عطيني شي ثابت
وبعدين شياطين ؟ يعني هذاك حكمتِ ان فيه شيطان بالكامل !
وهذا ما لأحد حق ابداً ابداً انه يطلقه ك حكم الا الله الي خلق الخلق والعالم بنواياهم؟

اقتباس:

مهب كل الأمور تؤخذ من نظرة عاطفية

من الي اخذ الامور بنظرة عاطفية؟
على الاقل ـ انا جبت ادلة - جبت ناس استدل فيهم انهم نصف نقيض كلامك

اقتباس:

ولا من نظرة عزوتي واهلي وسندي

ما فهمتِ علي، انا ما جبت اهلي كمثال عشان ادافع عنهم
انا جبتهم كمثال لاني الاقرب لهم
وبتقولين خلي عندك نظرة ابعد
بقول مين؟
الجماعة؟
الجيران؟
زميلاتي في الجامعة ؟
زميلات هنا وهناك تعرفت عليهم في بازار او معرض؟
طيب ،، بأي حق احكم حتى ولو انهم يخطون وهذا الي يحصل
من انا عشان انعتهم بصفات سيئة واتهمهم اتهام باطل ؟!

اقتباس:

لكن هذا مايعني ان اهلي اذا صاروا من نفس المجتمع اني ما انتقدة

مره ثانية ما فمتيني ، انا ما طهرت المجتمع بالكامل ,, ليه تاخذين نصف كلامي وتخلين النصف؟ انا قلت فيه وفيه ،، [فيه الزين وفيه الشين ]
ولو اني اتجنب انتقاد المجتمع الي انا عايشه فيه ، كان قلت مجمتعنا ملائكة وبس
ومافيه الا الزين وبس

اقتباس:

ومايعني اذا صار ولدي مثلاً , بمدرسة اني انقي هالمدرسة واقول اروع مايكون

جيبي لي من ردي تعميم وتتمة اطلاق صفة الملائكيَّة على مجتمعنا؟؟؟
.. قلت لك [ فيه وفيه ]

اقتباس:

ومهب كل من عرف وش تعني الأخلاق طبقها

هههه قلتيها .. هذا يعني ايش؟
يعني احنا [بشر] ، محد كامل ،، وكلن وجهده
طيب والي ما بذل جهده ؟
هنا راح تاخذ المسألة منحيين
اما :اننا نحسن الظن في [ سريرته ] وانه يفعل اشياء تكفر او تعوض في [الخفاء]
او : انا نتركه وشأنه (دعو الخلق للخالق) ، بأي حق نحاسب الاخرين [جِهارا]
نعم ، ننقد - ونقول هناك خطأ وعطب ما في المجمتع
لكن مو بطريقة [ تعميم السوء ] مثل ما فعلتِ في الموضوع

اقتباس:

وانا ذكرت انه يفق خشتة من باب السخرية

لأني في قسم الاسرة ومكتوب جنبها للنقاشات الجادة ، افترضت ان الموضوع جاد
ومابينتي لنا انك تقصدين السخرية في موضوعك .

اقتباس:

انا قصدي ان الناس ماسكة سالفة الشخص العادي انه ملاك فما بالك بالشخص الملتزم او الي جعل القرآن دستوراً لأخلاقة صار يلقب بالأرهابي

ويحَ عيني ما ترى <<

سلمى ، وين الرابط بين سخريتك بالمجتمع في اول الموضوع وبين كلامك هذا الي فوق
ثاني شي // جيبي لي من مجتمعنا واحد مسلم (غير لبرالي) يقول ان الي جعل له القرآن
دستور يلقبه بالارهابي؟؟ وبعدين كلنا دستورنا القرآ ومن زمان ؟ كيف تقولين (جعل)؟

اقتباس:

يعني كل مالهم ينسلخون عن الأخلاق ويعتبرونها مثالية

من هم بالضبط يا سلمى؟

اقتباس:

لما اعترفوا؟ قلتيها لما اعترفوا ....!! لكن الي اشوفة ان الناس تحس الوضع عادي , فكيف تعترف بشي ماتحسة انه خطأ .! وهذا ردي على كلامك من موضوعي

طيب ، الي اعترفوا اعترفوا لأكرم الخلق الرسول عليه الصلاة والسلام
الحين من تبين يعترفون له؟؟
يطلعون بالشارع يقولون احنا غلطانين
ولا كلما راحوا اجتماع عائلي قالوا امس سكرنا ، وشربنا (المخزي)

اقتباس:

انا اتكلم عن الأخلاقيات لأنه ممكن فيه , اجنبي كافر عندة اخلاق احسن من مسلم من الناحية الشخصية

معاك بهالنقطة 100%

اقتباس:

الحين اهلك هم كل المجتمع

لا لكن جزء منه ويعيشون فيه ويعاشرونه
طيب ، الفئة الي ذكرتيهم؟ كيف عرفتِ انهم ثلاث ارباع المجتمع؟

اقتباس:

يمكن اشياء بأسرتي اعتبارها صح واخلاقية , وانتي تعتبرينها العكس ! وهذا ينطبق على باقي الأمور

لكن ما بجي ابداً وبقول اسرتك ما تعرف وش الاخلاق . واظن الظن السوء فيهم
بالعكس بقول الخافي يمكن خير

اقتباس:

اولاً لو هالشخص مايدري ان الي يسوية خطأ , كان ماحاول يسوية بعيد عن الناس ؟

اكرر ، هو يدري انه خطأ
لكن لان الناس من يشوفونه يعتبرونه (بلا اخلاق ) زيا تفضلتِ انتِ ببداية الموضوع
ويقسون عليه
بينما هو يعرف ان الله ارفق به من عباده به
لذلك يخاف يسويها امام الملأ

اقتباس:

قالوا بلا تعقيد , خليكم متفتحين

متى قالوه؟ ووين [بالضبط]

اقتباس:

فيه شي يسمى الضبط الداخلي من المفترض ان يكون لدى كل شخص , زي الي يسفرون اولادهم للخارج ,,, بعضهم يقول اي والله فلان عاقل يدرك الصح من الخطأ ,,, وفلان الله يستر ماينظر إلى الأمور بنظرة ثاقبة , يعني طايش , مايعرف مصلحة نفسة , مايعرف هل الي يسوية خطأ او صح

والله الي واثق على وشو مربي عياله ، بيتركهم يسافرون للخارج وهو وواثق وش بيكونون
عليه
هو رباهم هم صغار ، وصاحبهم لما كبروا
الي طايش ، يتحملون اهله طيشه ، لانهم ما علموه الصح من الغلط
اما الشخص (السيكوباتي) فهذا استثناء لأنه تكونت شخصيته نتيجه لانعدام وجود اسرة او جو اسري ..

اقتباس:

ياحبيبتي انا ماوضعتك تحت المجهر وقلت لك هل الكلام ينطبق عليك او لا ينطبق ! خلي نظرتك وملاحظتك ابعد شوي من نفسك ومن محيط العائلة

لكن حطيتي المجتمع الي (انا واهلي ومحيطي العائلة) منه ويعيشون فيه -تحت المجهر

اقتباس:

كذب وصدق خيانة وفاء عدل ظلم

وين وجه المقارنة بين العناصر الذي ذكرتي ؟
الخيانة زي اللون الاسود البحت ، والوفاء زي اللون الابيض الصافي
مافيه اوجه اصلا عشان نقارن اذا كانت نتنمي للشبه او الاختلاف

اقتباس:

فيه فرق بين الأخلاقيات , والحلال والحرام

احب اقول هالكلمة لك انتِ ، لأنك في بداية موضوعك تكلمتِ عن الي يعرفون وين المخزي فيه
وعن البنات الي يعرفون المشغل الي يضبط نتف الحاجب
وعن الي مواعد خويته، وهذي مو اخلاقيات ، هذي امور لها حكم
لان المخزي حرام ، ونتف الحاجب (ملعونة فاعلته)
والي تطلع مع خويها (ولكن لا تواعدوهن سراً)
كيف تعلمينا ان فيه فرق بين الاخلاقيات وبين الحلال والحرام وانتِ اول من خلط بينهم؟؟

اقتباس:

دليل موثوق للقياس الي هو الملاحظة

وش الي يأهلك انك تمتهنين مهنة المُلاحظ على المجتمع لا بل وتطلقين احكام مجحفة بحقه؟؟

الي اعرفه ، ان الي يمتهن هالمهنة يكون مجرِّب وخبير ومُختَبَر من قبل حكماء
والي سمعته ان علماء الاجتماع الي وصلوا لقمة العلم والحرفية في مجال الملاحظة
كانوا يخافون انهم يطلقون احكام على المجتمع بهالشكل .

اقتباس:

ومهب معقولة بسوي استبيان قبل اكتب اي موضوع ؟

ومو معقوله تطلقين حكم على مجتمع كامل .. وبطريقة استهتارية

اقتباس:

ماتكلمت عن الماضي , انا اتكلم عن وقتنا الحالي

والحاضر رغم كل مافيه ، الا ان فيه ناس تستحق الذكر وبكل خير في مجتمعنا
تبين امثلة؟؟


سلمى الاختلاف وارد بين الحبايب

الاسد المدلع

انشوده اختي لا تعبين حالك بترد وتكابر على خطأها هذا مشكله سبعه وثلاثين بالمئة من الشعب السعودي < اش رايك سلمى بالاحصائيه ههههههه آسف على الخروج من الموضوع

مرهف الإحساس

نبض
كلامك فعلا عين العقل
الشعب السعودي متخلف
شكرا من اعماق قلبي
لا تتاخرين علينا بمثل هالمواضيع استمتعت من اول حرف لاخر حرف
حروفك من ذهب

الاسد المدلع

قبل لا اسجل خروج نهائي من الموضوع احب ابين اعجابي بأنشودة المطر ماشاء الله اختي قمة في الاخلاق والمعرفه وبرؤيتك للاشياء وقوة حجتك افحمتي بعض الناس مره اسلوبك حلو الله يخليك لنا وللمنتدى اختي

اُنشودة المـَطـَر

^ ^
سوري ما اقبل اعجاب
وبعدين من قالك اني ابي افحم

انا ابي ناقش سلمى عاللي مختلفين فيه

ويارب ما يتقفل الموضوع

الاسد المدلع

آسف اذا سببت لك احراج

A S 6 O R H

MţωlЗђ ƒέκ

V

ههههه لا لا .. الصـوره ما تتحـدث
صاحبـه الموضوع هـي إلي تتـحدث هنـا
لمّـا خالفهـا الجميـع .. ظنّـت بأن الجميـع يتهجّـم عليـها
بـس ما انكـر إن بعـض نقاشـات العـرب .. كـذا !
وبرضـه فيـه شـي ثانـي يتضـح في بعـض نقاشـات العـرب
عـدم الإعتـراف بالخـطأ !
يعنـي اقنعـه إن وجهـة نظـره .. خطا !
بأدلّـه وبراهيـن .. يصـر على وجهـة نظـره وهـي خطـا
مـدري ليـه ..! ؟
يمكـن يحسـب إنـه إذا اعتـرف إن وجهـة نظـره خطـا حـاجـه عيـب او عـار
او ينتـقص من قيـمته .. الله العـالم

.
.

ذكـرت في البدايـه نوعيّـة النقـاش إلي بيتبعـها الموضـوع
وما خـاب ظنّـي
شكـرا نبـض على عـدم خـذلاني

سلمى

A S 6 O R H