الحين كل شي عوائل ما قلنا شي ، ممنوع دخول الافراد ما قلنا شي ، الخوف اليوم اللي يجي
تبي تدخل ( شات ) يطلع لك تنبيه ( عوائل فقط ) !!! يعني اعرس واجيب حرمتي اتغزل فيها
وابرفتها وانقزها مسن ثم جوال ثم اديتها في صالة البيت ؟!

أبي أعرف ليش ليش التفرقة العنصرية هذي ؟ ليه يعني الشباب جايين من كوكب ثاني والا
بطريقة ثانية غير البنات ؟ كلنا جينا بنفس الطريقة يعني امك حطت ورقة فيها اسمك تحت
المخدة يوم قامت الصبح لقت نونو وش حليله يدنن ، يعني انت ياللي تقول ايه ما نبي الا
عوائل طيب طبق النظام صح والا الفز عصاك في اللي انت خابر ، أدخلها في غمدها ،
يعني لا تدخل احد الا وهم عائله ، اما انك تدخل بنات ٍ بازعات ٍ ريحة عطرها لو تشمه ما
عاد شميت بعدها شي ، تحرق خشمك احراق ، وترد رجال ٍ طول بعرض لو كح في وجهك
طيرك انت و طاقيتك ( تراي عسّبت ) ، والا انت تطبق ( البنت عن عشر رجال ) ؟ يا
العمدة والله ما لقاها الا السيكيوريتيّه ، قزقزه وتكحيل والا اذا جت تشتكي له وحده ان هذاك
الولد ازعجنييي قال لها خذي رقمي اذا ازعجك احد اتصلي علي ! تراها قد حصلت

خلو بناتكم في مولاتكم يتمنون صنان الرجال بس برب الاستراحه