شقة 19 - الصفحة 2

A S 6 O R H · 17-06-2009, 06:38 PM

وش هـ الزين يا يستريحون .. مير بعذرتس مغيرتن اسمتس ولا من شين نفس بعد .. تجيني وتذبين علي ملفتس وتقولين هييه أسمعني أنت غير يوزري من ريمي لـ يستريحون .. لا ومخليته إنقلش من زود الطنخه والفسقة <-- أي شي أنقليزي يصير طنخه .
الله يـ الدنيا من أول العين بصيرة واليد قصيرة والأرداف كبيرة والأخصار نحيلة ( خصر واحد تراه يا لحجي ) وتجين لمي أسطورة دبرني بـ مكان حفلات لـ حدا أخوياك راعين القرنقش والقصور والشاليهات بجي أرقص عندهم وأخليهم ينقطوني .. ولا تطيحين لتس بطاولة واحداً منهم ومافيه الا ع الوحده و نص فوق طاولته وهو مدنقن وملصقن خده ع الطاوله وعييناته فوق رويسه تسنه مصور يبي يصور له صورتاً بـ زاويه ضيقة :١١ .. وما فيه الا عرقات تقوطر وهو يتنشق يالله من فضلك وقتها عاد تاخذين اللي تبين وتمشين .. والله يا بعد وقتها ما عاد يبي الرجال الا وناسته .. أهم شي سعة الصدر :٣٣: .. أيه دنيا ما ترحم .. هاك الأيام تطقين لي تحية وخدامتك يا بيه .. وهـ الحين عساي أقدر أسلم عليتس .
وخلينا بس ندحدر لـ إقتباسات موضوعتس

.
.

اقتباس:

أستغفر الله مدري وش اللي حدني على هالقايلة أنزل موضوع

مثل اللي حد غيرتس يرجع من دوامه والشمس طابختن نافوخه طبخ وما يمديه يجي ويشوف حريمته مولعتن له المكيف قبلها بـ ساعة ومزيتن له الحمام عشان يتروش ويتغداء وهو مزاج صعيدي ويقولبها بها الظهريه وأهنا عصفورين بحجر عشان الترويشة تجي مضبوطه :١١ .

اقتباس:

من الله خلقني وأنا حالتي كسيفة
حتى أمي لما كانت ترضعني ، حليبها يخلص بسرعه مدري من شفاحتي ، وإلا أمي صدرها طفران خخخخخ
أقولكم مره من يومي صغيرة وأنا راضعتن مع الفقر

يعني أمتس كانت تقوى ترضعتس زين يا بنت الحلال .. غيرتس طلع ع هـ الدنيا بعد ١١ شهر وهو في بطن أمه صايرن ثور مهوب آدمي .. وقبله جايين اربعه ما بين الأول و الثاني والثالث و الرابع الا وقت النفاس و ٩ شهور .. من وين لتس أمه تبي ترضع والله يا هي مستحيله بعد .. غيره كان أشطر ومص الحليب كله .. أتذكر كان يمص من صدر أمه وبدال ما يشفط حليب صار يشفط دم .. الصدر ناشف ناشف ما فيه شي .

اقتباس:

كل يوم أمي تعطيني منه خمس حبات و ألقمهن على مضض

والله ياأخبرلتس قصب سكر يكفيتس عن هـ الخمس حبات وانتس تلقمينه لقم بدال ما تلقمينه ع مضض ولا ودتس يخلص أبد من الزين اللي فيه .. أجل خليني أقولتس الزين حقه أنتس لا مصيتيه عشان يخلص الحلو اللي فيه تبدين تاكلينه أكل .. يعني أثنين في واحد منها أخذتي الطعم الحلو اللي فيه ولا قضى حلوه ما ترمينه لا تبدين تاكلينه :٣٣: .. الله يرحم حالتس بس بلا برحي بلا هم يحزنون .

اقتباس:

كنت خجولة مره ومنطوية على نفسي ،، أحضر المدرسة اقعد بكرسيي اجاوب أحل أطلع اروح بيتنا ،، وكان الله غفوراً رحيما
إلين إني تعرفت بالصدفة على بنت شيوخ كانت توّها راجعة مع اهلها من بريطانيا

يعني وش رايتس بنت فقر لبسها مخيس وحالتها زفت وريحتها صنق والزيت يقوطر من شعرها والله يستر لا تطيح كتل حنه من راسها بعد .. وش تبينها يعني تبينها تطلع بـ الفسحة وتراكض وكنها باربي وريحتها وش زينها ويا بنات شوفوني أنا حلوه و نظيفه .. أكيد تبي تعضين ع شحمه وتصيرين منطويه ع نفستس وتحضرين وتجاوبين واحيانن اقولتس لا تجاوبين وتطسين لبيتس .. لكن هه هذا الحين جتس الفرصه وأستغليتيها مع بنت الشيوخ .. اللعن شي المحروم .. صدقوني الشخص المحروم طول عمره لمنه لقى اللي يعوضه الحرمان والله يا هو يجيك مجاوب بـ أقصى و أقوى ما عنده ومستحيل يفرط بـ التعويض .

اقتباس:

وكانت دايم تشري لي فسحة وتعطيني كل يوم ريالين وتمسح على شعري تحسبني قطوتها اللي ربت معها

والله إني ما كذبت يوم اني أقول شعرتس فيه زيت والله يستر لا تطيح قطع حنه منه .. هذا لونكم يا بنات الفقر أزين ما فيكم شعوركم لا تروشتوا بعذرها تمسح ع شعرتس وتشوف هـ الشعر الحرير اللي ما يمديه تحط أصابع يدينها الرقيقة الا وهي مدحدرتن حدر وما يردها الا القوس اللي بنهاية ظهرتس وبعده تجي ردوفتس ترد يدها لا تنزل زود من طول شعرتس اللي واصلن نص فخذتس .. من عرفتوا أرواحكم يا بنات الفقر وامهاتك تحط لكم من هـ الزيوت وتلعب عليتس عشان شعرتس يزين .. هي صادزه عشان يزين .. بس مقصدها أن أبوتس لو شافتس تتروشين كل يوم لعن خيرتس أنتي وأمتس معتس .. ومالها حيلة أمتس غير أنها تحط الزيت بشعرتس وتنصب عليتس يومين أسبوع ما تتروشين :d .

اقتباس:

وصرت أحس إني إذا مريت من جنب أحد وهي ماشيتن معي ينتفخ راسي

يا نصبتس بس .. خبري العيال ينفخون الراس .. والبنات ينفخون ويرزون الصدر .. هذا والله أعلم .

اقتباس:

ومير إني طول الليل وأنا اتقلب على فراشي ومعورقة خوف الفشيلة

متأكده أنتس معورقتن ومخومرتن بمرقدتس خوف الفشيله :٣٣: .. يختي ريحتس وصلت لـ أقصى الشقة وانتي تقولين معورقتن خوف الفشيلة .. أجل لا تزوجتي وعرقتس رجلتس وش يبي يصير .. إذا خوف الفشيلة وكيذا لا يقولون لنا بليلة دخلتس ,, إنذار هام ويشغلون لنا الونانات واللبسوا الكمامات عشان تبي تجيكم ريحتن مخوثرة . .. الله يستر بس

اقتباس:

افهمي يابنتي انتي تبغي فلوسك تعالي خوديها ماتبغيها قريح يزومك منك إلك ( آيقونة سطير آل شبكشي )

ما تجي ما تجي .. يعني وين أنتي من جدتس سطير آل شبكشي .. تبي تجيبين عالم مختلف .. الحين ما بزينا بـ شبكشي بـ الحاله ومتأزمين أنه يختفي بشيشة العمدة والامواج تجرفه لمكان بعيد .. تبي تجيبين سطير آل شبكشي عزا الله جوج وماجوج حانت حزتهم .

اقتباس:

آي تيل يو ياحصة آي تيل يو ،، ( يعني قلت لك ياحصة قلت لك هذي الترجمة لسطير بس ) من صبر نال وهذاكي نلتي يا روحي أنتي

ييييااااه مااان .. وتساااب نقا ؟!! قيف مي فايف .. هاو متش .. هه تحسبيني ما أعرف إنقليزي .. أصلا ً لعبتي الإنقليزي .

.
.

الله يعطيتس العافيه ع هـ الموضوع يا يستريحون .. وكثري لنا من هـ المواضيع وخلينا نشوف لتس ردود بـ التكية دام هـ الموضوع طالعن منتس .. ما عندتس عذر وتقولين أني ما أعرف أرد وفيني مصاله .. مهوب بس تحطين لنا موضوعتس وتردين عليه ولا عاد نشوفتس .. ترا هه العمدة رجالن اجودي ويقولون أنه مهوب يخون ويدور نصفه الثاني .. عليتس فيه لا يطير من يدياتس .

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

		الساعة الآن 09:01 PM. Powered by vBulletin® Version 3.8.3, Copyright ©2000 - 2010, Jelsoft Enterprises Ltd. TranZ By Almuhajir Content Relevant URLs by vBSEO 3.3.0 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47