القبول والتسجيل [ لحد ينسى الملف الأخضر العلاقي ]

عمدة الملحق · 17-01-2007, 01:18 PM

بسم الله الرحمن الرحيم

السلام عليكم ورحمة الله وبركاته ...

عزيزي المخنبق عزيزتي المخنبقة ..

لقد تم الاتفاق بين الروس الكبيره و الروس الوسط وراعين الحلال مع موافقة مباركه مني انا العمدهـ على قيام بفعاليات ختشيييرتن ورهيبتن جدن خاصة بمنتدى الشله اسمها

" .. فعالية العمدهـ الأولى .. "

والتي ستقام بعد الاختبارات ان شاء الله ... وذلك من منطلق حرصنا كمشرفين واداريين خنبقة على مستقبل الاعضاء الدوافير ..
وذلك لاننا سمعنا ان عطيات نور الله دربها نقصت يوم السبت نص درجه ( وجه يقول اهب ماشاء الله ) وحاطتن اللوم على ما حولك ضعيفة ربي تقول اشغلتين انتي ومواضيعتس الرهيبه << تعني البوم خنبقة ..

لذلك قررنا مايلي :( وجه مديرة مدرسه عليله )

أولأ :
سيتم تطبيق الفعاليه بعد الاختبارات مبااشرة يعني يالطحاطيح اللي بتحتفلون بنجاحكم خارج المملكة نقول لهم وبصوت أجش نجاحنا مع خنبقتنا احلى..
والملحطين اللي حدهم الشرقيه نقول لهم يوم واحد يسد عن التفلحس بس ( وجه يناظر ابله عطيات ) ..

::
:
.

ثــــانــــيــــاً :
الفعاليه تتطلب وجود شريك لكل عضو ( موب شريك مدى حياة لاا يعني كل واحد يجيب صقيقه ويصيرون فريق ) ... شرط ان لا يتعدى الفريق الواحد اكثر من شخصين فقط .. ( يقولون اذا كثروا الطباخين غدت الطبخه سامجه - صورة وجه يناظرني - ) ويتم الاتفاق عبر الرسائل الخاصة .. ( ما فيه ايميلات عن الترقيم يا بنت انتي وياها خلو العيال في حالهم اعقلوا ) او عن طريق الشات المخصص للفعالية ...
( :: . بوفية الشلة .:: )

::
:
.

ثــــالــثـــاً :
كل فريق عليه الابتكار بإسم لشلتهم.. بشرط ان يكون الاسم ذا معنى خنبوقي ( يعني اللي بيجيني يقول اسم فرقتنا الأصدقاء ولا الأقوياء ابعلقه مع عراتزيبه وابطح خويه ومافيه غير فلكه .. نبي اسامي مقلعه وانا عمدتكم )

::
:
.

رابــــعـــــاً :
تصميم شعار ( 150 بكسل × 150 بكسل ) للفريق + توقيع ما يتعدى ( 400 × 400 بكسل )
واللي مالهم في الفوتو نبي نحط لكم موضوع في الاستديو للطلبات حطوا الصور هناك واسم شلتكم وحنا نتفاهم معها ( وجه يقول ترا عمدتكم موب ذاك الزود في الفوتو )

::
:
.

خــــامــســاً :
في هذا الموضوع .. بعد ما تتفقون على شركائكم على الاسم والشعار والتوقيع نبيكم تسدحونه لنا هنا في رد واحد وتكتبون تحتها اللي تبووووون يعني نبيكم تتكلمون عن نفسكم بطريقة فاااااااصله يعني اهرجوا هرجن فاضي وتكلموا عن حزبكم مدري شلتكم ومن سوى الشعار ومن جاب الصوره وشلون اعرستوا على بعض .. في رد لا يقل عن 10 أسطر << يا زين اختبارات التعبير من أول يا عن الماء ولا الأم وان تسانهم مرره تطوروا حطوا اليوم الوطني
وعن الشتشته انت وياها ترا اللي بيشتشت ولا بيعلق على شعار احد بيحذف رده .. نزلنا لكم شات خااااص بالفعالية ( ::. بوفية الشلة . روحوا ذبوا هناك وتحدوا بعض هناك << والله تسان ودي اسمي الشات شات التحدي بس عاد ما حصل لنا ( وجه يحب يتفرج كبتن ماجد )

::
:
.

ســــادســــاً :
الفعاليه عباره عن اسئلة منوعة واللي بيجاوب اسرع له نقطة وعلى حسب التفاعل بنشوف مده الفعالية ( سيأتي التفصيل في الفعاليه لاحقاً عن الخرشه )

::
:
.

ســــا بــعــاً :
الجوااااااااااااااااااااائز

( صوت تصفيق وشربكه )
قسم جوائز ختشييييييييره خاااااااالص ومنتااااااااااازه باللحيل
يعني جائزه تستاهل تعبها لدرجه اني ودي اشارك معكم .. ايه نسيت شي ترا الاسطورة ممنوع انه يلعب لا هو ولا شليويح ضحكوا عليهم كركركركركركركر ..
الجوائز سلمكم الله هي كالتالي :
أولاً: نبي نذيع اسمائكم فـ الطوابير
ثانياً : نبي نكسيكم من أجدد الألوان الوجوده بالسوق يعني الـ2 اللي بيفوزون راح يصير لون اساميهم غير عن الناس .. تقولون وش حيثهم .. نقول بلاهم اجتهدوا وفازوا يا حوووبي لهم شدوا حيلكم عشان تصيروون مميزين وتزهوا بأحلى الألوان
ثالثاً : رتبة VIP مع مرتبة الشرف يعني طال عمرك اذا فزت نبي ننقلك من رتبة عضو الى رتبة المميزين والشخصيات الهامة ونبي نحط لهم مميازت خاااااااصة غير عن الأعضاء سيأتي التفصيل في المميزات لاحقاً بالركاده .. ( وجه على بالة يسوي اشاره وتثويق )
::
:
.

ثـــــامنـــــاً :
يحق لماحولك احد وما فوقها من اداريين تعديل الاسماء ومقاسات الشعارات دون الرجوع للفريق نفسه ( من اللحين اعلمكم ما نبي عنصريه ولا قلة حيا يعني لا تجوني فريق" الهلاليين" ولا فريق " يسقط الفريق العلاني " اختاروا اسم زين واثبتوا وجودكم .. )

::
:
.

تــــــاسعــــاً :
وش تحتري انت وياها يالله كل واحد يمسك يد صديقة ويروحون يزبطووون حزبهم ترا ورانا خنبقتن واجده يالله افلحوا يا عيال كفر الشلة افلحوا ..

روتــــــــــانا · 17-01-2007, 01:36 PM

والله يالعمده ان اشهد ان اللعبه ذي فللللللللللللللللللللللللللللله

وفيها حماس شوي زي اسم فريق ونصلح تصميم لاسم الفريق يعني تحس انك تلعب..

بس الله الله بالاسئله السنعه لاتصعبهااااااا ..

وننتظر التفااااااصيل في الفعاااااليات ..

بس من صديقتي ؟

(الضوء الاخضر )

عمدة الملحق · 17-01-2007, 01:40 PM

^
^
قلنا الشتشته ذي في البوفيه موب فيذا طال عمرك ..
لا توطوط فيذا الا معك صديق وملف اخضر وشعار وتوقيع
اللي بيرد بعد كذا بشتشته ترا بينحذف رده .. << قسم اني عمده صدقي

منحاشه من بيتهم · 17-01-2007, 09:09 PM

احم احم ...<---- وجه خايف من خشة العمدهـ

المهم اني ابي اسجل ... وابي كم بنت معاي .. مابي ثنيتن يعني نبي نصير اكثر يعني بنووده

وبياعة العلوك والاميره وماحولك احد وعط عط ومشاعل

او يصيرون فريقين البنات والاولاد

وسلامتكم ...

منحاشه من بيتهم · 17-01-2007, 10:54 PM

اخووووووووووووووووووص يالعمدهـ مسوي اعلانات اثرك منتب سهل

بس حلو الاعلان .. جذبني اكثر شئ تويتي

๑°مشـــــاعل°๑ · 18-01-2007, 03:17 AM

تراني ما فهمت ولا ولا شي

<-- عندها صعوبه تعلم ههههههههه

لا إسم الله علي بس مدري حسيت إن الكلام مره كثير وتعيجزت اقراه كله ابي الزبده بس

اذا شفت كذا رد ابستوعب وش تبون بالضبط

بس وخزياه لو انا ابي واحد والبنت الثانيه تبي نفس هذا الواحد قسم بالله تبدا عاد الغيره وحركات النص كم بين البنات ههههههههه

<-- كبرت راس التماسيح خخخخخخخ

بعدين ليه ما فيه وشليويح واسطوره وما حولك

انا من رائي منحوشتي فريق بنات وفريق تماسيح

منحاشه من بيتهم · 18-01-2007, 03:21 AM

اقتباس

بس وخزياه لو انا ابي واحد والبنت الثانيه تبي نفس هذا الواحد قسم بالله تبدا عاد الغيره وحركات النص كم بين البنات هههههه

ههههههههههههههههههههههههههههههههههههههههههه
ههههههههههههههههههههههههههههههههههههههههههه

ميشووو ... انا مني لك مابي ولا ولد

حايمة كبدي منهم

ياحبي للبنات بس

انا لو بختار ابي البنات وبس

ابلهـ عطيات · 18-01-2007, 04:19 AM

8
8
8
8
8
ياويلكم من ماحولك ..تراه قايله بدووون شتشته

&الباشا& · 18-01-2007, 05:15 AM

انا يا مع هيفاء يا مع مشاعل .. ما علي منكم .. يا مع منحاشه

<< اهم شي بنت

منحاشه من بيتهم · 18-01-2007, 06:43 AM

اقتباس

انا يا مع هيفاء يا مع مشاعل .. ما علي منكم .. يا مع منحاشه

<< اهم شي بنت

هههههههههههههههههههههههههه

ياخي مانبي عيال

خلك مع ربعك .... والا غير اسمك وخلك بنوووته وتصيرين صديقتنا

ma 7olik · 18-01-2007, 12:45 PM

اقتباس

ثــــانــــيــــاً :
الفعاليه تتطلب وجود شريك لكل عضو ( موب شريك مدى حياة لاا يعني كل واحد يجيب صقيقه ويصيرون فريق ) ... شرط ان لا يتعدى الفريق الواحد اكثر من شخصين فقط .. ( يقولون اذا كثروا الطباخين غدت الطبخه سامجه - صورة وجه يناظرني - ) ويتم الاتفاق عبر الرسائل الخاصة .. ( ما فيه ايميلات عن الترقيم يا بنت انتي وياها خلو العيال في حالهم اعقلوا ) او عن طريق الشات المخصص للفعالية ...
( :: . بوفية الشلة .:: )

واللي وده يشارك ينزل هنا يقول :

انا مشارك وابي فلان ولا علان ولا فلتان

الاسطوره العمده يقول افكر اسمحك لك تشارك بس بشرط انك بلحالك بدون شريك

القبول والتسجيل [ لحد ينسى الملف الأخضر العلاقي ]

تكية الملحق