|
|
|
|
التسجيل | إسترجاع كلمة المرور | تفعيل العضوية | طلب كود تفعيل العضوية | إتصل بنا
06-02-2007, 07:24 AM
|
#1 | ||||||||||||
 
|
[ L O S T ] << احبوه احبوه احبوه :11:
السلام عليكم ورحمة الله وبركاته
تراني عجزت وانا افكر وين احط الموضوع قلت مالي الا العام مسيكين مظلوم خل يتبارك شوي بمواضيعي  المهم ابوقول لكم شي انا حرمتن توي معطله وبالتالي يوم جيت من الجامعه صكيتها نووومه الى 2 الفجر يوم قمت وافتح جوال الا القى رساله من عطيات تقووول:
 اخيرا ابناغر احد وابقعد اعلمها وش بيصير واخرب عليها << تقوطر شر   عاد قلت خن انزل لكم تسمن كلمه عن المسلسل ومدى روعته لاني صراحتن احبوه احبوه احبوه << خلاص دروا   من اول وانا مسنتره عن المسلسلات الكوميديه من طقة Friends وScrubs وذا الخرابيط بس ماااش قضن  فرندز شطبناه كل العشر اجزاء وسكربز بدوا يتميصلون همن توجهت للأفلام من طقة the ring ( جزئين ) و saw( ثلاث اجزاء ) ملاحظه ترا saw الجزء الثاني موب صاحي لا يفوتكم اللي شافو الجزء الاول لا تفوتونه والثالث للحين ما شفته قاعد يحتريني في المستندات وانا سافهته  المهم الافلام ساعتين ثلاث الا هي قاضيه  يعني ماااش ما تبرد التسبد ويجيني اخوي هذاك اليوم يناقز يناقز يا حوووبي له بس  يقول ما حولك لقيت لتس شييييييييي قلت وشو ؟؟  قال : مسلسل اوووب صاحي يصلح لتس وفيه مزايين وااااااااجد << اتسذب ما قال مزايين بس انا استشفيتها  قلت : اشوووووه ورني قال دوتس << يقطع ابو التفصيلات البايخه المهم عطاني 7 سيديات كل سي دي فيه 4 حلقات << هذا بس السيزن الاول انا قلت بتفرج كل يوم حلقه بس يوم بديت اتفرج وامسسسسسسسسك خط اشيل سي دي واحط سي دي قسم ما قضى اسبوع ونص الا انا ازحف عند اخوي ابي السيزن الثاني وماقصر ابو حموووود زهلها وجاب لي السيزن 2 + 6 حلقات من 3 بس النكبه اني كنت اتفرج السيزن الاول يوم وصلت الحلقه قبل الاخيره اكتشفت ان السي دي فيه ترجمه بس انا ما شغلتها يالله عاد ابقول لكم عن المسلسل السيزن الاول انتاج 2005 وحصد جوائز كثيره اهمها جائزة الأيمي اورد لـ بيست اوت ستاندينغ دراما سيريز << عجزانه اكتبها انقلش  وشوفوا هم وهم متحضنين جوايزهم يالبى الاشقر الطويل ولا يهون الاسمراني <<تراي اقصد ماثيو  عطيات لا تفوتس تسريحة الشقرا تقل طالعه اخت العروس القصه في سطور : طائره تسقط في احد الجزر النائيه .. ال 48 شخص الناجين يصارعون الخوف ، الفزع ، الالم و الحزن لفقدان احبائهم و الامل في قدوم من سينقذهم من الجزيره .. عند الحاجه يكتشف الانسان أنه يستطيع عمل أشياء لا يتخيلها و أن لديه قدرات دفينه تظهر عند الاحساس بالخطر ... هذه الجماعه ذات الاصول و الافكار و الاطباع المختلفه ، من الأعداء ، الأصدقاء ، العائلات و الاغراب يجب أن يعملوا معا يدا بيد ضد خطر الطبيعه و الجو و طبيعه العيش في الجزيره .. للبقاء أحياء !! .. لكن هناك أسرار كثيره في هذه الجزيره لا يعرفها الناجون بعد .. منها أصوات و حركات غريبه و مخيفه في الغابه لا يعرفون سببها بعد ...في البداية تغادر الطائرة من سيدني في استراليا متجهة الى الولايات المتحدة, تحصل مشكلة ما تضطر الطائرة لتغيير مسارها و الهبوط في مطار اخر ولكن فجأة تبدأ الطائرة بالاهتزاز و يسقط ذيل الطائرة وتعم الفوضى واخيراً تسقط الطائرة على جزيرة مجهولة و ينجو منها 47 راكباً . وفي اول ليلة لهم ستمع صيحات كائن مجهول و هو يدمر اشجاراً كبيرة والكل يجهل ماهية هذا الكائن و الكثير من الاحداث الغريبة .ومن هنا تبدأ قصة المعاناة في سبيل البقاء على الحياة. << قسم ماخذه في التعبير 30 من 30 [معلومات وحقائق عن المسلسل ] - الاسم : Lost - النوع : اثارة و تشويق - بلد الانتاج : امريكا - عدد الحلقات : السيزن الاول 25 بس - عدد المواسم : 2 ( والثالث يعرض هالايام ) - المنتج : قناة abc الامريكية - كاتب المسلسل : Jeffrey Lieber - J.J. Abrams - Damon Lindelof<< هب عليه مخ - مده العرض : 42 دقيقة بدون اعلانات - تم تصوير المسلسل في جزيرة في هاواي اسمها Oahu<< مخططه عليها الصيفيه ( وجه ازوفه بالنعله على جبهتي )- المسلسل اخذ جائزة الايمي والغولدن غلوب لافضل مسلسل درامي والعديد من الجوائز - المسلسل دخل التاريخ من اول حلقة ... لان الحلقات الاولى اللي يسمونها Pilot كلفت تقريبا 10 مليون دولار من وين يجيبون القروش ذولا - فعلا ناس تشتغل .... مهوب مثل مسلسلات المنصور وطقته [ شخصيات المسلسل ] أسم الممثل : Matthew Fox - ماثيو فوكس الاسم في المسلسل: Jack - جاك الاسم الكامل : Dr. Jack Sheppard - الدكتور جاك شيبرد سبب السفر : ليعود بجسد ابوه المتوفي للولايات المتحده الامريكية العمل : جراح نبذة << :جاك هو الدختر حقهم وهو البطل وهو ازين شي واحلى شي واقوى شي وصراحه تمثيل خوراااافي وهو اهم واحد يحل المشاكل وتقريبا صار القائد حقهم ( وجه يقول يا حظهم ) أسم الممثلة : Evangeline Lilly - إيفانجلين ليلي وهي كنديه كان فيه مشاكل قبل التصوير انه ماكان عندها فيزا لأميركا بس اشوا انحلت المشكله وجابوها الاسم في المسلسل : Kate - كايت الاسم الكامل : Kate Austin - كايت أوستن سبب السفر : كانت هاربة في استراليا وقبضوا عليها وراحوا يسلمونها . العمل : غير معروف نبذة<< : البنت سلمكم الله مجرمه وكانت في الطياره مع مارشال امريكي وراحن يوديها لامريتسا عشان يحاكمونها والبنت ذكييييه وشخصيتها منتااازه وبعد مزيونه وتمثيل برضوو حلوو  أسم الممثل : Terry O'Quinn - تيري اوكون الاسم في المسلسل : Locke - لوك الاسم الكامل : John Locke - جون لوك سبب السفر : رجع من استراليا بعد ما عيوا عليه انه يلتحق برحلة صيد بريه .. العمل : يعمل كمراقب اقليمي لشركة صناديق نبذة : شخصية جون لوك هي صراحه شخصيتي المفضله وعقبه تجي شخصية بن << تطلع بالسيزن الثاني وهو شخصيه غااامضه جدن جدن في بدايه الحلقات تستاحش منه بس بعدين يصير هو المنقذ ويحل المشاكل واهم شي فيه انه اطلق صياد في الحته  أسم الممثل : Jorge Garcia - جورج غارسيا الاسم في المسلسل : Hurley - هارلي الاسم الكامل : Hugo Reyes - هيوجو رييايز سبب السفر : راجع من استراليا بسبة ورقه يانصيب يحس انها منحوسه العمل : رجل اعمال مغامر وله شركات تسثييييييييره نبذة : يازينه التختوخه ذا تراي احبه قصة تلحس المخ من جد واحلى شي انه دايم يقول " dude "  أسم الممثل : Ian Somerhalder - أيان سمورهلدر الاسم في المسلسل : Boone - بون الاسم الكامل : Boone Carlyle - بون كارليل سبب السفر : راجع من استراليا عقب ما انقذ اخته شانون من صديقها السربوت العمل : يشتغل عند امه ضحكوا عليه  نبذة : مااااش قصته هو واخته ابد ما جازت لي بس عموما هو دايم يحرس اخته ويتفقدها وازين ما فيه ان عيونه فيهم زرااااق اوووب طبيعي   أسم الممثلة : Maggie Grace - ماغي غرايس الاسم في المسلسل : Shannon - شانون الاسم الكامل : Shannon Rutherford - شانون روثرفورد سبب السفر : راجعه مع اخوى الانف ذكره بوون العمل : مهيب لم الشغل اظن انها ترقص باليه نبذة : بنت دلوعه خقوقه في بدايه المسلسل تجيها ثقه عمياء انهم بينقذونهم بس بعدين تنصدم بالواقع بنت مزيونه واهم شي اهم شي اهم شي انها تعرف تتكلم فرنسي  أسم الممثل : Dominic Monaghan - دومنيك مونقان الاسم في المسلسل : Charlie - شارلي الاسم الكامل : Charlie Pace سبب السفر : رايح للوس انجلس عشان يسوي حفله مع فرقته درايف شافت العمل : عضو فرقة غنائية اسمها رايف شافت نبذة : هو مغني روك اغنيتهم ( يو ار افري بدي ) بس يغنيها فرحانن بها مشكلته انه مدمن مخدرات وراعي كيف في بداية المسلسل ما يجوز لك بس بعدين تفهمه  أسم الممثل : Harold Perrineau - هارولد بررينيوا الاسم في المسلسل : Michael - مايكل الاسم الكامل : Michael Dawson - مايكل دوسن سبب السفر : راجع من استراليا مع ولده عقب ما ماتت طليقته العمل : مهندس مدري عامل بناء نبذة : اكرهه منيب اواطنه لا هو ولا ولده لان شخصيته مدري وش تبي من الحياة << اذا شفتوا نهاية السيزن الثاني تعرفون ليه اكرهه   أسم الممثل : Malcolm David Kelley - مالكولم ديفيد كيلي الاسم في المسلسل : Walt - والت الاسم الكامل : Walt Lloyd - والت لويد سبب السفر : راجع مع ابوه العمل : طالب نبذة مع اني ما ودي : بزر عمره 10 سنوات ينطبق عليه نفس شعوري نحو ابوه عنده كلب اسمه فنست والولد مشكوك في امره فيه حركات تصير معه ما يندرى عنها  أسم الممثل : Naveen Andrews - نافين اندروس الاسم في المسلسل : Sayid - سعيد الاسم الكامل : Sayid Jarrah - سعيد جراح سبب السفر : يسافر لاستراليا يدور حبيبته "نادين " العمل : ضابط اتصالات سابق في الجيش الجمهوري العراقي ( وجه يقول هيا وهايو وهوا اهااا )نبذة : سعيد هو المسلم الوحيد من الناجين و هو عراقي و كان ضابط اتصالات في الجيش الجمهوري العراقي كان مشارك بحرب الخليج واشوا حاطينه انه ذهين وراعي الكترونيات وازين واحد في الرياضيات عطيات امسكي قلبي شوفي وش يقول  أسم الممثل : Josh Holloway - جوش هوليوي الاسم في المسلسل : Sawyer - سوير الاسم الكامل : James Ford - جمس فورد سبب السفر : مصطر الوزير الاسترالي قوي بسم الله عليه العمل : محتال << ما يخالف يضل نبذة : ياربي وش اقول وش اخلي في البدايه هو انسان اناني وطبعه شين بس ترا الولد مزيون ولا يا صف صف ؟؟ وترا الصوره ذي شينه فبوريكم صوره احلى تبان فيها الغميزات   أسم الممثل : Daniel Dae Kim - دانييل دا كم الاسم في المسلسل : Jin - جن الاسم الكامل : Jin-Soo Kwon - جن سوو ناون سبب السفر : رحلة عمل سرية  العمل :رجل اعمال يشتغل عند ابو مرته ضحكوا عليه نبذة : رجل كوري << احلفي << والله ما اتسذب حقنه وبثر على مرته ما يبي احد يناظرها والبلشه انه ما يحتسي انجليزي  أسم الممثلة : Yunjin Kim - يوجين كم الاسم في المسلسل : Sun - صن الاسم الكامل : Sun-Soo Kwon - صن سو ناون سبب السفر : رحلة مع زوجها جن العمل : ربة منزل ( وجه بزر كوري يغني امي ربه بيتن امي ما احلاها )نبذة : هي مرت الكوري الآنف الذكر طلعت تعرف تحتسي انجليزي وزوجها ما يدري << الهيسه ميب سهله بس تراها راعية اعشاب ودهونات يعني مفيده لهم شوي  أسم الممثلة : Emilie De Ravin - إيميلي دا رافين الاسم في المسلسل : Claire - كلير الاسم الكامل : Claire Littleton - كلير لاتليتون سبب السفر : فيه مشعوذ اقنعها انها تسافر عشان تضمن حضانة ولدها << ماجازت لي قصتها العمل : مدري نبذة :حرمه استراليه ما بعد اعرست بس انها حامل بالثامن << الهيسه مرررره تنرحم هي وكرشتها ابتلشت بروحها مايسوى عليها السفر والله اكثر انسانه ارحمها بالجزيره مير ناظروا صورتها عييناتها تغورق دمووع روابط للتحميل السيزن الاول // كنت حاطتها بس خربت مالكم حظ وبس عسى جاز لكم موضوعي واللي وده نتناقش في احداث المسلسل يجدع نقاشوه فيذا والله عندي اسئله واااجده بس تكفون لحد يخرب على عطيات توها ما شافته  التعديل الأخير تم بواسطة ma 7olik ; 06-02-2007 الساعة 07:31 AM. |
||||||||||||
|
    |
||||||||||||
|
06-02-2007, 07:30 AM
|
#2 |
 
|
رد: [ L O S T ] << احبوه احبوه احبوه :11:
بررررب
.. ومثبت لـ عيون هاك الاسود البزر الصغير .. التعديل الأخير تم بواسطة A S 6 O R H ; 06-02-2007 الساعة 01:52 PM. |
|
|
|
|
06-02-2007, 07:36 AM
|
#3 |
|
رد: [ L O S T ] << احبوه احبوه احبوه :11:
محجوز ثاني ولي باك
 خليني اخلص اللي بيدي واجيك يابطله .... باك هلا هلا هلا هلا انا وصلت ل حلقه 4 بسيزن تو ووقفت ماصرت احمل  النت صاير تعيس مدري وش يبي انا صراحتي اخق عند الدبدوب وجاك كنت احبه بالبدايه بس يختي زودها هو الشهم البطل المغوار الشجاع مااحب كذا بزياده وسوير عاد هذا شي ثاني واحب الشايب جون لاك بس يختي يختي احس مسخوها شوي باخر الحلقات يعني صرت اتنح بقوه اول الاحداث بطيئه بعدين فجأه مدري وش يصير < ماتبي تخرب على احد وصراحتن المسلسل رهيب بس احس برزن بريك ارهب وشكرا على مجهودس الرائع باين انك تعبتي وثقي ثقتا تامه ان موضوعك بيصير مرجع لي لتنشيط ذاكرتي التعديل الأخير تم بواسطة A S 6 O R H ; 06-02-2007 الساعة 10:59 PM. |
|
|
|
|
06-02-2007, 07:43 AM
|
#4 |
 
|
رد: [ L O S T ] << احبوه احبوه احبوه :11:
يعطيك الف عافيه
<< خشه تقول وشذا الزين اثرهم طخوم للاسف مبعد شفته ولا شي مع انه عند دودي بس يوم قريت الموضوع وكيذا مره تحمست له واشتهيت اشوفه الحين  تسلم يدينك وكيذا |
|
|
|
|
06-02-2007, 01:37 PM
|
#5 |
 
|
رد: [ L O S T ] << احبوه احبوه احبوه :11:
تسلميييييييييييين ماحولك
مرسي كثيرااااااااااااات صراحه انا منذو مبطي شفت السيزن الاول بس الثاني عندي بس مبعد شفته خخخخخخخخخخ مليت حسيتهم بدو يبيخووووووووون بس لو مايجيييييك منه الا سوير يالبي قلبه بس |
|
|
|
|
06-02-2007, 02:00 PM
|
#6 |
 
|
رد: [ L O S T ] << احبوه احبوه احبوه :11:
ماحولك يا جعللللللتس الجني الازرق .في الليلة الظلماء ..يختال عليكي كانه اسد هائج و ذئبن متعطش ..
.... اللحين يا لماصله يوم انتس تحطين قصة كل واحد ووش جايبه ..ليه تبدين بمااااثيو .. عمى يعمي قلب شيطانتس كان بديتي بكايت ..عشان لحقت اعرف قصتها ... مير بي رد كيدتس في نحرتس ..و من قريت اول سطر من ماثيو و مير انا الي اغمض عويناتي .. .. .. وه بس يا جاااااااااااااك يالبي قلب الجاكات كللللللللللهم .....ولا حقتس سوير ...مادري توي ما بدت افحص شخصيته زين ...لاحقين لاحقين مير اسمعي يالشوهاء ...ترا ان خربتي علي . و قسسسسسسسسسسسسسسسسسسسسسسسسسسم اني لاشوف بريزن بريك بريك تراه عندي جاهز ....اوقف لوست و اشوفه بس عشان اخرب عليتس يالفاهره  يالله بروح اكمل الحلقة6 ..سم الله علي من امس وانا ماسكتن خط |
|
|
|
![[ L O S T ] << احبوه احبوه احبوه :11:](iconimages/t1311_rtl.gif)
