زمن الصبآ يا زمان الصبآآآ

/
\
/
\
.
.


زمن الصبآ يا زمان الصبآ
<< منطربه الاخت من بداية الموضوع

الا ليت الشباب يعود يومن فاخبره ماذا فعل المشيب

كل ماجلست بيني وبين نفسي

ذكرتني يومي صغيره فرفوره وش ملحي << مدري وش معنى الكلمه بس ابوي دائما يقولها

اشتهي اجيب العصا السحريه وارجع لايام اول

اسوي الي ابيه معندي فحد هماني بزر محدن يقولي شي << وجه يقوطر مصاله

وانا جالستن اتذكر وراحت بي الهواجيس ذكرت مغامرتي << مهيب عاقله سبيس تون


كنت احسبني بزرن حليله وبريئه بس للاسف اكتشفت اني حية من ورا تبن

<< يالهبله احدن يسب عمره



في مره من المراريت حطو عندي كتاكيت وش زينها < عاد مذكر بس اهلي قالو لي

مار واجيتس بكل جفاسه وامصع رقبته مصع يقالك العب الكتكوت << فيتس رقه من يوم يومتس

جت اختي تناظر الكتكوت حقها تبيه يمين يسار تبيه يقوم بس للاسف مات

وشكلهم لعنو خيري وقبصوني بس منيب اذكر <<



الفضاوه وماتسوي مره كنت ادوج بالبيت مالي شغل قمت فكرت بفكره قلت يخسون بزارين الافرنجه عني

مار واسوي حركات هوم الون والظاهر انهم مقتبسين الحركات مني

لاني مدري هو طلع بذاك الوقت او لا

جبت علبة دبابيس مار واغرسها بالفرشه ( ماقلت لهم يحطون الدبابيس عندي مفرطين هم ) عشان اذا جت اختي تدخل يدخل برجلها

ولا من شاف ولا من درا

جت اختي ياعميري بتروشني عيب غمضو

المهم يوم دخلت من عند الباب ويدخل دبوس برجلها

واجي انا تسني مدري وش السالفه يوه واطير اجيب لها منديل واسوي روحي القلب الحنون الي يخاف على اخواته ويحبها << اقول طيري بس
تخيلو مادرت اني مدخله الدبابيس بالفرشه الا من قريب فيوم صارحتهم فيه



اختي الكبره بحبها احوس انا وامي تطقها

عندي اخت ياعمري حبيبه بزياده وانا تسلبتن جربا ء << كويس الي عارفه

دائما اخرب واحوس والا اجلدها وتجلس تصيح وتصج امي وامي تضربها

مره كانت تلعب بفرجار وحوسه وتسوي دوائر على ورقه

انا ابي اسوي وهي ماعطتني قمت معطته منها وعضيتها << شريره

نزلت هي تصيح عند امي وامي مشغوله قامت وجلدتها

كل ماذكرت رحمتها حسيتها المظلومه

اوختي يا اوختي اجر اجر

^^^
( ياربيه الواحد مايلقاء مكان هادي يقراء فيه )

\
/
\
.

والا مره كانت امي جايبه صينيه حلاو وحاطتها بالثلاجه المهم انا فكرت وفكرت

الحلاو لازم ناكله وش نسوي قمت قلبت مخ اختي قلت خن ناخذ الحلاو ونسوي عزيمه في بيت بنت الجيران < ياكريمه

دائما نروح نلعب عندها وكيذا

هي وافقت وخذت الحلاو وانا ارقب الوضع لها << ولو اخلاقي ماتسمح لي اسرق

<< اقول تلايطي بس

امي جت تدور الحلاو يمين يسار وينه احنا سكتم بكتم ماخذنا شي

وعدت السالفه على خير



و من زود البثاره فيني مشيت وعمري 8 شهور مانشاف قصيره ( يقولون لا تخاف الا من قارب من الارض )

كانو اهلي ساكنين بيت جديد وانا انواع التخريب والتكسير
ادخل المطبخ اجر اخر صحن عشان در دب يطيحون كلهم بعدين اهج



كل هذا كوم والمطاقه كوم مافيه بزرن الا اقبصه والا اعضه << ماش فيني عدوانيه وان شفته بيصيح قمت العبه واهديه واقول احنا كبار والكبار مايصيحون << عاش مصرف



وطبعا لكل طفل له مخبى سري عشان اذا سوى شي يتوزى فيه ولحدن يشوفه

انا كنت اخرب واحوس واذا نوت امي تلحقني هجيت ( عاد بنت ابوها تمسكني كنت مره سريعه )
واتوزاء تحت سريرها << وجه بن فهره اتوزاء بغرفتها
تجينني الغلقه وايام ابي حمام << برا ياوصخه ..

بس اجلس وايام انام تحت السرير

\
/
\
/


خلاصة الموضوع البثارة في المبزره ماتنتهي ابدا

وكلنا كنا بثرين وعلينا حركات مدري وش تبي

وهذا الي محلينا عشان تصير عدنا ذكريات جميله

ابي منكم كل واحد يقولي سوالف عن بثارته يومه صغير وش كان يسوي

اذا عندكم مواقف حلوه قولوها
يعني سولفو لي عن طفولتكم الجميله

واتمنى اني ماكون بثرتن عليكم وموضوعي ثقيل على قلبكم وكيذا

وتقبلو خنبقتي