:: مـعـتوقـ .. وعـطـر الأمـاكـن ::

معتوق وعطر الأماكن



القيادهـ ذوق وأخلاق .. فبالرغمـ من انتشار آلات الحلاقه إلا أن الجميع يضطر إلى الذهاب الى صالون الحلاقه
وفي صالون الحلاقه .. تجد الشايب .. الولد .. البنت الصغيرهـ .. والولد والشايب والبنت مشروع بالبلوت ..
وبالبلوت .. غالبا اذا قال خويكـ .. صن .. ترد عليه وتقول .. فن ياصاحبي .. فن ..
والفن هو مشكلة صاحبنا معتوق .. فهو من الأشخاص اللذين يتناولون ويتعاطون الفن ..
كما يتعاطى المحشش شماغ البسامـ .. معتوق هذا الشخص المكافح .. فبالرغمـ من قباحة وجهه وبشاعة صوته ..
وكأبة منظرهـ ..
إلا أنه أبا إلا أن يكون عضواً فعالاً في قائمة المتناولون للفن .. والراقي من نوعه ..
فمعتوق سلكـ طريق الفن بأعجوبه .. لعدمـ توفر مقومات الفنان الجيد .. إلا انه استطاع ان يتغلب على هذه
المصاعب واصبحت له شريحة من المعجبين ليست بالقليله .. معتوق .. قصة فنان ..

أتدرون .!؟
دعوا معتوق يحكي لكمـ قصته بنفسه .. فلندع لإحساسه مكان لكي يصل لكمـ من القلب إلى القلب ..

.
.

هي بدايتها من ليله كنت ببيت عمي وآخر اليل .. مابقى إلا أنا ولد عمي السلمي ..

معتوق:
هههههههههههههههههههههه .. يلعن بليسكـ يالسلمي .. لآبوك لآبو تنكيتكـ ..
اجل سواقكمـ اعترف بحبه للشغاله ويبي يتزوجها .. طيب ورى ماقلتوله
مهنا زواج إلين تكمل دراستها ..خخخخخخخخخخخ ..
يارجال وخر بس أبروح للبيت تأخرت والله ان درى أبوي اني للحين ماجيت
ان يغولني .. هو أصلن بدون شئ يكرهني ..

السلمي:
ياخي عمي ماينلامـ يومـ ماحبكـ .. ياخي حنا أخوياكـ ماحبيناكـ ..
بعدين تعال .. وراهـ عمي يرضى لزوجته السوريه تلبس جينز
وأمكـ لأ .. ؟

معتوق:
انت شايف جسمـ أمي .. صدق انها أمي .. بس وربي بغينا نقاطعها نحسبها بقرهـ دنماركيه ..
لا وذاكـ اليومـ طابخه لأبوي مرقوق وحاطتن بوسطه تبوله يقالها يعني تعرف أكل الأشوامـ ..

السلمي:
طيب تعال .. وش صار على تقديمكـ فسوبر ستار .. ياخي انت ماتتوب..؟
هذا البرنامج الخامس اللي تقدمـ عليه .. ولا احد قبلكـ ..
انت بس تذكر يومـ تقدمـ على نجمـ الخليج .. يومـ يطلبون لنا الشرطه .. ؟
ولا برنامج زي النجومـ يومـ تقدمأ عليهمـ على انكـ تشبه جواد العلي ..؟

معتوق:
لا لا هالمرهـ غير .. احس ان احساسي قريب لإحساس الرحباني ..
وأكيد بيخليني أمرئ ..

السلمي:
والله أنا قلت لكـ وانت كيفكـ ..

معتوق :
المهمـ لا يكثر .. يومـ الأحد تراكـ بتخاويني ترى التقديمـ في البحرين ..
منها نقدمـ .. ومنها نحظر لنا كمـ فيلمـ .. ونشوف وش آخرأخبار شارع المعارض ..

السلمي:
فيلمـ .. ههههههه .. فكنا ياشيخ .. احضر فيلمـ معكـ انسى ..
عقب الفشيله العامـ يومـ تكاسر الهندي على علبة الفشار ..
ويومـ مروا بنات طلعته له بطاقتكـ تبي تدفع بها ..

معتوق:
يارجال خلنا نوصل بالسلامه ويصير خير .. انا رايح الحين .. وجهز نفسكـ للأحد ..
فمان الله ..



طلعت من عند ولد عمي ووصلت لبيتنا .. ولقيت عند باب بيتنا اخوي وسيم ولد الشاميه
يلعب بالشارع ..

وسيمـ:
أهلين لكـ معتوء .. بيي بدوياكـ وبيؤول انو الساعه هللا تنعشر ولهلا ماجيت ..؟

معتوق:
أقول .. وسيمـ رح ترى منيب رايق لكـ .. رح عند أمكـ تزين لكـ باباغنوج ..

وسيمـ:
تسطفل .. انا ئلتلكـ وانت بكيفاكـ ..

معتوق:
بعدين لا تطلع للشارع هالوقت .. الوقت متأخر ومايطلع هالوقت إلا السرابيت ..

وسيمـ:
ليكو خيكـ مزعل عمـ يلعب بالشارع ئلو هالحكي ..

معتوق:
مزعل غير وانت غير ..

وسيمـ:
فهمني لكـ خيي .. لشو هوا بتسمحلو وانا مابتسمحلي ..

معتوق:
ياخي انت شفت وجه أخوي مزعل .. ؟ وربي ناقصه حبل ويصير جزمه ..
وانت غير . . أقول .. ادخل لاتسوي لنا مشاكل .. ادخل ..

وسيمـ:
انا رايح أخبر أمي عنكـ وراح بئول لبيي انكـ بتنادي أمي ساريه السواس.. ماما .. ماما .. !

لطفيه:
وسيمـ .. لشو عمـ تبكي تئبر ئلبي .. ؟

وسيمـ:
معتوء مابيخليني ألعب بالحارهـ .. وبيخلي أخوهـ يلعب وما ييئوله شي ..

لطفيه:
معتوء لكـ معتوء .. ورحمة أبي تحت التراب .. ازا مرهـ تانيه اجا وسيمـ
وئالي انكـ تكلمت عليه لأخلي أبوكـ يئلعكـ من البيت ..

مزنه:
وانا أخت دحيمـ .. تألعينه من البيت .. والله لأنخر عيونس
وألعب بهن مصاقيل .. يابنت معلمـ الشاورما .. إيييييييييوووو ..

لطفيه:
شووو .. انا بيي معلمـ شاورما يابنت مناحي .. أوييييييييييها ..


وجت أمي وسوت سوبليكس خلفب لأمـ وسيمـ .. ومرت أبي سوت لأمي حركة كسر الظهر ..

وأمي سوت لها حركة أندر تيكر .. ((خبركم الوالدهـ قد قالت لنا ..

ان شون مايكل خطبها قبل أبوي بس جدي عيا ..

يقول ماعندنا بنات يتزوجون قبل الجامعه ..))

وما هجدهمـ إلا صوت شون مايكل .. قصدي .. أبوي ..

أبوي:
عااااااااااااااااااااااااااااااااااااااااااااااااا ااااااااااااااااااااااااااا ..


أبوي طلع هالصوت.. جانا عج .. وطار الحمامـ اللي بالسطح .. وطاحت شيلة أمي ..
واللوح اللي بالجدران طاحت .. والقزاز تكسر .. والجيران طلعوا ..
وكل الوراعين اللي بالحارهـ دخلوا بيوتهمـ .. والشباب اللي يدورون بالحواري ..
هجوا .. والقطاوهـ .. دخلوا داخل الزبايل ..
طبعن أبوي طلع هالصوت .. وانهد حيله .. وراح الغرفه ونادى أمـ وسيمـ معاهـ
للغرفه وسكر الباب .. وأمي راحت تنادي مزعل من الشارع يقالها تخاف عليه ..
تحتكـ بأمـ وسيمـ .. ووسيمـ راح يذاكر ..
انا رحت لغرفتي .. وانسدحت على السرير .. وطلعت صورة عبد الحليمـ . .
وقعدت أتخيل روحي مكانه .. وغطيت بنوم عميق .. وحلمت اني صرت أم كلثومـ
لكن الوجه وجه عبدالكريمـ عبد القادر .. وأنا في سابع نومه .. zZzZz
.
.

مزعل :

أحوي معتوق .. دمـ ترى أبوي يدولكـ ان ولدعمكـ الثلمي عند الباب ..

معتوق :
بسسسسسسسسم الله الرحمن الرحيمـ .. انت انس ولا جن .. ؟
مزعل .. حسبي الله عليكـ حسبتكـ جني .. ياخي كمـ مرهـ قلت لكـ ..
انت لاتقومني .. خل وسيمـ يقومني .. ياخي ماتسوى علي هالروعه ..

مزعل:
أدول .. دمـ بس رح شف ترى احوي وثيمـ واقف مع شباب برى
يدولون له أركب معنا ..

معتوق:
لااااااااااااااااااااااااااااااااااااااااااااااااا ااااااااااااا ..


ونقز معتوق من السرير وراح للشارع بس ماشاف أحد .. بس شاف السلمي .. وسأله شفت وسيمـ..؟قال لأ .. ورجع لغرفته ولقى أخوهـ مزعل ميت من الظحكـ ..


مزعل:
هاهـ .. دريتكـ على ودهكـ يالرخمه .. ههه ههه ههه ههه ..


المهمـ .. تحمدت ربي على العافيه .. ودعيت لأخوي مزعل ان الله يكمله بعقله ..

معتوق:
مزعل .. رح قلط السلمي بالمجلس .. وقهوهـ .. شوي وأجيه ..

مزعل:
مابدي .. ! مابدي .. !

معتوق:
هههههههههههه .. ياخي كمـ مرهـ قلت لكـ اذا شارون شرى جيب ربع ..
انت تصير زي وسيمـ .. لاعاد تقلدهـ الله لا يهينكـ .. أجل مابدي .. هههههه ..

مزعل:
خلاث .. طيب .. بأروح أقلطه ..

.
.

لبست وجهزت نفسي .. ورحت أشوف وش عند هالسلمي ..
دخلت المجلس .. ولقيت وسيمـ يصب قهوهـ ومزعل ميت من الظحكـ..
وبصراحه ماألومه .. لقيت وسيمـ ماسكـ الدله باليمين .. ويقول .. سمـ يا أباضاي ..

معتوق:
وسيمـ .. رح عند أمكـ .. ترى خالكـ جايب لنا فلافل من المحل ..
رح خذ قبل لا يخلصهمـ عليكـ مزعل ..

وسيمـ:
حاضر خيي .. مزعل تعا معي لعند خالي جبران ..

مزعل:
أقول انقلع بث انت وخالكـ .. مايعطيني حلاو .. يقول رح لأمكـ مزنه تطعميكـ قشد ..

معتوق:
مزعل .. رح مع أخوكـ واجلد عيال جبران .. يالله..

مزعل:
طيب .. أبروح أطقهمـ .. وبأدلهمـ ..

معتوق:
بعدي أخوي .. يلاهـ .. روح ..

حي الله السلمي .. تو مانورت ضيعتنا .. ضيعتنا!.. هههههه .. حسبي الله على وسيمـ وأمه ..
انقلب لساني ..

السلمي:
شف .. لقيت لكـ مكتشف مواهب .. وشرايكـ .. نروح له اليومـ .. وتغني له ..
ونشوف وش يقول .. واذا عجبته يقول بيخليكـ توقع عقد .. مع روتانا ..

معتوق:
نصاااااااااب .. أما عاد .....والله ماتقصر يالسلمـ الله يعطيكـ العافيه .. اهـ يالسلمي .. تخيل انا واقف مع فنانين روتانا ..
كذا انا واقف .. والصريخ .. جمب بعض ..

السلمي:
الصريخ وروتانا .. لا والله كدينا خير . .

معتوق:
طيب .. ثواني أبجيب العود ..و نروح له ..


ورحنا لمكتشف هالمواهب .. دخلنا عليه .. وسلمنا عليه .. ولقينا عندهـ الفنانه صباح ..
عرفني عليه السلمي .. ودار بيننا هالحوار ..

معتوق:
والله يا أخ مصطفى لي الشرف اني أغني أمامـ حضرتكمـ.. وأتمنى اني أحوز على رضاكمـ ..

صباح:
اخ معتوء .. انت مرتبط شي .. ؟

معتوق:
لا والله ياخاله صباح ..

صباح:
تتزوجني ..؟

معتوق:
لاشكرا ..

صباح:
أخ سليمـان .. تتزوجني .. ؟

السلمي:
لا والله ياخاله .. مااظن فيه نصيب ..

صباح:
مصطفى .. تتزوجني ..؟

مصطفى:
ايه ! .. بتئولي ايه .. انا مقنون اتقوز مومياء ..
انتي المفروض تنامي بمتحف القاهرهـ ..


بعد هالخبر .. طاحت صباح .. وحسبناها ماتت ..
لكن مصطفى طمنا .. وجاب سيارته وسوا لها اشتراكـ. .
وصحصحت .. وطلعت من الاستديو ..

معتوق:
يا أخ مصطفى .. متى أغني .. الحين .. ؟

مصطفى:
.. أومال .. يلاهـ .. غني . .



مسكت عودي .. وغمضت عيوني أحتري الاحساس يجي ..
ولما جا الأحساس .. رحت للحمامـ ..
أثر اللي جاني موب احساس .. شئ ثاني وانتمـ بكرامه . .
رجعت .. ومسكت العود وغنيت رائعه من روائع ماجدهـ الرومي ..
أغنية كن صديقي ..



مصطفى:
ايه دهـ .. ايه دهـ .. انته بتغني من بؤكـ ..؟
ايه الأرف دهـ .. برا .. برا ..
ألبي .. ألبي .. ألبي ..


حسينا انا والسلمي انه بيمووت .. لكن الحمد لله .. جت صباح بتسوي له تنفس صناعي ..
لكن قبل لاتسوي له التنفس حامت كبدهـ .. وصحى من جديد ورجع قلبه يدق من جديد ..
وطردنا من الاستديو .. وبعد اسبوع جتنا أخبار انه التزمـ .. وصار أمامـ مسجد ويدرس
طلاب في حلقة تحفيظ القران ..


ومن صدمه لصدمه .. لكن لازال دمـ الفنان يجري في عروقي ..

معتوق:
اهـ .. يالعنبو هالفن ..كانه ذلني ..
يعني وش أسوي .. أروح أغني كسرات واقلل من مستواي الراقي في الفن .. ؟
اهـ بس .. وش في هيفاء وهبي علشان الناس يحبونها .. صوتها موب أحلى من صوتي ..
يعني وش أسوي .. أنفخ صدري . ؟


السلمي :
تعوذ من ابليس ونمـ .. وبكرهـ ان شاء الله نروح للبحرين وتغني لسوبر ستار
يمكن تفلح معكـ هالمرهـ ..

معتوق:
خلاص ... الوعد بكرهـ .. نبي نحركـ من هنا الظهر أوكي . .

السلمي :
أوكي .. على فكرهـ ..لازمـ نرجع قبل الخميس لأن اختي نورهـ انخطبت .. والخميس الملكه والعرس ..


نزل هالخبر مثل الصاعقه علي .. نورهـ بتتزوج..؟ ليه . .؟ وش سويت علشان نورهـ
تروح مني .. نورهـ بتروح .. يعني انا أروح ..أموت ..أنتهي....
.. بدون ماأرد على السلمي دخلت البيت ورحت غرفتي .. وقفلت الباب ..
وانسدحت على السرير وقعدت أبكي .. أبكي بحرقه .. ..
نورهـ بتتزوج.. آهـ .. يعني كل أحلامي اللي كنت أحلمها بتروح مع نورهـ ..
طلعت صورة عبد الحليمـ من تحت السرير .. بس ماقدرت .. شقيت الصورهـ ..
و .. مع غرقة الدموع .. سلمت نفسي للنومـ ..
وكنت كل ماصحيت .. أتمنى ان أمس كان حلمـ .. وأصحى منه وان نورهـ ماراح تتزوج ..
لكن لأ .. هذا الواقع .. وماصحاني من تفكيري إلا رنة جوالي ...

السلمي:
معتوق .. شف قدامكـ ساعتين وتجهز مانبي نتأخر ..

معتوق:
سليمان .. خلاص .. مابي أروح لسوبر ستار .. انا تعبان ..

السلمي :
أقول ..اخلص بس .. ياحبكـ للنومـ ..

معتوق:
طيب شف انت خلكـ في بيتكمـ واذا جهزت جيتكـ ورحنا بموتري ..

السلمي:
اذاكذا .. أنا أبحتريكـ على الغداء ..

معتوق:
خلاص .. على الوعد . .


جهزت شنطتي .. ولبست ورحت لبيت عمي .. وأخذت عهد على نفسي اني أنسى نورهـ ..
ولو اني مستحيل أنساها .. بس أحاول ..

السلمي:
ياحي الله ولد عمي معتوق .. اليومـ الوالدهـ زينت لنا كبسه يحبها قلبكـ ..


توهـ مخلص السلمي كلامه .. إلا سمعت صوت نورهـ تنادي سليمان من ورى الباب
علشان ياخذ الغداء .. انا سمعت صوتها .. وضاقت بي الدنيا .. انا تعهدت اني
أنساها واتمنى لها التوفيق بزواجها .. بس يومـ سمعت صوتها ..
راح هالعهد .. وماقدرت أمسكـ نفسي ..

السلمي:
معتوق .. وش فيكـ .. وشفيها عيونكـ .. ؟

معتوق:
لا لا .. شعرهـ دخلت بعيني ..

السلمي:
يلاهـ .. سمـ .. سمـ..

معتوق:
فيه العافيه يالسلمي .. بس منيب مشتهي والله ..

السلمي:
عسى طبخ أمي ماجازلكـ .. ؟

معتوق:
جايز لي والله .. بس نفسي منسدهـ ..

السلمي:
عسى ماشر .. من اللي مضيقكـ .. والله لأضيق عليه عيشته .. بس أشر لي عليه ..


معتوق:
سليمان .. مافيني شئ .. وراكـ .. انت .. يلاهـ .. اكل وانت ساكت ..


تغدى السلمي .. وركبنا السيارهـ .. ومسكنا الخط .. وطول الخط ..
وانا اسمع أغنية الأماكن .. لأن هذي الأغنيه اللي اهدتها لي نورهـ ..
على الماسنجر .. ودايمـ اتذكرها إذا سمعت هالأغنيه ..

السلمي:
لا لا لا . . انت بتعلمني وش فيكـ وإلا شلون .. ؟

معتوق:
هاهـ ؟.. لا بس مصدع شوي .. اسكت بس خلنا نسمع أبونورهـ ..


الحمد لله وصلنا بالسلامه للبحرين .. وأخذنا لنا غرفه بفندق .. وشرط علي السلمي ان يكون بالفندق ديسكو
خبركمـ السلمي يحب الزفن ..
نزلنا أغراضنا ..
ودخل السلمي الحمامـ .. وانا فتحت شنطتي ..
ولقيت فيها شئ غريب . . لقيت كيس موب لي ..
أول مرهـ .. أشوفه .. فتحته لقيت فيه ورقه وعلبه مغلفه ..
لكن موب هنا الصدمه .. الصدمه فاللي مكتوب على الورقه ...
مكتوب على الورقه ..

(( معتوق .. انا نورهـ .. انا عطيت السواق هالكيس يحطه بشنطتكـ لما كنت تغدى مع اخوي ..
معتوق.. انا ادري انكـ تحبني .. وانا والله احبكـ .. بس والله زي اخوي سليمان بالضبط ..
انا ماودي ان علاقتنا تتحول لحب من طرف واحد .. والله انا احبكـ وأعزكـ ..
لكن والله موب الحب اللي فبالكـ .. انا ماكنت حاطه في بالي ان علاقتي معكـ بتتحول
في يومـ إلى حب .. كنت عادتها مجرد صداقه .. وانا ما أبي منكـ إلا انكـ تنسى حبي..
وتتمنى لي الخير مع اللي اختارهـ قلبي وعقلي .. اخوي معتوق .. اتمنى انكـ تحضر عرسي ..
وان ماجيت أبزعل عليكـ طول عمري .. ولا يهون عليكـ زعل أختكـ نورهـ . ؟
شف انا شريت لكـ هديه يارب تعجبكـ وان شاء الله تنجح في طريق الفن ولو اني مااظن بس ان شاء الله
يتحقق اللي في بالكـ .. وأبيكـ تحرق هالورقه .. علشان ينحرق معها كل مشاعر الحب
اللي تجاهي .. وتبقى مشاعر الأخوهـ . . اختكـ نورهـ. . ))


طلع معتوق من الحمامـ .. وانا وزيت الورقه في جيبي .. ووقفت في مكاني ..
بس تذكرت الهديه .. ولما فتحتها .. لقيتها شارية لي عطر الأماكن ..
على أسمـ الأغنيه اللي دايمـ تهديها لي ..



السلمي:
معتوق شف أنا أبنامـ ساعتين وصحني علشان تلحق على سوبر ستار ..

معتوق:
طيب .. طيب ..

وانسدحت على سريري وأنا حاضن العطر..
ماقدرت أنامـ .. كل شوي أرش رشة من العطر وأتذكر نورهـ ..
فقلت لا .. لازمـ اتخلص من هالعطر .. خلاص أبي أنساها ..
فكيت العطر .. ورحت للحمامـ علشان أكبه في المغسله ..
إلا يناديني السلمي يبي مويه .. قلت له طيب ابشرب وبأجيب لكـ ..
اخذت لي علبة مويه من الثلاجه .. وحطيتها على الطاوله جمب العطر ..
والسلمي رميت له علبه ثانيه ..
بس بدل ما أشرب المويه .. شربت عطر الأماكن ..

ألمـ .. تعب .. دوخه .. غثيان ..

كلها في وقت واحد .. وماحسيت بنفسي إلا أنا مغمى علي ..
..
ونط السلمي من سريرهـ .. وطار بي للمستشفى ..


وبالمستشفى ..

السلمي:
معتوق.. معتوق .. هاهـ .. بشر .. وشلون بطنكـ ..

معتوق:
الحمد لله أزين .. بس قلهمـ يطلعوني .. علشان ألحق على سوبر ستار ..

السلمي:
طيب .. طيب .. ماعليكـ .. يادكتور .. يادكتور ..

الدكتور:
أيوهـ نعمـ ..

السلمي:
مايخالف نطلع معتوق هالحين .. ؟

الدكتور:
أهـ .. مش مشكله .. انا حكتب له أزن بالخروج دلوئتي ..



وطلعني السلمي ورحنا للفندق .. وانا كنت تعبااان مرهـ .. قعدت بالغرفه ..
والسلمي راح لديسكو الفندق .. انا انسدحت على السرير ..
وقعدت أفكر بسوبر ستار .. وان بكرهـ آخر يومـ لهمـ بالتقديمـ ..
طبعن ماقدرت أوقف تفكيري بنورهـ .. وآهـ يانورهـ ..
وأخذت بالتفكير العميق وماقطع سلسة أفكاري إلا لما طاحت عيني
على شنطتي ولقيتها مفتوحه .. وأنا متأكد إني مسكرها آخر مرهـ ..
و في طرفها كيس بنفسجي ..

أنا رحت لشنطتي وفتحتها ..
ولقيت نفس الكيس القديمـ .. مع نفس الرساله .. مع نفس العلبه المغلفه ..
هنا .. رجولي ماقدرت تشيلني .. وش السالفه .. وش اللي قاعد يصير .. ؟
فتحت العلبه ولقيت فيها عطر الأماكن .. هاهـ ..؟ من اللي حط لي الأغراض مرهـ ثانيه..
فتحت الرساله ولقيت كلامـ غريب .. مبهمـ.. .. ومكتوب بالدمـ ..
قعدت على الأرض وانا شبه ميييت من الخوف .. ومن الدهشه .. ومن كل شئ ..
فتحت الرساله مرهـ ثانيه أتمقل فيها .. ولاحظت ان الحروف فيها مقلوبه ..
رحت بسرعه للمرايه .. وقريت الورقه من المرايه ..
لقيت مكتوب فيها ..

(( انا أدري ان حلمكـ الفن وان صوتكـ يصير حلو .. علاجكـ عندي ))

ولما قريت كل الكلامـ الموجود في الورقه .. اختفى الكلامـ ..
استغربت .. رميت الورقه .. خفت .. اتصل على السلمي .. مايرد ..
فكرت .. وقلت بصوت عالي .. من أنت .. ؟
وفجأهـ .. لقيت الورقه انكتب فيها كلامـ جديد .. ومقلوب ..

ولما رحت للمرايه علشان أقراهـ .. لقيته كاتب هالكلامـ ..

(( أنا شخص داخلكـ .. انت كنت تبي تكبني بالحمامـ .. لكن خليتكـ
تكبني بداخلكـ .. أنا عطر الأماكن .. يامعتوق))

وبعد ما قريت كل الكلامـ .. انمسح مرهـ ثانيه ..

اقشعر جسمي من الموقف .. انتابني فضول .. خوف .. خليط من المشاعر ..

حاولت أمسكـ نفسي وتكلمت مرهـ ثانيه بصوت عالي ..

طيب .. وشلون بتساعدني وتخلي صوتي حلو .. ؟

انكتب هالكلامـ بالورقه ..

(( أنا أبخلي صوتكـ زين .. لكن شف .. أبقلب حياتكـ جحيمـ
اذا أخليت بهالشروط الثلاثه ..
1-لاتتخلص من هالورقه اللي فيها كلامي ..
2-لاتقول لأي أحد على الموضوع اللي بيني وبينكـ ..
3-تسمع كل شئ أقوله لكـ .. ولا تقول لي كلمة لأ ..

موافق .. ؟

قلت .. موافق موافق موافق موافق موافق موافق موافق موافق ..

مرت ساعه كامله وأنا ساكت وأفكر .. وماقطع تفكيري إلا صوت السلمي
داخل الغرفه وليلتها السلمي كثر من عصير التفاح .. ومن التعب ماحس باللي حوله
ونامـ بثيابه .. وأنا انسدحت على السرير وقعدت أفكر باللي صار ..
ياربي .. هو كل هذا حلمـ .. ولا علمـ .. ؟
هو صدق .. ولا يتهيأ لي .. ومع كثرة التفكير .. سلمت نفسي للنومـ ..
وماصحينا إلا الظهر ..

معتوق:
يالله قمـ .. تأخرنا باقي ساعه ويبدأ التقديمـ .. يالسلمي .. أخلص قمـ ..

السلمي:
انا تعبان .. رح أنت .. مالي خلقكـ .. رح خلني أنامـ .. ياخي قدر إني أمس نمت متأخر ..

معتوق:
طيب .. والله لو اني منيب متأخر كان وريتكـ شغلكـ يافردة الزنوبه ..


وطلعت من الفندق وبجيبي الورقه والعطر حطيته جمبي ..
وأنا بالسيارهـ .. طلعت الورقه وتكلمت بصوت عالي ..
ياعطر الأماكن .. ياعطر الأماكن ..

وكتب لي بالورقه وبالمقلوب .. قريته من مراية السيارهـ ..

(( اششششششششش .. اسكت ياخي العيال نايمين ))

قلت .. طيب يالله انا وصلت لمكان التقديمـ .. بس الله يخليكـ ..
لاتكتب لي الكلامـ مقلوب ..

كتب لي ..

(( طيب وراكـ ماتكلمت من الأول .. والله من الدلاخه ..
بعدين تعال .. أخوكـ وسيمـ .. وش أخبارهـ .. ؟))

معتوق:
أعوذ بالله .. حتى أنت بعد .. طيب أسمع .. انا الحين داخل ..
وش أسوي .. ؟

كتب لي ..

(( ماعليكـ .. ادخل خذ رقمـ .. وانتظر دوركـ وادخل على اللجنه ..))


سمعت كلامه .. وأخذت رقمـ .. واحتريت يجي دوري ..
ولما جا دوري .. ودخلت على اللجنه ..

الياس الرحباني:
ايه حبيبي .. انت متل مامبين عندي انت معتوق بن شوزن من ظهرة البديعه .. ماهيكـ ..؟

معتوق:
ايه .. نعمـ ..

الياس الرحباني:
ايه حبيبي .. شو بدكـ تسمعنا .. ؟

معتوق:
انا محضر اغنيه .. ان شاء الله تعجبكمـ ..

الياس الرحباني:
ايه حبيبي .. سمعنا ..


وغنيت اغنية زيديني عشقن حقت كاظمـ الساهر .. وبعدها ..

عبد الله القعود:
مهضومـ مهضومـ مهضومـ مهضومـ مهضومـ مهضومـ ....... إلخ

الياس الرحباني:
أكيد بيمرؤ معنا .. حبيبي معتوق .. انت صوتكـ مافي منو ..
انت حنجرتكـ كتير بتعئد .. وبنشوفكـ في بيروت ..


أنا طبعن استغربت وفرحت بنفس الوقت .. استغربت
لأن انا اسمع صوتي زي ماهو .. مافيه أي شئ تغير ..
كيف عجبهمـ وصفقولي وعجبهمـ صوتي .. ؟!؟
وفرحت أكيد لأني ترشحت للمرحلة الثانيه ..
رجعت الفندق .. وأول مادخلت طبيت على السلمي ..

معتوق :
قمـ يالسلمي .. فزت يالسلمي فزت .. والرحباني خق على صوتي ..

السلمي:
أقول رح بس .. شين وفقاش بعد .. رح بس خلني أقحن نومـ للسهرهـ ..

معتوق:
شف أقرأ هالورقه ..

السلمي:
لاااااااااااا .. وشلون .. معتوق .. لايكون .. ؟!!

معتوق:
يلعن أبو تفكيركـ المخيس .. لا ياخي .. غنيت وعجبهمـ صوتي ..

السلمي:
أقول طير ياشيخ .. ولد عمي وأعرفكـ .. صوتكـ شييييين .. بس ماكان ودي أجرحكـ وأقولكـ
الحقيقه ..


ومااقتنع السلمي إلا يومـ .. غنيت له الأغنيه اللي غنيتها عند اللجنه ..

السلمي:
معتوق .. يلعن ابليسكـ .. وش هالصوت .. ؟
من وين طلع .. لالا .. أقول .. طلع المسجل اللي موزيه .. طلعه أقول.. !

معتوق:
أي مسجل هذا والله صوتي .. !

السلمي:
ياخي .. شلون تغير كذا .. وش سويت ..؟ وش أكلت ..؟

معتوق:
هاهـ .. أقول .. وشرايكـ تعزمني على العشاء تراي ميت من الجوع ..

السلمي:
مهيب مشكله بس علمني وش غير صوتكـ .. ؟

معتوق:
مدري .. غنيت وطلع صوتي كذا .. !

السلمي:
مصيركـ بتقول لي وشلون غيرت صوتكـ تعال .. لا يكون بالمستشفى غيروا حنجرتكـ .. ؟

معتوق:
أقول لا يكثر بس .. ووين ناوي تعزمني على العشاء .. ؟

قدرت أتهرب من سؤال السلمي .. وتعشينا .. وبعد العشاء .. حركنا من البحرين راجعين للرياض ..
وطبعن طول الطريق وأنا أفكر .. شلون صوتي تغير.. وشلون قدر عطر الأماكن يغير
صوتي .. وشلون يطلع لي بالورقه .. وشلون يختفي الكلامـ بعد ماأقراهـ .. داهمتني الأسئله..
حضرت زواج نورهـ .. باركت للمعرس وبداخلي أقول .. ياليتني كنت مكانه . .
لكن والله من قلبي أتمنى لهمـ الخير ..
وبعد الزواج بأسبوعين دقوا علي برنامج سوبر ستار .. وقالوا لي ..
لازمـ خلال يومين أروح لبيروت علشان المرحله النهائيه ..
علمت السلمي .. وقصينا تذاكر لبيروت ..
والحمد لله وصلنا لبيروت بالسلامه ..
لكن قبل الحفل النهائي بليله ..

السلمي:
معتوق .. وشرايكـ نروح نسهر تحت بالديسكو .. ياخي افرح لو مرهـ وحدهـ بحياتكـ..

معتوق:
لا لا ياخي .. مالي خلق .. أبي أستعد نفسيا .. لبكرهـ .. انت ناسي ان الحفل النهائي بكرهـ .. ؟

السلمي:
أقول .. أصلن موب على كيفكـ .. قمـ ألبس بس .. اخلص علي ..

معتوق:
بس شف .. أبروح معكـ بس تكفى . مانبي مشاكل .. وبدون شرب .. لوسمحت ..

السلمي:
طيب .. طيب .. انت بس اخلص .. انا سابقكـ تحت ..

لبست ملابسي وونزلت تحت عند السلمي .. طبعن كل الكلامـ اللي قلته له
كأني قلت له للجدار .. لقيته ماسكـ الكاس وبين خمس بنات ..
ناداني وجلسني جمبه .. وجت المضيفه وعطتني كاس ..
قلت لها إني ماأشرب خمر . .
قالت لي: شو بيكـ ياعمي ليكو صديئكـ بيشرب .. بعدين هيدا بدون كحول حبيبي ..
قلت مادامـ بدون كحول .. خلني أشرب وأروق وأبل ريقي ..
ولكن للأسف .. طلع السلمي موصي هالمضيفه تقولي هالكلامـ ..
وهي الفقدهـ .. طبعن فقدت عقلي .. ماأحس بنفسي..
طاير بالهوا .. طلبوا مني الصبايا اللي هناكـ إني أغني ..
عقب مادروا إني مشاركـ بسوبر ستار ..
غنيت لهمـ .. وجت وحدهـ من الصبايا وسألتني ..
عن سر جمال صوتي .. طبعن أنا خريت كل الكلامـ ..
وعلمتها عن قصتي مع عطر الأماكن .. وناسي ان
من الشروط اني ماأعلمـ على الموضوع اللي بيني وبينه ..
طبعن همـ يحسبوني فاقد وأخربط بالكلامـ ..
شربت .. وشربت .. إلين ماجوا عمال الفندق وأخذوني ..
وودوني لغرفتي .. ونمت وأنا بناقص قواي العقليه ..

صحيت .. وتذكرت الكلامـ اللي صار .. أمس ..
بعدين قلت لا لا .. يمكن من كثر الشرب قمت أتخيل أشياء ..
قومت السلمي وسألته ..

معتوق:
أقول .. أمس بالبار .. أنا جبت طاري عطر الأماكن .. وورقه وودمـ .. ؟

السلمي:
هههههههههه .. ايه .. وماتوا عليها البنات من الظحكـ ..
حتى وحدهـ من البنات بتجي اليومـ لللبار ولزمت انكـ تجي علشان تغني وتنكت ..


أنا هنا .. خلاااااص .. تنحت .. مديت يدي لجيبي .. وفتحت الورقه ..
ولقيت كاتب فيها ..
(( انا حذرتكـ .. وكيفكـ .. واصبر .. وشف وش يجيكـ ))

صرت أرجف من الخوف .. الحفل النهائي باقي له أقل من ساعتين ..
الله يستر وش بيسوي فيني هذا .. بس قلت .. لا لا .. أكيد بيدري إني
كنت موب صاحي وبيعذرني .. خلني أجهز نفسي ..
ورحت للبرنامج .. ولما جا دوري أغني ..
غنيت ..
لكن كانت مصيبه .. كارثه ..
صوتي القديمـ رجع لي .. هنا الجمهور عصب .. وبدا يرمي على المسرح قوارير المويه ..
اللجنه ماخلتني أكمل أغنيتي .. طردوني من المسرح ..
انتهى حلمي .. فرصتي الأخيرهـ تلاشت ..رجعت للفندق .. وشفت السلمي ..
وقالي ..

السلمي:
معتوق .. وين صوتكـ الزين راح .. وين صوتكـ يومـ التقديمـ ..
وش صار لكـ .. ؟ اليومـ من كثر ماصوتكـ شين .. طفيت التلفزيون ..

معتوق:
سليمان .. أرجوكـ أتركني بحالي .. ويالله نروح للمطار .. مابقى شئ على طيارتنا ..

بالطيارهـ .. طلعت الورقه .. ولقيته كاتب ..

(( ههههههه .. هذا ولا شي من اللي بيجيكـ .. ارجع وشف وش بيصير لأهلكـ .. ))

وأول مانزلنا من الطيارهـ .. دق علي أبوي وعلمنا إن بيتنا احترق واننا ساكنين
عند عمي .. هنا أنا .. انشل تفكيري .. ماقدرت أسوي شئ ..
رحنا لبيت عمي .. وسلمت على أهلي ..
وسألت أبوي عن سبب الحريقه .. يقول يقولون المطافي انه التماس بالكهرب ..

رحت لغرفة السلمي وقعدت لحالي .. وطلعت الورقه ..
ولقيته كاتب كلامـ جديد ..
(( هاهـ .. كيف بيتكمـ بعد الحريقه .. هههههه .. وجهكـ يضحكـ
كأنكـ بزر موب عارف وش يسوي .. أقول .. ترى هدفي الجاي ..
هو نورهـ .. علمتكـ ..))

قلت ..

لا لا .. خذني أنا ولاتلمس .. نورهـ .. مشكلتكـ معي أنا ولا أحد غيري أنا ..
لو انت فعلا رجال .. واجهني أنا .. رجل لرجل ..

وكتب لي كلامـ جديد ..
(( ههههههه .. انت اللي جنيت على نفسكـ.. خلاص أبنهيكـ بعدين أبتخلص
من نورهـ على رواااااق ..))


انا رميت الورقه وقعدت بنص الغرفه .. وكل شوي يجي يظربني من جهه ..
مرهـ مع رجلي.. ومرهـ مع راسي .. ومرهـ مع بطني .. والمشكله إنه ماينشاف ..
.. بدا الدمـ ينزل من راسي .. ومن يديني ومن كل مكان .. زادت جروحي ..
هنا فكرت .. ومسكت العود .. وبديت أغني بصوتي القديمـ ..
هنا زادت الظربات اللي تجيني .. واستمريت بالغناء والضربات تقوى ..
وكل مالها تزيد .. وأنا أزيد بالغناء .. إلين ماتوقفت تماما ..
وانا ماوقفت .. استمريت أغني .. وأغني .. وأغني ..
إلين شفت الورقه .. تحترق .. حتى تآكلت تماما .. ورمدت ..
هنا .. وقفت الغناء .. وطلعت من الغرفه .. لقيت كل أهلي واقفين على باب الغرفه ..
ويتوسطهمـ السلمي ..

السلمي:
يعني سالفة عطر الاماكن حقيقيه .. ؟

معتوق:
أكيد .. وشف وش صار لي من عقبها .. بس الحمد لله قدرت أتخلص من هالكابوس ..



وبوقت ماكنت أسولف لأهلي عن القصه وأعلمهمـ عن مجرياتها ..
لمحت من بعيد أخوي مزعل .. وهو طايح على الأرض وبيدهـ
علبة عطر الأماكن اللي كانت بشنطتي ..

لكن العلبه كانت فاضيه .. ولقيت ورقه جمب أخوي مكتوب فيها ..

(( يامعتوق يرحمـ أمكـ طلعني من أخوكـ كنت أبي أدخل بوسيمـ وطبيت هنا بالغلط
تكفى .. والله ياداخل أخوكـ خياااس ))

قلت له .. طيب بشرط ..

ترجع صوتي الزين للأبد ..؟

كتب ..

(( موافق .. موافق .. موافق . موافق . موافق .. ))

.
.

هكذا .. شق صاحبنا معتوق طريقه للفن والشهرهـ .. وأصبح من كبار الفنانين ..
ومن أجملهمـ صوتا .. معتوق .. قصة فنان ..


-.-

أتمنى ان القصه أعجبتكمـ .. وأنا أنتظر ردودكمـ وآرائكمـ ..
هذذ أول موضوع لي .. وان شاء الله يعجبكمـ ..