|
|
|
|
التسجيل | إسترجاع كلمة المرور | تفعيل العضوية | طلب كود تفعيل العضوية | إتصل بنا
|
|||||||
التسجيل السريع مُتاح
|
 |
|
|
LinkBack | أدوات الموضوع | انواع عرض الموضوع |
12-02-2007, 09:16 AM
|
#1 |
 
|
كيف سرقت شركة(ابل)اختراع ال(ipod)من المخترع الاصلي فتى البطحاء(سند )<الحق الضائع وانا
طوول عمرهم الغرب يسرقون منا الحضاره وعناصر التقدم وينسبونها لأنفسهم..فيه بلاوي زرقا ندري عنها وبلاااااوي كروهات برتقالي وبيج ماندري عنها ومنها ان
شركة ابل المشهوره سرقت اختراع جهاز الايبود من فتى البطحاء :----<<<تبطي أأززّيم هادي شريكا<<سواقنا الفلبيني يقول كذا هذولا سووا حركة لعانه عشان ينسبون هالاختراع لهم والمودوء في بيــِّن من إنوَن هوووَّاااا...<<<<عاد هذي خدامتنا اذا تبي تصوي فصيحه بالعربي وهذي القصه: كان فتى البطحاء واسمه(سند بن راجح الاخضر) يعيش في منطقة البطحاء المعروفه بصفا الجو وجمال ساكنيها وروعه مبانيها كان انسان هادئ نوعا ما..لا يتكلم الا اذا احتاج الكلام يعيش وحيدا في غرفته اللي اجارها كل شهر 17 ريال ونص والنص دايم مدفوع قبل السبعطعش عشان الامااانه يعني سند او(فتى البطحاء)انسان امين ..مسالم..ينام قليلا..ياكل قليلا..يسمع اغاني كثيييييييرا صفاته: يدلعونه بــ(توت العُــلَّـــيق) وطبعا اسم الشهر(فتى البطحاء اولا عمره عشرون سنة وخمسطعشر اسبوع مملللوووووووووووووح جدددا حتى ان صحيفه رياضيه تقول ان بيكهام يغار منه من كثر ملحه كل البنات يلاحقونه وين ماراح واللي يزيد انه ما يطلع من بيته الا نااادر وهذا اللي يخليه ملاحق من قبل باباراتزي البطحا عبقري زمااااانه والجايات تشرح *هواياته: يشجع نادي الاهلي ويحب كل اللاعبين اللي فيه اما منتخب فهو يشجع موزمبيق وسبب انه ما يشجع السعوديه يقول:حدث خلاف بيني وبين ياسر القحطاني وسببه انه يغار من جمالي وانه دايم يقط علي كلام من كثر غيرته والسبب الثاني ان النصر عكس اسمهم يعني ما عمرهم انتصروا بعد ايام ماجد عبدالله بشي يذكر اما موزمبيق(يواصل كلامه) فهم لعععييييبه من جد ومو ذنبهم انهم ما يبينون في شاشة التلفزيون وكل اسماء انديتهم تدل عليهم مثلا نادي (دراهيققون) ويعني النصر في لغتهم دااايم منتصر و(ترترماماهيلولوكاهااا)يعني في لغتهم الجري السريع وفعلا تشوف اللعيبه زي الارانب بس مشكلتهم انهم كلهم حولان حتى الحارس احول وهذا سبب خسارتهم الدائمه و(كولسولاهااهاهاها)ومعناه في لغتهم( الخكاريه) هم فعلا خكاريه والدليل ان هم الوحيدين اللي يبينون في التلفزيون لانهم صابغين شعورهم اشقر ومستشورينه يعني غير عن باقي الموزمبيقيين وهاذا سبب اعجابي لهم .....<<<<بيني وبينكم فريق يستحق الاعجاب من هواياته تفكيك المعاليق حقت الملابس جمع بيالات الشاهي وغسلها كل يوم احد<<<الاخ مسيحي؟؟؟؟ الكتابه على الريالات مثل عبارة :كان قصدك تهين اسمي عشان تشمت العذال استخدم نك نيمي احسن وايضا مثل عبارة: علمني الحب...انك اذا قعدت تفصفصه واجد تحرقك براطمك وايضا عبارة: انا لك يا بريق الماس انا الالماس وانتي العلبه حقتها..وبرميكي.. وقلبك موطن الازهار..الازهار البيضا حقت جبنة بوك من الاكلات اللي يحبها الحلاوة الطحينيه والناتشو والكاتشب (يحط الكاتشاب بصحن شوربه وياكله بالملعقه ويحط عليه شوية كاتشاب) ويقول:احب كل الاكلات والمشروبات لا سيما المويه المويه احبها مره بشكل فظيع واكره الاكل البحري لانه يرفع الكوليسترول وانا ما عندي كوليسترول فليش اكرهه ما ادري... لكن***ركزوا على لكن لان مو أي احد يقولها لكن كان الشي اللي يسويه دااااايم هو سماع الاغاني يحب الاغاني بشكل فضيع لما يجي ينام يسمع(نااايم حبيبي) واذا جا يقوم يسمع(صباااحوكي سككر) واذا جا يروح الجامعه يسمع(كني مقيد قيدي مو سلاااسل ) اذا جا ياكل يسمع(بما انه من مشجعي الاهلي) (ياااكولك حبه حببه ياكلك هم... هم هم ) واذا جا يبكي من الوحده لانه حسااس يسمع(تقتلني الوحدهُ تصدعُ كبدي)وهذي اللي ما يعرفها تراها للشايب المملوح مارسيل خليفه<<لا تستغربون من انه يسمع لمارسيل قلتلكم هذا يسمع كللل شي وجايتكم بالطريق اذا كان معصب من البنات اللي يلاحقونه في كل مكان زي ما قلت سابقا الفتى مملوووح واطخم طخومة عظيمه يسمع اغنية جاستن تيمبرلايك(دامن قيرل دامن قيرل دامن قيرل) واذا يبي يتذكر امه وابوه الميتين اول شي يصلي ركعتين ترحما فيهم بعدين يسمع(نيفير قون..نييفير فااار)<<<هي هي   هي طبعا ما يحتاج ادول حددت مين هادي الاوعنيةوكثييير من الاغاني كل شي يحب يسمعه كلللل شي *وصف غرفته: مربعه..بين غرف هنود البطحا في احد الدخاشيش  غرفه فيها فرشه حمرا مخططه ببني ومنقطه بأزرق صار لونها اخضر لانها من عصر (بشير حمد شنان) فراشه المخفوس من النص في الزاويه وعليها مخدته المنمشه وهذا بمثابة زينه في وجهة نظره وبطانيته البنيه اللي عليها رسمه نمر على طاري النمر تراه ما اشترا بطانية نمر عبث...لا يا حبيبي النمر عنده رمز للفن عاد ليش؟مفهومه ياخي جنب الفراش فيه ثلاجه صغيره داخلها حمضيات وثنين شاورما وسنكرس مأكول نصه وخبز وجبن كرافت جنب الفراش روايه(بين مدينتين) لتشارلز ديكنز<<<يحب القراءه جددددا والدليل انه يستخدم جريده عكاظ كسفره له عند الاكل الحمام ما يحتاج اوصفه عند الزاويه الثانيه تسريحه فيها عطر مهديه له جاره الهندي وفيها مشط(هذاك الاحمر) وفيها جل عشان يدهن يدينه ورجلينه قبل النوم وفيها فازلين عشان يسوي فيه شعره قبل يروح الجامعه وفيها كريم جونسون للاطفال عشان يحطه على اظافره ساعه بعدين يشيله عشان تصير اظافره ورديه زي لون الكريم عند الزاويه الثالثه دولاب الملابس اللي يصفر لانه ما عنده الا ثوبين معلقين على باب الدولاب وكم جزمه(وانتو بكرامه) الزاويه الرابعه: هنااااا الموهيم هنا هنا هنا هاذي الزاويه هي مملكة سند او فتى البحطاء وهي المسجل الاحمر والاشرطه الكثييييييره مصففها فوق بعض على طريقه العماره بحيث انه ياخذ أي شريط من غير ما يحرك أي شريط ثاني زاوية سند هي كل وناااسته بعد ما راحوا امه وابوه بدري فيها كل الفنانين بكل انواع الفن خليجي-سامريات-عرضات-جلسات خاصه-كسرات(بس ما يحبها واجد يعني يسمعها بتحفظ)-مصري-شامي- هندي-ايراني-تركي-فلبيني-فرنسي-ايطالي-اجنبي بكل انواعه كللش عنده وحافظ كل اغاني الدنيا حتى الاغنيه الايرانيه(منءومادءام)حقت قوقش حافظظها صم وحتى حافظ (دين دين بمبابمبرااابربربرااببابابااااااا)حقت كريزي فروق ويضبطها بعد وحافظ(قازولينا)عن ظهر قلب هذا طبعا  غير باقي الاغاني الي غنوها كل المغنيين في العالم المهم سند على انه عنده كل هذا الا ان مشكلته نابعه من مشكله طيب كييييف؟؟؟<<<<اخصصص يا فطييين يعني المسجل حقه مكحكح يطلع صوت عبادي الجوهر كنه صوت هيفا وهبي وصوت حسين الجسمي كنه صوت خالد عبدالرحمن هاذا غير الــ(برااااااااااابرااااااااااااابرااااااااابلاللل لابلااا)<<<زي صوت الباتري اذا خلص وهذي المشكله نابعه من انه فقير جدا ومنتف اجدد من الجدا *كيف حصل على هالمسجل: طبعا هالمسجل معه من يوم كان عمره تسع سنين وحصل عليه عن طريق بيع سيكل ابوه بدون ما يدري ابوه لان ابوه كان اصم فباعه واشترى به المسجل الاحمر ابو حدايد *كيف مات ابو سند وامه  لما سأل الاب وين راح السيكل قال له سند:يبه منعو الصمخان انهم يستخدمون السياكل لاهم ولا أي احد يمت لهم بصلة الموصول..وبما ان الاب راس ماله الدجه بهالسيكل انصدم وجته جلطه ومات كانت ام سند متزوجه ابو سند عن حب عميق عاش في دواعيس البطحا فلما مات ماتت وهي تقول:ما العيش بعدك يا ابو سند يبو عيالي<<<كله ولد واحد وبنت بقولكم وش تطلع ذي البنت بعدين >>>بس ولد عبقرري $$نرجع لمملكة سند...طبعا المسجل معه من سنين ومثل ما قلتلكم مثل ما مات ابوسند وامه وكل الخلايق سيموت المسجل كذلك  وفعلا اتت اللحظه الحزينه...رجع سند من صلاة الظهر في عز الشمس والثلوج..يحط شريط حاتم العراقي(مهاجر) ويرعص على (بلاي) اللي ما بقا منه الا حرف البي والباقي ممسوح من كثر بصمات الاخ سند الا المسجل...الصديق العزيز...مااااااااات انصدم سند للمره الثانيه في حياته بعد وفاة امه وابوه اللي ما انصدم بسبب موتهم ولكن انصدم بسبب حيرته كيف يشتري لهم اكفان ما عنده فلوس لكن المسجل الاحمر غير ....ويصيح ذيك الصيحه ويبكي ويبكي ويبكي ..راح الونيس ويغني:والله ما يسوى...الى...بس حسافه الموووت كان رقرب واررحمم...الخخخخ ..راح صقيقي(على قولتكم)راح اللي يمتعني بهالحياه كفن المسجل بقرطاس الشاورما بما انه ابيض زي لون الكفن ودفنه جنب سريره قعد يومين يهوجس يهلوس يهذي راح اللي يسمعه النغم الحلو الي يطلع صااافي (اقص دفتري اذا كان صافي<<ولا حتى مراعي) ..راح اللي يخليه يوم يحس انه مي حريري ويوم يخليه يحس انه الشاب خالد(عايشااا-عايييشااا) يوم يخليه يحس انه ماساري(اتس ريل لوف ذات يو دونت نو اباوت) ومره يخليه يحس انه ان سنك ( با با باي)<<<<يا قدددمها بس حلللوه يوم يخليه يحس انه محمد عبده<<مانيب قايله الاماكن طفشتونا فيها(مذهله..ماهي بس قصة حسن) ومره يخليه يحس انه عبادي الجوهر(ياليل قوللي وينها اللي بعدت والشمس بيني وبينها) راح المسجل (راح راح راح روحي) يا ساكن جاوت روحي راح المسجل لكن سند في داخله انسان طموح ما ييئس والدليل بيعة السيكل هذي لانه ما يئس من الفقر المهم بعد ما رجعله عقله بدا التوازن يرد له من جديد قال لازم افكر بشي يخليني اسمع الاغاني بأي طريقه ووين ما رحت ويكون يعني شي خفيف لطيف حلوين تيبين بنحبكون لا تستغربون انه سيدا فكر في شي زي كذا قلت لكم الولد عبقري وعلى فكره تراه هو اللي كتب رواية هاري بوتر اللي كان اصلا اسمها(هماي ساحر؟؟) وسرقتها منه ذيك الحرمه وطبعا بعد تفكير عميييييق ورسم في الفرشة وتلحيس بالاكمام وتفكير لا تحسبونه في ايام وليالي لاااااا يا حبايبي هذا فتى البحطا يجيبها عالطاير والدليل ان مره قال له صديقه عد من 10 الى 1 بالملقلوب قال 1 2 3<<فكروا شوي الموهيم التفكير استغرق منه ثلاث ثواني لو انه ما كان مشغول شوي كان استغرق جزء من التريليون من الثانيه توصل الى اختراع جهاز صغيرون يحمل الاغاني بذاكره معينه سماه( سنـُّودي ز سونقز) طبعا الفلوس عشان يطبق الفكره على سيراميك الواقع جابها من بيع كاميرا الهندي صاحب اللاب توب (جايه في الطريق قصة اللاب توب )وسامحه الهندي على هالشغله وطبعا اللي اخترعه345648968345798283490 قيقا لانه خاص فيه ولو انه برضو ما حمل كل الاغاني بعد بس هذا اقصى شي قدر يخترعه الموهيم اخترعه وتسلف لاب توب الهندي جاره(شفتوا شفتوا قلتلكم بقولكم) اللي اهداه العطر بريحه جوز الهند تسلفه اسبوع على بال ما يحمل الاغاني..والله واخترع هالجهاز اللي ما علم احد عنه لانه ما يبي الشهره يبي يعيش بحاله ولذلك لم يطالب حقوقه في رواية هارري بوتر لانه قال:يوم شفت الفلم عند الهندي جاري(على فكره جاره اسمه*بكر*) ما فهمت من القصه شي لأنهم ترجموها على انها احنبيه والانسب لها انها تكون في دواعيس البطحا لذلك ما فهمت شي ولذلك لم اطالب بحقي فيها في هذه الاثناء وبعد ان اخترع فتى البطحا هذا الاختراع العجيب طبعا اكيد فرح لكن مو زي فرحتنا اذا شفنا ردود حلوه على مواضيعنا بالمنتدى لااا...فرحه عاديه لانه الولد من ناحيه العبقريه شايف نعمه يعني هالاختراع مو جديد عليه قد ما هو يفي باحتياجاته الغنائيه لا اكثر ما كان يبي ينشره لان من وجهه نظره يقول:انا علي ذنوب اكبر من الحفره اللي في وسط فراشي بعد اتحمل ذنوب غيري لا يا خالي<<<<ما يقول لا يا عمي لانه ما عنده عمان طبعا الغرب يلاحقون سند داايم بسريه تااامه ومنهم شركة(ابل) عن طريق الهندي الرااهي في البطحا واسمه(كلام) وهذا جاسوس لهم يلاحق كل تحركات سند المسيكين ولد البطحا المهم كلام شاف سند يتمشى والسماعات باذنه ويدندن راح عنده وقال: صند..صند..اندا ما بيه اسماء انا انا فيه نادي اندا صاناد..صاناااااد(انت ما تسمعني انا قاعد اناديك) فكك سند السماعات من اذنه وقال:هلا اخوي كلام فيه شي(مؤدب واخلاق والدليل السيكل) قال كلام:اس هادا هوطي في إدن انتا بءدين انتا قنني قنني (اشقر على اشقر مثلما الحر الاشقر)<<هذي الاغنيه في شريط راشد الماجد اللي ما بعد نزل بكلللللل براءه شرح سند السالفه لكلام كللللها وصل الخبر لشكره (ابل) عن هذا الاختراع العجيب عن طريق الجاسوس(كلام) قالوا:ههههاي والله حامض على بوز هالسند ينسب له هالاختراع العجيب وراس التفاحه تنخره الدوده لازم ناخذ الجهاز من هالسند هاذا كييييييف ما فيه الا طريقه ...سند ما يترك (سنودي ز سنوقز) الا اذا جا يروح المسجد لصلاة الجمعه لان باقي الايام يصلي بالبيت هو ووجهه طبعا ابل تعرف هذي المعلومه فأعطت (كلام) كم دولار وقالت له راقبه واذا طلع ادخل بيته وخذ الجهاز قال كلام:ازهلوها يا جماءه...انا لها يالربء والله وينتظر كلام التبن الى يوم الجمعه وصلاة الجمعه بالتحديد ويطلع سند من بيته واذا طلع ما يقفل لانه يستئمن هنود البطحا على نفسه وعلى الفيلا حقته والله ويدخل كلام للبيت ويدور الجهاز ويلقاه محطوط في الثلاجه<<<<ليه(مفهوومه ياخي) المهم وياخذ هالجهاز ويوديه لابل ابل تعجججبت من الاختراع العجيب وبصراحه اعجبت الموظفين اغنية محمد حماقي(طب وحده وحده وبلاش كل ده يجي مره وحده) بس ابد ما عجبتهم اغنية(طبيب جراح الوب الناس اداويها) يقولون ان صوت اشر احسن من صوته المهم عدلوا فيه بعض الاشيا وازالوا الاغاني اللي فيه ونسخوا منه الملايين من النسخ عن طريق ادخاله بالسكنر ومن ثم عمل نسخ >>>لصق نسخ>>>>لصق ثم طباعه وبهذا اعلنت شركة ابل اصدار جهازها العجييييييب(ipod) نعم نعم طبعا نرجع لسند رجع من الصلاة عشان يشغل جهازه الا ما يلقاه وقعد يدوووووور ما لقاه ... وين راح جهازيييي ما لقاه ابد ابد ابد بعدين اغما عليه لان ما عاد عنده سيوله انه يخترع جهاز ثاني ولو ان الفكره موجوده قام الا هو بالمستشفى وعلى راسه صديقه الهندي بكر يقوله:همدلله الا سلامت انتا الهمدلله ما جت الا كيدا وبس يلله هيه في صير هين انشالله(يقصد:هانت هانت) وسند ما يرد من الهم اللي فيه ياخي وين راح جهازي المهم بكر يبي شوي يخفف على سند قالله:يلله انا الهين يفته تلفجن قناة اقاني وادزد هيلو ويفتح الا قناة السي ان ان تعلن اختراع شركه ابل لجهاز(ايبود) ويشوف سند شكل الجهاز ماهوب غريب عليه الا يقول جهازييي اختراعييييي والله انا اللي مخترعه يا بكر بكر طبعا قعد يبكي لانه يحسب ان سند خلاص انجن ما صدق انه هو اللي اخترعه وبيني وبينكم من يصدق ان واحد من البطحا يخترع هالجهاز ولانه شوي فاقد عقله من الصدمه راح لشاشة التلفزيون وهو يهذي(جهازي اخذوه جهازي سرقوه عيال الخكري والشقرا) ولما وصل للتلفزيون كسر قزازة الشاشه يحسب ان جهازه داخل الشاشه وبيقدر ياخذه وطبعا ضرب الشاشه ضررربه (سماك داون) ومن اثر الضربه مات سند نعم مات العبقري فتى البطحا ماااات مات ومات حقه معه مات ومات سره معاه والحين من يطالب بحق سند اذا مافيه احد بالدنيا يعرف انه صاحب هالاختراعات ابد ابد الايبود هاري بوتر روايه شفرة دافنشي اخته تدرون من اخته ...اخته هي بينيلوبي كروز بس هربت مع خويها من زمان هو اللي اخترع شاشه البلازما هو اللي اخترع طابعة البلوتوث وكاميرا الديجيتال هو اللي اخترع اكواب ستار بكس وسياتل بست كوفي اللي تحفظ الحراره هو وهو وهو وهو وهو<<<<شدعوه كلب وما فيه أي شي يثبت انها له بتقولون وانت طيب شاهد اقول ايه نعم انا اعيش معه في كل لحظه انا حتلو عرفتوا ما راح يغير من الحقيقه شي انا انا الحزين على مفارق صديقي المظلوم سنودي اللي يدلعونه(توت العُــلَّيــق) انا انا انا( الصرصور) صديقه اللي نشأت في بيته اللي كان بيتي او بالاخص شرابه(وانتوا بكرامه) هو سكني في الشتا والصيف والربيع(بما ان السعوديه دااايم ربيع وفراوله) بس لاني ما اعرف اتكلم مع البشر راح يضيع السر بس لقيت اني تعلمت الكتابه من كثر ما كان يشخبط سنودي على الريالات والجدار حقه والفرشه تعلمت كم كلمه جيت اسدح لكم هالسر هذا لعلكم تجدون لي حلا او على الاقل تعرفون (الحقيقه الشهباء في اختراعات ابن البطحاء) وسلامولللللللو يا إيشطه |
|
    
|
|
12-02-2007, 09:24 AM
|
#2 |
|
|
رد: كيف سرقت شركة(ابل)اختراع ال(ipod)من المخترع الاصلي فتى البطحاء(سند )<الحق الضائع وانا
للتنبيه فقطط
ترا الموضوع من اختراعي يعني مو ملطوش او منقوش او حابس حاابس او منقول |
|
|
|
|
12-02-2007, 12:51 PM
|
#3 |
 
|
رد: كيف سرقت شركة(ابل)اختراع ال(ipod)من المخترع الاصلي فتى البطحاء(سند )<الحق الضائع وانا
 الله يرجتس تبطي قسم مت ضحك على الاغاني اللي يسمعها ولا الثلاجه حقته تقل توصفين ثلاجتي واللي صدق مت من الضحك ( هماي ساحر ؟؟) بس بيني وبينتس شركة ابل مذاهين اللي حاطين ( كلام ) جاسوس  خلاص ابدلي اسمي الاي بود حقي سند  تخليداً لذكراه العزيزه تبطي.. موضوع بطل بطل بطل اهنيتس عليه  |
|
|
|
|
13-02-2007, 12:44 AM
|
#4 |
|
|
رد: كيف سرقت شركة(ابل)اختراع ال(ipod)من المخترع الاصلي فتى البطحاء(سند )<الحق الضائع وانا
مشكووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووووووووووووووووووووووووووووووووووووره
على الكلام الرد الحلو زيك يوه يوه يوه والله ما توقعته بطل بس دامك تشوفينه كذا فهو كذا<<وش تقول ذي يكفي انك قريتيه اصلا ميرسي ميرسي يا عومري |
|
|
|
|
19-03-2007, 02:02 PM
|
#5 |
|
|
رد: كيف سرقت شركة(ابل)اختراع ال(ipod)من المخترع الاصلي فتى البطحاء(سند )<الحق الضائع وانا
الدردعه____ حلوه حبوب الخال اللي بردك
جاسم____ثانكيو فيري متش على وجهة نظرك واحترمها.... |
|
|
|
|
20-03-2007, 04:09 PM
|
#6 |
|
رد: كيف سرقت شركة(ابل)اختراع ال(ipod)من المخترع الاصلي فتى البطحاء(سند )<الحق الضائع وانا
. . .الله يرجتس رجتن محترمتن ^,^ [overline]قصم بالله اني مت من الضحك ..[/overline] لا و انت ما شاااااء الله عليتس تضبطين اطراف المواضيع .. يعني التوفاصيل الدوقيقه .. عيني عليك فريزر تمر يالله انك تبارتس به .. لا عومرتس تغبين شيّن(تغبين شيء) من إبداعاتس الي مثل ذولي .. ترا والله انهن رهيبااااااااااااااااات كلما طرت ببالتس فتسرة ما ( فكرة ما ) على طول اسدحية ولا تستحين .. الله مير يكثر من مواضيعتس الي توسّع الصدر .. ولا تقطعين ، هماه ؟ . . . |
|
|
|
|
22-03-2007, 04:23 AM
|
#7 |
|
|
رد: كيف سرقت شركة(ابل)اختراع ال(ipod)من المخترع الاصلي فتى البطحاء(سند )<الحق الضائع وانا
وه وه امووووت على هالمدح انااااااا
مشششششكككووووووره يختي تقطعت |
|
|
|
|
09-04-2007, 11:44 PM
|
#8 |
|
|
رد: كيف سرقت شركة(ابل)اختراع ال(ipod)من المخترع الاصلي فتى البطحاء(سند )<الحق الضائع وانا
هو صدق يا اخ جاسم فيه شي اسمه اسلوب
بس عادي انا ما ازعل من الصراحة ووجهات النظر .....وردك مو جامد و لايحطم |
|
|
|
|
10-04-2007, 04:08 PM
|
#9 |
 
|
رد: كيف سرقت شركة(ابل)اختراع ال(ipod)من المخترع الاصلي فتى البطحاء(سند )<الحق الضائع وانا
يمدحون ام السعف والليف
|
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
:: الغاز :: بنات :: شات :: العاب :: بلوتوث :: مركز تحميل :: برامج :: افلام :: زكرت :: طبخ :: توبيكات ::
 |
 |
|||||
 |
|
|
|
|
|
|
العرض العادي
