|
|
|
|
التسجيل | إسترجاع كلمة المرور | تفعيل العضوية | طلب كود تفعيل العضوية | إتصل بنا
03-09-2006, 02:30 PM
|
#1 |
 
|
أنواع التماسيح في الماسنجر
كيفكم يالمخنبقين أول شي انا واحد أعجبني الموضوع لاحد يفهم غلط يقول وشفيه علينا (التماسيح) هههههههههه واعرف شباب كثير تنطبق عليهم المواصفات ذي اتركم مع الموضوع الاهبل : عمره حده بالطعش .. يسولف لك عن الدباب والوانيت ام غماره وحده فيه ريحة برائه لكن ما يخليك تتنفس ولا يعطيك وقت تستوعب سطر يكتبه لانها تجيك سطور مرتبه ورى بعض واحيان يتفلسف ويحط لك كل كلمه بسطر على باله يكشخ والصور الجانبيه تكون رونالدينو او هنري وإن سالته كل واحد في أي فريق يتصل على خويه عشان يساعده بالإجابه العاقل : ثقيل دم .. مايكلم الا اللي يكلمه وان كلم احد حده يجاوب على الاسئله وبفلسفه وان قلت له نكته ضحكته ما تكمل خمس حروف >> (هههه) وإن سألته سؤال مافهمه يسفهك لحد ما تصيغ السؤال بطريقه اوضح وإن سويت نفسك ثقل معه عز الله ماخذت منه لاحق ولا باطل دائما نظرته لنفسه انه احسن الناس وإنه يعطي ((الأهل)) كل وقته << على قولته وهو اصلا ما درى عنهم المصلحجي : إن سلمت عليه وماله حاجه عندك يسفهك وإذا جا يوم وقال لك ((سلام)) إعرف ان ورآها شي كل الناس عنده ماتسوى شي إلا اللي يزبطون له أتفه اموره وإذا بيطلب منك شغله يطلب من الثقيل ويعطيك من الكلام اللي يكبر راسك وتصدق عمرك ودائما يطب عليك ويقول لك من معي << من غير مايسلم وإذا ذكرك وذكر ان مامنك فايده عطاك بلوك وورآه دليت الرسمي : بين كل سطر وسطر يكتب لك ((طالـ عمركـ)) يعجبك بثقلهـ وردوده اللي لها قيمه لكن احيان فكره يكون سامج ومع الوقت تكتشف ان ماعنده سالفهـ وغالبا مايكون شاعر او راعي خواطر لكن على قده يطقم لك لون الخط مع الصوره < وصوره دائما طفل صغير او واحد متلثم الدفش : دائما يعرض صوره بكل ثقه إما سادح شماغه على كتفه ولا له عوارض تقول مايدل الحلاق ولا يسمع بشي اسمه تنعيم كلماته غالبا تكون *يالبيه *أويلاه *أويييه *وش تبا وإن قلت له وش سيارتك قال لك مرسيدس وهي بالواقع شاص 97 وإن قلت من باب الموانه طس عطاك بلوك ووراها دليت وربي راحمك ان ما جاك بالعجره مع اللي فزعو له المدور : هذا من اللي يجونك طواال وعرااض بس لا تقول ليه راسك اصغر من جسمك عشان مايبكي عليك مرهف وجدا حساس و يسولف لك كل اللي عنده بأدق التفاصيل مثل مايقولون ((يكب عشآ أهله)) مهما كبر يبقى طفل صغيروون وإن كنت في يوم محتار لأي مطعم تروح إسأله لانه مافيه مطعم مايعرفه يعني ماخذ مهمة ((محلوله)) بس قول له وين موقعك وهو يوصف لك اقرب مطعم وحط ببالك انه في أي لحظه ممكن يطب عليك عشان تتكفل بكسر السفره وأتحداك إذا قال لك هذا المطعم او هذا الطبق مو لذيذ كل شي لذيذ دامه للأكل المتزوج : نااادرا ما يجيك عاقل اهبل و ماكن ورآه عيال وإذا دخلت بنت بالسالفه صارت السوالف يااااسلاااام والله لو تسولف بطقاقه قال ياحبني لها < كان يسمع لمحمد عبدو وبعد الزواج صار يسمع نانسي واليسا ولا تخلو الأغاني من هيفا أنا إذا طقيت الموانه معه قال لك أدق المشاكل بينه وبين زوجته وإذا كنت عزوبي يتسبب لك بالعنوسه من كثر مايشتكي لك وشرط ماتتزوج الا بالاربعين وتشوف عيالك يمشون قبل ماتموت البريئ : كل سوالفه نكت .. ودائما يكون واثق انك منتبه لكل حرف يكتبه لك وبالواقع ((انت تسلك له)) لانك ماتبي تجرحه. وإن غلطت بيوم وقلت له وهو يحكي عن اذنك ثواني كنك اجرمت بحقه وتصير أكبر عدوينه ولا يرجع يكلمك الا اذا انت تكرمت وسلمت عليه ولازم ترجع تبرر له سبب استإذانك منه وايش سويت بالتفصيل الممل بالثواني اللي طلبتها بعدين على طوول ترجع اغلى الحبايب مشكلته ياخذ الأمور بجديه داائما الله يعين اللي تتزوجه < الشين : عنده ملف خاص في جهازه كلها صور شباب حلوين يرسل لكل بنت صوره ويقول هذا انا اسمه مشعان . صنهات . علاج ... إلخ لكن اسمه اللي يعرفونه فيه البنات ((وسيم)) مايصدق على الله وحده تقول له كيف حالكـ !! غالبا نكآآته تكون *كرهت جمالي *الأطخم *ليه البنات يغارو مني *اشقر وعيوني خضرآ *من حلاتي غارو خواتي ^ والله من الرجه الزاايده  |
|
    |
|
03-09-2006, 04:09 PM
|
#2 |
 
 |
ياحليلك ياسنافي اجل الشين يغارون البنات من عيونه الخضراا خخخخخخخخخخ
الله يرجك يادوووب |
|
|
|
03-09-2006, 05:27 PM
|
#3 | |||||||||||||||
|
|
لا وسادح صورة حلو يقول أنا ههههههههههههه |
|||||||||||||||
|
|
|
|||||||||||||||
|
23-06-2007, 02:03 PM
|
#4 |
|
|
رد: أنواع التماسيح في الماسنجر
اكيد ياغارون
|
|
|
|
|
23-06-2007, 04:27 PM
|
#5 | ||||||||||||
|
رد: أنواع التماسيح في الماسنجر
^ لا اله الا الله من وين احييتوه ذا  مقفل* |
||||||||||||
|
|
|
||||||||||||
 |
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
توبيكات :: الغاز :: شات :: العاب :: بلوتوث :: مركز تحميل :: برامج :: افلام :: زكرت :: طبخ :: فوتوشوب :: تصوير
 |
 |
|||||
 |
|
|
|
|
|
|
العرض العادي
