لتسجيل خروجك من منتديات الملحق البحث في منتديات الملحق لوحة التحكم الخاصة بالعضو التسجيل بمنتديات الملحق
 

 

افلامتصاميمتوبيكات

هوم سينما  ثرثرة ضوء ملجأ القراء تكية الملحق  


العودة   منتديات الملحق > الروشن > أرصفة أدبيه

إضافة رد
 
LinkBack أدوات الموضوع انواع عرض الموضوع
قديم 25-04-2007, 02:26 AM   #1

خبير ملحقاوي

الصورة الرمزية ma 7olik



افتراضي : . قوي قلبك الحاني . :


::

:


اول مشاركه لي في نزف المشاعر << هالفيس لزوم الرسميه
:

:

.


في ليلة عرسها تبكي ..
حزينه وقلبها يحكي ..
يقول الحمد لك ربي على كل حال ..
على الصحه .. على النعمه ..
على قلبٍ شكى همه ..
وصبرٍ طال ..

تجيها أمها وتقول ..
خلاص يا بنيّـتي إنسي ..
قوّي قلبك الحاني وإقسي ..
نصيبك هو نصيبك ..
ما بيدينا شي ..
ولو كان الله كاتب لك حبيبك ..
ما وقف في دربكم شي ..

تجاوبها ..
أبي أعرف ..
أبوي شلّي استفاده الحين .. ؟!
لو ذابحني كان ابرك ..
وزوجي .. اش ذنبه المسكين ؟
يعيش باقي العمر .. مع جثه تتحرك !
عليك الله يا يمّه .. قوليلي اشلون اضمّه .. ؟!
واذا ودّه يكلمني .. وشاف دموعي فـ عيوني ..
قولي اشلون اكلمه .. ؟!
واذا ناداني بإسمي ..
وانا أخطيت في إسمه ..
يا ترى وش موقفه مني ..
وهو يسمع اسم غيره ؟!!

تجيها أمها وتقول ..
خلاااااص فضيها من سيره ..
خلاص يا بنيّـتي إنسي ..
قوّي قلبك الحاني وإقسي ..
نصيبك هو نصيبك ..
ما بيدينا شي ..
ولو كان الله كاتب لك حبيبك ..
ما وقف في دربكم شي ..

بقولك شي يا يمّه .. وخليها من الأسرار ..
أبكتب له رسالة شوق ..
بشاكيه الألم والعوق ..
عقب ما أنتهي منها ..
بكل الحرص أرسليها ..
وخبيها عن الأنظار ..
وابي منّك وعد صادق ..
توصليها لذاك المغرم العاشق ..
وبعد ما يوصلك ردّه ..
على طول بلغيني بآخر الأخبار ..

ربع ساعه يا يمّه ..
عطيني بس ربع ساعه ..
أبكتب له عن اللي طفّى ما في القلب ولاعه ..
أبكتب له الين دمع القلم ما يجف ..
تعالي بعدها واستلمي ما في الظرف ..
وكتبت من حزنها ابيات ..
تقول فيها ..

* * *

سلاماتي .. تحياتي .. وأشـواقـي الشديده
........................ على اللي روحه قبالي .. وأنفـاسـه بعيده

على اللي افترقنا غصب عن عينـي وعينه
......................... بعد ما كنت انا وهو نحلم بلحـظـه سعيده

بعيش بغربتي لحـالـي .. وهـو الله يعينه
.......................... يكمّل نصفه الثاني .. ويلـقـى مـن تريده

مثل ما قالت امـي .. مـا لـنـا إلا قدرنا
.......................... والا مـن زمـان المفتـرض إيـدي بإيده

يسامحك الله يالوالـد .. علـى عمـرٍ قتلته
.......................... بعد ما ماتت ابنيتـك وش اللـي بتستفيده ؟

أنا آسفه على اعذاري .. وربي غصب عني
.......................... نعم بتزوّج فلان .. بس بعيش عمري وحيده

محّد ممكـن انّـه يملا عيـونـي بدونك
.......................... تذكّر كلمتي هـذي .. أنـا فـ حبّـك شهيده

تذكّر كلمتي أرجـوك .. لأنهـا مـن فؤادي
..........................فؤادي اللي ذبحوه اليوم.. وطعنوه فـ وريده

تذكّر كلمةٍ فيهـا شـعوري ومـا طـرى لي
......................... أنا فـ حبك شهيده .. وذي ترى آخر قصيده

* * *
وجتها الوالده عندها ..
وهي تحاول تغض الطرف ..
وتسألها ..
وش اللي بداخله هالظرف ؟!
أبيات ..
هي أبيات .. لحبٍ من حياتي فات ..
لحبٍ من حياتي طار ...
بسرعه ارجوك أرسليها ..
وهي تذرف .. دموعٍ نار ..

على هونك يا يمّه ..
على هونك ..
خلاص اطّمني انتي ..
برسل ما كتبتي ..
واستعدّي ..
بعد شوي بيزفونك ..
يزفوني ؟!!
وربي كان أهون لو يكفنوني .. !!

بعد ايّام ..
تسافر لاجل تقضي في فرنسا .. شهر العسل ..
والمكتوب للعاشق وصل ..!
وهي مع زوجها تضحك ..
وهو من فرحته يضحك ..
يقول افديك انا بروحي ..
وبيتي .. ومالي .. والأهل ..
وهي تقول اشكرك بالحيل ..
لأنك من جديد .. رجّعت في قلبي الأمل ..
وساعه بعد ساعه ..
فرحتهم تزيد ..
في الصبح يتجولون من باريس .. لحتى ليل ..
وفي الفندق .. يشربون قهوه بالهيل ..
بعدها يسهرون .. كل الليل ..

وحانت ساعة الردة ..
بعد ما طالت المدة ..
وموعدهم بعد ساعات ..
لاجل ما توصل الرحله على أرض الدمام ..
وأول ما وطوا أرض المطار ..
من الفرحه بكوا ..
واستقبلوهم أهلهم باحضانهم ..
سلامات .. سلامات .. عساكم بس تهنيتوا ..
يجاوبهم ... الله يسلمكم ..
والحمد لله الهنا في حجرنا بات ..

تطير البنت ناحية أمّها ..
اشتقت لك حيل يمّه ..
وهاتي حضنك الدافي ..
ترى مشتاقه أضمّه ..
وعلميني عن احوالك ..
عن اخبارك .. عساك بخير ؟
بخير يا بنيّـتي .. دامك بخير ..
بس ما سألتيني .. ؟!
خير يا يمّه .. خير ؟!
نسيتي إنك ارسلتي رساله ..
قبل ما ترحلين بخير وسهاله .. ؟!
صحيح ... توني تذكّرت !!!
أرسل لك جواب ..؟

بعد ما ارسلتها ..
صرت انتظر منّه خطاب ..
ومرّت ايام وليالي وساعات ..
بعد مدّه .. شهر أو يمكن شويه يزيد ..
لقيت نفس الرساله .. عند صندوق البريد ..
تقول : لم يقرأها أحد .. !!
قلت بنفسي اتأكّد ..
وصلت لباب منزلهم ..
وكلّمني اخوه محمد ..
عرفتي ليش ما في حد .. قرا الابيات .. ؟!
في نفس اليوم لي إنتي تزوجتي ..
وكنتي حيل مغتمّه ..
حبيبك ما قدر يتحمّل الصدمه ..
مع كل الأسف ... مـات..!!

توقيع » ma 7olik
يااااااوتس يلعن يوم الخقه اللي كذا


اوايدز عليكم من حين الى اخر
ma 7olik غير متواجد حالياً  
Digg this Post!Add Post to del.icio.usBookmark Post in TechnoratiFurl this Post!
رد مع اقتباس
قديم 25-04-2007, 02:29 AM   #2

مشرف عام

الصورة الرمزية A S 6 O R H





افتراضي رد: : . قوي قلبك الحاني . :

بررب اول مكان لي

* * * * *

باك خلوني ارد عندكم شوي واحوق موضوعكم

اقتباس:

بقولك شي يا يمّه .. وخليها من الأسرار ..
أبكتب له رسالة شوق ..
بشاكيه الألم والعوق ..
عقب ما أنتهي منها ..
بكل الحرص أرسليها ..
وخبيها عن الأنظار ..
وابي منّك وعد صادق ..
توصليها لذاك المغرم العاشق ..
وبعد ما يوصلك ردّه ..
على طول بلغيني بآخر الأخبار ..

نعنبو ابليس خواطركم ورا الواحد لمنه قراها تجيه قشعريرهـ (( يعني صارت لي مشاعر و احاسيس الحين ))

اقتباس:

حبيبك ما قدر يتحمّل الصدمه ..
مع كل الأسف ... مـات..!!

واااوتس يا شعر يدي والله يا هو شقص وهو واقف تصدقون شكلي بجلس بـ نزف المشاعر كثير احس اني راعي حس و مشاعر وكيذا

ما حولك لا عدمناك ع الموضوع و ع التنسيق

توقيع » A S 6 O R H
منتديات الملحق // الاهمية بـ [ الكيف ] مهوب [ الكم ]


مساحة إعلانية بـ عنوان : وراك ما قلتا لنا
يوزر
" A S 6 O R H " موجود بـ الملحق فقط

*.
PMiD : D97F0A48
للضرورة مسن بس : t_1@w.cn

التعديل الأخير تم بواسطة A S 6 O R H ; 25-04-2007 الساعة 02:43 AM
A S 6 O R H متواجد حالياً  
Digg this Post!Add Post to del.icio.usBookmark Post in TechnoratiFurl this Post!
رد مع اقتباس
قديم 25-04-2007, 02:33 AM   #3

خبير ملحقاوي

الصورة الرمزية blue





افتراضي رد: : . قوي قلبك الحاني . :

اااااااهـ يا ماحولك

قريتها قبل وخنقتني العبره ,,,


راااااائـعه

اقتباس:

حبيبك ما قدر يتحمّل الصدمه ..
مع كل الأسف ... مـات..!!


من جد تعني لي كثير


مشكوره يا ماحولك
والله يعافيك على انتقائك

دمتِ بكل الود

واعذريني على مروري
فحروفي لا تليق بما وجدته من ابداع

توقيع » blue
blue غير متواجد حالياً  
Digg this Post!Add Post to del.icio.usBookmark Post in TechnoratiFurl this Post!
رد مع اقتباس
قديم 25-04-2007, 02:40 AM   #4

مراقبة هوم سينما

الصورة الرمزية Panda




افتراضي رد: : . قوي قلبك الحاني . :



جداً مأثرة

مشكوورة ماحولك

توقيع » Panda

.
.
.
.







iPhone + MacBook = Perfect Life

Panda غير متواجد حالياً  
Digg this Post!Add Post to del.icio.usBookmark Post in TechnoratiFurl this Post!
رد مع اقتباس
قديم 25-04-2007, 02:49 AM   #5

خبير ملحقاوي

الصورة الرمزية مدري!!




افتراضي رد: : . قوي قلبك الحاني . :



ياتسبديه وقسمن خنقتني العبره

يقطع شكلكم على القصه



اولها حسبتك تستهبلين قلت وش تبي ذي

يوم كملتها لقيتها رهيبه مره

يعطيك الف عافيه اكره القصص الموثره

مدري!! غير متواجد حالياً  
Digg this Post!Add Post to del.icio.usBookmark Post in TechnoratiFurl this Post!
رد مع اقتباس
قديم 25-04-2007, 02:49 AM   #6

خبير ملحقاوي

الصورة الرمزية ma 7olik



افتراضي رد: : . قوي قلبك الحاني . :

الاسطوره

اووص بغيت احوقها انا واقعد اذب على ابوها بس ربك ستر

ومن ناحيه الموضوع ترا ماسويت شي غير نسخ ولصق همين نسقته



بلو

اقتباس:

اااااااهـ يا ماحولك

قريتها قبل وخنقتني العبره ,,,

صف طابور


بنده
حياتس الله يا بعدي

توقيع » ma 7olik
يااااااوتس يلعن يوم الخقه اللي كذا


اوايدز عليكم من حين الى اخر
ma 7olik غير متواجد حالياً  
Digg this Post!Add Post to del.icio.usBookmark Post in TechnoratiFurl this Post!
رد مع اقتباس
قديم 25-04-2007, 02:50 AM   #7

خبير ملحقاوي

الصورة الرمزية ma 7olik



افتراضي رد: : . قوي قلبك الحاني . :

اقتباس:

ياتسبديه وقسمن خنقتني العبره

يقطع شكلكم على القصه



اولها حسبتك تستهبلين قلت وش تبي ذي

يوم كملتها لقيتها رهيب مره

يعطيك الف عافيه اكره القصص الموثره

شفتي عااد صرت حرمه واكتب في نزف المشاعر
لا عدمناتس يا بعدي

توقيع » ma 7olik
يااااااوتس يلعن يوم الخقه اللي كذا


اوايدز عليكم من حين الى اخر
ma 7olik غير متواجد حالياً  
Digg this Post!Add Post to del.icio.usBookmark Post in TechnoratiFurl this Post!
رد مع اقتباس
قديم 25-04-2007, 04:10 AM   #8

خبير ملحقاوي

الصورة الرمزية Do0o0ody




افتراضي رد: : . قوي قلبك الحاني . :






توقيع » Do0o0ody
رمضانا خلص موضوعي القديد
http://www.d77b.com/vb/showthread.ph...167#post299167



Do0o0ody غير متواجد حالياً  
Digg this Post!Add Post to del.icio.usBookmark Post in TechnoratiFurl this Post!
رد مع اقتباس
قديم 25-04-2007, 04:11 AM   #9

خبير ملحقاوي

الصورة الرمزية WOLF




افتراضي رد: : . قوي قلبك الحاني . :

بالفعل بداية قوية لك في منتدى نزف المشاعر

وكانني ارى امامي كاتبه متمرسه لها باعها الطويل بين الاوراق ,


اه من قلب ابتعد عن توأمه ,,

واه من ظروف ابعدت الاحباء والخلان ,,,


أجدتي كثيرا في الاستيلاء على القارئ ولا يملك الا ان يرى نفسه وقد انتهى من قراءة المشاركة

اعجبتني كثيرا من المفردات والسجعيات كـ

اقتباس:

في ليلة عرسها تبكي .. حزينه وقلبها يحكي

اقتباس:

خلاص يا بنيّـتي إنسي ..
قوّي قلبك الحاني وإقسي ..

اقتباس:

عطيني بس ربع ساعه ..
أبكتب له عن اللي طفّى ما في القلب ولاعه ..

وماهي تلك الا ثلاث نقاط من بحر مشاركتك

اشكرك جزيل الشكر وسجليني متابع لـ جديدك

توقيع » WOLF
WOLF غير متواجد حالياً  
Digg this Post!Add Post to del.icio.usBookmark Post in TechnoratiFurl this Post!
رد مع اقتباس
قديم 25-04-2007, 08:15 AM   #10

انتقلت الى رحمه الله لا تحتاج منكم سوى دعائكم لها

الصورة الرمزية ريم




افتراضي رد: : . قوي قلبك الحاني . :

الله يعطيك العافيه يارب على
الكلمات اللي تعور القلب
من جد خنقتني العبره
مشكوووووووووره ياقلبي

ريم غير متواجد حالياً  
Digg this Post!Add Post to del.icio.usBookmark Post in TechnoratiFurl this Post!
رد مع اقتباس
قديم 25-04-2007, 01:15 PM   #11

خبير ملحقاوي

الصورة الرمزية ابلهـ عطيات




افتراضي رد: : . قوي قلبك الحاني . :






مــــــــــره تحزن ..ياعمري هو ينرحم ....

بس ليش كذا ..
دايم مطلعين الحريم نذلات و ينسون العشره

و الرجال انواع الاخلاص <<من جنبها و الله

يسلموو ماحولك ..
و سيري هنا واجد ...و اتحفينا بابداعك ..

توقيع » ابلهـ عطيات
**اللهم لك الحمد كما ينبــغي لجلال وجــهك و عظــيم سلطانــك**
::



وه ...وينك يا ارماني ...ما تصف شي جنبي ...
ابلهـ عطيات غير متواجد حالياً  
Digg this Post!Add Post to del.icio.usBookmark Post in TechnoratiFurl this Post!
رد مع اقتباس
قديم 27-04-2007, 02:40 AM   #12

ملحقاوي فاصل

الصورة الرمزية دلـع الخجووولـه




افتراضي رد: : . قوي قلبك الحاني . :

توقيع » دلـع الخجووولـه


تم تغير النك من !! السيدهـ قفشه !! الى دلع الخجوله
دلـع الخجووولـه غير متواجد حالياً  
Digg this Post!Add Post to del.icio.usBookmark Post in TechnoratiFurl this Post!
رد مع اقتباس
قديم 27-04-2007, 10:31 AM   #13

خبير ملحقاوي

الصورة الرمزية منحاشه من بيتهم




افتراضي رد: : . قوي قلبك الحاني . :



يسلمووووووووووو ماحولك احد وش هالابداع والحركات ..


عاد لا تقطعينا .. ننتظر المزيد منك

توقيع » منحاشه من بيتهم

منحاشه من بيتهم غير متواجد حالياً  
Digg this Post!Add Post to del.icio.usBookmark Post in TechnoratiFurl this Post!
رد مع اقتباس
قديم 28-04-2007, 03:29 AM   #14

خبير ملحقاوي

الصورة الرمزية عذووب



افتراضي رد: : . قوي قلبك الحاني . :

[color=#33CC66]عليك الله يا يمّه .. قوليلي اشلون اضمّه .. ؟!
واذا ودّه يكلمني .. وشاف دموعي فـ عيوني ..
قولي اشلون اكلمه .. ؟!
واذا ناداني بإسمي ..
وانا أخطيت في إسمه ..
يا ترى وش موقفه مني ..
وهو يسمع اسم غيره ؟!![/color


ما حولك احد,,,,,


راااااااااااائع ماكتبتي .....وماخطته أناملك هنا في نزف المشاعر........

جعلتينا نعيش معك القصه بكل تفاصيلها.......

سلمت يداك على مثل ذلك الإبداع منك.....ولاتبخلي علينا بمشاركاتك فنحن بإنتظار المزيـــــد..

تقبلي مني كل الحب

توقيع » عذووب
عذووب غير متواجد حالياً  
Digg this Post!Add Post to del.icio.usBookmark Post in TechnoratiFurl this Post!
رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 10:03 AM.
Powered by vBulletin® Version 3.8.3, Copyright ©2000 - 2010, Jelsoft Enterprises Ltd. TranZ By Almuhajir

  Content Relevant URLs by vBSEO 3.3.0 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47

تصميم