هذا الموضوع اهداء الى كل شيفه على وجه الارض عشان تعرفون ان الشين نعمه وان الزيون
يتعبون نفسيا ً وجسدياً وكل شي يعني لو نفكر فيها في مجتمعاتنا ما ينضل و تصكهم العين و
يتدحوسون الا الزيون..! و ما ينخطف و يصير فيهم جرائم الا الزيون..حتى المشاهير الطخمان تصوير
و قلق و ينشبون لهم في كل صغيره و كبيره بحياتهم..! يعني من جد تعذيب

في ذات يوم سمرمدي ومع شروق اشعة الشمس البرونزيه التي سطعت في خشتي
و تغلغل النور داخل عيوني لين طار النوم مني ..مشكلة اهلي ملحطيني و غرفتي ما فيها
ستاير و كنت احط شرشف خفيف و امسكه بشباصتي و شكلها طاحت الستاره>>>إغ يا حياة الشقا

جلست ساعه اتمغط على السرير و افكر وش ابسوي اليوم تذكرت ان وراي الليله عرس ويبي
لي اقوم اتجهز ..يمكن تشوفني ام العريس و تخطفني بنظره خطافيه واصير مرت ولد

والبس الفوسطااان الابيض و امسك مزهرية ورد والكعب الي يقرقع مع كل مشيه وشعري هابط
و متربع فوقه التاج مهوب منتفش و طاير مثل كل ابو دايم
و اطلع و اركب قدام في السياره همن اروح السوق و اتقضى و البس ملابس جديده موب كل شي
موروث من امي مزنه الله يرحمها..

في هذه اللحظات ارتسمت الضحكه على محياي المخور لين حمر
وجهي من المشق الي فيه>>>الله من الطماله في هالخشه ..!

ما خرب علي حلمي الا صراخ امي الله يهديها "هااااااااااااااااااااااااايدي و تبن" توني هه ابحتسي
ابقول كلمه الا والباب يدبتس بقووه واسمع امي بلهجة زجر و وعيد "هديه و وجع حاقرتني الله يحقر
رويستس يالسبهه ساعه انادي .!! "
ارد عليها وانا يدي على اذاني من صراخها " يمه لا تظلميني جالسه افكر وش البس في العرس
الليله " ما عطتني فرصه اكمل و تقولي تسفهيني عاد ما يشتغل عندتس الا نظام واحد يا تفكرين يا تسمعين ؟!!

يعني من حلاة هالخشه الله باليني بتس وبختشتس الي تخلي الواحد يستحي يضفتس معه لأي مكان
لو سألوني الحريم وين بناتس اقول ما عندي الا عيال ما رزقني الله ببنيه استحي اقولهم هالرقطاااء بنتي
انا ما قدرت اتحمل و قامت عيوني ترقرق بالدموع و انحبس الحتسي في حلدزي من طعنات حاتسيها
مخشت مشاعري امي كل مناسبه تسمعني من هالحكي انتس شينه وشيفه ومحد باغيتس و مع هذا
اكل تبن اسكت ولا اقول شي

جت و نزرتني ثانيه قومي سوي لأبوتس و اخوانتس فطور خلينا نستفيد منتس شوي دايم متربعه في
ذا الكنيسه و سافهتنا والله يا هي حسوفت(ن) عليتس لو نأجرها ونسكنتس في بيت الدرجه اصرف..!

طلعت من غرفتي و اول ما اشوف الدرج وانسبه ..درج بيتنا بالنسبه لي الملاهي حقتي
امحط عمري عليه و اتزحلق لين اوصل حدر و طراخ على خشتي واقوم بكل سباهه وانا فاقعه ضحك
و مبسوطه وامي تصاارخ يالسبهه منتب ناقصه عاهات انتي تخربين و يطلع لتتس ثقب و يرجعتس
لنا المقرود الي بيضفتس ..!

هذا غير المصارعات الي مع اخواني لين صرت حريفة كراتيه..!

كل شي يهون عشان عريس المستقبل ..

عطتني نظره مخيسه وقالت الله يخلف عليتس جيبي عباتس بس و انزلي ولا تدرين
لا تأخرينا موب لازم عبايه ما عليتس اثم انتي ما في وجهتس اي معالم فتنه

ما يدرون
اني اول ما جيت نطلت عباتي و انصى المنصه اردح اتميلح ابي احد يناظرني ..!

كنت ارقص و اردح على كل اغنيه حتى في الموال استنتزل لين سوو حركه وسخه الطقاقات بدو
بالاغنيه وجلست ارقص ثم وقفوا جروني الله ياخذهم لقطت وجهي قدام العالم ..تحسبوني استحيت و وقفت ؟؟
اطقع ما اشوف البشريه كملت رقص و مطامر والناس تناظر وش هالنشاط في هالمهبوله ..!

وانا منبسطه على نظراتهم وازيد رقص احسبهم خاقين معي واجلس اتفنن في الحركات ..

شوي الا
واحس بدوخه واعياء شديد اللي سفطني من طولي الي ما تعدا متر ونص وانبطح على الارض ..و
يجتمعون علي العالم والطقاقات تحمسوا مع الزار و يزيدون في الطق وانا اتحدوس على الارض و
عيوني مقلبه ..!
قاموا الحريم يصارخون من الروعه الا واصرخ صرخه مدويهبصوت الجني صعفق ..!

و كل ما جيت احتسي واقول كلمه بس ابي اسأله وينك قاعد(ن) فيه ولا من انتي الا و يجي يقبصني
مع شحيماتي و تخنقني العبره واسكت لين فجأه جلست اضحك تسني مهبوله اثاري صعفق انبسط
على هالشحيمات يالله من فضلك وجلس يدغدغني <<< ولو خبيث هالجني

لحظتها وسألني وش فيتس وش مضيق صدرتس ..خلاص سولفي معي ما عاد(نيب) قابصتس
قولي كل الي في خاطرتس ولا يردتس شي ..وهنا طحت في نوبة بكاء عنيفه هالجني من كم يوم
عاش معي حس فيني و رحمني و اهلي وهم اهلي ساحبين علي

جاء صعفق ضمني حسيت ان احد مسكني بس مدري وش وضعيته الوكاد اني حسيت بالحنان الي كنت
محرومه منه وفكيتها صياح زود يوم حسيت اني ارتحت شوي جلست اشكي له عن اهلي ومعاملتهم

سكت و كنت مستحيه منه طبعاً انا ما اشوفه مختفي كنت اناظر فراشي وابتسم الا و تدخل امي
"اللهم لك الحمد والشكر يالله ان تعافيها ولا تبلانا !! وش تضحكين عليه يالسبهه ؟؟
الا اقول ما شفتي كتاب الطبخ حق ام محمد "

شوفي وش رايتس اخطبتس من ابوتس على سنة الله و رسوله عشان تصير الجلسه الي بينا
شرعيه يكفي اثام خصوصاً ان علاقتنا بدت تاخذ منحنى ثاني

.. يا ليت تجي بخشة دحيم ولد جيرانا

المهم انه خطبني و كنت اتدلع و ابوي بغى يتوطاني وش دراسته بتاخذينه غصب ما صدقنا
انتس تنخطبين و امي منصدمه يوم شافتني اقول ابكمل دراستي بدون شعور قالت لأبوي قلهم
اني موافقه بتعرس عليه !!

جاء اليوم اللي كنت احلم فيه و كان عرسنا في الربع الخالي لأن اغلب اهل صعفق ساكنين هناك
و اهلي ما قالوا شي هماه هامور اكيد ان عنده سالفه يوم يسوي عرسه في الربع الخالي ..!

قالي صعفق لا ترتاعين روحي الحمام وفقي اثمتس وطرشيه ترى ولادتنا ماهنا اسهل منها

و صدز رحت وطرشت و تزحلق في المغسله على شكل كوره ارتعت انا وش ذا الولد هذي اخرتها !!
و يجي ابوه يضحك يقول عظيمان وليدي بلا استهبال هذي اولها قم سلم على امك وحب راسها ..
وتختفي الكوره و احس بأحد يجغفني ولا ادري وشو ..! صار الولد مرره على عمانه جني 100%
ما في امل اشوفه الا لازم يتشكل بصورة احد وكل يوم يجي بخشة واحد ..

ومع مرور الايام والسنين و يكثرون عيالي و يطلع عندي 9 في خمس سنين <<<جني بعروق جيزانيه !!

شي على خواله بس انه عاهه وشي على عمانه مثل اخوه عظيمان واللي يجي مخلط يمشي
بدون رجول يعني نص ونص ويالله من فضلك عايشين احلى عيشه ..

..لين جا اليوم الاسود الي يجيني فيه ولدي البكر
عظيمان ويقولي ان ابوه ودع الدنيا وان الشخص الي دخل فيه راح لشيخ معروف وقرا عليه لين
مات ابونا تقفل الدنيا في وجهي وانهبل واجلس حداد عليه وعيالي حولي يواسوني والناس تدخل
وتطلع في هالبيت يعزون وانا ما غير اصيح واتذكر الايام الخوالي و وشلون صعفق غير لي حياتي
وعشت معه احلى ايام عمري وجبت عيال مهبل و وسعين صدر و حبيتهم زود لأنهم يذكروني بريحة
و صنان ابوهم صعفق الله يعفو عنه و يرحمه

ترى انا اللي اكتب لكم السالفه اللحين عظيمان و يوزر امي هايدي معي ما عندهم نت في شهار
وتراها تحبكم و تقول حللوني كلكم تساني غلطت ولا حشيت في احد..
ومعليش على المصاله و طولنا عليكم شويتين..

ودوري لي جنيتن شروى رجلتس صعفق لبى قليبه ما يصير زوجي (( الهرمونات الانوثية بدت تطلع )) ما اقول الا الله كله منتس يـ الشنب ما حولك تسانك سحبتي فحولتي مني

الى من يهمه الامر / تعمل لدينا السيدهـ : هايدي الطخمة (( سمعتو يا ماحولك ومدري !! هايدي الطخمه تبعنا ))

ومن بعد لعن وترفيس وتوطي بـ البطووون ومعطن للشوش (( اشوفك حلقت شعرك )) وطبن بـ الحوض وافقت هايدي تنزل هـ الموضوع

اجل يـ وجه بن فهرهـ صعفق وانا مراكضن وراتس يا بنت الايه وابوك كل يوم والثاني يقول بنتنا عندهـا الدورة وانا سبهه اقول مهيب مشكله لمنها قضت من معهدها دقو علي امركم اشوف شهادته واشوف خشتها (( النظرة الشرعيه حلال )) مير زين ان دورتك قضت والمعهد قضى معها <<

دامن وجهتس جاهـ مشق قضي الامر اللذي فيه تستفتوون .. وجهتس مزغدد ولك خديدات تسنها هاك الحلاو اللي يقولون عنه خدود بنات لمنه جاك منتشف وفارش وملمووم مدري شلون جاي يا حنط من قام يعضعضه

لا تخافين ربعنا ما قصرو حطو مثل لكل امور الحياة / لكل ساقط لقط
بعدين ربتس حكيم ما خلاتس شينه الا عشان ما تفتنين المسلين بـ جمالتس (( اغدي كشنه وانا ارقع لها ))

ان تسانك منيب لم زواج ولنتيب حوله انصحك بـ بيت الدرج انه يصير مسكن ومزبن لك وصدقيني تدخلين وتدخلين معتس عشرهـ ما احدن يدري عنتس

ما حولك احد تسني لقيت لتس وحدتن تنفع لتس ع سنة الله ورسوله .. مواصفات فل اوبشن درايش توماتيك قير ارضي سبورت انوار الخلفية خلية

العرس عند الحريم بدون حش مثل الصلاه بدون مويه استغفر الله .. ما يهنى لهم عرسن الا " شوفي فلانه لبستن فستانها بـ عرس وشسمه والحين لبسته هوو اللهم يا كافي وراها ما فصلت جديد .. شوفي الدبية اللي ترقص هذي يقولون انها انخطبت وبيوم الملكة تطلقت " (( ادعس يـ الصاروخ ))

الله و العالم ان يوزر هايدي الطخمه يوزر شنب مثل ما حولك احد وهو اللي ينصاد بـ الاقتباس هذا " اجل اطقع ما اشوف ابو خيرك يا زكرت "

يا عيال فيها جني .. طالبكم بـ الله ما احد يينفهى غيري ولا احد يسريه غيري قولو تم (( والله يا اني بطبق حركات العيال تفتيح الازرة وتلميس المخابي والخاتم اوخرهـ و التحضين قبل لا يسري ))

يعني مهوب بس انا اللي فصخ ثوبه و صار تفكيري خبيث .. مير اصبري شوي احس بـ حرارهـ و احس اني معرق (( برب بتروش وارجع لتس اكمل الرد ))

اما عاد عاشرتس .. طيب لكل عانسه تريد الزواج تنزل موضوع وتقتبس الرد هذا وصدقوني تبي تنحل مشكلتكم ويتطاقون عليكم الخطابين

‏‏1‏ ‏-‏ العشرة في اللغة ‏:‏ اسم من المعاشرة والتعاشر ‏,‏ وهي المخالطة ‏.‏ والعشير ‏:‏ القريب ‏,‏ والصديق ‏.‏ ‏

الله يهديه يا ربي ويرجع لـ صلاحه ويصير رجال مثلنـا وابعدو عنه خواته لا يجلس معهم كثير

لبى قليبك كم عمرك يا عظيمان .. ان تسانك ابو طعشات بصير خويك (( الله من قرادته والله )) الحين امك يومنها تحبنى معممه ولا خاصتن ذكر اسامي << الا يـ الملعون
روحي انتي بحل يـ الشحمة

هايدي انتظرتس عند باب بيتكم وطرفي الباب (( وان كان لونتس ابيض اقلبيه برونزي " علبة وازلين وبـ السطح " ترا بجيب امي معي ))

اشوا انا طلعت منها

بس بس فحزوا جاء وقت التحجير

الحين تقولين ان امتس مزنه بعدين حصه ماقلنا شي

بس ليش توقلين انها رايحتن معتس للعرس وهي متوفيه

مايجي صعفق يخطبني بصوره مريام فارس

س روعه القصه وقعت اقراها مع العلم اني مستمع بس


عاد انقلعي ردينا عليتس <<< تسنه مانن برده

^^^^^^^^^^^

ليش ماجاء زي اسطوره في نفس الرد

يعني تقل اني خاقه عليتس بس لا تعلمين احد اخاف يصكونا عين مثل ما صكوتس انتي وصعفق الله يرحمه ويسكنه فسيح جناته

دوتس رقمي انا ابوظفه عندي ترا عندي ابو ريالين يحببببببببببل يصلح لكم ماااره
تبين هدوم فيه تبين مواعين فيه تبين نافوره كاكاو فيه تبين فسقه فيه تبين زيران وتنكس فيه
ابد لا يردتس الا لسانتس يا بعد حيي انتي

انا اشهد والله والله اني لا تروشت تقل اني املح شوي بس مايمدي الما ينشف الا انا راجعتن شهبا لهبا ماار ما يمديني لو افك علبة الوزالين الا قام جلدي يقشر من النشفان تقل حراشيف مهوب بشره

يعني مدري من مفهمهم ان اذا صارت الحرمه لون واحد تطلع حلوه .. وععععععع لون واحد ما تفرقين هذا خط وذي رقبه وذي جبهه اللي لونه مرقع ازين على الاقل يصير تنوع شي ابيض شي بردقاني شي اسود بعدين صراحه السترتش ماركس تعطي شكل للحرمه وقسم يعني مهوب ساده تسذا وععععع

ومااا يبط تسبدي الا اذا قالوا الركب البيضا زينه .. واتسسسسسسبديه والله ما شافت الزين ولا شي اذا ما جتس الركبه سودااااااء جرباااء تسنها مطب ما تعطي طعم وانوثه على الاقل تعلم الراكب انه انتقل من منطقة الساق و اقترب من الفخذ مهوب مثل البيضا ما تفرقين بين الساق والفخذ وعع بس الله لا يبلانا

يا تسبدي انتي تراي عايشتن معاناتس مع الستاير وقسم ( فيس يبتسي بحرقه )
<< يحلفون ان درايشي مغلفه بقصدير

يختي امنيتي اصير مرت ولد والبس جلال وكيذا همن اروح لاهلي واقول لهم حمولتي سوو وحمولتي حطوا

عاد تدرين اني منول يومني البس نظارات ( فيس مختزي انه علمكم ) كنت لامني فصختها تقل اني فاصختن عقلي منيب اسمع ولا اوحي ولا تسن بي عقلن مخور
بس اشوى من يوم ما حسحوا عييناتي بالليزر وتقل اني اهون شوي

افاااا يا ذا العلم
صرتي بوذيه ؟؟ لا لا بيهديتس الله ان شاء الله لامنتس اعرستي علي وبتسلمين بس انتي شسمه لا تتابعين افلام واجد وبيهديتس الله ( فيس يقنع روحه )

اووووومااااااا تزحلقين مع الدرج ؟؟ قولي قاااااااااا
والله من يوم شفت يوزرتس وانا قلبي يقول طربق طربق
اثرتس من نمونتي احمدك يارب

<< تكش على روحها
طخمه ابجي بيتكم باتسر منتسن ؟ يعني اللي عندتس يسمحون لتس بالفسقه وانتي شينه حنا سواء شينه ولا زينه مافييييييييه فتشه ابد ابد ابد << تناظر اسم اخوها في الجوال وتكش عليه

يا شين تسذا .. لا صرتي متحمسه مع الرقص وتسمعين الطقاقه تشجعتس يا اخضر يا اخضر على قلبي يا اخضر همن تتحمسين وتشغلين التيربوا ولا منتس التفتي تناظرينها الا هي مهيييييييييييب يمتس تعني اخضرن ثاني وانتي يا حياتي دالقتن خشتس من الوناسه

يا ملحه
تقل جاز لي صعفق
هايدي تاخذين دور وانا دور

شسمه لا ما ارضى وراتس يوم جت حزة الخمه اختصرتي الموضوع ؟
شسمه قولي وش الوضعيه بالتفصيل عشان نعيش معتس جو يختي

يا شين اللي نظره قصير وما وكلته امه جزر وهو صغير يصير طموحه تبن والعياذ بالله

وقسم لوني من اهلتس تسان دربيتس على الرجال بدون مهر ولا شي الا تسان نعطيه كل شهر بدل اهانه عشان تصيرين حرمته

ايه عاد الربع الخالي يا فيه قاعااااات تهبل
تسن ودي احط حفله تخرجنا فيذاك << تتعلمكم انه تبي تتخرج وبيسوون حفله وبيلبسون برنيطات ويطفون شمع

مير اللي على عمانه حظه من السما واللي على خواله حظه مقرود واللي نص نص ذا وش يبي من الحياة تكفين ؟ لا هوطايلن سما ولا ارض

ما ودك تكمل نص دينك وتعرس
تراي اخبر لك وحده مزيووووونه راعيه طار وسعة صدر
حالفتن عليك ان تاخذني