زواج المسيـــار ..اهانة ام حاجة ...نقاشنا هالاسبوع ..

ابلهـ عطيات · 23-05-2007, 12:34 AM

السلام عليكم كلكم ...

كيفكم ؟؟
..
زواج المسيــار..زواج الفريندز ... الزواج العرفي ...زواج بنية الطلاق ...الخ ..

كلها مصطلحات جديده لزواجات حديثه ظهرت

بعضها حلال و بعضها حرام ..
..
واكثرها انتشارا في مجتمعنا السعودي زواج المسيار..
..
اولا ..
في موضوعنا هنا ..ماراح نناقشه من الجانب الشرعي ..لان الحكم واضح ..و افتوا فيه العلماء ..
وان كان قله منهم حرمت الزواج هذا ..

طبعا العلماء الي اباحوه و هذا الغالب منهم ..اباحوه لانه يحقق شروط عقد الزواج الصحيح .

لذلك بليز مانبي نناقش الحكم الشرعي ..

نبي وجهات نظركم انتم .؟؟هل تقلبونه لانفسكم او لا .؟؟؟ولماذا ؟؟

ثاني شي ..
لكل منا كامل الحريه انه ييقول رأيه ..بدون ما يسفه رأي الاخرين ..
..
وعطوني الحريه اني اقول رأيي ..مع اني عارفه ان الي بقوله ماراح يعجب كثير منكم ..

كوجهة نظر شخصية ...اعتبره اسم منمق و لفظ مجمل لزواج المتعه ...
بس اختلف المسمى ..خصوصا من ناحية المرأه ..
الي هي المتضرر الاكبر من هذا الزواج ..
و الرجل الي هو المستفيد الاكبر من هذا الزواج ...
..
يعني لامن ناحية انه ما يحقق الهدف الشرعي الاسمى من الزواج "المودة و الرحمة و السكينه "
"و من آياته ان خلق لكم من أنفسكم ازواجا لتسكنوا اليها و جعل بينكم مودة و رحمة"

بالله وين الموده او السكينة في مثل هذا النوع من الزواج ..
؟؟
وين الاستقرار و الالفه و المحبه ؟؟

ولا من ناحية انه يهين المرأه لابشع درجة ..و يحسسها انها اداة لقضاء حاجة الرجل فقط ..ومتعته
و بعدها يطلع و يمشي ..

ممكن البعض يقول ..انه يقضي حاجة المراه بعد ..
اقول بس موب كذا ...الحل موب هذا ..الحل هو الزواج الشرعي المعلن ..
..
هذا غير انه الغالبية العظمى ممن يتزوج مسيار ..
اولا

ممنوع انجاب الاطفال
ممنوع ينفق عليها .و ماله دخل فيها ..
.غالبا يكون الزواج سري ماحد يدري عنه ...

بالله هذا كله وش يعني .؟؟؟
وش الهدف من هذا كله...

الا انه متعـــــــــه ولا شي غيرها ..
..طبعا الرجل هذا في صالحه ... من نواحي كثيره ..
الي شاب ولا يبي يتحمل مسؤليات يفتح بيت و زوجه و عيال يروح يتزوج مسيار ..

والي عنده زوجه ولا يبيها تدري انه متزوج ثانيه
يروح يتزوج مسيار ..

.....
طبعا اكيد بعضكم بيقول .فيه حريم مطلقات و ارامل و مادري ايش ..
و الله لايحدك على الي حدهم ..

الارملات و المطلقات موجودات من عهد الرسول صلى الله عليه و سلم ..
لو كان هذا هو الحل لهن ...
كان ظهر هالزواج في عهد الرسول صلى الله عليه و سلم و الصحابه ...فهو ارأف بنهن منا ..

سبحان الله ..
تبون تقنعوني ان الرجل الي يتزوج مسيار ..يتزوج رافه بالمطلقه و الارمله ؟؟

اذا فعلا هذا الهدف ..
يروح يتزوجها زواج معلن ..و يخليها تستقر معه ..
..
طبعا غالبا المسيار ينتهي بالطلاق ...
و نادرا ما يعلن ..

كامرأه ..اعتبره اكبر اهانه للمرأه ان تبيع نفسها في هذا النوع من الزواج ..

اقتباس:

مقتطفات من أفواه نساء ضحايا

*تقول ضحية : أخذ اسمي وساهم به لنفسه وأولاده من زوجته الأصلية .:aw6:

*وأخرى : لاأشعر أنني زوجة .. بل متعة اذا أراد:as4:

*وثالثة : لم أركب سيارته .. ولم يفكر أن يسافر بي

*وتقول مصابة : يقول لي : استخدمي حبوب منع الحمل ..:frown: ولو حملتِ أطلقك

*وتقول :قبضوا عليه الهيئة ، لأنه جاء بلاغ من عم أولادي أن رجل غريب يدخل علي ..:eek:

.

* تقول احداهن : أخجل من أولادي .. اذا جاء لغرض ما .. ثم خرج ..:az8:

* وصرحت مكلومة : جاءتني بنت منه ولم يرها منذ ثمانية أشهر
:confuse
* وقالت مهمومة : لاأستطيع أن أواجه الناس .. كيف أقول متزوجة .. وهو سر عن زوجته الأولى .. لكن ..ماذا أفعل حين يرون انتفاخ كرشي ..:an8:

..

انتظر وجهات نظركم وأرائكـــم الي اتوقعها مضادة تماما ..

Crazy in love · 23-05-2007, 02:17 AM

مشكورهآ آخيتي آبله عطيآت

صرآحه كلمة آفضل مشرفه بآلتآريخ شوية بحقتس

,,

نجي للموضوع ,,

بصرآحه ,, رد وآحد من آلضحآيآ يغنيني عن آلرد بآلموضوع ,,

اقتباس:

*وأخرى : لاأشعر أنني زوجة .. بل متعة اذا أراد:as4:

هذآ تعليقي ,, وبشهآدة آحدى آلضحآيآ

مدري كيف عآيشين بصرآحه

لكن آعتقد آلشيء آلوحيد آللي آجبرهم آلحآجه للمآل آقصد آلزوجآت ,,

لكن بآلنسبة لي ,, آعيش آعزبآ طول حيآتي ولآ آتزوج هذآ آلزوآج

A S 6 O R H · 23-05-2007, 04:23 AM

كيذا ع السريع حبيت ارد ع اللي يبي يردون كلهم واحب اقول لهم شي // مع اني ما قريت الموضوع للحين // بس النوم صاكن عيوني ولي رجعة ان شاء الله لا تخافون

ترا المسيـار حلال // لـ ان اي شي فيه عقد نكاح وقبول ورضى وشاهدين فهذا زواج // يعني اللي يبي يرد // يتأمل في ردهـ ولا يستعجل وينفعل

برررب ولي باك بـ إذن الله

سلفر · 23-05-2007, 05:48 AM

مسألة رأفه بالمطلقات وخلافه .. هذي مصالح مشتركه .. والوجه كما هو معلوم لهاا حق القبول والرفض

يعني لو جاء واحد وقال الزوجه أو المرأه قبلت رأفه بالرجال .. لنا له / امسك السريع تكفى .. يعني هذا موب عذر ابدا و لا هو منطق والا حجه عشان نبين ان المرأه مظلومه

إيضا في كثير من الاحيان و موب شرط موضوعناا عذا .. ولو تشوف حرمه ورجال والحرمه تقول الرجال سرقني والا تكلم علي والرجال يقول نصابه هي اللي سرقتني .. بتميل في الحكم المبدي للمرأه .. تدري ليه لأنهاا دائم تدخل من موضوع الظلم والمكسنه وخلافه

وهنا با نكون ضد المرأه تماما ً .. لكن اللي احب اقوله /

كثير و الكثير جدا من النساء اللي اقدموا على كثير من هذا الزواج كانوا على درايه فيه .. ويبحثون عن هدف

وكثير وكثير من الرجال يعرف تبعات هذا الزواج بس الحاجه الماسه المؤديه لنوع هذا من الزواج هي اللي خلتهم يقدمون عليه .. مع ان حتى الرجل كثير من الاحيان تكون له مشاكل من مثل هذا الزواج يعني موب هو مستفيد 100 %

الشي الأخير 90 % من زواج المسيار الناجح اللي يستمر اكثر من سنتين يعلن صريح للملأ ويكون فيه مشروع بناء اسره جديده .. وخاصه اذا كان فيه عشره بين الزوجين وهذا تقرير صادر السنه اللي راحت كان هو بحث الظاهر ماجيستير في جامعة الإمام محمد بن سعود واعلن في جريدة الوطن ..

وشكرا ً لكم .. حوار ممتع للجميع

Crazy in love · 23-05-2007, 06:35 AM

اقتباس:

وكثير وكثير من الرجال يعرف تبعات هذا الزواج بس الحاجه الماسه المؤديه

فهد

وش حآجه مآسه ؟

ترآنآ بمجتمع فآهم

آلشرع حلل آربع ,,

يآخي تزوج ثآنية وعلني و آعدل بينهن ,,

بصرآحه يآليت تفهمني قصدكـ بكلمة حآجه مآسه !!

يعني آنآ آللي فهمته ,, شيء له حل ,,

يآخي مآضر آللي تزوجوآ ثنتين و3 و4 وهم مبسوطين وربكـ بيوفقهم دآم نيتهم زينه وآلعدل موجود ,,

اقتباس:

الشي الأخير 90 % من زواج المسيار الناجح اللي يستمر اكثر من سنتين يعلن صريح للملأ ويكون فيه مشروع بناء اسره جديده ..

هذآك قلتهآ ,, يعني شلون آول عندهم حآجه مآسه وآلحين رآحت ؟

آعلنه صريح من آلآول وآمآم آلملآ وفك عمركـ من آلقيل وآلقآل وخدآع زوجتكـ

لأنه آكيد آذآ كآن متزوج مسيآر ومتزوج سآبقآ بيكذب على زوجته كثيــــــــر ,, وهذآ محرم شرعآ

وخروا عني !! · 23-05-2007, 03:36 PM

هلا والله اختي ابله عطيات

اولا مشكورة على الموضوع

اقتباس:

ولا من ناحية انه يهين المرأه لابشع درجة ..و يحسسها انها اداة لقضاء حاجة الرجل فقط ..ومتعته
و بعدها يطلع و يمشي

في موضوعك هاجمتي الرجل .. وكأنك تقولين .. ان الرجل يجبر المرأه انها تتزوجه عرفي .. ما تدرين انه بموافقه الطرفين .. يعني المرأه موافقه على هذا الزواج .. ويمكن انها هي تستغل الرجل لقضاء حاجتها .. وعلشان كذا .. كلمتك يوم تقولين انه يهين المرأه !! .. بالعكس مافيه اهانه ولا شي اذا كانت هي راضيه ..

انا ضد كلمه ( المسيار ) والموضه الجديده اللي نزلت ( المسفار ) .. لانه الصراحه ما احس انه يبني على قواعد اسريه كامله .. وفيها نوع من التفكك وقضاء الحاجات فقط من الطرفين ..

نجي لرد الاسطورة ..

اقتباس:

ترا المسيـار حلال // لـ ان اي شي فيه عقد نكاح وقبول ورضى وشاهدين فهذا زواج// يعني اللي يبي يرد // يتأمل في ردهـ ولا يستعجل وينفعل

خانك قلمك هالمرة يالاسطورة

شوف اقتباس من الموضوع

اقتباس:

لذلك بليز مانبي نناقش الحكم الشرعي ..

نبي وجهات نظركم انتم .؟؟هل تقلبونه لانفسكم او لا .؟؟؟ولماذا ؟؟

احنا عارفين ان في بعض المشايخ حللوا المسيار والبعض الاخر لأ .. ولكن هل انت تقبلها على نفسك انك تتزوج مسيار !!

هنا الكلام

< -- احس اني مسكت مكان عطيات

سلاااام

A S 6 O R H · 23-05-2007, 03:53 PM

باك صغير لـ عيون وخروا عني

اقتباس:

المشاركة الأصلية كتبت بواسطة وخروا عني !!

خانك قلمك هالمرة يالاسطورة
..
احنا عارفين ان في بعض المشايخ حللوا المسيار والبعض الاخر لأ .. ولكن

ما خانني ولا هم يحزنون // انا قلت لكم الحكم الشرعي له وعطيات قالت ما نبي نتدخل فيه يعني تنبيه فوق تنبيه عشان الاعضاء ما يطيحون بـ المحظور ويحرمون ويسبون // وانت رديت وحللت المسيـار مثل ردي

اقتباس:

ما تدرين انه بموافقه الطرفين

اقتباس:

هل انت تقبلها على نفسك انك تتزوج مسيار !!

هنا الكلام

المسيار فيه عقد نكاح وقبول ورضى وشاهدين // يعني حلال ؟ !! // ليه ما اقبل (( ما يمنع بعد المسيـار تصير في بيتي طول العمر ))

وخروا عني !! · 23-05-2007, 04:09 PM

وباك لك بعد يالاسطورة

اقتباس:

وانت رديت وحللت المسيـار مثل ردي

انا ما حللت قلت المشايخ اللي حللوا

اقتباس:

ترا المسيـار حلال // لـ ان اي شي فيه عقد نكاح وقبول ورضى وشاهدين فهذا زواج

لكن هنا انت اللي حللت من نفسك

اقتباس:

ما تدرين انه بموافقه الطرفين

هذا ردي على عطيات يوم تقول ان الرجل يهين المرأه .. ومو قصدي فيه اني محلل ولا مو محلل لاني مو انا الجهه المخوله اني احلل ولا احرم هذا كلام مشايخ ولا نقدر نتدخل فيه

اقتباس:

(( ما يمنع بعد المسيـار تصير في بيتي طول العمر ))

طيب من الأساس ليش تتزوج مسيار ؟؟

A S 6 O R H · 23-05-2007, 05:00 PM

اقتباس:

لكن هنا انت اللي حللت من نفسك

يعني تتوقع اني متكلم وقايل هـ الكلام من راسي ولا سئلت بـ خصوص الموضوع هذا (( ))

اقتباس:

طيب من الأساس ليش تتزوج مسيار ؟؟

اقدر اقول لك كل واحد ورغبته // واقدر اقول لك دام المشايخ محللينه ما تقدر تقول ليه من الاسـاس // ودام يحضر معك مأذون انكحة وشهود فهذا شي راجع للرجل اللي ماخذ مسيار // يعني سؤالك ما توجهه لي لـ اني للحين ما فكرت اتزوج

وخروا عني // شكلك فاهم النقاشات غلط // لـ ان اخر سؤال مهوب في مكانه (( اجل تقولي ليه تتزوج مسيار ليه ما تلخيها في بيتك انا قايل ما يمنع يعني شي ع ارادت الشخص ))

وخروا عني !! · 23-05-2007, 06:08 PM

باك الاسطورة

اقتباس:

وخروا عني // شكلك فاهم النقاشات غلط // لـ ان اخر سؤال مهوب في مكانه (( اجل تقولي ليه تتزوج مسيار ليه ما تلخيها في بيتك انا قايل ما يمنع يعني شي ع ارادت الشخص ))

اول شي انا ما قلت ليش ما تخليها في بيتك .. ثانيا .. ياخي النقاشات اخذ وعطى وتبادل افكار واراء .. وانت الظاهر من النوع اللي يرمي كلامه ولا يحب احد يناقشه فيه .. وهذا اللي لاحظته عليك ..

ودامك تقول ان ارادة الشخص .. انا معاك ان ارادة الشخص هي اللي تخليه يتزوج مسيار ولا شي غير كذا .. ولكن لماذا اخترت المسيار ؟؟؟؟

وانا ما سألتك هالسؤال الا لما شفتك من المؤيدين لمثل هذي الزواجات

ارجو ان اجد اجابه على سؤالي

A S 6 O R H · 23-05-2007, 06:34 PM

الحين سؤالك وينه // سؤالك عن النقاش ولا عن الاملاء (( يالله لك الحمد ))
وخروا عني اذا انت مخك نظيف وصافي ولا وراك اشغال وتدقق بـ الاملاء وتحط الحركات ترا مو كل الناس مثلك تدري اني ارد عليك ومشغول مع غيرك (( بزنس ويمن )) << يا دلخ مان مو ويمن

اقتباس:

اقتباس:

(( ما يمنع بعد المسيـار تصير في بيتي طول العمر ))

اقتباس:

طيب من الأساس ليش تتزوج مسيار ؟؟

وش افهم من الاقتباسين هذي الاول لي وانت مقتبسه وراد علي

اقتباس:

وانا ما سألتك هالسؤال الا لما شفتك من المؤيدين لمثل هذي الزواجات

الشي اللي حلال بصير مؤيد له // عشان ما انجرف للحرام // ولا هوب كل الناس يقدرون يفتحون بيوت // فيه ناس ما تبي الحرام // فـ اني اصير مؤيد ازين من اني اكون معارض

اقتباس:

المسيار فيه عقد نكاح وقبول ورضى وشاهدين // يعني حلال ؟ !! // ليه ما اقبل (( ما يمنع بعد المسيـار تصير في بيتي طول العمر ))

وخروا عني !! · 23-05-2007, 06:49 PM

اقتباس:

الحين سؤالك وينه // سؤالك عن النقاش ولا عن الاملاء (( يالله لك الحمد ))

يا أخي مين جاب طاري الإملاء ؟؟؟ انا بس لونت الكلمتين علشان المرة الثانيه تنتبه ولا جبتلك ولا طريت الإملاء اصلا ..

بعدين سؤالي يابعدي انت فاهمه وقاريه

ناظر الاقتباس تحت

اقتباس:

ولكن لماذا اخترت المسيار ؟؟؟؟

هذا هو كان سؤالي .. بس الظاهر انت جالس تدقق على اشياء مالها داعي ولا تخدم الموضوع..

اقتباس:

ولا هوب كل الناس يقدرون يفتحون بيوت // فيه ناس ما تبي الحرام

هذا اللي بغينا نوصله من أوله .. ولكن انت الله يهديك مع فلسفتك طولت الموضوع وهو قصير ..

اقتباس:

وخروا عني اذا انت مخك نظيف وصافي ولا وراك اشغال وتدقق بـ الاملاء وتحط الحركات ترا مو كل الناس مثلك تدري اني ارد عليك ومشغول مع غيرك

يا قلبي محد قالك ترد وانت مشغول .. ولا احد اجبرك وضربك على يدي وقالك رد وانت مشغول .. وكلنا مشغولين الله لا يشغلنا في طاعته

سلااام

ابلهـ عطيات · 24-05-2007, 02:59 AM

كريزي ...
مشكــور على مرورك ..وتعبيرك عن وجهة نظرك
..
لك تحيه ...

فهــد ..يالله حيــه ...

اقتباس:

وكثير وكثير من الرجال يعرف تبعات هذا الزواج بس الحاجه الماسه المؤديه لنوع هذا من الزواج هي اللي خلتهم يقدمون عليه

ما اعتقد ان الامر يوصل لحاجة ماسة ...
بس الرجال لقوا فيه نوع من تحقيق حاجتهم باقل قدر من تحمل المسؤوليات..
يعني بصراحه جاهم على طبق من ذهب ..
وان كانت الحاجة ماسه على قولتك ..
موب حلها هذا النوع من الزواج ...
لكن اذا كانت الحاجه الماسه هي المتعه فقط ....فهذا الزواج هو الحل للحاجه الماسة ..
واذا كان هدف الزواج هو هذا الشي فقط ...
مافينا نقول انه يهين المرأه ؟؟؟؟؟؟؟؟

اقتباس:

الشي الأخير 90 % من زواج المسيار الناجح اللي يستمر اكثر من سنتين يعلن صريح للملأ ويكون فيه مشروع بناء اسره جديده .. وخاصه اذا كان فيه عشره بين الزوجين وهذا تقرير صادر السنه اللي راحت كان هو بحث الظاهر ماجيستير في جامعة الإمام محمد بن سعود واعلن في جريدة الوطن ..

انت تقول 90% من الزواج الناجح من المسيار ..

ولكن اصلا كم نسبة هذا الزواج الناجح من المسيار ؟؟؟
في اعتقادي ..وان كنت ما عملت دراسه ولا شي ..
انه لايتجازو 5% و كل من عرفت وتزوجت مسيار ..والله انتهى بالطلاق ..

فهد ..لك تحيه على مرورك و مشاركتنا نقاشنا ..

s6ome · 24-05-2007, 03:05 AM

اعتقد ان امور الدين المفروض ما نتكلم فيها والشرع حلل زواج المسيار ولحد يتفلسف علينا

مسوي فاهم وهو ما يدري وش الطبخه

ابلهـ عطيات · 24-05-2007, 03:10 AM

وخروا عنــي ..

نورت صفحتنا بمرورك ..

اقتباس:

في موضوعك هاجمتي الرجل .. وكأنك تقولين .. ان الرجل يجبر المرأه انها تتزوجه عرفي .. ما تدرين انه بموافقه الطرفين .. يعني المرأه موافقه على هذا الزواج .. ويمكن انها هي تستغل الرجل لقضاء حاجتها .. وعلشان كذا .. كلمتك يوم تقولين انه يهين المرأه !! .. بالعكس مافيه اهانه ولا شي اذا كانت هي راضيه ..

اول حاجه ..اكيد انه بموافقة الطرفين ..
ولكن هل يعني موافقه الطرفين انه هذا النوع من الزواج صحيح "لااقصد صحيح من الناحية الشرعيه " ..
ولكن اقصد صحيح من ناحية تحقيق غايات الزواج الشرعي المعلن ..

لا طبعــا ...
..
الرجل يدخل الزواج هذا لسبب واحد و هو معروف ...

لكن المرأه ممكن يكون لها اكثر من سبب ..
ممكن يكون نفس اسباب الرجل ..
ممكن تكون كبرت و ماتبي تحس نفسها عاله على احد ..و جاها واحد يامن لها سكن و عيشه ..
بالتالي تقبل عشان تعيش بنوع من الاستقلاليه..

ممكن تقبل فيه عشان تنجب لها طفل ...
مع انه المضحك انه مجرد ما تنجب الوحده من زواج المسيار تتطلق على طول ..
و اعرف ثنتين شخصيا ..كلهم تزوجوا مسيار و تطلقوا بعد ما جابوا اطفال ..
لانه من شروط الزوج انه ما تنجب ..

مع انه شرعا ما يحق له هذا الشرط ....ودرسناه في السلم ..
في الحاله ذي الزواج صحيح...لكن الشرط فاسد ..

لانه من اكبر مقاصد الزواج هو الانجــــاب ..
..

اقتباس:

انا ضد كلمه ( المسيار ) والموضه الجديده اللي نزلت ( المسفار ) .. لانه الصراحه ما احس انه يبني على قواعد اسريه كامله .. وفيها نوع من التفكك وقضاء الحاجات فقط من الطرفين ..

تشكرات على طرح وجهة نظرك ..

23-05-2007, 04:23 AM	#3
A S 6 O R H مشرف عام	رد: زواج المسيـــار ..اهانة ام حاجة ...نقاشنا هالاسبوع .. كيذا ع السريع حبيت ارد ع اللي يبي يردون كلهم واحب اقول لهم شي // مع اني ما قريت الموضوع للحين // بس النوم صاكن عيوني ولي رجعة ان شاء الله لا تخافون ترا المسيـار حلال // لـ ان اي شي فيه عقد نكاح وقبول ورضى وشاهدين فهذا زواج // يعني اللي يبي يرد // يتأمل في ردهـ ولا يستعجل وينفعل برررب ولي باك بـ إذن الله توقيع » A S 6 O R H منتديات الملحق // الاهمية بـ [ الكيف ] مهوب [ الكم ] مساحة إعلانية بـ عنوان : وراك ما قلتا لنا يوزر " A S 6 O R H " موجود بـ الملحق فقط . PMiD : D97F0A48* للضرورة مسن بس : t_1@w.cn

23-05-2007, 05:48 AM	#4
سلفر خبير ملحقاوي	رد: زواج المسيـــار ..اهانة ام حاجة ...نقاشنا هالاسبوع .. مسألة رأفه بالمطلقات وخلافه .. هذي مصالح مشتركه .. والوجه كما هو معلوم لهاا حق القبول والرفض يعني لو جاء واحد وقال الزوجه أو المرأه قبلت رأفه بالرجال .. لنا له / امسك السريع تكفى .. يعني هذا موب عذر ابدا و لا هو منطق والا حجه عشان نبين ان المرأه مظلومه إيضا في كثير من الاحيان و موب شرط موضوعناا عذا .. ولو تشوف حرمه ورجال والحرمه تقول الرجال سرقني والا تكلم علي والرجال يقول نصابه هي اللي سرقتني .. بتميل في الحكم المبدي للمرأه .. تدري ليه لأنهاا دائم تدخل من موضوع الظلم والمكسنه وخلافه وهنا با نكون ضد المرأه تماما ً .. لكن اللي احب اقوله / كثير و الكثير جدا من النساء اللي اقدموا على كثير من هذا الزواج كانوا على درايه فيه .. ويبحثون عن هدف وكثير وكثير من الرجال يعرف تبعات هذا الزواج بس الحاجه الماسه المؤديه لنوع هذا من الزواج هي اللي خلتهم يقدمون عليه .. مع ان حتى الرجل كثير من الاحيان تكون له مشاكل من مثل هذا الزواج يعني موب هو مستفيد 100 % الشي الأخير 90 % من زواج المسيار الناجح اللي يستمر اكثر من سنتين يعلن صريح للملأ ويكون فيه مشروع بناء اسره جديده .. وخاصه اذا كان فيه عشره بين الزوجين وهذا تقرير صادر السنه اللي راحت كان هو بحث الظاهر ماجيستير في جامعة الإمام محمد بن سعود واعلن في جريدة الوطن .. وشكرا ً لكم .. حوار ممتع للجميع توقيع » سلفر [ بررريد الشوق .. وينك ! ] .. --- فريق الملحق ( Mal7aq Team )

24-05-2007, 03:05 AM	#14
s6ome خبير ملحقاوي	رد: زواج المسيـــار ..اهانة ام حاجة ...نقاشنا هالاسبوع .. اعتقد ان امور الدين المفروض ما نتكلم فيها والشرع حلل زواج المسيار ولحد يتفلسف علينا مسوي فاهم وهو ما يدري وش الطبخه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

		الساعة الآن 07:01 AM. Powered by vBulletin® Version 3.8.3, Copyright ©2000 - 2010, Jelsoft Enterprises Ltd. TranZ By Almuhajir Content Relevant URLs by vBSEO 3.3.0 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47