|
|
|
|
التسجيل | إسترجاع كلمة المرور | تفعيل العضوية | طلب كود تفعيل العضوية | إتصل بنا
|
|||||||
التسجيل السريع مُتاح
|
 |
|
|
LinkBack | أدوات الموضوع | انواع عرض الموضوع |
29-05-2007, 03:54 PM
|
#1 |
 
|
واازين البر زيناااه ..!! لا تدخل الا وانت فااضي ..
وه بس وه وازين البر زيناه ويا زين كشتاتنا والمخيمات راح الشتاء وجاء الصيف بحرره و خياسه وروائح يستحسن أن لا اذكر مصدرها << بلا فضايح بالعربي وانطوت صفحه الدفتر وأنا اكتب لا جد وانطوت صفحه أخرى من صفحات كتاب الحياة << يالمثقفه امووت وأنا منسدحه على سريري أفكر مدري وش به وإلا اتذكرر سوالفنا وحركاتنا بالبراان واجلس اضحك << ناقصة عقل نبداا برحلتنا لبرر نسيت وش اسمه .. دقيقه بروح اسعل اخوي بااك << تحسب عمرها بالماسنجر مدري يقول الصماان وإلا أنا غلطاانه المووهووم نبدأ قصتنا يوم خمدنا بالبر في واحد من صباحاات الشتاء البارد قررت كل ابوو عايلتنا بما فيها خوالي وجدي وسوااقنا وخدامتنا وعمال جدي وبالأخص عبد الباسط << الله يخليه لجدي هع إن نروح نخيم بالبر ويااخذوون النسوان والبزاارين معااهم المووهووم أنهم وافقوا ياخذوونا من بعد حنة ورنه من قبلي أنا وبنات خالاتي وبعد كم من يوم العالم جهزت الخيام والاغرااض وشدوا العفش فوق السيارات اغراض البناات حق الرحله واستعداداتهن: اللي راحت البقااله وشرت لها كرتون كولا وبيبسي وتشبسات وشوكلاتات واللي راحت تجهز الآي بود حقها << بنات  واللي تجيب استشوار وكريم مرطب وميكياج << تحسبنا رايحين سويسرا أما الرجاجيل : جابوا البطانيات والفرو حقهم وجاابو لهم كم خروف صغير أو ما يسمونه بالظبي << يا شين التفلسف على غير سنع ركبوا الناس سياراتهم .. وهجينا للبر أول ما وصلنا جلسوا الرجاجيل يشدون الخيام والحريم يصلحون القهوة أما حنا يالبناات فحالتنا حاله البنات هم(سوير(أنا) – جياكر(أختي) – سحلية (أستحي هع) – بريعصي (أخت سحلية وبنت خالتي بعد ) – هوية(بنت خالي)- فقوس (بنت خالي الثانية)- وريمو و شعشبونه(مالهم دخل بالسالفه بس كيفي سالفتي وبدخلهم  P )هوية << المذكورة أعلاه خبيرة تفحيط ما غير تأخذ سيااره أبوها وتفحط بنا حنا يا معشر البنات وابوو الونااسه حصل كم مره بغينا ننقلب بس عدت على خير << خذوا نص الكلام بس ولا يكثر خذنا السيارة وشغلنا محمد عبده << مافي خيارات يعني يا محمد عبده يا خالد عبد الرحمان حطينا هذي الاغنيه : وااتقلب على جمر الغضاااا واتقلب واتذكر عهد مضى زمان .. الخ لنااااااا الله لنا الله يا خالي من الشوق من الشوق وانا المولع على ناارين ووووبعد الموده والمحبة صرتوا تنسوني لنا الله ..الخ << ما تصلح طقااقه ؟! هوية تسوق و أنا كنت جالسه بجنبها وجالسه اكلمها واهي البقرة تلتفت تطالعني وإلا ذاك المطب اللي الله لا يوريكم وش كبره ودف دف طربااخ واللي رااسه كسر الناافذه واللي جااته أم الركب واللي كان متعلق بالناافذه وطاح << قويه وأقوم عليها واشوتها بكرشها وأقومها وأدق سلف وادعس بنزين واللي مو بالسيااره نازله تصور لي خشتها تشغل سيقاانها العصلا وتلحقني<< ينقال عصبت وجعنا للمخيم بسلام ومن دون إصابات والحمد لله وقت الغداء : الرجاجيل ذبحوا الظبي يا حرام << ما زالت مصره على الظبي والطباخ طبخ الغدااا مسوين مفطح << ما تدري وش هو المفطح بس داايم تسمع عنه الرجاجيل والحريم والبزارين كلوا يوم جات علينا يالبنات إحنا قلنا ما نبي نااكل مسكين الخروف الصغير << تهون عن الظبي رحنا طلبنا من ماك << احلفي وصفنا له وجابه لنا ما شاء الله طلع بدوي ويعرف البران كويس << اللي يشتغل بماك << قاايله لكم خذوا نص الكلام طيب خلصنا من الغدا .... العايله ريحوا بعد الأكل شوي وقالوا بعدها بيروحون يشوفون شلالات الأمازون << لا يا شيخه إحنا يا معشر البنات قررنا ما نروح .... قلنا بنجلس مع خالتي وخالي وبينما حنا نحوط بالمخيم شفنا خروفين صغار لسا ما ذبحوهم مخلينهم حق العشا مربوطين واحد عتوي << قايلين لها قطو وواحد كيووت << تراه خروف يا حلوه << ما ودها تسب عمرها جلسنا نتهاوش وهوشتنا كالتالي : انا : تدرون ان الخروف الصغير اسمه ظبي << كما ورد سابقا يا شين اللي يتفلسف على غير سنع سحلية : لاء يا غبية يسمونه لبؤة جياكر: الله لا يبلانا اللبؤة زوجه التيس بريعصي :عن التفلسف أصلا زوجه التيس الثورة<< يا شيخه تحلفين هوية : الله لا يبلانا صدق خكاريه وما تعرفون لها الاشيا أنا : يلا عمتي وش اسمه ؟! هوية : هاا .. اسمه ناقة سحلية : الناقة مرت الجمل < < وأخيرا شي صح هع وجلسنا على هالشكل لما جا خالي وقال لنا إن معي حق واسمه ظبي << بس يبي يسكتنا وانا مستانسه وراافعتن خشمي عليهم احسبه من جد هع وبعد ثلاث ساعات نشوف العيله الكريمة راجعين من الشلالات << مصدقه الأخت ورحنا عند خالي راعي الوانيت وترجيناه يعطينا مفتاح الوانيت عشان نركب ورا ويحوط فينا بعد فتره من الوقت اللي ما يتعدى الساعة والنصف وافق بعد ما سببنا له صداع يصك الراس صك ونااخذ الوانيت ونادينا ولد خالي (اخو فقوس )عشان يسوق بنا (مو لاننا ما نعرف نسوق بس نبي نطير وراا ) صدق انه بأولى متوسط واقدر اسدحه وأدوس ببطنه بدون أي تعب وبسهوله بس انه زعطه يسوق كويس ونركب ورا ويدق سلف ويفحط بنا وجاايبين طيران ونغني ونرقص وسوينا فرقه اسمها فرقه : بوصالح الفالح يحب الحالي والمالح << مهووب أنا اللي جايبته جياكر (الطقاقه) بريعصي (المغنية الرئيسية ) أنا وهوية و فقوس وسحلية (نغني ورآهم ونرقص هع ) وبعد ما بدت الشمس شوي تغرب رجعنا المخيم وبدت السهرة حول النار (وكالعادة البنات لحالهن ) ومجهزين الحب فص فص << كيفي حساويه ! وقررنا نسهر لنا سهره للفجر سوالف وضحك وشد كشش ومطاقق وقفت على المنبر وقلت بقول قصه تخررع قصه رعب تخلي عصااقيلكم ترجف قالوا لي يلا ورينا ما عندتس وامسك البوجلي وأحطه تحت فيسي وتبدأ قصتي اللي استوحيت واقعااتها من مخي اللي طيح فيسي كم من مره قبل في يوم من الأيام كانت ليلى تناقز بالغابة في طريق ذهابها لبيت جدتها حيث وعدتها بان تحضر لها المراصيع اللذيذة من صنع أيدينها << ليلى النصابة راحت بيت جارتهم وخلتها تسوي المراصيع كانت الأخت ليلى مستانسه وتغني هلي لا تحرموني منه هلي لا تبعدوني عنه .. الخ ( لا تتفاجأون كانت تشتغل مع طقاقات ) وفجاه من غير سابق إنذار وإذا بضب طويـــــــــــــــــــــــــل موت الله لا يوريكم قد اعترض طريقها ويقول لها وين رايحه يا كويحه يا أم العصاقيل قالت ليلى وبكل عصبيه: مالت عليك ثم مالت عليك وأنت وش مدخلك وجلست تخزه وتطالعه من فوق لين تحت وأثره لابسن كعب احـــــــمر( ضب خكري )<<<ضبان آخر زمن ولابس جينز وماسك شنطه قوتشي << لا تخافون تقليد ومسوي تاان << يعني مسمر الأخ قام الضب وقال: وش بلاتس تناظرين فيني تسذا مو عاجبتس ؟ وإلا مو عاجبتس ؟!! ليلى: لا ابد قمر اسم الله عليك.. وش بغيت يالحبيب ؟ << ما تخاف قويه الضب : أنا لا ابد بس زهقان وأبي احد يطلع يتعشى معي يووم جاب طاري العشا ليلى نقزت على بالها فكره إنما إيه لدرجه انها قامت تسعبل (تقولون لاحسه ليمونه) وقامت تطالع الضب كأنه ذبيحة مسدووحتن على رز أبو كاس الضب تروع من نظرات ليلى قام وهرب وليلى ما عندها وقت رفعت فستانها الأصفر اللي يلمع كأنه عباه بحرينيه وطلعت كراعينها السود وحطت رجلها ركض وراا الضب وتراكض ورااه وبعد فتره لا باس بها تكرفعت ليلى وقامت تطالع وش متكرفعه بوه أثرها متكرفعه بسيقان جدتها الجدة واهي تتحلطم : أنتي يا لعصلا وش مأخرتس كل ذا توصلين المراصيع ترا الطريق مهووب طويل كلها خمس دقايق ليلى : ادري يا جدتي بس أنا شفت ضب تسبيير موت وكان ... (و بها اللحظة ما حسيت إلا بنعله تجي طايره ميتين على خشتي ) والبنات يصاارخون مالت عليتس من بنت .... الغبي اللي معطيك وجه ومتحمس بالسالفة يلا انثبري ولا عاد تحتسين أنا هنا طاح فيسي بالأرض ولا قدرت احتسي كلمتين على بعضهم وبعد كذا رحنا كلنا خمدنا بخيمة وحده (حنا يالبنات ) وجالسين نتهاوش عالـ sleep bag)) << جايبين واحد يوم أصبحنا الصبح إلا مافي سقف خيمة < < متأثرة بطاش هع لاع جد افطرنا وعيننا خير << كلام أبوها  كل وحده أخذت سيارة أبوها والدجه والهباال والتفحيط (وااي بس متى يخلون الحريم يسوقون ) << على هالسواليف احلمي يخلونتس تسوقين تدرون وش قمة الغباء وأنت تفحط بسيارة بالبر تصك بسيارة ثانيه يعني البر وش كبره وش عررضه مالقيت إلا بجنبي هع بعد تسذا نادانا خالي وقال تعلقوا بالسيارة << قرود بوديكم نصيد ضبان حنا ما صدقنا خبر نقزنا بالسيارة على طول والعيال راكبين بسيارة ثانيه وقلنا اللي يصيد أكثر يدخل بالسحب على 25سياره راينج روفر << احلفي لاع جد اللي يصيد أكثر يفوز .. ووش به لا تسعلوني ويبدأ البحث عن الضبان << اللي يشوفهم يقول عيال بالسيارة اللي بداخل واللي متعلق براا << قرود وطبعا مثل ماكنا بالوانيت نغني ونرقص << كما ذكر سابقا (فرقه بو صالح الفالح يحب الحالي والمالح) هع والاغاني: هين هين يالضبان << لازم وwe will rock you <<< واقدمنا قدمااه والفنا اغنيه مثل وجيهنا << وش فيكم .. قصدي حيلوه ترا يعني محنا شيون طيب وبنت خالتي بريعصي الله يهداها طالعه من النافذه راازتن فيسها كل خمس دقاايق تصااارخ ((ضـــــــــــــــــــب )) واخرتها تطلع كيسه والا سفره والا طرحه وحدتن مننا لا ابوها لا ابو عيوونها هع بس للاسف الشديــــد مالقينا ضبان جرابيع ويخب علينا .................................................. .............................................. لا تخاافون ما خلصت القووصه بص بعد الاختباراات اكملها << نشبه |
|
    
|
|
29-05-2007, 04:37 PM
|
#2 |
 
|
رد: واازين البر زيناااه ..!! لا تدخل الا وانت فااضي ..
واااااااااااااااااااااوتس
وصلت الى يوم اخذتوا الونيت من خالتس  وابروح اتغدى ولي عوده بعد القيلوله  |
|
|
|
|
29-05-2007, 04:43 PM
|
#3 |
|
|
رد: واازين البر زيناااه ..!! لا تدخل الا وانت فااضي ..
خخخخخخخخخخخخخخخ
تيب طووس تغدى .. << بالغصب  |
|
|
|
|
29-05-2007, 04:51 PM
|
#4 | ||||||||||||||||||||||||||||||||||||||||||||||||||||||||||||||||||||||||||||||||||||
 
|
رد: واازين البر زيناااه ..!! لا تدخل الا وانت فااضي ..
ــــــــــ قوصة منسمه اخر شي.. اهنيتس يا بنت الناس عليها.. لك مستقبل بالقصص.. لاهنتي.. التعديل الأخير تم بواسطة qe9manji ; 29-05-2007 الساعة 04:55 PM. |
||||||||||||||||||||||||||||||||||||||||||||||||||||||||||||||||||||||||||||||||||||
|
|
|
||||||||||||||||||||||||||||||||||||||||||||||||||||||||||||||||||||||||||||||||||||
|
29-05-2007, 04:59 PM
|
#5 | ||||||||||||||||||||||||||||||||||||||||||||||||
|
|
رد: واازين البر زيناااه ..!! لا تدخل الا وانت فااضي ..
الله يهنييك والله هع سلاام |
||||||||||||||||||||||||||||||||||||||||||||||||
|
|
|
||||||||||||||||||||||||||||||||||||||||||||||||
|
29-05-2007, 05:02 PM
|
#6 | ||||||||||||
|
|
رد: واازين البر زيناااه ..!! لا تدخل الا وانت فااضي ..
لازم تحترمين اصحاب الأوزان الثقيله  < < < < لأنه دوبي  |
||||||||||||
|
|
|
||||||||||||
|
29-05-2007, 05:05 PM
|
#7 |
|
|
رد: واازين البر زيناااه ..!! لا تدخل الا وانت فااضي ..
ماخليتني اكمل
مع انه قصير ودب(( مملووح )) مشااء الله << ما خاافت |
|
|
|
|
30-05-2007, 03:13 AM
|
#8 |
|
رد: واازين البر زيناااه ..!! لا تدخل الا وانت فااضي ..
لي باتسن اقشر مع حتسياتس يام الحتسيات
طاااااااااااااااااااااااخ << تثبت موضوعتس  لعيون البران والكشته مثبت برررررررب ولي عوده اذا رجعت للاب توبي اللي محتل هالايام صايرن سبيل يا ويل تسبدي عليه  |
|
|
|
|
30-05-2007, 03:15 AM
|
#9 |
|
|
رد: واازين البر زيناااه ..!! لا تدخل الا وانت فااضي ..
وه بص فديتتس يالدووبه
((اول يووم بالمنتدى ومشاركاتي فوق الميه وموضووعي مثبت )) << حسيتني كووووووووشخه هع |
|
|
|
|
30-05-2007, 05:49 PM
|
#10 | ||||||||||||||||
 
|
رد: واازين البر زيناااه ..!! لا تدخل الا وانت فااضي ..
| ||||||||||||||||
