الجو هادي وانا فيني غرام ووله

الجو هادي وانا فيني غرام ووله = والراس ماهوب خالي فيه علمٍ جديد
والقلب عن صاحبي زين النبا مادله = والليل هيضني اكتب من جديد القصيد
وحبٍ جهلت اخره لكن عرفت اوله = من قلبٍ اقسى واشد من الصخر والحديد
مسموح ياللي تنكّر للغلا واهمله = اصبر واكابر لوانه في صدوده يزيد
وحبٍ زرعته بقلبي لايجي يقتله = اللي لروحي قريب ومن عيوني بعيد
مره تشجعت يوم اني بغيت اسأله = لكن لقيت الجفا وانه بطبعه عنيد
ان كان حبّي خطا ماافكّر اعدّله = بمشي بكيفي وهو يمشي على مايريد
وجّت لأصعب طريق ومابغيت اسهله = وهالحين مالي جدى ياكود نظم النشيد

	اقتباس
	ان كـان حبّـي خطـا ماافكّـر اعدّلـه بمشي بكيفي وهو يمشي على مايريـد

	منحاشه من بيتهم اقتباس
	صــــــــــــــح لســــــــــــــــــــــانك الله ياللاذع .. شو هيدي الابيات <-- مسويه لبنانيه مثل ماعودتنا دايم .. ابياتك مره حلوهـ مشكور ويعطيك العافية بس مدري متى بتكتب فيني

	اقتباس
	وبكتب فيتس ان شاء الله اذا حجت البقر على قرونها

	اقتباس
	وحبٍ زرعتـه بقلبـي لايجـي يقتلـه اللي لروحي قريب ومن عيونـي بعيـد مره تشجعت يوم انـي بغيـت اسألـه لكن لقيت الجفـا وانـه بطبعـه عنيـد

	منحاشه من بيتهم اقتباس
	مابي هونت .. خلاص خل البقر تجلس لاتحج تونا ع الحج