الاخطاء الطبية ( من المسؤول )...موضوع نقاشنــا للأسبوع

وخروا عني !!

السلام عليكم ورحمه الله وبركاته

الصراحه انا ودي اليوم اتكلم عن موضوع .. صرنا نشوفه كثير من خلال الصحف اليوميه .. ومن خلال البرامج الاذاعيه والتلفزيونيه .. الموضوع اللي ودي اتكلم فيه هو .. ( الاخطاء الطبيه )

كثير ما سمعنا عن حالات وفاة .. وحالات اعاقه كامله .. وحالات غيبوبه .. والسبب ( طبعا بعد الله سبحانه وتعالى ) .. الطبيب المعالج..

خطأ طبي يصيـب طفلاً بالشـلل ويدخله في غيبـوبة لمدة 18 شهـراً

اصبح الوضع شبه يومي .. اخطاء طبيه هنا وهناك .. والضحيه المرضى .. الذين وضعوا كامل ثقتهم في مستشفيات ليست كفؤ بأن تكون احد مستشفيات مملكتنا ..


وزارتنا وضعت مستشفيات حكوميه مجهزة بكامل الادوات الطبيه الحديثه .. والكوادر المؤهله .. والاطباء ذوي الخبرات العاليه .. وذلك من أجل تحسين سمعه وطننا طبيا .. والحمدالله بفضل الله سبحانه وتعالى .. اصبحت المملكه تستقبل حالات نادره وتجري لهم عمليات خطرة .. وبالنهايه بعد الله سبحانه وتعالى تتكلل العمليه بالنجاح ويبرز اسم مملكتنا الغاليه في جميع انحاء العالم.. ولكن تاتي احد المستشفيات الخاصه ( التجاريه بمعنى اصح ) وتهدم جميع ما بنته المملكه بـ غلطه طبيب .. اودت بحياه مريض او اصابته باعاقه كامله او جزئيه ..

«ماجد» دخل المستشفى على قدميه وخرج جثة هامدة



والدي رحمه الله عليه .. دخل المستشفى من أجل اجراء فحوص بسبه وجود ألم بجنبه الأيمن .. وقال له الطبيب انه سيجري له اشعه مقطعيه ليكتشف سبب الالام .. وقال الطبيب بعد اخذ الاشعه انك تعاني من التهاب الزائده الدوديه .. وبعد العمليه اكتشفنا ان الطبيب لم يستأصل الزائده الدوديه كما ذكر ولكن اكتفى بتنظيف منطقه الزائده الدوديه من الصديد وتعذر الطبيب بعدم استصالها لوجود شحوم متجمعه حول منطقه الزائده .. وقال لنا انه سوف يستأصل الزائده بعد شهرين من تاريخه .. وبعد يومين فقط من خروج والدي دخل المستشفى مرة اخرى بعد تدهور حالته بالمنزل وتم تنويمه وبعد 6 ايام اذن له الطبيب بالخروج فخرج والدي ظهرا ليرجع عصرا بواسطه الاسعاف الى المستشفى ليكتشفوا لاحقا انفجار الزائده وايضا يكتشغوا ان الشحوم التي زعم الطبيب تجمعها حول الزائده ماهي الا ورم خبيث كان متواجد في القولون ادى الى انفجاره مع انفجار الزائده وبالتالي تسمم جسم والدي بالكامل .. وبعد قرابه الشهر والنصف انتقل الى رحمه الله والدي بسبب خطأ الطبيب وخطأ التشخيص ..

من المسؤول ..


ارجو من الجميع ابداء ملاحظاتهم .. اقتراحاتهم .. تجاربهم او تجارب اقاربهم .. وذلك لتحسين مستوى المستشفيات الصحيه في المملكه ولا مانع من تجميعها وارسالها الى وزارة الصحه كـ اقتراحات يمكن ان تسهم في انقاذ حياه مريض او مساعده مستشفى للرقي الى أفضل المستويات سواء داخليا او خارجيا

اسف على الاطاله

تقبلوا تحياتي

Do0o0ody

اشكرك وخرو على هالموضوع اللي من جد يكثر الحكي فييييييييه

وصرنا نسمعع قصص بشكل يوميي اعوذ بالله

وان شاءالله اني راجعه مع تجارب شخصيه بس خلني اخلص اختباراتي ..

لي عوده

مفحطه بناقه

لا حول ولا قوة الا بالله..

والله ياكثر ماسمعنا قصص تنرفز من الأخطاء اللي تصير..

مثل قصة والدك ..( الله يرحمه ) ..

لكن المفرووووض هاللي غلط يتعااااقب..

أرواح الناس مهب لعبه عنده...دامه مو قد الشغله اللي يشتغلها يتوكل..

يمكن لو فيه عقوبااات صارمه ماراح نشوف هالأستهتار..

مثلأ ولد خالتي .. طفل صغير كان يلعب وطاح على يده وأنكسرت..

ودوه مستشفى (( خاص )) قالو مايحتاج الا تجبيص حالته مطمئنه مررررره..

دق خالي عليها يشتغل بمستشفى حكومي قال جيبيه عندنا نشوف وش فيه..

مايضر لو تأكدنا مرتين..

تخيلوا يوم شافوه قالواا عمليه ونحاول نسويها له بأقرب وقت..لأن التأخير موب من صاله أبد..

قال الدكتور أصلن لو مجبرينها بتتجر يده وهي مايله..

يعني بيصير فيه ميلان وبيعق نموه...

لكن الله ستر..

بس برضوا مو كل مره تسلم الجره...المفرووووض اللي كذا يتعاقبون..

وأسفه على الأطاله..

وخروا عني !!

ويستمر مسلسل الأخطاء الطبيه

خبر نشر في جريده اليوم صباح هذا اليوم

إهمال طبي يقتل «رنيم» ابنة الـ «5» أعوام ووالدها يطالب بالتحقيق

وخروا عني !!

يا هلا والله دوودي

مشكورة على المرور وفي انتظارك

وخروا عني !!

هلا والله اختي مفحطه بناقه

الحمدالله على سلامه قريبك

التسبيرهـ

موضوعك مهم مهم مهم جدا جدا اشد علي يديك لا تتنازل عن فضح المستهترين امثال دكتور الوالد الله يغفر له صح ان العوض وجبر العزا من الله لاكن الغبن وفقدان الغالي مهيب هينه
صح انا بشر ومعرضين للخطاء بس الاهمال والتأجيل لا
ياليتني رجال بس

موافق عليها

يا اخ وخروا جبتها على الجرح



شف اذا كان خطأ طبيعي يعني كلن يخطي محد معصوم

يعني دكتور متمكن وعنده كل الاجهزه الطبيه ومسوي الاسباب بس اخطأ بشي هذا نقول انه معذور



اما انه يجيك واحد مدري من وين جايب شهادته لا ومستوسطف ولا مستشفى ماخذ تصريح بالواسطه وكل الدعوه خبط بلزق هذا الخطا اللي ماينغفر له يعني اهمام ولا مبالاه وهذا اللي يعاقب عليه الواحد


وشكرا

فتى منفوحة

مدري!!

اهلين وخروا

لاحول ولا قوه الابالله

كثيره الاخطاء الطبيه الي تصير من اكبر مستشفيات المملكه

اختي قبل اربع سنوات دخلت مستشفى التخصصي بتسوي منظار

رجعت للبيت تعبانه فيها الم بطنها شوي شوي البنت تنام وهي جالسه شوي تحكي وتخذرف

بعدين صار يخمى عليها وتغيب عن الوعي

طبعا جبنا سياره اسعاف ونقلوها للمستشفى سوو لها اشعه لقو جسمها متعبي صديد لاخره

اول شي سوو لها عمليه تنظيف وسحب الصديد

خلصو العمليه هذي البنت ماتحسنت فيها شي
اكتشفو ان فيه مضاد مفروض يعطونها اياه قبل لاتسوي المنظار ولاعطوها اياه سبب لها مضاعافات صديد ومن بعده جتها جلطه بالرئه

ترقدت مده بالمستشفى والحين حمدالله بصحه وعافيه
بس جلست مده تاخذ ابر عشان الجلطه
يعني متخيل تدخل المستشفى برجولك عشان منظار وتطلع بامراض وبلاوي

الله لايلدنا لهم ويشفي مرضانا ومرضى المسلمين

والله يغفر لبوك يارب وجعل مثواه الجنه
..

وخروا عني !!

اهلين التسبيرهـ

من جد المفروض الواحد ما يسكت على هالموضوع .. ونفس الدكتور اللي معالج ابوي غلطان في واحد قابلته في العنايه المركزة وقالي ان نفس الدكتور غلط فيه وقلت له اشتكي قالي خلاص اللي صار صار ..

وخروا عني !!

هلا والله موافق

وخروا عني !!

هلا والله فتى منفوحه

اجرنا واجرك والله يجزيك خير

اقتباس:

و إذا خربوها معه سفروه وش أبي بتسفيره و هو ذابح أحد أهلي ؟

كلام سليم .. وبيسافر وبيجيبون واحد بداله ونفس المشكله ونفس الروتين يغلط ويسفرونه ويجيبون واحد ثاني

اقتباس:

المسوؤلية أولاً على ورزاة الصحة النايمة اللي ما تجيب كوادر مثل العالم أي واحد يجيب لهم شهادة أنه دكتور طقوه بذاك الراتب اللي ما عمره حلم فيه و البدلات و كلش تمام التمام بدون ما يكلفون انفسهم يتأكدون

وانا معاك بالنقطه هذي .. لكن المستشفيات الخاصه .. يجيبون الاطباء المتخرجين حديثا .. ويدفعون لهم اقل الرواتب .. والدليل امتلاء مستشفياتنا الخاصه .. بالاطباء الاجانب .. الذين يقبلون بالراتب القليل نظير اكتساب خبره على حساب المرضى

اقتباس:

ثانياً الجزاءات ما تقارن بحجم الكارثة وش أبي إذا قتلوا أبوي و قالوا هذا تعويض 40000 ؟

صدقت والله .. المفروض التعاويض تكون بالملايين علشان يكونون عبره لمن لا يعتبر

اقتباس:

يسجنونه و يغرمونه بالملايين ، يشوفون الدول اللي برى كيف و يتعلمون منهم يا مال الضعفه يعذبون ام ذا الدكتور عشان يعرف وشلون يزور و يستهتر بأرواح خلق الله

احلى كلمه قلتها

الله يخلف علينا

مشكور على مرورك يالغالي

وخروا عني !!

اهلين مدري !!

فتوح المصرى

حَسْبُنَا اللّهُ وَنِعْمَ الْوَكِيلُ