برنامج call manager او Private Call&Sms Guard شرح طريقة التركيب تعريف بالقوائم

pringles · 11-08-2007, 06:30 AM

السلام عليهم ..

هذا شرح برنامج الكول مانيجار للجيل الثالث ..
طبعا هذاالبرنامج عبارة عن 7 برامج ببرنامج واحد .. والبرنامج كامل مع الكيجن ..ومن خصائصه

1-التحكم في مكالمات..
( رفض جميع المكالمات المستلمة )

2- التحكم بالرسايل
( هذي الخاصية تجعلك تخفي الرسائل ولن تتم قرائتها الا بواسطة البرنامج وبرقم سري..
سيتم اخفاء الرسايل الموجودة في صندوق الوارد..وفي الرسائل المرسلة )

3- التحكم في سجل المكالمات..

4- تسجيل المكالمات..

5- رفض المكالمات وارسال رساله تلقائيه ..

6- قائمة الرسائل السوداء ..

7- قفل لوحة المفاتيح ..

***

طبعا الشرح اقل ما يقال عليه باااااااايخ
بس اعذروني اول مره احاول اشرح برنامج للجوال .. وما اعرف كيف طريقة شرح برامج الجوال .. فهالشرح اجتهاد فاشل مني .. في محاولة لتعلم شرح برامج الجوال ..

فقلت اغلب الاعضاء مشكلتهم بالانقليزي .. ولو طلع البرنامج عربي مشت امورهم وعرفوا كلش .. فانا بعلمكم كيف تركبون الكيجن للبرنامج .. وبترجم الكلام اللي بالانقليزي اللي فيه .. علشان يسهل عليكم استخدامه ..

يالله نجي للشرح .. وركزوا معي على الاقل لين تركبون الكيجن بعدين فهوا واسرحوا على كيفكم

***

اول شيء انقزوا هنا على هالرابط
http://www.wz63.com/up/uploads/115729fb8a.zip

هذا رابط تحميل البرنامج .. حملوه وفكوا الضغط عنه .. بتلقون البرنامج داخله ..خذوه وارسلوه للجوال ..

اول ما ترسلونه للجوال سوائن بالبلوتوث ولا باي شيء ثاني .. بيصير البرنامج بالجوال ( لا يا شيخ ) .. اضغطوا فتح ولا اضغطوا الزر اللي بالنص وبيبداء عملية التثبيت .. امشوا معه لين يخلص ( على كلام نانس كلن يعرف يثبت برنامج .. فـ اذا ما تعرفون علموني علشان اشرح لكم كيف )

اللحين نجي للي عليه الكلام

بعد ما تثبتونه روحوا للمكان اللي فيه البرنامج وغالبن يكون بالتطبيقات ( انا جربته على الـ N80 وجاني هناك )

بتلقون برنامجين واحد اللي هو البرنامج نفسه والثاني اللي هو الكيجن ..

هذا اللي على اليسار هو البرنامج .. واللي محدد هذا الكيجن للبرنامج .. اضغطوا على الكيجن بيطلع لكم رقم طويل مكون من 10 ارقام.. احفظوه لاننا بنحتاجه بعد شوي .. ولا اكتبوه على ورقه خارجيه علشان ما تنسونه وتقولون لي ما ضبط الكيجن معنا

بعد ما تكتبونه ولا حفظتوه اطلعوا .. وادخلوا البرنامج نفسه .. زي الصوره يعني

اول ما تفتحه البرنامج بيجيك كذا .. اضغطوا على اوبشن ..

بتجيك هالخيرات ..

1- معناتها فتح ..
2- عرض المكالمات المسجله
3- تسجيل البرنامج ( وهذا اللي نبيه )
4- مساعده
5-خروج

اضغطوا على تسجيل البرنامج اللي هو الـ Register

بتجيك هالشاشه .. حط الرقم اللي حفظته قبل شوي في خانة الكود ..
وبعدين اضغط ok علشان يصير البرنامج عندك كاااااااامل ..

وبكذا نصير خلصنا من شرح طريقة تركيب الكيجن .. اللحين تبون تسرحون تنامون سوو اللي تبونه ..خلصنا من المهم

***
اللحين خلوني اعلمكم وش معنات الكلام اللي بهالخيرات ..

active mode اللي معناته وضع التشغيل ..
اضغطوا عليه خل نعلمكم وش معنات الكلام اللي داخله ..

1- رفض المكالمات اللي بالقائمة السوداء
2- اسم مجموعة القائمة السوداء
3-مسح رائل الاس ام اس .. اللي في القائمة السوداء

1- رسايل القائمه السوداء
2- حماية المعلومات الشخصيه
3- اسم قائمة الاطفال ( الحبايب )

1- اظهار ايقونات الفلاش ..
2- رمز الحمايه
3- مدة عمل ( تشغيل ) البرنامج ..

1- تشغيل ( عمل ) مفتاح الاختصار
2-تشغيل (عمل ) مفتاح القفل الالي
3-اظهار قائمة المهام

1- اظهار قائمة المهام
2- اظهار ايقونة التلفون
3- تشغيل تلقائي

***

اللحين نروح للخيار الثاني اللي هو Default action اللي معناتها الوضع الافتراضي

اذا ضغطت عليها بتجيك كذا .. ومنها تختار تبي تقبل من مين وتاشكل لمين

***

اللحين نروح للخيار الثالث اللي هو manage lists اللي معناها ادارة القوائم

1- الوضع الدائم
2- قائمة الحبايب
3- الرسايل اللي في القائمة السوداء
4- المكالمة اللي في القائمة السوداء

1- الرسايل اللي في القائمة السوداء
2- المكالمة اللي في القائمة السوداء
3- المكالمات للي مهمب في القائمة السوداء ( يعني المسموح لهم )
4- تفاصيل المكالمات

***

اللحين نجي للخيار الرابع اللي هو SMS Templates معناتها قوالب رسائل الاس ام اس
( يعني رسايل التصريف .. اذا قفلت بوجه واحد تنرسل له هالرساله )

1- انا مشغول اللحين ( يعني صرف عمرك ودق بعدين )
2-عندي اجتماع ( دايم الشايب يصرفني فيها )
3- قاعد اسوق ( هذي ما تنفع لكم يالسعوديين قل قاعد اكل واتتن اصرف من انك تقول مقدر اكلمك لاني اسوق )
4- اكلمك بعدين ( انت ارسلها واسحب على خويك لان اذا احد قالك اكلمك بعدين يعني منيب مكلمك )

وطبعا تقدر تضيف رسايل زياده على كيفك ..
عن طريق الخيارات ..

***

اللحين نجي للخيار الخامس اللي هو Audio messages واللي معناتها الرسايل الصوتيه..
طبعا تدخل وتختار وحده من الاغاني اللي عندك وتحطها زي البريد الصوتي

***

نجي لاخر ثلاث خيرات اللي هي
1- Maneg SMS واللي معناتها ادارة الرسايل ..
2- Call records اللي معناتها المكالمات المسجله ..
3- File security واللي معناتها الملفات المحميه ..

وبكذا اكون خلصت شرحي للبرنامج ..
واعذروني كانه بايخ بس اول مره اجرب اشرح برنامج للجوال .. وما طحت الا على برنامج كبير مثل هذا .. واذا عندكم اي انتقاد او نصيحه لتحسين المستوى قولوها بس بذرابه علشان ما اشب فيكم وتقبع بينا .. ولا تعرفون خلاص لا تنتقدون حسيت انكم بتذبون منتمب منتقدين ..واعذروني كان فيه اي شيء خطاء تراي شرحت وترجمة بخبرتي القليله جدا بـ برامج الجوال والانقليزي

برايفت للاعضاء اللي جاين طايرين بيسالوني عن البرنامج ..
البرنامج انا شرحت لكم اللي عرفته فيه .. فتكفون لا تحرجوني وتقولون لي كيف اسوي كذا وكيف اسوي كذا .. تراي مثلي مثلكم بعد هالشرح ومالي خلق اروح اجرب علشان اجاوب .. فخلونا حبايب وهدوا اللعب

Panda · 12-08-2007, 02:46 AM

لا اله إلا الله...

الله يعطيك العافية يابرنقلز

وبصراحة كنت بحاجة لهالبرنامج بحكم اني اشتغل في الاستخبارات واشغالي كلها اسرار مابي احد يشوفها

اقتباس

البرنامج انا شرحت لكم اللي عرفته فيه .. فتكفون لا تحرجوني وتقولون لي كيف اسوي كذا وكيف اسوي كذا .. تراي مثلي مثلكم بعد هالشرح ومالي خلق اروح اجرب علشان اجاوب .. فخلونا حبايب وهدوا اللعب

أبد كفيت ووفيت ماشاء الله عليك...
مابقى إلا تجي تركبه لنا في اجهزتنا

مشكووور برنقلز
وتستاهل هالوردة

***

مثبت*
وللمعرض بعد اكتمل الردود

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

برنامج call manager او Private Call&Sms Guard شرح طريقة التركيب تعريف بالقوائم

ذهب الملحق