شرح موقع الـ Blog كامل للي ودهم يفتحون لهم صفحات خاصة فيهم وببلاش

pringles · 07-07-2007, 04:43 PM

السلام عليهم ..

اهداء لكل من دخل الموضوع
http://www.wz63.com/up/uploads/40f24ea092.ram

(( مدخل )) << يشوف العالم تحطها ووده بس يكتب موضوع علشان يقول مدخل

الببغاء خلقه الله يطير .. فنستنتج ان الجربوع يناقز .. والتنغيف احسن طريقة لتفكير :hrt

ومثل ما السمك يسبح بالبحر .. يتمشى وحيد القرن على الارض .. فالدنيا دوارة يوم عليك ويوم تقلب عليك وتلعن خيرك

المدخل تلقونه مع هاللفة يمين ثاني باب على يدك اليسار ما عندنا لكم شيء ندخل به عليكم :S_45: وش يفكنا منكم عقب الدخله

(( مقدمة ))

البلوق :hrt: هو موضعنا اللي بتكلم عنه الليوم وبشرحه لكم :hrt:
وهذي اسالة تتكرر كثير .. واللي خلاني اقول انها تتكرر كثر ان اللي سالها اغبى مخلوق طب ماسنجري :hrt

وشو البلوق هاللي تتكلم عنه ؟؟ ..

البلوق الله يصلحك هو صفحتك الخاصة .. اللي تحط فيها اي شيء تبيه .. من صور مواضيع خرابيط .. اكتب كل اللي تبيه فيه .. ولا يردك شيء ..

طيب كم لازم ادفع علشان يعطوني هالصفحة ؟؟

منتب دافعن ولا قرش .. كل اللي عليك تسجل وتفتح لك بلوق ببلاش .. اعرض فيه صورة ومواضيعك ..

طيب كم يعطيك مساحة هالبلوق ؟؟

يعطيك يا طويل العمر 10 ميقا تخزين صور .. اذا انك رجالن تقول هالمساحة ما تكفيني وانا عندي صور واجد وودي انزلها .. فبقولك ابد كل اللي عليك ترفع هالصورة اللي انت تبي تحطها بالبلوق على اي موقع رفع .. وتاخذ رابط الصورة وترفقة ببلوقك .. وكذا مهوب ماخذ مساحة من بلوقك .. وتقدر تحط لو تبي مليون صورة :85: .. واذا انك رجالن مريش وانا ادري انك طفران ما معك حق صحن قلابه .. بس تقدر تدفع ويصير مساحة بلوقك 20 قيقا :hrt: .. قل بعد مهيب كافية علشان اقوم اعلقك بهالمروحه :ma

اممم طيب عطنا مميزات زود .. ماش ما خش مزاجي واحسه بايخ :Looking_anim:

البايخ انت .. خلني اخلص حتسي عقبها قل بايخ بالطقاق اللي يطق راسك :ma
شف يا زلابة .. ميزة هالموقع مع اني اعرف لو بشرحها لزلابتن مثلك منيب طالعن بنتيجه :ma.. هالموقع يسمح لك ترفع عليه ملفاتك مثل ( الصور الاغاني الفلاش مقاطع الفيديو ملفات الضغط .. ) ومن هالخرابيط والموقع قاعد يتطور كل فتره ويزيدون به مميزات زود .. وتقدر اذا انك لوح ما تعرف تصمم تختار واحد من التصاميم الجاهزة اللي هم مصممينها .. وتستخدمها ببلوقك من دون ما تعب عمرك .. اما اذا انك بتقول انا اعرف للفوتو وبصمم فترا هالموقع يسمح لك تصمم صفحتك على كيفك وتختار وش تحط بها وكيف تبيها .. بس انت لوح حدك الرسام فخلك على تصميمهم لا يطلع بلوقك حواق :a60: .. وترى تقدر تتعرف على ناس فيه وتسوي صداقات معهم :85:

فيه بنات ؟؟

لا ابوك لا ابو اللي جابك يالاجرب .. هذا سؤال تساله :ma

انا قصدي شريف لا تفهمني غلط :a70: .. كل اللي ابيه القالي بنت الحلال اللي اتزوجها :hrt:

ايه اذا انها على بنت الحلال .. بتلقى خير واااااااجد :S_45: .. شين بالفانيليا وشين بالفراولة وشين بالتوفي وشين بالشوكلاته بعد :S_45: .. وبما انك يالسلقة خبرة بالبحث عن بنت الحلال .. فالبقر واجد وبيصدقونك

طيب كيف احط صور فيه .. او واحد من هالملفات المسموحه .. وانزل مواضيع :Looking_anim:

وانا يا لوح ليش مسوي الشرح ؟؟ .. مهوب علشان ما يجيني واحد بثر مثلك ويقولي كيف اسوية وهو اصلا ما حاول يستخدمه ..

طيب طيب عطني الموقع خلني بشوفة كانه جاز لي سجلت ولا سحبت عليك ..

امسك هذا رابط الموقع خشه
www.blog.com

طيب تعال انت مسوي لك بلوق صح ؟؟

ايه مسوي لي .. واحلا بلوق بعد

طيب عطني رابط بلوقك خل بشوفة

دوك www.pringles4ever.blog.com

يعععع وش هالبلوق اللي يجيب الهم :Looking_anim: .. نعن خيرك اللحين على حتسيك المفروض مسوي بلوق زي العالم مهوب بلوق ما فيه الا صورة وموضوع :a60:

اقول اها بس هذا الابداع انت وش يعرفك .. عندك شيء ثاني ودك تسال عنه ولا قم اقلب وجهك انا ناقصك انت بعد ..

لا خلاص كافي نزلنا الشرح خل بفتح لي بلوق واضبطه وادور لي من هالتوفي الزين :hrt

طيب انطق فيذا وتابع الشرح علشان تعرف كيف تضبط لك بلوق ..

pringles · 07-07-2007, 04:44 PM

(( قالوا الزلايب في البلوق ))

مقلع ..
بدون مجاملة او مدح زايد .. بلوقك المفروض يعدونة عاهه في عالم البلقات والمدونات وتشوية منظر للموقع اللي انت مشترك عندهم .. وما يسمونه بلوق يخلونه ورق شام على الاقل يستفاد منه

بس دامك حطيت فيه مواضيعي فابد انا اعتبر هالموقع احسن شيء :hrt
يكفي انه جاي منك يالزلابه:hrt:

VIP
من تصفحي له فهمت انه يسوي بلوقات :Looking_anim: ؟؟
(( زين انك تفهم .. طيب اكتب لنا شيء ))
موقع حلو للي مهو فاضي يفتح له موقع <<------ مثلي طبعا :a60:
ويحب يكون عنده بلوق <<---- بضم الباء :a60:

وطبعا اللي محليه اكثر ان حبيب البي هو اللي شارحه :a70

سيل الظلام

وش هالزين يابرينقلز خخخخ والله منتب سهل ياخويلد بلوق مره وحده
ماشاء الله شغل رووووعه عساك ع القوه بس لاتنسى اللي قلت لك

موفق يارب اخوك سيلو الظلام

توفي
واااااااااااااو / يعطيك العافيه برنقلز روابط مهم مره / وعجبني كثير رابط الافلام / بنتظار جديدك

كيت كات
قل اني نايم

بدر الشوق
تصميمـ ززززي وجهكـ وقسسسم

خآلد بلوقكـ بطل ورهيب ولآيهمونكـ آلـ ع ـذ111ل .. بس يبغىآ لكـ تصميمـ زي آلنآس .. ودآم عندكـ دروس فوتوشوبيه رهيييبه :a70: آكيد تعرف تسوي تصميم زي آلنآس ولآ موآضيعكـ مريت عليهآ بسرررعه وجآني مغص خفيف بس رهيييبه وقسسسمـ ..
خلآص .. آنتهىآ كلآمه حفظه آللهـ :hrt:

سعودي سمايل ( ميلانو )

خالد انت تعرفني ما اعرف اجامل ؟؟
بقولك بس بلوقك ابيخ بلوق مر علي

ريلاكس

يا سلام يا سلام

يبي لي فصفص وتشيز كيك مع فنجان قهوه صح اني اسمع بالبرستيج بس بحاول اكشخ يكفي عندنا بلوق زي الامريكان < طاره ان التكشخ بالبلوق

حدث في مثل هاليوم ومثل هالسنه ومثل هالشهر يعني اليوم
صدور هالبلوق باشا من يدين برينقلز اطال بعمره
عاد حنا ودنا نبارك لأنفسنا على هالانجاز ومن انجاز لأكبر يا زلايب وانا ادري
صدقوني انا ادري ان هاللي حنا فيه نقطه من بحر ابداعنا .. والساكت ترى ينخاف منه
المقوله الاخيره مدري وش مقصدها :a70: .. برينقلز وش حنا بدونك :a70:

ـالعمدهـ

بسم الله مشاء الله
مبروكـ برينقلز عالموقع .. والله يعطيكـ خيرهـ ويكفيكـ شر عيال الحرام الي مالين الدنيا .. الله الله بالصلاة والصيام تراها واجبه على كل مسلم .. << لاحظ على كل مسلم .. لكن مااقول الا الله يهديكـ ويرجعكـ لصوابكـ وتبعد عن الفئه الضاله الي تمشي معهم .. وإذا بغيتو تفجرون ابعدو عن بريطانيا ترا بتروحون فيها .. هذا والله على مااقول شهيد .

أخوكـ ـالـعـمـدهـ

بسجل غصب

خـالد :hrt: ,, إنسان رائع رائع رااائع بمعنى الكلمه ,, يصعب وصفي له !
لان كل شي تجمع فيه ,, خبال رجه ذوق إحترام ,, كل شي !
مكانته في قلبي كبيره ,, من أروع الاشخاص الي عرفت عليه بالنت ,,
ومن الناس الي تشرفت بمعرفتهم ,, اتمنى له كل التوفيق في دراسته و حياته ,,
و موفق يا صديقي في البلوق الجديد ,,

برينقلز ,, اصير زوجتك :a70: ؟

الجوري
ماني مضيعه سمعتي في الاقلاع علشان اعلق على بلوقك لا تنسى انه يوزري الاصلي
منيب انتحارية مثلكم :a60:

معيض جاكسون

قال لي برينقلز علق عالبلوق فقلت له المعرف لا يعرف ومجرد انه البلوق لبرينقلز

يعني انه اطلق بلوق سواء حاز اعجاب ام لا ..

حقيقه لا مجامله برنقلز موسوعه لكثير من المعلومات والبرامج في عالم اشد ما يكون

محتاج له هو القضاء على الأميه في عالم الكمبيوتر وبرنقلز مكينه متحركه دوما للبحث

عن كل جديد و المعرفه والتجربه في هذا المجال ..

لذلك فأن بلوق برنقلز نقطه بعالم الكتروني ولكن غنيه جدا بأمور تفيدنا وتعطينا الكثير

لذلك الشكر لله ثم لبرنقلز الي فتح هالبلوق على مصراعيه ليحتوي شئ من جهلنا ويغينه

بفائده من خيره ..

معيض جاكسون

مهستر على خفيف

[color=Blue]وأنا داخل الموقع من شفت اللون الاخضر مع الازرق حسيت اني داخل قرية السنافر
بس ينقصها تحط صوره لشرشبيل مع الثنين اللي مطلعين روسهم مع الدريشه
وبعدين أول مره اشوف موقع يكتب اسمه داخل !!
يعني الموقع اسمه www.blog.com
ليش ترز اسمه داخل الموقع وتسوي له دعايه ههههههههههه
هذي مشكلة اللي يصمم موقع وهو مولع زقارة الحشيش
وبالنسبه لمزايا الموقع
احسن شيء اعجبني فيه
إن الصفحه ما فيها سهم ينزلني تحت يعني شغلها كله بالاصنصير << والله مدري انا كتبت الاصنصير صح وإلا خطأ
بس الموقع رهيب وهذا الشيء لا يختلف فيه اثنان ولا يتناطح فيه عنزان

[color=Red]*ملاحظه
اتمنى من اداره الموقع انها تفتح مكان للعزاب ومكان للعوايل
تفادياً لحدوث اي مشاكل في منطقة مابين السره والركبه [color=Black]

مناحي روبينسون

موقع Blog موقع جميل جدا ، وفوائده اكثر من رائعه ، يكفيك انك بمجرد خطوات بسيطه يكون له مساحه خاصه للكتابه والتعبير عن الذات

حسيت اني دلّوع وانا احكي كذا احسن مافي موقع بلوق انك تكتب اللي بخاطرك ولا أحد بيعقّب عليك ويحذف ويعدل ، يعني حريّه شخصيه ،

وبالنسبه للبلوق تبع حوبي ومهجة فؤادي برينقلز ، احس مال أمه داعي ، بس حاط لنا روابط مواضيعه ، ياخي غصب تبينا نسيّر عليها ، ياخي ما نبي ، اكتب لنا سواليفك وعلومك ومغامراتك العاطفيه وغير العاطفيه موب روابط ، عنز بدو وطاحت في قليب ، وانتظرو مساحتي الخاصه للتعبير عن الرأي ، وشكرا

كتبه وحرره
مناحي روبنسون

امووون

برينقلز

منو ضااحك عليك :Looking_anim:

وقالك إنك تعترف تشتغل :Looking_anim:

شغلك كله خرطي في خرطي :Looking_anim:

احساس مجنون

البلوق جداً حلو كبداية .. لكن ما حصلت فية شي يجذب
الفكرة كلها عبارة عن .. برنقلز اللي نعرفة .. ومواضيعه اللي كتبها ..
طموحنا نعرف اشياء جديده :a70:

بالتوفيق

مواطن

مواطن ( بعاد الاكلجاني ) ..
يا اخوي لا تنشب لنا علقوا على بلوقي علقوا على بلوقي
وفي الاخير يوم نجي نشوف راز لي خمس مواضيع يقالك بلوق ..
كانك منت حاط يومياتك ومن القصص اللي انت خابر ولا قفل البلوق خخخخخخ

اوتوم

فيه احد بحياتكم قد سمع اسم واحد برينجلز خالد
اوب اسم محل لا اسم آدم شخص بيرسن << وجه يناظر مدرسه الإنجليزي
اسم ابوة فور ايفير
عاد ترا اوب Pringles واحد ثاني
ندخل بمووضوعنا الحين برينقلز يوم انك مرررة مررة بتطلع اسم مالقيت الا اسم بطاطس
على الاقل كان جبت اسم بقاله شئ مناك علشان ماتحوم تسبدي اذا شفته :S_45:
<< مابعد دخلت بالمووضع
البلوق ماااراااة اوب زين حتى بعد ماينشرح الحين اوب عاجبكم
ياااهو هبل فيني امس << موب انا اللي هبلت فيه
لدرجه اني اليوم يوم جيت ادخله عيا يدخلني يقول ضفي وجهتس لااشوتس << طبعا هذي الترجمه
الحين برينقلز متكلف حاط لكم هيدر فوق فيه حرمه منسدحه ولا تتمرجح مدري اياهن
يسمع بالاغراء :a60:
عاد لاتفشلونه وتقولون اوب زين مسكين عطوة وجه وقولوا له يهبل:S_45:
واحجزوا من الحين بلوق منه لعيالكم يمكن يصير بعهدهم بفلوس
<<< هذا اذا قعد لهم

موب كني كثرت هرجه احد قالكم تقرون

الاسطورة

حظ عيني لو تشوفك كل يوم يا برينقلز :85: << ابو اسمك المخيس واللي يجوع ((عزوبي لا احد يشرهـ عليه ))

ابو خيرك انت وهـ البلوقات :Looking_anim: انا قلت ابد الكلب جايب لي بلوقات تفتح النفس :85: بلوقات تخلي العزوبي يتمنى انه يتزوج :a60: تخلي الشباب السعودي يطلع نظيف ويتروش كل شوي :a60: وآخر شي اللقى لي بلوووق مخيس :a60: ولا رابط لـ خنبقة :ma يا مخيس نعنبو ابليسك تتعبين معك واثبت مواضيعك وبلوقك ما فيه ولا رابط لـ خنبقة :Looking_anim: برينقلز يا تبن نسينـا من اول ما احد يعلمك ع الماسن غيري :a60: ما احد يزين لك برامجك ويعلمك شولون تثبتها الا انا :a60: (( بدا المخيس يتمنن ع برينقلز :a60: )) نسينا يومني اصلح لك ايميل خخخخخخخ :a60: نسينـا يومني اشبكك واضيفك عشان تبي احد فاهم بـ البرامج والكمبيوترات الله يـ الدنيا والله وطلعنا كبار ومشرفين حقين برامج بعد منتب سهل يـ المعفن :a60: << قلب حجازي

//

برينقلز تراني غيرت اسمك وخليته برينقلز هناك<< تسنه يّمن من جديد :Looking_anim:

شف وانا عمك اللي كنت اعلمك ع الماسنجر من اول وعلى البرامج بعد :a60: بلوقكك مخيس ومافيه غير روابط وحتسين فاضي ياخي نبي صور تفتح النفس :85: نبي نشوف العالم نبي نتثقف وانا اخوك ياخي ملينا من الروابط حقت البرامج والشروحات ما ودكـ نقلب افلام بس :85: :a60:
برينقلز رووح ربنا يوفئك يا كلب وتطلع مهندس اد الدنيا

ماين

اللحين من صدقك يوم تسميه موقع ؟؟! :Looking_anim: << بدينا
لا جد هذا تسميه فهرس .. شئ أهم شئ الا موقع او مدونة

لا جد .. حليوة ومختصرة مشوار مقلع العريق ( ايه هين ) مع المنتديات .. بس اللي يهديه لو يضبطها شوي ويكتب فيها ما تصير كلها روابط

بعدين تحتاج تغير الخلفية البيضاء هذي صايرة تعمي العيون شوي

فراس

" المدونة هي مساحة للشخص ليعبر عن مكنوناته ... باختصار حائط نعبر فيه عن دواخلنا "
^^
خرابيط
البلوق هو فكرة حلوة وراقية للتعبير كل شخص بطريقته سواء بصور او غيره ... وكل بلوق يعكس شخصية مصممة وكاتبه

زلايب برينقلز قلوب أد الدني :a70::hrt:

قرعوط

أنا ما قهرني خالد ألا أنه حاط أسمي بالمسنجر بقائمة الزلايب لو أنه رفع قدري شوي وحطني في قائمة الجحلط اصير شاكر العليان له .. المهم يا لبى قلبك يا خلودي ويا جعلني ما أعدم هالخشيشه بس الوعد ماربيا ودام التذكرة 1700 بجيك وبجيب معي المترديه والنطيحه وماكل السبع .. وبالنسبة للبلوق هو حليو ما عليه ويكفي مواضيعك مطرزته بس ناقص له الصور اللي نبي نصورها في ماربيا >> مسكت معه اجل 1700
اسمع يا مزه على فكرة ترى البرنقز مزة ما حصلتش خصوصاً إذا كان بنكهة المشاوي خخخخخخ إلى الامام يا بعدي ومن الاخير احسن ما في بلقوك كله أن أسم قرعوط المعظم فيه >> ماله خاتمة

دمعة بعير

برينقلز كلب والله يقطع اليوم الي شفته فيه بس تراني احبه
البلوق اخيس بلوق شفته بحياتي

....

pringles · 07-07-2007, 04:44 PM

( شرح الموقع )

اول شيء خش هنا
www.blog.com

:: التسجيل ::

اضغط تسجيل علشان نبداء الشغل :85:

عب البيانات زي ماهو مشروح واضغط كونتينيو ..

برضوه عب الفراغات واضغط كونتينيو

اختر شكل للبلوق حقك واضغط عليه علشان يختارة لك ..

وهذي اخر خطوة بالبلوق .. خذ الرابط حق بلوقك علشان تشوفه .. واضغط كونتينيو علشان ينتهي التسجيل وتبداء تعدل في البلوق

يتبع ,,

pringles · 07-07-2007, 04:45 PM

:: الاعدادات ::

اضغط سيتينق علشان تعدل الخيارات حقتك ..

هذي الاشياء اللي تقدر تغيرها ومشروحة بالصورة

هذي اذا تبي تسوي اب قريد لبلوقك

1- علشان ترجع القروش اللي دفعتها :85:

2- اذا تبي تنزل البلوق حقك من باقة لباقة اقل

3- اذا تبي تطور البلوق حقك وتنتقل من باقة لباقة اعلى

هذي اذا انك نويت ترقي البلوق حقك

ميزات وخصائص كل باقة :85:

الليمتس للبلوق حقك ..

:: واجهة تعديل الخيارات ::

هذي الاشياء اللي بنشرحها هاللحين .. وبنغطيها كللها علشان نكون غطينا الموقع كامل :85:

يعني عقب ما نشرحها لا يجيني احد يقول فيه شيء ما عرفته بالبلوق

يتبع ,,

pringles · 07-07-2007, 04:45 PM

:: شرح الخطوة رقم واحد ::

هذي خانة كتابة موضوع .. وكل شيء مشروح فيها ..

من هنا اذا كنت ناوي تتكلم عن فلم او اغنية او اي شيء من هالخرابيط ..
كل اللي عليك تضغط عليه وبس علشان يساعدك فيه :85:

هنا لستة المواضيع اللي انت كتبتها بالبلوق :85:

هذي لستة للكلمات اللي بيتضمنها البحث لمواضيعك ..

اعدادات التعليقات .. وكل شيء مشروح بالصورة ..

اذا فيه تعليقات انت ما وفقت عليها بتلقاها هنا ..

هذي قائمة السايد بارات اللي تقدر تضيفها لبلوقك

هنا اذا بتعدل باعدادات البلوق .. وكل شيء فيها مشروح على الصورة ..

من هنا اذا ودك تعدل بشكل البلوق ..

اذا فيك حيل تفتح بلوق ثاني .. ابد افتح من هنا واللي يدخل على بلوقك هذا بيقدر يشوف الثاني :85:

هذا علشان تسوي باك اب للبلوق ..

اذا تبي تقشع ام البلوق وتطيره .. طبعا مهيب واصلتن بك هالمواصيل الا تسانك اخذت راي زلايب فيه مثل ما انا سويت

يتبع ,,

pringles · 07-07-2007, 04:46 PM

:: شرح الخطوة الثانية ::

اذا تبي تفتح البوم جديد ..

من هنا علشان تسوي واحد جديد .. والخيارات مشروحة على الصورة :85:

1- علشان ترفع صورك وملفاتك :85: ( بنشرحها لحالها )

2- اذا بتعدل الملفات ( بنشرحها لحالها )

3- تعدل بالملف ( بنشرحها لحالها )

4- تحذف الملف

وبنشرح كل وحدة لحالها علشان تكونون معنا وما نفوت شيء :85:
كل خطوة بيكون رقمها على الصورة ..

هذا شرح طريقة رفع الملفات .. وكل شيء واضح بالصورة ..

من هنا اذا تبي تعدل بالملفات الموجودة :85:

هذا شرح طريقة تعديل الملف ..

اذا تبي تسوي لك معرض اضغط هنا .. وحط اسمه واضغط كريت وهو بيفتحه لك
( الاسطورة ترا مهوب الفتح اللي ببالك :85: )

لستة معارض الصور اللي عندك

يتبع ,,

pringles · 07-07-2007, 04:47 PM

:: شرح الخطوة الثالثة ::

اضغط على خانة ملفك الشخصي علشان نشرح لكم لك شيء من داخل .. وما توحوسون :85:

وترا نفس هالخيارات برا موجودة داخل يعني لا تستعجلون على رزقكم

هنا تشوف ملفك الشخصي ..

هنا اذا تبي تضيف معلومات لبلوقك .. وكلها مشروحة بالصورة :85:

اذا كنت تبي تضيف صورة شخصية خش هنا ..

اي احد بيعلق على ملفك بتلقى تعليقة هنا ..

اذا انك تبيه يعلمك بالايميل كل ما وصلك تعليق ولا رسالة خاصة ولا احد يبي يضيفك .. ما عليك الا انك تحدده من هنا وبس :85:

هنا تنفع للي يبون يتميلحون :S_45: .. يعني اضف اخوياك والعب عليهم وشبك اخوياهم << ماش مكثر جلسة مع المريضين :a60:

اذا بترسل لاحد دعوة ولا تشوف منهم اللي يبونك تصير عندهم واللي انت ارسلتلهم وسحبوا عليك .. تلقى اسمائهم هنا ..

صندوقك الوارد

الرسايل اللي انت مرسلها تشوفها من هنا ..

من هنا ترسل رسايل :85:

وبكذا نكون انتهينا من شرح موقعنا وانتهينا من موضوعنا المتواضع :a70:

وخروا عني !! · 07-07-2007, 07:37 PM

اقتباس

وبكذا نكون انتهينا من شرح موقعنا وانتهينا من موضوعنا المتواضع

اي متواضع يا عمي

ما شاء الله كفيت ووفيت

الله يعطيك ألف عافيه على الشرح المميز

وتراني سجلت

pringles · 11-08-2007, 06:33 AM

وخروا عني !! اقتباس

اي متواضع يا عمي

ما شاء الله كفيت ووفيت

الله يعطيك ألف عافيه على الشرح المميز

وتراني سجلت

الله يعافيك .. ومنور الموضوع ..

تبطي عظم · 11-08-2007, 06:48 PM

شكرا برنجلز انا من زمان مسويه لي هناك صفحة شكرررررا

ابلهـ عطيات · 11-08-2007, 11:40 PM

تشكرررررررررررررررررررررررااات كثيرااااااااااات يا بيه ...

موضوع متعوب عليه ...

...
لاعدمناك ايها المخنبق ..

A S 6 O R H · 29-08-2007, 07:56 AM

تراني مستعجل بسوي لي بلوق // برينقلز لا تنسانا من الصور << يا كلب وين راح بالك

للمعرض و بئس المصير

شرح موقع الـ Blog كامل للي ودهم يفتحون لهم صفحات خاصة فيهم وببلاش

ذهب الملحق