[ درس خفيف ] كيف تضغط وتقسم الملفات بالـ winrar

السلام عليهم ..

الليوم جايب لكم درس خفيف ومفيد .. وهو كيف تقسم وتضغط الملفات بالونرار ..
طبعا الطريقة سهله جدا ويمكن اغلبكم يعرفها .. بس اللي ما يعرفها بيستفيد منها ..
خاصتن في سالفة رفع الملفات الكبيره .. لانك بتتعب ما تلقى موقع يقبل يرفعها ..
او اذا كنت بترفع ملف كبير وتبي تقسمه للاعضاء علشان يقدرون يحملونه .. فبتحتاج هالطريقه
اول شيء لازم يكون عندكم برنامج الـ winrar اذا مهوب عندكم حملوه من هنا ..
اسم البرنامج : winrar
رقم الاصدار : 3.62
لتحميل :
الملف الاول ..
الملف الثاني ..
بعد ما تحمل الملفين .. حطهم في مكان واحد وفك الضغط عن واحد منهم بس وهو بيطلع لك البرنامج كامل
بس تاكد قبل لا تفك الضغط انك حملت الملفين مهوب ملف واحد بس
( وجه مقسم الملف بس علشان يعلمكم كيف تفكون الضغط لا صار الملف مقسم )
المهم تعالوا معي خل نتابع الشرح بالصور .. علشان ما تلخبطون ..

اول شيء رح للملف اللي تبي تقسمه .. واضغط رايت كلك .. وسو زي اللي بالصوره ..

من هالخيار اختر حجم الملف كم تبيه .. طبعا بتلاحظون اني حطيت حرف ( k ) اللي معناته كيلو بايت .. فلو ما حطيت هالحرف بيحسبها لي بالبايتس .. والواحد كيلو بايتس = 1024 بايتس .. فانت عندك حلين يا انك تختارها بالبايتس وخلاص .. او انك تكتب كم تبيها بالكيلو وتحط حرف k .. او اذا الملف كبير تحط كم تبي حجمه يكون وتحط جنبها M علشان يصير بالميقا .. عاد انت وراحتك وكلها تادي نفس الغرض ..
بعد ما تخلص اضغط اوكي .. علشان يضغط لك ويقسم لك الملفات

هنا نشوف عملية الضغط والتقسيم .. تراها سريعة وما تاخذ وقت .. تعتمد على حجم الملف بس ..
يعني انا قسمت برنامج الونرار وحجمه 1 ميقا .. اخذ معي اقل من ثانيه << لانه 1 ميقا بس يا لوح

تشوفون هالملفات اللي محدده ؟؟
ايه هذي الملفات اللي قسمناها .. ما عليك اللحين الا تروح تفتح موقع رفع وترفع عليه هالملفين وانتهينا
ايه ولا تنسون ترا ملف واحد من دون الثاني ماله فايده .. فاذا ما عندك الا واحد ذبه مع الدريشه
واي سؤال عن هالدرس .. اسالوا وان شاء الله منحب متاخرين عليكم بالاجابه ..