PrinGles

السلام عليهم ..

اول شيء احب ابارك لكم افتتاح هالقسم الجديد التابع لخنبقة التقني

واللي بيكون عبارة عن مكتبة شاملة لكل برامج الكمبيوتر الكاملة والمكركة ..
بحيث ان اي عضو او زائر يكون يبحث عن برنامج معين يحصله هنا ..
بالمختصر نبي نجمع بهالقسم جميع روابط تحميل البرامج الكاملة اللي نزلت .. مع صورة للبرنامج ونبذة بصيطة عنه ..

وقوانين هالقسم بختصرها لكم بهالكم نقطه ..

1- عنوان الموضوع لازم يكون واضح .. يعني مهوب تجي تكتب لي برنامج انصحكم فيه !! .. ولا برنامج مميز حملوه كلكم .. يعني اهدا شوي ويحط لنا عنوان مفهوم نقدر نعرف وشو اللي داخل الموضوع قبل ما ندخل ..

بتقولون لي ليش .. بقولكم علشان اي عضو او زائر يبحث عن برنامج يقدر يوصل له بسرعة .. وما يضطر انه يقعد ينبش بين المواضيع ويحوس ويدابتس لين يلقى البرنامج اللي يبيه .. نبي نسهل عليه عملية البحث ..

2- تكتب اسم البرنامج بالانقليزي ورقم الاصدار بالعنوان .. يا ليت نحاول نكتب اسم البرنامج واصدارة بالعنوان بالانقليزي .. لانكم زي منتم عارفين اغلب العالم لما تجي تدور برنامج تكتب اسمه بالانقليزي وما تكتبه بالعربي .. فانت لما تكتب عنوانك باسم البرنامج بالانقليزي تكون اختصرت عليهم واااااااجد .. وما يمنع انك تكتب اسمه بعد بالعربي .. بس الاهم يكون اسمه بالانقليزي موجود .. ويفضل بعد انك تكتب نبذة بسيطة عنه جنب اسم البرنامج .. يعني تقول هالبرنامج وشهو له !! .. وداخل الموضوع عاد انت فصل فيه وقل اللي تبيه ..

3- لما تكتب موضوع عن برنامج يا ليت تحط نبذه عنه وصورة للبرنامج .. صورة البرنامج تقدر تجيب اي صورة .. بس اسم انها صورة له .. وتبين لنا شكلة كيف .. والنبذة عن البرنامج اكتب لنا اي شيء عنه يعني وش فايدته وش مميزاته وشي الاشياء اللي يفيدنا بها .. وما يخالف لو كانت النبذة بالانقليزي .. لان اغلب مواقع البرامج كاتبين عن البرنامج بالانقليزي .. بس يفضل انك بعد تعرف بالبرنامج بالعربي زود على الانقليزي ..

4- الشات ممنوع

وهذي قوانين القسم الى هاللحين .. ممكن نزود عليها او نضيف بعض الاشياء بعدين ..