MSN Pictures Displayer برنامج تغير صورة العرض كل شوي

pringles · 01-09-2007, 03:22 PM

السلام عليهم ..

الليوم جايب لكم برنامج يغير لك صورة العرض حقن الماسن كل شوي ..
وظيفة هالبرنامج انك تحط فيه كل الصور اللي تبيه يعرضها لك ..
وتحدد الوقت بين كل صورة وصورة .. وهو يصير يغير لك الصور بلحاله ..

البرنامج سهل وبسيط .. وما يبيله حوسه ودوخة راس ..

معلومات عن البرنامج :

اسم البرنامج : MSN Pictures Displayer
حجم البرنامج : 5.10
رقم الاصدار : 4.4.0.6
الاصدار: مجاني
الموقع الرسمي للبرنامج : www.msnpd.org

شرح البرنامج ..

انقز لهالرابط وحمل البرنامج منه ..
http://www.msnpd.org/index.php?langue=en&page=download

اضغط على هاللي موضح بالصورة علشان يبداء التحميل ..

وبعد ما تحمله نجي لطريقة التثبيت ..

رح للملف اللي حفظت فيه البرنامج .. بتلقى هالايقونه .. ارعص عليها مرتين .. علشان يبداء التثبيت

بتطلع لك هالنافذه .. اختر اللغة العربيه .. وارعص على اوكي

وبعد هالخطوه بتكون انتهيت من تثبيت البرنامج

نجي اللحين لكيف تستخدمه ..

تروح لستارت .. وتختار منها هالايقونه اللي محدده لك (( ايقونة البرنامج ))
وتضغط عليها وبيفتح لك البرنامج ..

هذي واجهة البرنامج ..
والشرح هذا هو ..
1- من هنا تختار الملف اللي فيه الصور اللي انت تبيهم
2- اذا اخترت الملف .. هنا بيطلع لك الصور اللي فيه اللي يقبل البرنامج اضافتها
3- الصور اللي انت اخترتها وعددها بيطلع لك هنا ..
4- هذا اذا تبيه يبدل الصور عشوائي ولا تبيها بالترتيب ..
5- كل متى تبيه يغير لك الصوره .. لك من 5 ثواني لساعه
6- هنا تختار حالات الاتصال اللي تبيه يغير لك الصورة فيها .. تبيهم كلهم ولا وحده منهم بس
7- هنا يطلع لك الوقت اللي باقي على تغير الصورة ..
8- اذا تبي تغير لغة البرنامج وتختار لغتن ثانيه ..

وكذا اكون خلصت شرح هالبرنامج البسيط ..

البرنامج ان جربته على :
الماسنجر اصدار : 8.1
البلس اصدار : 4.20.0.262

والبرنامج شغال معي تمام التمام وما فيه اية اشكاليه

اي استفسار بخصوص هالبرنامج اسالوا وتساني اعرف بجاوبكم وتساني ما عرفت بكرشكم

وفيه سكربت يتركب على البلس .. يسوي نفس الشيء يغي لك الصورة كل شوي ..
اللي يبيه يحملة من المرفقات ..
( بس يتاكد ان عنده البلس مهوب يقولي ما اشتغل وهو اصلا ما حمل البلس )

مصيول بن جورج · 03-09-2007, 03:11 PM

وعليكم السلام,,,

ويا خلفهم انت يا pringles الصز شرح ولا احلى

والله يعطيك العافيه جبت البرنامج والشرح وانا ادوروهـ

كل يوم جبلنا شرح زي كيذا << ما يشتهي

ma 7olik · 03-10-2007, 03:50 AM

والله برنامج رهيب ومنتاااااز بالحيل
والامنتز والامنتز هو شرحك يا برنقلز لا عدمناك ياعردزي
وبنثبته ونحوس به شوي
يعطيك العافيه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

MSN Pictures Displayer برنامج تغير صورة العرض كل شوي

صالة الكمبيوتر والجوالات