|
|
|
|
التسجيل | إسترجاع كلمة المرور | تفعيل العضوية | طلب كود تفعيل العضوية | إتصل بنا
|
|||||||
التسجيل السريع مُتاح
|
|
|
LinkBack | أدوات الموضوع | انواع عرض الموضوع |
20-09-2007, 05:21 AM
|
#1 |
 
|
تم ..هرول وطلعته للصمان ,, لاتفوتك القووصه ..
تم
هرول وطلعته للصمان وهو ناوي يصيد ضبان -------------------------------------------------------------------------------- هذا يطولي عمركم <<<<<دخل بالزبده طوالي  كنت نايم على سريري وموجه ريش المكيف على خشتي والهوا يهف ويهف على دمجتي <<<<<<<<وحلمان انه يهرول بشارع وهو لاحقه كلب <<<<<<<عليك احلام بعد المهم وانا نايم وغااطس بنومه واتلوى على فراشي واتقلب مدري ولا فجاه صحيت ولقيت نفسي واقف على رأسي ورجولي متدودلات فوق <<<<<<<طاح من فراشه (صغنون عيني عليه) بعدين سويت حركة شقلبه على ورى عشان اعدل عمري وهوب وبعدين وقفت على رجولي وقعدت احك راسي واتثااوب وعيني على الساعه واتمشى وانا اجر رجولي وحالتي حاله ونا الي اطلع من غرفتي واروح للصاله ولا ألقى الوالده حاطه ذا اللبن والتمر والقهوه وحاطه قدامها صحن فيه ورقه كاتبه عليها بيض <<<<<<<ماجاب بيض امس .. <<<<<<<ومتعود يفطر بيض (مافيه بيض على الفطور = مشاكل المهم يوم لقيتها قلت لها ... يمااااه قاالت وش تبي يالله صباح خير فلوس ماعندي قلت لها لا لا مابي فلوس ولا ابي شي بس بقول لك فمان الله يايمااه قالت وين ياحضي ؟؟ قلت لها ابد تعرفين اللحين موسم الضبان وبروح اتصيدلي كم ضب وبعدين قلت لها يالله تبين شي قالت لا يولدي بس انتبه لعمرك وجيت وقربت لها وعطيتها بوسه على جبهتها وش تبووون بققتو عيونكم امي وأبوسها وانتو وش دخلكم المهم قلت لها بعد البوسه يما وين ماطور الكهرب قالت لي امي شف يوليدي تلقاه فوق السطح وبعدين قبل لا اروح للسطح ودعتها وهي وقفت على رجولها وعيونها غرقانه دموع وهي تبكي وقلت لها يمه ليه الدموع ذي علشاني هالدموع اكيد وانا الي دموعي تنزل مني <<<<<قلبه رقيق للنعله.. وهي تنزل منها دموعها ودقيقتين وحنا نبكي قلت لها يمه اهيئ اهيئ خلاص منيب رايح قالت لا تخاف مو عشانك قاعده ابكي <<<<<<<وشو ؟؟؟؟ وش السالفه يمه ليه تبكين؟؟؟ امي ردت علي وقالت اهيئ اهيئ ومدت يدها لم وجهي وقالت شف <<<تدرون وش شاف هرول ؟؟ شاف بصلتين وانا الي ادمع من القهر قلت يمه يالله فمان الله وانا الي انقز للسطح واطلع المااطور <<<<<<كح كح كح والله يااهو مغبر الماطور ونزلته للحوش وحطيته جمب عدتي الي مضبطها من امس وبعدين صعدت الى غرفتي ولبست ثوبي العماني وحطيت على راسي شماغ ولفيته على راسي ونزلت للحوش وانا اهرول بالدرج <<<<<<متحمس وشلت الا اغراض الي هي تتكون من عدت بر ومعروفه وش عدت البر اكل يكفيك 3 ايام (12 علبة تونه+واحد زيت العافيه+3طماطات+3بصلات+احط ورقه مكتوب عليها نسيت الملح) وحطيت الا كل ولحقته بخيمتي ام عامود ولحقتهن بالماطور وعلقت نبيطتي على رقبتي وركبت جيبي وبعدين شغلت الجيب ودزيت في ربوع بلادي وانا مشغل عزازي وهو يغني ليتك تموت اليوم وارتاح انا منك .. <<<<<<عليه مزاج بالصبح مدري وش يبي .. وانا دااز للصمان قاعد اهوجس بشي وانا ماشي بالدرب وانا للحين اهوجس مدري من كثر ماهوجست بذا الشي الا القى نفسي واصل لطرف الصمان تدرون وش ذا الشي ؟؟ اقوله بأاخر القصه.. وانا ا لي انزل من جيبي واحط الماجلان على سقف جيبي واتوغل في ربوع الصمان وانا الي ادخل بين هالطعوس ومناقز من طعس الى طعس ومشيت تقريبا 200 كيلو داخل الصمان تعرفون عاد اهل الضبان يعرفون اماكن الضبان على الفطره .. <<<<<<<<<<لمح مكان زين بالصمان عرف انه مليان ضبان وانا الي اوقف جيبي .. وانزل عدتي.. واضبط خيمتي.. وادخل ماطوري داخل الخيمه... واحط فوق الماطور نعالي ... وحط جمب الماطور عدت الا اكل. واربط ثوبي ... واربط شماغي .. واعلق نبيطتي على رقبتي ... واطلع من الخيمه وأتجه الى طعس قدامي وانا الي امشي وانا حافي والرمال تداعب اضافري ورجولي المشهبات تسبح بالرمال وسعبولتي نازله وصاير لونها بني (طين يعني ) وانا الي ارقى فوق الطعس بعد جهد جهيد وقعدت اتلفت ادور على ضب واتلفت واتلفت فجأه بدون سابق انذار حسيت بشي يراقبني ؟؟؟ وشو مدري وانا اتلفت <<<<<وش السالفه هيييه اعقل ؟؟ مدري شي يراقب التفت التفاته سريعه على جهت اليمين لقيت راس يطل واختفى بسرعه وهو يطل من ورى حصاة كبيره مممممممممم بصراحه مدري وش راسه الي طل علي هو ثعبان ؟؟؟؟ هو ظاطور ؟؟؟ هو ضب ؟؟ المهم انه راس شي يصلح للاكل وانا صايده صايده وذا الراس الي جالس يطل علي راح يكون عشاي الليله <<<<<<<<<<اقول شوي عضلاتك وخرها صاكه خشمي ..لو سمحت يعني .. وانا الي اناضر الحصاة بطرف عيني... وانا اتمشى واسوي نفسي مدري وش السالفه وطرف عيني على الحصاة واتمشى واشووف ذا الراس المغبر يطل علي ويختفي يوم قربت من الحصاة وصارت المسافه بيني وبين الحصاة مسافت ذراع وهاااااااااااااااااااااااااع <<<<<<<يعني نقز وانا الي ناقز وطاير على الحصاة واشوف وش ورى الحصاة ولا وش القى؟؟؟؟؟ لقيت ضب يروح يمين ويسار ويحوس بالارض (يبي ينحاش يعني) وانا الي اطب عليه وامسك راسه وحطه تحت ابطي ... <<<<<<<سوى مسكه منومه وانا حاط راسه تحت ابطي وعكرة الضب تمسط بكرشي .. الين هدى الضب ونام من ريحة ابطي قصدي من المسكه المنومه وخشششششششششششششش خشششششششششششششش وخششششششششششششش لا تخافون الخششششششششش ذي مو شخير الضب لا هذي حيه ام خرخاشه ماره من عند رجولي وراحت لجحرها ويوم نام الضب على طول وقفت على رجولي وانا الي أتجه الى الخيمه ووقتها مسكت الضب من عكرته وامرجحه وانا مبسووط ومستاانس واتخيل الضب وش راح اسويه مندي ولا مضبي ... ويوم وصلت للخيمه قلت مابدهاش بلا مضبي بلا مندي بسوي خلطه ملعونت والدين.. ودخلت للخيمه وربطت الضب بالعامود ورحت الى عدت الأكل وطلعتها وحطيت القدر على النار وبعدين صبيت الزيت وتشششششششش صوت التونه فوق الزيت وفوقهم حطيت بصله وطماطه وتششششششششششش وانا الي اسمع صوت واحد يبكي وااااااااااع فكني واااااااااااع برووح للبيت وادخل للخيمه والقى الضب يصيح فكني وااااااااااع قلت له والله تبطي اخليك واجي وافك حباله واشيله من عكرته ودورت سكينه بقطع راس الضب يعني لكن للأسف مالقيت سكينه طيب وش الحل حطيت الضب بكبره بالقدر ورميته داخل القدر.. واسمعه وهو يتصاافق داخل ... طق طق طق طق طمبق طمبق طمبق طق طق طق طمبق <<<<<<<قام يهز من الا ايقاعات ونص ساعه وانا اهز ومستاانس لكن فجأه صوت الطق طق طق طمبق طمبق طمبق اختفااا ؟؟ وين رااح ؟ وش السالفه ؟؟ شوي ولا غطى القدر طار.... وانا الي انسدح على ضهري من الروعه ... شوي ولا اشوف راس الضب يطل من القدر... ؟؟؟؟؟ وش ذا ؟؟؟ شوي ولا اشووف بطن الضب طالع من القدر؟؟؟ <<<<<<<قلت اكيد الضب واقف له على طماطه ولا على بصله .. شوي ولا اشوف ركبه ... عدلت جلستي ... لقيت راسي يوصل لحد رقبة الضب .. عرفت الوضع فيه شي مدري وشو شوي ولا وش اشووف راسي يوصل لحد ركبة الضب يوم شفت الوضع كذا وقفت على رجولي ويوم وقفت .. شوي .. ولا راسي يوصل لرااس الضب .. <<<<<<الضب صار طوله ....... شوي ولا وش السالفه ؟؟؟؟ ولا اشووف رااسي واصل لسر الضب والضب صار اطول مني طحت انا على ظهري وقلبي ينفض نفااض <<<<<<<خلاص ميت ميت ذا ااا ايييي اوووو اااا ايييي اووو <<<<<<<<وهو يحاول يقول شي .. ابي اقوول شي بصرااحه ماني قاادر لساااني علق بضرسي ابي اطلعه من ضرسي للاسف مالقيت عود اسنان شوي ولا عيني جت بعين الضب ...... وهو يخزني وانا اخزه ... وعيني ترمش من الخوف وهو مبقق عيونه علي بصراااحه وقتها عرفت من عيوون الضب شي .. تدرون وشو؟؟؟ انه حااقد علي وبينه وبيني ثار ويبي يموتني ويخلص ثاره.. يوم عرفت ان الوضع فيه موت .. قلت مابدهااش يهرول .... انا ميت ميت خلاص امووت شجااع وماراح اموت خواف.. وقفت على رجولي وحطيت عيني بعينه وقلت له يااضب انت تبي تقتلني صح ؟؟ هز برااسه وقال ايه.. قلت له شف اذا منك بتذبحني خلني اموت شجاع ونشوف من يذبح الثاني.. انت وش سلاحك ياااضب ؟؟؟ رد علي وقال عكرتي .. وسألني وانت ؟؟؟ انا قلت له أممم سلاحي هو نبيطتي ... بس النبيطه بالجيب ارووح اجيبها واجي .. اوكي .. رد علي الضب وقال اوكي .. وانا الي انقز للجيب وانا مبسووط وقلبي يضحك ويقول هااهاهاهاهاهاهاا وش ذا الضب الدلخ وقلت لنفسي يمدحوون من جربع الضب بصدام الجيب <<<<<<<نااوي يدعس الضب وانا الي اركب الجيب وجيت اشغل الموتر ؟؟؟؟ وين المفتااح والتفت بشويش على الضب ولا الملعوون القااه يهز مفتااح الجيب وهو مطلع لي سنونه (يعني يضحك) واجي ادور لي سلاح اي سلاح ...المهم ادافع عن نفسي ... والحمدالله لقيت نبيطتي بدرج الجيب .. طلعتها وتشهدت على روحي .. ونزلت من الجيب وانا امشي بحذر للضب.. ووصلت للضب وقال لي الضب .. عطني ظهرك ؟؟؟؟؟؟؟ قلت له وش تبي انت ؟؟؟؟؟؟ قال اقوول عطني ظهرك قلت له وش تبي بظهري ؟؟ قال عطني اياه اول ويوم ديورت وعطيته ظهري وصار ظهري ملاصق لظهره وقال لي كل رقم اقوووله تمشي خطوه <<<<<اها تسذا يعني حركاات كاابووووي قاال ايييه حركات كابوي ... قلت له ااخر رقم وشو ؟؟ رد علي وقال اربعه <<<<<قال طيب وهو الي يعد واحد وانا امشي خطوه وعرقي بدا ينزل ... وهو يقول اثنين وعرقي وصل لرقبتي وصار يصب وينقط على الا ارض <<<<<<<<خاايف .. وهو يقول ثلاثه وانا الي ادمع ... <<<<<<<ميت.. وهو الي يقول ا ر ب ع ه وانا الي التفت على الضب بسرعه وعلى طول نزلت راسي ادور لي على حصاة.. مدري ولا شعر راسي طار من الهوى يؤ شوشتي طارت بفعل هوا سرعت عكرة الضب وهي ماره من فوق راسي .. <<<<<<<على النيه وانا الي اخذ لي حصاة واحطها بنبيطتي وتوها وعكرة الضب رايحه تاخذ دوره وتجي ... وانا الي احط الحصااة واقول جااك الموت يااتاارك الصلاة واحط قوتي كلها بشد المغاط حق النبيطه (السير يعني) وععععععععععععع <<<<<<صوته وهو يشد المغاااط ودربج ااااااااااااااااااه وش صار اشووف النجوم تترااقص حول عيوني .. <<<<<<<<<<وهو شاد المغاط انقطع المغاط وراحت الحصاة لجبهت هرول .. يالله حسن الخاتمه وانا الي اقووم وانقز على طول واتعلق برقبة الضب ومن تعلقت برقبة الضب .. على طول طاح معي الضب .. وطحت انا ويااه .. وقعدنا نتقلب ونتقلب انا والضب مره يصير فوقي ومره اصير فوقه ومن جد قوت عنااد + مطارح وقعدنا نتقلب انا وياه الين وصلنا طرف طعس... يؤ ودحدرنا انا والضب من فوق الطعس بأعلى سرعه وننزل انا ويااه من فوق الطعس وصرت انا بجهه وهو بجهه وحنى نتقلب ونسوي حركات شقلبه <<<<<<مو بكيفه يتشقلب غصب عنه الين ااه طحت على ظهري اااه والتفت ادور الضب ولا القاه منسدح على ظهره وقمت انا له.. ويوم قربت له.. لقيته منسدح على ظهره ولقيت ورا راسه حصاة كبيره وراس الضب مفلوق.. يؤ تدرون وش صار وحنا نازلين من فوق الطعس انا استقبلتني الا ارض والضب استقبلته حصاة ويوم شفت الوضع تسذا قلت خلاص هذي فرصتي وانقز للخيمه واخذ عمود الخيمه وانزل بسرعه لم الضب وانا اقوول ذابحك ذابحك واشوفه ولا الضب للحين منسدح واجي عند رااسه وارفع العامود واوصله اللين ظهري <<<<<<<<ناوي الضب وانا رافع العامود جت عيني بعين الضب وكان وقت غرووووب وشفت عينه تلمع طن طن طن دمعه نزلت من عين الضب .. وطقطقت على خده الوردي.. <<<<<<<يبو وين وردي ؟؟؟ لحظه اعلمكم... لحظتها كان الوقت غروب واشعة الشمس على دمعته وصارت دمعته لونها وردي .. وانا يوم شفته كذا.. ترددت اذبحه ولا لا .. اذبحه ولا لا لا بذبحه وارجع العااموود بكل قوتي وهاااااااااااااع واوقف لا بذبحه وارجع العاامود هااااااااااااااااع واوقف وهاااااااااااااع <<<<<<<<صوته وهو يرمي العامود بعيد عن الضب وجيت وضميت الضب وان ابكي وهو يوم شافني بكيت بكىىى وراي على طول وقال لي احبك.. وانا قلت له احبك .. والله من غير شعور قعدنا نسوي هالاشياء .. <<<<<<<<مصارحات ونبكي انا ويااه الين صارت دموعي ودموعه تختلط مع بعض وماعرفنا وين دموعي ووين دموع الضب وشلت الضب ورحت للخيمه وسويت له اسعافات اوليه عشان الفلقه الي براسه .. وجلسته معي ثلاث ايام ناكل انا وياه تونه وكل ليله ننسدح على ظهورنا انا والضب نعد النجوم واهدي له نجمه ويهدي لي نجمه ويقول لي احبك وارد عليه انا اموت فيك هيييه انت ويااه وش تبوون ترى حبي للضب عفيف طاهر <<<<<التفت على الضب وقال له ؟؟ يالضب ترى كثرت علينا الا اشاعات .. <<<<<<<هيه وش تبي انت وش اشاعاات كمل ولايكثر اليوم الثالث جاا وقمنا نقول ميو ميو من كثر ماكلنا تونه.. وجاا اليوم الثاالث .. لحظة الوداع شوفو الي رقيق المشااعر وقلبه رهيف ومايقدر يمسك دموعه لا يكمل .. جت لحظة الوداع .. وكان وقت الشرووق .... وانا احزم اغرااضي والضب يساعدني... ويوم خلصنا من الا اغرااض.. قلت له في امان الله ياضب.. ورد علي بالمثل .. في امان الله هرول ..... واركب جيبي واشغله .. وحطيته على الاول ... ومشيت ودمعتي وقتها ذرفت من عيني... وجيت وحطيت عيني على المرايه و اشوووف الضب وألقاه واقف ومااسك منديل ابيض.. ويأشر لي وهو يبكي .. وانا الي عوووووووع.. صوت الكفراات وهي تفحط على البر من الفرامل.. <<<<<<قلبها فلم مصري وانا الي انزل من الجيب .. واربط ثووبي .. وافصخ كنادري.. واركض للضب .. واركض وانا اصرخ واقووول ح ب ي ب ي وهو يركض لي وهو يقول ها ر و ل ونقزت عليه ونقز علي وضمينا بعض وانا ويااه نبكي ونبكي ونبكي ؟؟؟؟ وشو وين الضب هاااه وينه والتفت يمين مالقيته وين رااح توني ضاامه؟؟؟ يؤ التفت يساار مالقيته؟؟؟ بسم الله وينه وين رااح ذا الضب يؤ؟؟ من ذا الي يجرني من سروالي؟؟؟ وخر هيييه وقسم بالله مالك داعي وخر ابي ادور الضب .. من هو ذا الي يجر سروالي ؟؟؟ وانزل رااسي ولا القىى الضب رجع لحالته الطبيعيه يؤ صغر هاهاهاهاهاهاهاهاااي <<<<<<<كشر عن انياااابه <<<<<<<فرك يدينه وقال جااك الموت يااتاارك الصلاااة. وانا الي اركض للجيب واشغله واجي مسرع <<<<<<نااوي يدعس الضب <<<<<<من جد عااش مضطهد ثلاث ايام وهو يقول للضب احبك وين فيه احد يقول للضب احبك ؟؟؟قلو ناس تنحب؟؟ وانا الي مسرع ومسرع ومسرع بجيبي ورى الضب والضب يروح يمين وانا وراه ويروح يساار وانا ورااه ملحم صدامي بعكرته وبعد جهد جهيد دعست الضب بجيبي ونزلت ولقيته يهز ويهز ويهز بيموت وقلت للضب يالضب وش تبي قبل لا تموت قال ااه قبل لا اموت بقول لك شي وشو قل اااه وانا الي امسكه من رقبته واخنقه واقول له قل قل قل وماات الضب بين يديني والله قهر ونا الي من القهر ادررربج على راسي والقىى نفسي واقف على راسي والقىى رجولي متدودلات فوق وشو ؟؟؟ وين <<<<<<وهو صااعد للسطح يجيب المااطور لقى سرير وانسدح عليه واخذ غفوه وانا الي اعدل جلستي وانزل لامي ولقتني وقاالت هرول وين مارحت قلت لها اللحين بروح وانا الي اطلع عند باب بيتنا ادور الجيب وين الجيب ؟؟ اثر اخووي ماخذه يطاعس فيه رجعت لغرفتي وانا منقهر ولفيت راسي بالمخده ونمت وأنا كلي قهر.. انا مو مقهوور من اخوي ليه اخذ الجيب لا والله ... مقهور ابي أعرف وش يبي الضب مني قبل لا يمووت وتحياتي للجميع هرول على البراد اييه قبل لا أنسى تبون تعرفون وش كنت اهوجس فيه ؟؟؟؟؟؟؟ كنت اهوجس بالورقه الي مكتوب عليها نسيت ملح انا بعرف هل انا نسيته ولا لا ؟؟؟ والسلام ختام ..................... حقوق الطبع محفوظه للمؤلف هرول على البراد طبعاً القصه في ملاحظات جوالي .. يعني نص منقوله  |
|
    |
|
20-09-2007, 05:24 AM
|
#2 |
|
رد: تم ..هرول وطلعته للصمان ,, لاتفوتك القووصه ..
قصه حلووه
بس قريتها على الطاير بس ............... مشكور |
|
|
|
|
20-09-2007, 04:49 PM
|
#3 |
 
|
رد: تم ..هرول وطلعته للصمان ,, لاتفوتك القووصه ..
الشله ماتستقبل منقول .. لـ ام السعف ..
 |
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
:: الغاز :: بنات :: شات :: العاب :: بلوتوث :: مركز تحميل :: برامج :: افلام :: زكرت :: طبخ :: توبيكات ::
 |
 |
|||||
 |
|
|
|
|
|
|
العرض العادي
