حياة برعي في هذا التقرير (فعالية يومياتنا برمضان)

مسييييكم بالخير



أنتم طبعا تدرون أن وقتي ثمين جداً وماأحب أضيعه مع ناس دشير زيكم ( وجه يناظر الأسطوره وموافق عليها الله لا يبلانا ) <<-- أنت جاي تشارك بالفعاليه ولا جاي تضارب ؟


قررت أني انزل لكم هــ الصور وحتى أن ماعجبتكم لحد يسب والله مهب مشكلتي محد قلكم تعطوني وجه وفي أسوأ الحالات الي ماأعجبته صوري الي زي وجهي ترا عادي يحشني في الأخير بكسب حسنات منه وماهنا خساره أبد



يلا خلونا نروح نشوف وش جايب لنا برعي <-- ياحيواان لا تسوي برستيج


صراحه محتار مع أي صوره أبدأ <<--كل تراب تكفى تراك أبلشت عباد الله بخرابيطك ومصالتك


ترا الصور بحطها ومعرف حتى شلون أكتب برعي عـ الصوره ولا أصغر حجمها يعني أنا بالفوتشوب صفررر وأمتحنت كفاني عذاب ذيك المره بالخاص وأخرتها عرفت بس بالرسام وهـ الحين أضفت لمسات بالرسام وأستخدمت أخر التطورات الي فيه يمكن حتى الي أخترعو برنامج الرسام مايدرون عنها <<-- بدينا بالمهايطه وفرد عضلات


الصراحه شدني موضوع موافق عليها ومدري وهم مسوين حركات بالفتشوب وهـ الخرابيط وقلت مهم أحسن مني وأنقهرت وصابني حزن وحسيت نفسي فاشل وقفلت أبو الفوتشوب وقلت خلنا بالرسام أزين



<<<--- عطهم صورك ولا عاد تتفلسف تكفى








الله لا يبلانا ناس خاشعه وتصلي وناس ماعندها ضمير تلتقط صور ذي صلاة التراويح ترا بمسجد حارتنا ..خبركم شباب اليوم ينتظروا الأمام يركع همن يورح يكبر ويلحق الركعه ( وسألو وخروا عني بهـ الحركات ) <<-- حطها براسه







وذي العربيه (للتوضيح أقصد الطاوله لانه به ذلوخ بذا بيحسبونها قناة العربيه ) <-- والله ماهنا دلخ مثلك ... وفوق العربيه يوجد صحنين تمر الي مغطين بالقصدير ولي جمبها ذا الأصفر المشخلاتي (ماحولك أحد كذا نطقتها صح أنا ولا غلطان ؟ ) وكاسات خبركم كان يومتها في ضيوف .. ومن ضمنهم العضو اللزيز الي كان معنا بخنبقه الي ماله حس ولا خبر عــبــسي الحيوان وبهـ المناسبه الكريمه أهدي له أغنية آه ونص .. ياعيااال أغنيه هادئه لو سمحتووا






نفس الصوره بس من قرب <--أماا طيب أحلف ؟







طبعا أنتم تعرفون أنه بــرعــي وعبسي يوزران أطخمان تكسونا الرقه والنعومه ورومنسين وكذا ( أييه صدقتك ) قلنا نبي فكة الريق والتمر وكذا ناكلها عـ جو هادئ بـ الحوش ببيتي أنا <<-- خلاص ياخي فهمنا






نفس الصوره تقريبا بس بعد الأذان وكذا وبالظلمه طالعه محلوه الصوره زياده






وهذه صوره للطاوله حقة الحرررريم مكان ماأكلو ..طبعا تلاحظون فاضيه مافي صحون ..مهب ذنبي مقدر أصور الحرييم عييب والله حنا هـ الموسم بشهر فضيل الله يتقبل منا ومنكم <-- أيه جزاك الله خير



وذا المطبخ قدوووور وحوسه ..والله ماأطيق أقعد فيله دقيقه خاصه لا كنت قدام فرن ولا تسذا .. وحراه تصب بوجهك وتلسع ..الله يكون بعون الأمهات بس ..ماعلينا قدر فيله رز ولي فيه معجنات ..والله تراها من راسي أجل معجنات في قدور




وذا مجلس الرجال ..الي كنا فيه أنا والحيوان ( عبسي ) الكرسي الي بركن الصوره بـ اليمين مكان برعي وذاك الي جمبه بعد مكان ماجلس عبسي <-- أقول ماودك تلقطنا بدسكاتك






آهــا بس نجي هنا لسفرة رمضان وهلم المجرى ( والله لو مايجي من هـ الموضوع الا هل الكلمه تكفي) ..زي منتو شايفين المأكولات وهـي عـ النحو التالي ( منتو _ سمبوسه_ شاورما _مطيق بالموز _و كبسه _ وحاجه معرف أسمها والله ذاك المربعات وعصيو توت وليمون ) وملعقتين رز ..تحط عليها بصل ثم تحميها بعدها تقشر <-- أقول ماتحس أنك مسكت خط
صراحه بعد هـ التقرير مالكم حق تنادوني حاف كذا برعي لازم الشيف برعي <-- تراك مصختها




بعد كل هـ الهبال سكرنا (وهل رأى الحب سكارى مثلنا ) جبت كتب أخو عبسي وتقمصت شخصيه بأكشن ( سكريم) وقعدنا نذبح بهـ الكتب .. ماننلام سكرنا <<-- أقول هـ الحين ورى ماتنقلع أنت وصورك ؟




باخر الليل رحت أنا لبيت عبسي خبركم نظام شفتات وصورت لكم غرفته









وبأخر الليل قررنا نسوي أكل ياباني وياريتناه ماسويناه أطباق اليابانين سوشي ...الخ
يس صراحه أمتاااااع ياشيف عبسي ترا اليوم جايك بعد <-- يولف بسرعه









فهد و شليويح هههههههه أمزززح ياحبني لكم بس <-- يقالك رقعتها الحين ؟

ذول الكلبين في حوش عبسي ..والله أني ماأداني هـ الكلاب ولاأطيقهم



ماحولك أحد ودودي كلو تبن <- لعانه وفي نفس الوقت تنفع خاتمه لموضوعي

آآآآآآآآآه بس ..تعبت ..سلااام

ميس بينك

	اقتباس
	برعي برب....

وهـ بس ياحظي ميس بينك بعينها أشوف الباك حقك طول الظاهر أنتس دقيتي على 702 وفصلت الخط عشان تمخمخي عـ الموضوع ..ومعاد رجعت الحراره
أنتظرك <--ورده معفنه للون المعفن