|
|
|
|
التسجيل | إسترجاع كلمة المرور | تفعيل العضوية | طلب كود تفعيل العضوية | إتصل بنا
02-10-2007, 01:40 PM
|
#1 |
 
 |
كان ياماكان في سالف العصر والاوان
هذي قصتن اخترتها لكم من كتابي (السواليف القديمة اللي عليها القيمة)  هذا واحدن يقاله ابو مرداس رجالن عمره 32 سنه معه شهادة المتوسطة وموظف بأدراة التعليم على بند الاجور يعني 2000وشوي او مدري كم المهم انه كان فراش يزين للموظفين الشاهي وكيذا وكان عربجي مره ويستانسون عليه الموظفين حتى انهم الصبح برمضان لا صار مالهم خلق مع الصوم يقولون له تعال مثّل لنا تمثليات وكيذا وكل واحد يعطيك ريال <<<< والله المخفة بعد مسيكين بس ريال تراه يحكي  المهم ان ابوه كان عنده مرزعه ولين طلع من الدوام يروح لأبوه بالمزرعه ويتقهوى عنده ويجلس يروس بهالزرع ويعلف الغنم وكيذا ويومن من الايام وهو جالسن بالليل ويهيجن على روحه بهكا الليلة القمرى ويقول يالعين لتس بالهوى لفتة = منتي على دين الاخواني <<< اقول كل تبن بس  الا يشوف ذاك التسلب التسبير اللي كله فرو وحركات يقرب لمه وهو ابو مرداس تروع منه وقام قلبه يرجف ويناظر ولا بجمبه مربوعه وياخذها ويصفق التسلب لين بغى يموت ويربط رقبته بسلسله ويخليه بجنب غرفة العامل  <<< ان تسان العامل رجال لايقوم بصلاة الفجر ويصلي وينحر النخل  ويقوم ابو مرداس ويعتني بهالتسلب ويصرق له من دجاج المزرعة اللي بجنبهم ويعطيه ياكل <<< هذا والله النذل الحقير الين حبه التسلب وقام يتمسح فيه وفك حبله ابو مرداس وخلاه يتمشى بالمزرعه عادي ولا يربطه ولا شي وصار هالتسلب يسرح بالغنم ومثل الراعي لهن وابو مرداس جازت له الشغله يعني تسنه الامريكان العرابجه ذولا اللي يلبسون فنايل مشققه ولا ابن امه يقدر يتكلم عليه عشان عنده هالتسلب المفترس لا وزيادتن على تسذا يحبه التسلب  <<< كفوه والله  بيوم من الايام حب هالتسلب انه يمزح مع خويه ابو مرداس وصطره كف مع وجهه ولا قام ابو مرداس من الغيبوبة الا بعد يومين وهوبالانعاش <<<< هذي موب يد هذي كهرب 220ويجي يزوره واحدن من ارفقا اخوه التسبير وكان تاجر وولد نعمه ويسأله قال وش هالتسلب اللي عندك وكيف تمزح معه وهو يسوي تسذا قال ابو مرداس انت خبره بالتسلابه ياتسلب <<< عاد بدى الذب لا طلعت من المستشفى اوريك اياه <<< وصخ اللهم اني صايم المهم ويطلعون ويروحون يشوفون هالتسلب يوم ان خوي اخوه بغى ياقف قلبه يوم شافه  قال ابو مرداس وشو ذا منين لقيته منتب صاحي وربي  وابو مرداس يناظره ولا يدري وش السالفه قال ياصنعوب وش السالفه <<< والله ياعليه اسم بعد قال له صنعوب هذا التسلب يسوى له اكثر من المليون وانا ما راح اطلع من هنا الا انا مشتريه منك ويجلس يضحك ابو مرداس طول حسه <<< يعني يقهقه لغير الناطقين بالسعودية  وابو مرداس يقول اجل مليون هاه نعن الله ابو اللي انت تسلبه ياتسلب لاقيني انت تبي تخف بي ترى راس ماله تسلب بس انا مافيه امل افرط فيه لأني من سفّرت البنقالي اللي يسرح بالغنم وهالتسلب مكفيني راتبه يعني اكله ومن دجاج الجيران انا وش بخسر <<< وتعترف ياحقير لزّم عليه صنعوب وهي تفلخ عيون ابو مرداس <<< تفلخ يعني تفتح <<< الله من زين الشرح بعد قال تشتريه مني بمليون يا صنعوب صادز انت والا تمزح ؟ قال صنعوب لا والله الا صادز وفلوسك يصيرن عندك بعد العصر هاه وش قلت قال هاه طيب من يرعى بالغنم <<< يالله والله وجه فقرن يستحي من خير المهم ان ابو مرداس وافق على المليون وراح وفصل من وظيفته وقال لأخوياه من يهز لي وسطه مثل الرقاصات واعطيه خمسمية ريال <<<< يبي يذلهم ويبرد حرته يوم انه يتميصل على شان ريال  ويفتح ابو مرداس محل متخصص ببيع التسلاب ويصير احسن تسلب أأأأ قصدي احسن واحد يعرف بعلم التسلب حتى يحلفون انه بتالي عمره صار دختور بيطري متخصص بالتسلاب <<< لا يكثر بس  مايستفاد من هذه القوصه الماصله :1- اذا شفت لك تسلب بالصناعيه حتى لو شكله تسنه سلقه لا تستهين فيه يمكن يجيب لك مليون <<< تبطي عظم 2- اذا بغو واحد من هالتجار يشتري التسلب اللي بمزرعتكم لا تعيي لو يقول لك بخمسطعشر ريال  >>>>> والله من زين الفوائد اللي تسنها خشتك برب التعديل الأخير تم بواسطة A S 6 O R H ; 06-10-2007 الساعة 04:38 AM. |
|
    
|
|
02-10-2007, 05:46 PM
|
#2 | ||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
رد: كان ياماكان في سالف العصر والاوان
إلعبن يا البيض والدنيا رخيه = ما دخلنا دين هطلان الاذاني 
يروح يوريه اياه في مراح الغنم كلبهم حريصن عليهن الله يحفظه ما يفارقهن
هذا قولت المثل اللي يقول : خذ خير ،قال ما معي ماعون (ماعون = صحن )
يعني رايك اني آخذ أليكس وأربيه وأشوف كم يسوى بعدين << اللهم اني صايم
تيت يا بعدهم ،، ولا تفتر عن كتابة مثل هالروائع والدرر الثمينه التعديل الأخير تم بواسطة A S 6 O R H ; 06-10-2007 الساعة 04:40 AM. |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
02-10-2007, 06:11 PM
|
#3 |
|
رد: كان ياماكان في سالف العصر والاوان
حي الله الأصمعي  تو الشله نوّرت يا رجل  كاتب لا يشق له غبار أثبت وجوده بردوده أجل كيف مواضيعه  والله أني أستانس لمن أقرى لك موضوع أو لعيار تحس أنه الواحد من جد يقرا موضوع عياري  ماهيب مواضيع هـ اليومين ( رحت وجيت وأخذنا وياحبيلك يامزني وبعدها ركبنا الباص ههههه ومن هـ الحتسي الي انت تخبره ) واسمح لي الحين انسخ الموضوع للوورد عشان امخمخ عليه اكثر وأرد بضمير  بررب |
|
|
|
03-10-2007, 03:27 AM
|
#4 |
 
|
رد: كان ياماكان في سالف العصر والاوان
يالله حي الأصمعي
 اسفرت وانورت يابوي وشلونك عساك بخير ونعمه يالتسلب << ترا منب اسب بس تسني اقول يا اللي تسوى مليون ماهنا فرق اولا  الصدز ان خويك حظه طايحن من السما اجل باع تسلبه بمليون اهب والله << تني بقروشه قرضتهم الفيران عاد تصدق لي خالتن تحب تشري الساعات التقليد ام 20 ريال من الروسيات اللي يبصطون قبال الحرم الصدز اني مدري وش غرضها بس اني معها معها ومير مرة من المرارير وهي بمحل الذهب واثر الرجال اللي يبيع مغير يوايدز على ساعة خالتي وهي تاشر تسذا وتسذا وهو مغير عييناته طايره واقوم عليه وألشطه بسير شنطتي قلت : لعنبوك ما تستحي تناظر يدين خالتي وانا لا  قال لا وشسمه اقول يا اختي الساعه اللي بيدتس راحت بخمسه وش قلتي ؟؟ اومير تشهق خالتي هيييييييييييييييييء خمسميه ؟؟؟ قال لا خمستلاف اومير يغمى عليها قالت انت صادز ولا تقوله تجر حتسي مني يا سالفل يا حقير يا منحط ياللي فيك ما يخطيك قال والله والله والله العظيم والله اني صااااااادز واقول لتس هذي خمستس وحطي الساعه على هالطاوله وتوكلي على الله اوميييييييييير تغلى الساعه بعين خالتي غدت تسنه ورث امن جابتها تعنقطت بيدها وطلعت من المحل مسرعه تخاف احد يرقها ولاش لعنبوتش شاريتها ب 20 ريال لو قالتس هاتيها بخمسين المفروض تحبين راسه وتعطينه اياه بس عاد وش تسوي بجور الحريم غلت بعينها هالساعه والى حينك ماعاد شفناها مغير مخشوشتن بالتجوري تقل كنوز غندور وه بس حامت تسبدي  اقول تسني قطيت بموضوعك يابوي الزبده يا اخ الاصمعي ان قصتك ظريفتن جدن جدن وجزاك الله خير وجعلها في موازين حسناتك الفق تحياتي << عسى ما يصير ردي اطول من القصه التعديل الأخير تم بواسطة ma 7olik ; 03-10-2007 الساعة 03:32 AM. سبب آخر: عندي مشكله بحرف السين :d |
|
|
|
|
03-10-2007, 09:09 AM
|
#5 | ||||||||||||||||||||||||||||||||||||||||||||||||||||||||||||
 
|
رد: كان ياماكان في سالف العصر والاوان
 <<<ذيبان 
ياحنين بابو مرداس صدق ان قلبك طيب بس تسني قريت انه هو اللي لافعن الكلب
لا والله يحبه عشان الدجاج مهب زينن في ابو مرداس السبهه جوع كلبك يرجعلك
الحين من اللي صفق من التسلب صفق ابو مرداس طيب ماقاله امزح معك يالزاحف <<<مهب تسلب ذا
كلب تبن ياكلب <<مهب انت صعنوب الاصمعي على تبن موضوعك رهيب قريته كله ابشرك التعديل الأخير تم بواسطة A S 6 O R H ; 06-10-2007 الساعة 04:42 AM. |
||||||||||||||||||||||||||||||||||||||||||||||||||||||||||||
|
|
|
||||||||||||||||||||||||||||||||||||||||||||||||||||||||||||
|
03-10-2007, 09:47 AM
|
#6 |
|
|
رد: كان ياماكان في سالف العصر والاوان
مثبت <-- يلعن أم الفله ياشييييخ الين أرد عليك ياخبل برايفت ماحولك أحد هـ الحين كذا صح ولا في شي غلط ؟ <-- فضيحه |
|
|
|
|
03-10-2007, 02:23 PM
|
#7 |
|
رد: كان ياماكان في سالف العصر والاوان
برب برب يا اصمعي التسلب
>> قرى القصه وناداه اخوه وخرّب عليه جوهلي عودهـ ياسربوت سواليف قديمه اجل هاه! محجوز لعيون الاصمعي |
|
|
|
|
03-10-2007, 04:02 PM
|
#8 |
|
|
