|
|
|
|
التسجيل | إسترجاع كلمة المرور | تفعيل العضوية | طلب كود تفعيل العضوية | إتصل بنا
|
|||||||
التسجيل السريع مُتاح
|
|
|
LinkBack | أدوات الموضوع | انواع عرض الموضوع |
24-10-2007, 02:54 PM
|
#1 |
 
|
قصة دغيّم الظلماوي والامير محمد بن رشيد
قال دغيم الظلماوي :
ياكليب شب النار ياكليب شبه && عليك شبة والحطب لك يجابـي وعلي أنا ياكليب هيله وحبه && وعليك تقليـط الـدلال العذابـي وادغث لها ياكليب من سمر جبه && وشبة الي منه غفى كل هابـي باغي ليا شبيتها ثـم قبـة && تجلـب لنـا ربعـا سـراة غيابـي بنسريةً ياكليب صلفا مهبه && لاهـب نسناسـه تقـل سـم دابـي سراة بليـل وناطحيـن مهبـه && متكنفيـن وشوقهـم بالعذابـي الوالمة ياكليب عجل بصبه && والرزق عند اللي ينشى السحابـي فلمن سمعها الامير محمد الرشيد ،، استغرب من البيت الاخير اللي كتبته وقال: كيف يسمي قهوته بالوالمه !! أكيد ان قصده انها جاهزه 24 ساعه  ،،،وفي ليله من الليالي السرمديه  اخذ بعض الاخويا وقصد دغيم الظلماوي ،، يبي يتأكد من الوالمه هي والمه والا لا  مالكم بالطويله ،، همن يوم وصلوا لـ دغيم ،، حياهم وقلطهم وصب لهم من الوالمه اللي على النار،، فقال الامير فقال الأمير وشتامر كليب بشب نارك؟ ( كليب على ما اعتقد انه صبي دغيم ) رد عليه دغيم كالتالي : مده رهن لولاك ماقلت ياكليب && ولا قلت شب النار وصر موقدا له في ليلة تجدع سواة المشاهيب && نسرية تلصق خليل لخله نطعن بعزك ياحصان الاطاليب && عسى الله جمع حزمتك ما يفله يالجوهر الناريز يالمسك يالطيب && يا عنبرا من جربه مايمله تكفي محاليب وتملى مجاليب && وكبد تيبسها وكبدا تبله ياطير شلوى مالقي بك عذاريب && لو تستحتي ما تجمع الطيب كله يا بو اليتامى والارامل ومن عيب && وأبوا لمن صار العصى ثالث له وابو المحرول والاعمي والمحاديب && ومن ضامته بعقاء تصير ولدا له أن كان هرجي به عليكم عذاريب && سامح عسى اللي عقبك بألف حله مده رهن لولاك ماقلت ياكليب && ولا قلت شب النار وصر موقدا لـه في ليلة تجـدع سـواة المشاهيـب && نسريـة تلصـق خليـل لخلـه نطعن بعزك ياحصان الاطاليب && عسى الله جمع حزمتـك مـا يفلـه وهذا البيت الاخير هو مربط الفرس ،،  ،، وباقي الابيات والله ما اذكرها ،،،هذي سولافتي عليكم ،،،،، وتوته توته خلصت الحدوته  |
|
    |
|
24-10-2007, 03:25 PM
|
#2 |
 
|
ياكليب شب النار
ابو جوزيف
اول شي اقول لبى قلبك وانا جاهدت وغامرت وانذليت للحقير الاسطوره لين ضبط لي موضوعك القيّم اللي اول مره بحياتي اقراه بقيته انا اعرف القصيده بس بقية القصه ما اعرفها وهالحين عرفتني فيها لذا موضوعك مميز ويستاهل التثبيت والخمس نجمات اللي اصكهن على جبهتك ولي عودهـ واسمح لي ببعض التعديلات بقصتك ومافيه شك ان لي عودهـ اليمه ببعض الحاجات اللي تخص هالقصه ياراوينا الجديد  |
|
|
|
|
24-10-2007, 04:59 PM
|
#3 |
|
|
رد: قصة دغيّم الظلماوي والامير محمد بن رشيد
 تثبيت مره وحده الله يجبر بخاطرك ياللاذع ان كانك نفخت راسي ونجوم بعد  شوي واتمشع جلدة راسي انتظروني كل يوم أقول لكم قصة قبل النوم والموضوع تحت تصرفك ،، انت أبوها وسمها أبحاول ياللاذع اني أجيب باقي الابيات بس خبرك هالايام اختبارات ونكد  ( لا احد ينقز لي ويقول تكد جح والا جرو ) لكن بحاول في القريب ان شالله ،، |
|
|
|
|
24-10-2007, 09:26 PM
|
#4 |
|
|
رد: قصة دغيّم الظلماوي والامير محمد بن رشيد
ابوجوزيف
من جد مبدع وموضوعك هو اللي ثبّت نفسه وانا اخوك ولا تحرمنا من مثل هالقصه الحلوه بنتظار بقية القصه لو بعد شهر  << باله وسيع اهم شي دراستك يا ابوجوزيف  |
|
|
|
|
25-10-2007, 01:00 PM
|
#5 |
|
|
رد: قصة دغيّم الظلماوي والامير محمد بن رشيد
سالخير ،،، هذي الابيات كامله للجزء الاول
:قال دغيم الضلماوي الشلاقي الشمري: ياكليب شب النار ياكليب شبه && عليك شبة والحطب لك يجابـي وعلي أنا ياكليب هيله وحبه && وعليك تقليـط الـدلال العذابـي وادغث لها ياكليب من سمر جبه && وشبة الي منه غفى كل هابـي باغي ليا شبيتها ثـم قبـة && تجلـب لنـا ربعـا سـراة غيابـي بنسريةً ياكليب صلفا مهبه && لاهـب نسناسـه تقـل سـم دابـي سراة بليـل وناطحيـن مهبـه && متكنفيـن وشوقهـم بالعذابـي الوالمة ياكليب عجل بصبه && والرزق عند اللي ينشى السحابـي صبة لقرما صرفته ماحسبه && يوم البخيل مكنهب الوجـة هابـي وصبة لمنعورين ليا جاة نبة && يرخص بعمره والدخل لها ضبابي وعدة عن اللي مايداري المسبه && اللي يدور بالقصيـر الغيابـي عن الطيب عده نازلا له بغبه && يضرب علي درب الخطا مايهابي لا باطن الهلباج خطوا الجلبة && يا حلو خبط عصيهـم بالركابـي أطمر لهم وأبدي سلام المحبه && لا جو على هجناً يديهم خرابـي سلام أخلى من شخاليل جبه && وأحلى من السمن الجديد العرابي مع كبشً مصلاح راسه نجبه && لا أدبـر الهيـن متيـن العلابـي خطو الولد يوم الملاقي نكبه && يأتي علينا من حسـاب الزهابـي وحتى ايش لو يلبس وبينن وجبه && معيرة على غضير الشبابـي أنا لقيت الصبر يازين غبه && يرقيك رؤوس مشمرخات الهضابي من لاصبر ياكليب في حكم ربه && هذاك يوم البعث ماله ثوابـي يقولها اللي ما حسب المسبه && ولا عرقل الاجواد ببعض الهلابي هذا هوى بالي وهذا مطبه && من قبـل مايسفـح علينـا الترابـي وهذي الابيات لاعتذار دغيم من الامير محمد : مده رهن لولاك ماقلت ياكليب && ولا قلت شب النار وصر موقدا له في ليلة تجدع سواة المشاهيب && نسرية تلصق خليل لخله نطعن بعزك ياحصان الاطاليب && عسى الله جمع حزمتك ما يفله يالجوهر الناريز يالمسك يالطيب && يا عنبرا من جربه مايمله تكفي محاليب وتملى مجاليب && وكبد تيبسها وكبدا تبله ياطير شلوى مالقي بك عذاريب && لو تستحتي ما تجمع الطيب كله يا بو اليتامى والارامل ومن عيب && وأبوا لمن صار العصى ثالث له وابو المحرول والاعمي والمحاديب && ومن ضامته بعقاء تصير ولدا له أن كان هرجي به عليكم عذاريب && سامح عسى اللي عقبك بألف حله مده رهن لولاك ماقلت ياكليب && ولا قلت شب النار وصر موقدا لـه في ليلة تجـدع سـواة المشاهيـب && نسريـة تلصـق خليـل لخلـه نطعن بعزك ياحصان الاطاليب && عسى الله جمع حزمتـك مـا يفلـه يالجوهر الناريز يالمسك يالطيب && يـا عنبـرا مـن جربـه مايملـه تكفـي محاليـب وتملـى مجاليـب && وكبـد تيبسهـا وكبـدا تبلـه ياطير شلوى مالقي بك عذاريب && لو تستحتي ما تجمع الطيـب كلـه يا بو اليتامى والارامل ومن عيب && وأبوا لمن صار العصى ثالث لـه وابو المحرول والاعمي والمحاديب && ومن ضامته بعقاء تصير ولدا له أن كان هرجي به عليكم عذاريب && سامح عسى اللي عقبك بألف حله وعقبة قال الامير محمد العبدالله يالضلماوي قال نعم قال والله ماتشري غير ماشريته مدام انا حي كل مااحتجت تجي يمي وتاخذ حاجتك ((( في ابيات الاعتذار ،، في البيت الثالث ،، كتبت ( نطمع ) ،، والصحيح ( نطعن )،، يا ليت ياللاذع تآخذ البيات اللي هنا وتحطها بدل اللي في الرد الاول ،، ما عندي خاصية التحرير ))) |
|
|
|
|
25-10-2007, 07:39 PM
|
#6 |
|
|
رد: قصة دغيّم الظلماوي والامير محمد بن رشيد
عدلناها يابوجوزيف لبى قلبك
وعلى ان مافيه الا انا وانت اللي نرد بهالموضوع الى المعرض بعد اكتما الردود  |
|
|
|
|
25-10-2007, 08:01 PM
|
#7 |
|
رد: قصة دغيّم الظلماوي والامير محمد بن رشيد
دام الموضوع بيطس المعرض أجل خلني أرد كود يطلع أسمي بالمعرض
ودو ردي المعرض بعد ترا بصيح وقسم .!  <<-- أبو جوزيف ياخي تنزل موضوع وماتقلي والله مالك داعي |
|
|
|
25-10-2007, 09:27 PM
|
#8 | ||||||||||||
|
|
رد: قصة دغيّم الظلماوي والامير محمد بن رشيد
تفوووووووووو ياشيخ  << -- متعقد من التفال برعي برعي يا استاذي الهكر الغالي انت رد واحد من ردودك يروح للمعرض وهو يضحك يسلم لي حظورك ياغبي   |
||||||||||||
|
|
|
||||||||||||
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
:: الغاز :: بنات :: شات :: العاب :: بلوتوث :: مركز تحميل :: برامج :: افلام :: زكرت :: طبخ :: توبيكات ::
 |
 |
|||||
 |
|
|
|
|
|
|
العرض العادي
