تسريــع التـحمــيل في جـهـازك (الفعالية الرمضانية)

الـسلام عليكم ورحمة الله وبركاته، كيف الحال يا مخنبقين ويا مخنبقات ؟انا حاب اشارك معكم في فعالية التقني اللي فاتحينها لنا بنده وبرنقلز، اناداري اني ما سجلت معكم من الأول، لأني والله ما انتبهت لها بس انا تكلمت مع الأخت بنده وسمحت لي بالتسجيل المتأخر، و والله الأخت ما قصرت معاي ابد.

اليوم راح نشرح لكم أنا و.. اي اصبروا ترى مسجل بحالي يعني ما معي احد بالفريق شسوي محد يحبني ومحد يبيني من يوم اني صغير والناس دايم تقول لي انت مافي منك فايدة بس زيادة عدد و زيادة زحمة وسبب في نقص الاكسجين بس انشالله اليوم نبي نثبت لهم العكس

اي اكمل كلامي، اليوم راح اشرحلكم طريقة فعالة ومضمونة تقدرون تسرعون فيها التحميل على اي برنامج تبونه،والطريقة هذي اسمها الـ بورت فورووردينق (Port Forwarding)

اول شي حاب اشرح لكم وش معناة هذه العبارة وكيف راح تسرع لكم التحميل،في كم شي لازم تعرفونه اول قبل لا تعطيكم الشرح:

1- كل جهاز تتصل فيه على الانترنت، لازم يكون فيه IP

2- كل IP فيه بورتات واجده، واذا جيت تحمل من اي مكان، فإن السيرفر اوالكمبيوتر اللي جالس تحمل منه جالس يرسل بورتات من الـ IP حقه الى الـ IP حقك

3- البورت الواحد ما تقدر تستخدم فيه الا برنامج واحد في وقت نفس الوقت.



اوكي الحين يبدأ الشرح الفعلي..

حنا في البداية راح نشتغل على موقع، وهذا الموقع راح يسهل العملية لنا.



http://www.portforward.com/english/r...outerindex.htm



اول شي ادخلوا الرابط اللي فوق، واختاروا اسم المودم اللي عندكم، اول شي الشركة المصنعة بعدين اسم الموديل اللي عندكم << حلوه موديل

ايه انا راح اختار Speed Touch --> لأن هذا هو المودم اللي عندي



بعد ما تختارون المودم اللي عندكم، راح تطلع لكم لستة كبيرة بقوة، فيها تقريبا اسم كل برنامج بالعالم ، احنا خلينا نختار لنا برنامج تورنت، ولا وش رايكم؟ عاد اللي يبي غير التورنت ياخذ شي ثاني، بس انا باخذه كمثال يعني وراح ااخذ برنامج التورنت اللي انا استخدمه اللي اسمه http://img337.imageshack.us/img337/6...2007189ns0.jpg
ايوه من وين طلع هذا الرابط << كان يوري خويته صوره وهو صغيٌر وسوا paste للرابط بدال اسم البرنامج
اي البرنامج اسمه

Utorrent

ويا WOLF وخر عني ترى سامعين لك علوم تثبت انك تحب الوراعين،
المهم تطلع لكم صفحة جديدة، وطبعا مثل ما تعرفون، معظم البرامج اللي فيها تحميل يكون فيها بورتات لتسريع البرنامج، على العموم لازم نعرف وش البورتات اللي لازم نستخدمها، اذا ما كان في برنامجك بورتات فاسحب على هذه الخطوة.

كيف تطلع البورتات اللي في البرنامج؟ الحين اعلمكم..



مثل ما انتم شايفين تظغطون على Options -- Preferences

بتطلع لكم قائمة شكلها كذا:



افتحوا Connection

راح تلقون شي اسمه Port

طبعا هو تقدر تغيره، بس حنا خلينا نستخدم اللي موجود، على سبيل المثال: 6112

بعدين ارجعوا للموقع اللي عطيتكم اياه، وراح تلقون شي شكله زي كذا



هنا دخلوا رقم الـport اللي طلع لنا

وذا خلصتوا هذي الخطوة، واعيد واكرر اللي برنامجه مافيه بورتات يسحب على ام ذي الخطوة سيفون.

الحين لازم مثل ما طلعنا البورتات نطلع الـ IP

وحنا ماشالله خدمة السعودية من كثر ما هي متطورة، كل ما عدت مودمك طلع لك IP جديد، تشوفون التطور

المهم، نطلع الـ IP بالطريقة التالية:

نضغط على ابدأ (START) بعدين RUN بعدين بتطلع لنا دريشة فيها كذا:



اكتبوا داخلها command وبعدين OK

بتطلع لكم ذيك الشاشة السودة تقول طلعت لك من الشاشة طقاقة تكرونية سمينة من النوع اللي يحبه WOLF



وبعدين اكتب على بطن هالطقاقة العبارة التالية: ipconfig /all

بس انتبه لا تدغدغها وانت تكتب، تراك بتروح غلطة!!

اهم شي، بيطلع لكم كلام وقرقة واجدة



ابيك تسجل بعض المعلومات اللي طلعت لك، لأننا بنحتاجها بعدين، والمعلومات هي: IP Address, Subnet Mask, Default Gateway, DNS Servers وطبعا الارقام اللي قدامهم

وطبعا الـ IP Address هو الـ IP حق جهازك

الحين نبيكم تفتحون الـ START مره ثانية وتختارون Control Panel وبعدين Network Connections



يمكن يكون عندك كونيكتشنز واجدة، ابيك تختار الكونيكتشن اللي تتصل منه على الانترنت

اذا منتب متأكد اي واحد منهم حق الانترنت، جرب تسوي لهم disable واحد واحد، وكل ما سويت disable لواحد افتح اي شي فيه انترنت وشوفه يشتغل ولا لا، اذا وقف وما قام يشتغل معناته هذا هو حق الانترنت

المهم اذا عرفت اي واحد هو افتحه وبتطلع لك شي زي كذا



افتح Properties

وبيطلع لك شي زي كذا:






اضغط على Internet Protocol(TCP/IP) بعدين Properties



بعدين بيطلع لك شي زي كذا:








الحين قبل لا تعدل اي شي، سجل المعلومات اللي كانت موجوده من اول، عشان اذا صار شي غلط تقدر ترجع الاعدادات القديمة



بعدين ارجع للمكان اللي خليتك تسجل فيه المعلومات اللي طلعت لك من بطن التكرونية السمينه



وكل حط المعلومات هنا، يعني مثلن قدام الـ subnet mask حط الرقم اللي طلع لك قدام الـ subnet mask في بطن التكرونية

واذا خلصت اضغط اوكي

الحين نبيكم تفتحون صفحة انترنت، ودخلوا العنوان اللي يوديكم الى صفحة المودم، العنوان هو 10.0.0.138


طبعا كل مودم صفحته تختلف عن المودم الثاني، المهم نبيكم تدورون على زر اسمه NAT



الحين افتحوا صفحة انترنت جديدة واتركوا صفحة المودم مفتوحة. وادخلوا على هذا الرابط:

http://www.portforward.com/english/r...0/Utorrent.htm

ابيكم تدورون على شكل كذا:



بتلقونه تحت مره، في المربعين اللي موجودين فوق دخلوا المعلومات اللي طلعت لكم من بطن التكرونية، بعدين اضغطوا على الزر اللي موجود تحت "Find Static IP Addresses"

وفجأة كذا، بتتعبا الخمس مربعات اللي تحت

هذا الخمس مربعات اللي تحت سجلها عندك، خلي الأول لنفسك، والاربعا الباقية عشان اخوانك ولا اذا احد يستخدم نفس المودم حقك ويبي يسوي ذي الطريقة بعد، وااخر حبه للي تحبه

اهم شي الحين ادخلوا الرابط هذا:
http://www.portforward.com/english/r...0/Utorrent.htm

ونزل الين ما تلقى شي زي كذا


ودخل اول رقم طلع لك من المربعات الـ 4 اللي قبل شوي.

بعدين نزل الصفحه تحت مره الين ما تلقى زي كذا



بعدين ارجع لصفحة المودم اللي فتحت فيها الـ NAT

وبتلقى شي زي كذا، صح؟



وطبعا مثل ما قلنا يفرق شكل الصفحة من مودم الى مودم، بس تقريبا تقدر تقول نفس الشي.

المهم انقلوا المعلومات اللي موجوده عندكم الى الفراغات اللي موجوده بصفحة المودوم.

وكذا نكون خلصنا

والله داري اني طولت عليكم ولحست مخكم بس النتيجة تستاهل الصراحة، على العموم اتمنى اننا فدناكم

واحب اشكر اختي بنده واخوي برينجلز على الفعالية وما قصروا معانا ابد

أخوكم، ولد الجيـــران

	اقتباس
	انا حاب اشارك معكم في فعالية التقني اللي فاتحينها لنا بنده وبرنقلز

	اقتباس
	كان يوري خويته صوره وهو صغيٌر وسوا paste للرابط بدال اسم البرنامج اي البرنامج اسمه

الله الله كل ذا ويقولون عنك بس زيادة عدد !! <
شكل الهذا قوووووي

ماعرف موديل المودم والهذي الاشيـاء .. اذا عرفته بجي واسوي الخطوات اللي قلت عليها
واي شي ما افهمه ولا اعرف اسويه بجي انشب لك ..
مع ان التحميل عندنا مايحتاج من اقوله حفظ والا قايلن اكتمل التحميل < اي هين ..
شكرن مرهـ ياولد الجيران .. وين ازوفـا تجي تاخذ عبرهـ منك ماشاء الله كل ذا الإبداع والشسمه وانت لحالك
< آويلي

بالتـوفيق لفريقك

..

ياخي وش تبيني نجيب مجهر ولا ترسكوب فلكي ؟

غير اللون المخيس عشان الواحد تنفتح نفسه ويجي يرد

بإنتظار التغير