[ "" Desperate Housewives "" ]

Panda · 15-11-2007, 06:23 PM

Desperate Housewives

هذا من أروع وأحلى المسلسلات الأمريكية اللي تابعتها في حياتي
بس حسيت ان أغلب اللي هنا ماعطوه وجه ولا شافوه
لأن محد قد تكلم عنه أو طلبه في موضوع الطلبات

..ويعتبر هالمسلسل أقدم من برزن بريك..
يعني الحين دسبريت هاوس وايفز نزل منه ثلاث مواسم..وكم حلقة من الموسم الرابع...
أنا شفت موسمين.. وحالياً قاعدة اشوف الموسم الثالث..وبصراحة روووووعة وشدني المسلسل من أول حلقة

***

Desperate Housewives

يعتبر من أكثر المسلسلات الشعبية في أمريكا..
ولاقى نجاح هائل في كل انحاء العالم من موسمة الأول

..وكل الممثلات اللي شاكوا في هالمسلسل ماكانوا معروفات ولا مشهورات..لكن بعد المسلسل صاروا من أشهر النساء في أمريكا..

***

الشخصيات الرئيسية في المسلسل :

[..ماري أليس..]

وهي جارتهم وصديقتهم اللي انتحرت..
وتبدا أحداث المسلسل بانتحارها..

[..لينيت..]

وهي حرمه أطفالها مالين عليها حياتها ..وأهم شي في حياتها كيف تربيهم

[..بري..]

شخصية غريبة!! تعشق الكمال والنظافة..وتملك أنظف وارتب بيت في الحي..
أهم شي عندها المنظر الخارجي

[..سوزان..]

وهي امرأة مطلقة ولها بنت...
ودايما حظها شين..وتسعى دايما لحياة كريمة لها ولبنتها..

[..قابرييل..]

وهي عارضة أزياء سابقة..
تركت عرض الأزياء عشان تتزوج رجل أعمال غني..
لكن بعد ماتزوجته..صار لاهي عنها..ودايم يطلع..وبدت تحس بالوحدة

[..إيدي..]
ماحبها هذي

هذي أهم شي عندها لبسها ومظهرها..وكيف تغري الرجال..
ودايم بينها وبين سوزان مشاكل

***

برب شوي

Panda · 15-11-2007, 06:33 PM

صور متفرقة من المسلسل :

***

هذي لقطة لأول دقيقتين من المسلسل:

Panda · 15-11-2007, 06:35 PM

ألحين نزل ثلاث مواسم كاملات من المسلسل...
وان شاء الله بجيب لكم روابط التحميل قريب

كفاني عذابـ · 15-11-2007, 06:41 PM

بندهـ ..!

وهـ بس

الله لايضرتس ويخليتس لنا

وشسماه انا ابي برزن بريك يمدحونه وبعدين بشوف ذا

وشسماه يعطيك ربي العافيه

قديم · 15-11-2007, 06:46 PM

يسلمو على ها التغطية الحلوة

بس هل المسلسل مدبلج قصدي مترجم <<ثقافته مكسيكية

ثاني شي قلتي انه اكثر المسلسلات شعبية
يعني اكثر من ذا فرندز <<يمدحونه مدرسين اللغة الانجليزية

تحياتي وتحملوني <<عارف انه ثقيل طينه ههه

A S 6 O R H · 15-11-2007, 06:53 PM

[..قابرييل..]

لو ما يجي بها الموضوع غير هـ الطخمه هي ولونها نقول يستاهل التثيبت وما ودي اتهور اكثر من تسذا واقول للمعرض <-- مراقب يخق مع الصور خخخخخخخخخخخ .

بنـدهـ ان الله هداني لها الامور شفت المسلسل هـ الحين فلم 3 او 4 ساعات لو تقولين لي حمله اتعيجز تبيني احمل مسلسل كل يوم اطارد وانا احمل <-- يا نصاب قل مانيب ذاك الزود مع الافلام وقضينا .

Panda · 15-11-2007, 07:08 PM

كفاني عذاب

اقتباس

وشسماه انا ابي برزن بريك يمدحونه وبعدين بشوف ذا

ايه ايه روحي خلي برزن بريك بنفعك
وبعدين هذا أقدم منه يعني مفروض تشوفينه قبل..
وذا عن حريم وكيذا يعني يناسب البنات أكثر من برزن..
وبعدين وشو بتموتين اذا شفتي هذا قبل << اعصابك

تسلمين كفاني ومشكووره

قديم

اقتباس

بس هل المسلسل مدبلج قصدي مترجم <<ثقافته مكسيكية

حنا في عصر التكنولوجيا
أبد كل اللي تبي بتلقاله ترجمة ان شاء الله

اقتباس

ثاني شي قلتي انه اكثر المسلسلات شعبية
يعني اكثر من ذا فرندز <<يمدحونه مدرسين اللغة الانجليزية

نوعية هالمسلسل تختلف عن فريندز كثيييييير
يعني هذا كوميدي شوي على دراما
مشكوور قديم

الأسطورة

اقتباس

بنـدهـ ان الله هداني لها الامور شفت المسلسل هـ الحين فلم 3 او 4 ساعات لو تقولين لي حمله اتعيجز تبيني احمل مسلسل كل يوم اطارد وانا احمل <-- يا نصاب قل مانيب ذاك الزود مع الافلام وقضينا .

الله يخسك أجل فلم 3 أو 4 ساعات
ماتوقعتك يا سطير راعي افلام هندية
وقابرييل تهبل بس مشكلتها قصيرة بس عادي أهم شي الأخلاق
ومشكوور عـ التثبيت وكل شي

موافق عليها · 15-11-2007, 07:19 PM

لا لا انا تراني اعرف المسلسل دايم اذا سويت بحث باليوتوب بأسم هذي يجي مقاطع لها من المسلسل وهي تبطح رجال على الطاوله << اسكت ياكلب
لا والله شكل المسلسل بن كلب كله بنات هن صح صح مهب بنات يعني كبيرات شوي بس برضوه بنات يفن بالغرض بس على اي قناه يجي <<< ياشين اللي مركب الرسيفر اللي بالانترنت ماعنده شين مقفل

اما ذي تغري الرجال هي تغري بس مهب مره كلها حبوب

بنده شكرا على المسلسل اللي شكلي ابتاعبه بس احتريه ينزل بسيدي كل الحلقات مع بعض متعيجز انتظر

alzenh_vaslInah · 15-11-2007, 07:37 PM

بنده ياحبيلك انتي زيي
انا اتابعه ومره عاجبني المسلسل وقصته
مره حلوه وصح عليك قليل مالقى ناس يتابعونه
معن المسلسل مره قويه قصته
انا ناضرت موسمين بس وانشاء الله ابناظر الثالث قريب
من جد لا يفوتكم المسلسل
ومره كانت حلوه مقابلتهم مع اوبرا لم جو كلهم شخصياتهم مره غير
وهذيك الصغيره قابريل توها متزوجه ياحليلها صغيرونه جسمها شفتيها يوم اوبرا شالتها
ينده تسلم يمينك يالغاليه

Panda · 15-11-2007, 09:33 PM

اصبروا اصبروا
هذا شي كتبته ونسيت أقوله خخخخخخخخخخ

***

فكرة عامة عن المسلسل :

أحداث المسلسل راح تكون في شارع اسمه "وستيريا لين" في أحد الضواحي الأمريكية..
ويتكلم المسلسل عن حياة مجموعة من ربات البيوت اللي يعيشون على هالشارع..وتقوم بسرد الأحداث..جارتهم اللي انتحرت في بداية المسلسل (ماري اليسن)..
طبعن كل وحدة من هالحريم لها حياتها الخاصة ومشاكلها..وزي مايقولون كل بيت له اسراره ( من جرائم و ألغاز )

***

هذا والله أعلم وصلى الله على نبينا محمد

Panda · 15-11-2007, 09:42 PM

فووقه

اقتباس

لا والله شكل المسلسل بن كلب كله بنات هن صح صح مهب بنات يعني كبيرات شوي بس برضوه بنات يفن بالغرض بس على اي قناه يجي <<< ياشين اللي مركب الرسيفر اللي بالانترنت ماعنده شين مقفل

شسمه..الظاهر ان الموسم الأول يجي على ون الاماراتية
بس انه بادي من زمااان يعني لا تشوفه هناك بتحرق على نفسك المسلسل
ان شاء الله قريب بنزل روابط التحميل..وشفه من هنا أزين

اقتباس

اما ذي تغري الرجال هي تغري بس مهب مره كلها حبوب

هذا نمش لا هي تغري بس كان النمش محوم كبدك مرره غمض << وش الفايدة

مشكووور فووقه

***
alzenh_vaslInah

اقتباس

وهذيك الصغيره قابريل توها متزوجه ياحليلها صغيرونه جسمها شفتيها يوم اوبرا شالتها
ينده تسلم يمينك يالغاليه

لا ما شفت مقابلة أوبرا..
بس قد شفت مقابلة لها مع زوجها..أيام الخطبة
هو لا عب سله فرنسي..بس ماشاء الله كلهم حلوين ولايقين على بعض لولا فرق الطول مدري وش تحس به يوم تاخذ لاعب سلة طالعة قزمه عنده

مشكوووورة زينة

Panda · 16-11-2007, 03:57 AM

Season 1
الموسم الأول

موسم كامل تلقونه في المرفقات
((تورنت))

[ "" Desperate Housewives "" ]

هوم سينما