قديم

وش رايكم في العنوان هههههههه شي صح

قدقد = اسم الدلع ههههههه

المهم بعد ما نجح الجزء الاول من هذي اليوميات ولاقاء اصداء على الساحة الفنية والجماهير الغريضة صارت تطالب في الجزء الثاني <<اشو انها المنسمة اهلي الي عطتك وجه هههه

الي فاتته الحلقة الاولى يمديه عليها ما فات الا الشر كل ما عليه يرعص على هاالرابط

http://www.d77b.com/vb/d77b4667.html


ما اعرف اسوي اخراج والا كان سويت موسيقة اكشن


يالله نبداء

الحلقة الثانية

وبعد ما تكلمنا عن الكنس في الحلقة الأولى وبعد التعب المضني عاد أنا إذا تعبت عيوني تطلع مدري ليه المهم شكلي صار مثل الإرهابي وجيت بقول لها انا جايع والمشكلة اني ما افرق بين هنقري وانقري ومعناة هنجري جايع بس انقري يعني انا غضبان المهم قلت لها انا انقريييييييييييي وخافت قالت واي ايه شافت العيون طالعه برى ويقول انا انقري قلت خلني اصرفها
قلت لاني جايع
قالت مافيه اكل يا ماما نام نام هنا الاكل بنظام وخلدت إلى سريري ( حلوة خلدت يعني انخمدت ) وطقيتها نومة وتوني بحط راسي الا والمعزبة يعني الهوم ستي يعني العجوز تطق الباب ( والله ذكرتني بأيام المداهمات احسب عندهم هيئة ) طخ طخ طخ

طلعت قلت خير وش فيه قالت سبيك انجليش لو سمحت هههههههه حلوة لو سمتحت
المهم قلت لها وتس برابلوم قالت بعطيك قوانين البيت قلت وش هي قامت وسردت لي نشرة الأخبار
الساعة 7 الفطور 7 و10 دقايق بتلقانا جالسين ناكل 7و15دقيقة لا تطلب فطور بتروح للمدرسة صايم
قلت اوكيه وغيرة المهم قالت الحمام ما تستخدمة الا عشر دقايق انا فهمت غلط وعصبت وقلت يعني لو كنت حشران مرره اطلع ما توضيت ضحكت وقالت لا اقصد في الاستحمام قلت لها ايه ان كان كذا هين انا ما اتروش خلقة ههههههههههه المهم الباقي ما استوعبته فيه منه كلمات صعبة ما فهمتها وفي نفس الوقت اهز راسي بس ابي انوووووووووم
ونمت خ خ خ خ شو شو شو

صحيت الصباح بدون ساعة تدرون ليه استنزل الصيني برا يقول بريك فاصت ( قلت الشيخ البريك جزاه الله خير جاي يدعوهم للاسلام ) وافز من سريري واطلع له قلت وينه قال تحت نزلت ما لقيت الا الشايب يسكر على الصبح ( على فكة الريق ) والفطور الي ما اعرف منه شي الا الجبن وحامض
قلت كل ها الزحمة وما فيه فطور زي الناس ( المشكلة اني خرجاوي <<بعض الناس سئلوني انت من وين واقول لهم يا شين العجله هههه

المهم انا خرجاوي ومتعود افطر مرقة هههههههه )
قلت لهم انا صايم المهم قلت وين اروح معه الحين
قالو اطلع من البيت وربك يدبرك

طلعت والله اني كاتب في ورقة يمين يسار يمين يمين يسار عشان ما اضيع وضعت !!
المهم وصلت للمدرسة بعد ما عجزت وبتكسي

طبعاً ما بقى الا نصف ساعة وتنتهي المدرسة ( خمس ساعات وانا احومي في اوكلند الين تعبت وركبت تاكسي )
المهم رحت للوكيلة وشقيت جيبي عندها وقلت لها انا داخل على الله ثم عليك قالت وانا بنت ابوي امر بس
قلت لها ابي تغيرون لي الهوم ستي
وفعلاً غيرو الهوم ستي

والمواصفات ( حشى بيعرس )

وحدة من جنوب افريقيا وطالبة صينية

قلت أي شي بس قريب من المدرسة المهم رحنا ونقلت لقيت عندهم قطوة ( يحبون الحيونات اكثر من الاوادم )
المهم مثل ما تعرفون انتم انا ما احب احكي واجد ابد ابد ( ههههههه قرقت في راس الحرمة الين اسلمت ههههههه ) وكانها تقول ابسلم بس اسكت

المهم انا فرحت بها المناسبة العظيمة وقلت لازم اسوي لها شي وعرفت انها ما تعرف تسوق ومتشحططة مثلي من الباصات قلت خليني استاجر سيارة والف فيها نيوزلندا
سئلتها وش احسن سيارة عندك قالت بي ام قلت امره سهل ورحت فكيت كورلا هههههههههه ( وش اسوي اهو الموجود وعندنا مثل يقول الجود من الموجود ) المهم اللون عنابي تاخذ العقل
المهم شافني الي ياجر السيارات متردد قال وش فيك ما تعرف تسوق قلت الا اعرف بس ما اعرف اسوق سيارة دركسونها على اليمين

عاد اهو خاف على السيارة وقال بركب معك الين تطلع من المحل
وانا مثل ما تعرفون فيني عرق جيزاني يعني كل خمس ثواني لازم اتفل
المهم واول ما ركبت وشميت ريحة الطفاية ريحة السيارة كلها دخاااااان وحامت كبدي فتحت الشباك وانا متحمس اتكلم معة وحاول اشغل المسجل في نفس الوقت الا الحالة جت واتفل في وجهه يحسبني عصبت ونزل ههههههه قلت ياليتني من اول بس تصدقون خذا فكرة عني اني عصبي ما درا اني ما قصدتها احسب الدريشة على يساري مثل هنا

المهم جيتك طاير بعد ما تعودت على السواقة والعب لكم بلاي ستيشن في شوارع اوكلند وتذكرت ايام طريق الملك فهد
المهم وانا داخل مع حاراتنا الا واكل هذاك المطب والناس قامت تزاعق ( الحمد لله عمرهم ما شافو واحد معه كورلا قصدي ياكل مطب )
وانا الي اسفهم واعطيهم نطلة وامشي
واروح اخبي الكولا عشان اول ما تطلع الحرمة من الدوام اسوي لها سبرايت يعني مفاجعة ههههه

المهم حطيت راسي وقلت خلني اخذ غطة عشان اصحح ورانا مشاوير وحومات في الشوارع

وتوني حاط راسي الا هالي دخلت عي ( ما طقت الباب ولا تنح نحت على طول شالت البطانية مني قالت قم قم
واهي تبكي قلت وش فيه

المهم يا لله ردت النفس وقالت القطوة ماتت قلت وش لون قالت واحد دعسها قلت وش دراك قالت انه اتصل علي

عاد اهم يعروفون الاتكيت حاطة سلسلة في رقبة القطوة فيها رقم التلفون المهم اتصل علي وقال ان فيه واحد دعسها عمداً ومعه كورلا عنابية انا بلعت ريقي قلت وشووووووو قلت ليه قلت لا بس انا لمحته وانا جاي المهم وقالت تعال معي عشان نستلمها
قلت في نفسي الله يحوم كبدك اروح اشيل قطوة ميتة ما بقى الا هي خلني ارجع للسعودية اصرف
قلت لها اوكيه انتي انزلي وانا بنزل وراك
واتلحف وارقد الا واهي تدخل علي مرة ثانية قالت الرجال جاب القطوة عند الباب تعال
نزلت الا اشوف واحد معه كرتون فيه الجنازة وياشر علي قال هذا الي صدمها

المشكلة ما شفتو البنت دبااااااااااااااااا ونشيييييييييطة

والله خفت عمري ما خفت من أي رجال وخوفتني حرمة طلعت عيونها وناظرتني
على طول انا طقيتها بكوة وقلت غصب عني والله ما كان قصدي رحمتني وقالت بعدين نتفاهم
المهم ردة فعلها كانت بسيطة ابشركم ما انطقيت ولا شي بس ارتدت البنت قالت المسلمين يقتلون القطاوة
قلت عادي بس لا تطقيني
المهم انا من الخوف حفرت قبر القطوة ( بأومر منها في الحديقة ومن الخوف قلت لها نصلي عليها قالت انت تستهبل قلت والله ابي اسوي أي شي اكفر عن غلطتي قالت احفر احفر ولا تكثر حكي )
حفرت الين بغيت اطلع الموية من تحت الارض ودفنا المرحومة ههههههههههه

وجلست البنت ثلاثة أيام ما تأكل وانأ انصحها تعوذي من الشيطان كل له يومه ويومها وماش مصرة
والله يا جماعة الخير
جاي في العزاء واحد سعودي ( وكان وقت وفاة الملك فهد الله يسكنة فسيح جناتة ) وكان في العزاء واحد سوداني وكان في وقتها توه متوفي جون قرنق والمشكلة أهي إلي تبكي واهم إلي يعزون

وانا عاد مالي وجه اجلس معهم كل ما جلست معهم أشرت علي وقالت هذا إلي ذبحها المجرم وأنا انزل وجهي للارض
قلت خلني بس اطلع لغرفتي إلي كنها غرفة سالي يعني لو ما تطمن راسك قبل ما تطلع السرير يطق راسك في السقف
ونمت نومة المقهور

وانتهت الحلقة الثانية

والى الحلقة الثالثة وتحيات قدقدية من الأراضي النيوزلندية

مـنـ س ـمـه

مدمن ديو

هههههههههههههههههههههههههههههههههه


ياخي ورا ماتسويها مسلسل وربي لا تغطي ع طاش ما طاش << لا تصدق اوكي



مشكور ولي رجعه ياخي ماعرف اسوي اقتباس ع كل فقره كان ابلشتك

غرشة عطر

هع هع ثاني حجز... لي بااك
تخبر الفجور محد له خلق يكتب

قديم

طيب وش لون ارد عليكم وكلكم حاجزين ههههههههه<<يديه تاكله


مدمن تصدق انا زيك ما اعرف اسوي الحركة هذي

خليها تجي المنسمة تعلمنا ههههههههههه فرصة هههه

ام الخنبقه

ههههههههههههههههههههههههه والله شئ بس كل القصه صدق ولا لا

قديم

غرشة عطر

قديم

8
8
8
ههههههههههههههههههههههههههههههه

هلا والله وغلا

روحي شوفي الحلقة الاولى

انا قلت عشانك حلفت حلف ان قلتي نزلها انزلها كلها لو تبين المهم رحتي وعطيتني اشكل

قلت من جحدنا جحدناه لو كان غالي هههههه <<على وزن من عافنا عفناه لو كان غالي

هههههههههههه

لا والله من جد من جد والله انك على البال بعد ما ضغطت انتر

ولك مني في الحلقة الثالثة اخليك معنا هناك <<< يا نصبه نصباه

وشاكر لك تصحيحك وانصحك لا تصححين لانك بتتعبين

بعدين سبرايت اقصد بها مفاجعة قصدي مفاجاءة مو السبرايت الشراب


,وشاكر لك دعمكم الدائم ههههههههههه

وما عاد الا خير والا كان علقت على تعليقك سطر سطر

الا تعالي تكفين كيف تسووون ها الحركة تقتبسون اقتباس مقطع انا ما اعرف يا اقتبس دفعة وحدة يا مافيه هههه

غرشة عطر

شفت الحلقه الاولى وماسفهتك بس كثرت البربره وحسيت اني بنشات

تبي اعلمك وشلون<<<كم تدفع هع هع
لاعاد الصدق فعل رسايلك الخاصه عشان ارسل لك الطريقه<<<حطيته بهاللون عشان محد يشوف الا انت

قديم

ههههههههههه ايه ايه

ادفع لك اربع حلقات على الخاص <<يقصد بصل حلقات هههههههه

ام الخنبقه

قديم

لا ابشرك البنت الين الحين متمسكة باسلامها

والقطوة فعلا ماتت بس مو انا الي دعستها ههه بس شكت فيني

تقول السعوديين يسممون القطاوة هههههههه

غرشة عطر

قديم

شوفي انا عندي لك حل رهيب

وش جنسية سواقكم

المهم

سفري السواق وجيبي سواق فليني او كوري احسن


واتفلي في وجهي اذا شفتي قطو في حارتكم او في الحارة الي جنب جنب جنب حراتكم

ولا تسئليني ليه عشان ما تحوم كبدك وكبدي ههه