قديم

تكلمنا في الحلقة الاولى

مشكلتي في المطار ومشكلتي مع كنس الحديقة في اول يوم وصولي
ارعص هنا
http://www.d77b.com/vb/d77b4667.html


كما تكلمنا في الحلقة الثانية عن قصة القطو المدعوس الي خلا حياتنا احزان وكنه ميت واحد من عيالهم <<بالامارة لما المنسمة عطتني وجه ههههههههه

ارعص هنا

http://www.d77b.com/vb/d77b4689.html


الحلقة الثالثة من يوميات قدقد في نيوزلندا( اوكلند )

بطولة قدقد
ضيف الحلقة : غرشة عطر

ضاقت بي الوسيعة في نيوزلندا ما عاد أحب اجلس في البيت... بعد هذا الحادث( دعسة القطوة ) صرت اقضي معظم وقتي في الشارع ،،،،، صرت كل ما شفت احد قلت له بروح معك ( كلمة عيال اختي وانا طالع من البيت ) ،،،،،،،،،، المهم في المعهد لقيت شباب يتحدون إلي يقدر ينط من السكاي تاور ( اطول مبنى في نيوزلندا ) قلت معكم على طول ( أبي اقضي يومي بيعد عن البيت واحزانه )

طلعنا للسكاي تور نط الأول أنواع الصراخ كنه وحدة بتولد

الثاني نط و أنواع الصراخ كنه واحد في الحمام طالع عليه جني

جاء دوري نطيت ولا كلمة الناس كانت تصفق لي على قوة القلب ( ما يدرون انه مغمى علي )

صحيت والناس يفكون الحبل مني يقولن لي ياخي أنت قلبك قوي وشكلك متعود قد نطيت قلت إيه عندنا عمارة المملكة دايم أنط منها بعد الغداء أهضم

بعد ما جينا راجعين أنا من الدوخة نمت في الباص وما صحيت الا راعي الباص يقول لي خلاص انزل نزلت اسحب رجولي في الشوارع مدري وين انا فيه

ومن باص الى باص الين وصلت للحارة الي خلف حارتنا،،،،،،، المشكلة انك تشوف بيتك لكن ما تقدر تروح له لان التضاريس قريبة من تضاريس الجنوب عندنا كلها جبال ،،،،،،،،، وكان البيت الي ملاصق في بيتنا عندهم حفلة انواع اللمبات الملونه والرقص كنهم في دسكو قلت خلاص بدخل كني معزوم واطلع على بيتنا عن طريق الحديقتين المتلاصقتين

دخلت و تفا جاءت وقفت الموسيقى وسلموا علي ،،،،،،،،،،،، قلت يؤ مشبهين علي إلا وصاحبة البيت تقول هذا إلي قلت لكم عنه قتل القطوة ( ياربي عقدوني ) طلعت من البيت اركض وبزرانهم وراي يغنون مدري وش يقولون بس شكلهم يقولون المجرم اهوه ( ويرجمون بكيك وش زين طعمه ) بس يعور خصوصا اذا جاء على الخشة .

وأنا باخذ اللفة،،،،،،،، شفت اللعنبي الكورلا،،،،، وقلت يا الله وادق سلف واتمشى في شوارع أوكلند الفسيحة ،،،،وانا الي تجي في راسي فكرة وش حليلها،،،،،،،،،

تذكرت أيام الباصات فيه بنات حلونين يحترون الباصات قلت ليه ما اكسر سوق البصات واركب أي وحدة حلوة و أوصلها لبيتهم ،،،،،منها نتعلم كلمتين من الحلوة ،،،،،،،،، ومنها نكحل عيونا بالجمال النوزلندي ( الحلويين كلامهم يلصق في المخ ما ينسى أفضل طريقة للتعلم صدقوني ) هههههه

رحت للموقف وأشوف ذيك البنت إلي تقول أنقلع يا قمر لا أترفس في بطنك كنها غرشة عطر الي في منتدى الخنبقة الخالق الناطق بس واهي توها قايمه من النوم المهم أنا والكورلا طاحت سعابيلنا ( الكورلا انتفح كبوتها و خرخر الاديتر )

وقفت عندها ( هاي ) يا حليلهم ما تعوق بس هاي ونطت في مرتبة قدام اجل لوني قايل قد افنق( مساء الخير ) بتعرس علي؟

توني محرك الا وتقول لي معك دخان !!!!! ( البنت تدخن اكيد خربنانة ههههههه تفكير سعودي ) و أنا إلي اصفط عند اقرب بقالة واشتري دخان وحبة كلونيا ( متعود على الخرش )

المهم واعطيها البكت والولاعة راحت ولعت زقارة و بعد ما ولعتها حطتها في فمي ( جسمي نمل (قشعريرة ) والله أول مر ة اتعامل بحنية )

عطتني أدخن أنا المشكة ما تعودت شربت المرة الاولى وأحس فيه بلكة على صدري ،،،،، وكتمت كحتي

شربت المرة الثانية ما قدرت دمعة عيوني وصرت اكح كح ورميت الزقارة مع الشباك ،،،،،،،،،،،،،،،،،،( يؤ نسيت ان الشباك على اليمين وانا رميتها على اليسار ) .................واشوف إلا والزقار في وجه الضعيفة وش لون اصرف الحين ................




وانا الي اسوي مثل العادة ،،،،،،،،،،،،،واسفط قلت بتنزلين وإلا لا ( سويت نفسي معصب ) قالت وش فيك ؟؟؟ قلت انتي خسرتيني
طلعت الضيعفة الشنطة وعطتني حق الدخان والكلونيا

يا حليلها ما تبيني اعصب مو مثل هنا في الطقاق وطق براسك للجدار

انا قلت هذا وقت المصارحة يا قدقد
..........وانأ الي اصفط عند كافيه واطلب لها قهوة امريكية وطلبت لنفسي موية وثلج بس

لان معي الزنجيبل .......عشان ابي اسطي ابي شي يقوي قلبي عشان المصارحة( والزنجبيل يقوي قلوب الرخوم )

المهم وانا الي الت( الت يعني اشرب سك يعني اقحن بسرعة ) لي كم بيالة زنجبيل(زنجبيلهم اهم يعني خمر ) الا جسمي احتر والعرق من خشمي وجبهتي كني جالس العب كورة وانفاسي طلع وتنزل شحنان

وانا الي اقول لسن ( يعني اسمعي )
آآآآآآآآآآآآي لآآآآآآآآآآآآآآف يوووووووووووو انا احبك يعني ( يا سرعي بعد والله مو مني من الزنجبيل الي شحط حلقي وخلان اقول شي لو اجلس معها سنه ما قلته )
المهم بعدين مسكت على العواطف وجلس اصيح كني ابي اطرها شي

رحمت دموعي ومناشقي قالت وانا بعد بس فيه مشكلة قلت وش هي قامت تشر على شنبي قلت :وش فيه
قالت :ما احبة
ما درت اني شاري مكينة حلاقة الي على حجر في مخباي ومتردد احلق شنبي من يوم جيت لنيوزلندا
وانا الي اطلعها من جيبي وعووووووووووووووووووم امرطة قدامها

على الطاولة جلست تضحك ( يا زين ضحكتها نعنبوها ) مو مثل الي هنا هع هع هع كنها رجال تضحك بالانجليزي لوووووووووووووووول شئئ والله

المهم واهي تطالع فيني وتضحك قلت وش فيها رحت لدورة المياة وانا الي ادخل واسكر الباب على نفسي الا واشوف في الحمام زيدي وش جابة مدري بسم الله الرحمن الرحيم جني يماني في الحمام وانا الي اصارخ الحقوني ( بالعربي ها المرة الخوف مليح ) المشكلة ان الجني يقلد حراكتي ويصارخ مثلي ويقول الحقوني بالعربي

اثارية صورتي في المرية

عورني قلبي وش ذا؟ ليه؟؟؟؟ وليش؟؟؟؟؟؟؟؟ ولماذا؟؟؟؟؟؟؟؟؟ ش صار؟؟؟؟؟؟؟؟؟؟؟؟؟؟

ابي افهم وش دخل الشنب في الخشم والعيون ؟؟؟

خشمي مال يا ناس ( توني ادري ان الشنب وضيفته الاساسية ميزانية الخشم )

وعيوني ليه طلعت كني مزنوط وع وع وع وانا اقول وشفي البنت تضحك ما بطلت ضحك ياربيه كيف ابعرف اهلي الحين قصدي كيف بيعرفوني يا ربيه

اثر الشنب نعمة ( الشنب والشماغ والله نعمة يا السعوديين )

قلت ماهي مشكلة اول ما اوصل للبيت اجيب لي قلم اسود وارسم لي شنب ( حركات ايام المتوسط )


بعد ما انتهت المهمة على اكمل وجه قلت،،،،،، خلني اوديها لأهلها لا يشتقون عليها ( ايه هين ) قلت لها خلاص انا بوديك لبيتكم بس انتي قولي يمين يسار

وانا الي امشي في الشوارع كني ملك اول مرة امشي شوي شوي العادة كني مطرود العب بلاي سيتشين في اشوارع المرة هذي امشي حبة ونص 160 إلى 180 اول مرة اوصل للمكان الي ابيه وما وراي الا دوريتين بس

نزلتها قالت هاه تمرني بعد ساعة ( والله النشبة ) قلت وش رايك امرح عندكم

انا عندي اهل مومثلك مهيته

قلت لنفسي وش اسوي في ها الساعة وانا الي ادور حلاق ما لقيت دخلت على حلاق بس كله حريم في حريم قلت ابي تخفيف شعر....... قالت هنا فيه قصات وصبغ بس قلت فرصة وانا الي اطلع البنت معي برى المحل وأشر على الكوريلا قلت ابي لون مثل هذا عنابي

وهي الي تصبغ شعري عنابي ( والله يا غدا وجهي كنه زمزمية الي في كل شي ب 10 )

تخيل شعر عنابي وخشم مايل وعيون طالعة ( لاحول ولا قوة الا بالله لو شفتني كان بتوقف عندي تحسبني في حادث )


انتهت الساعة ورحت للضعيفة ( حبها قدقد ) لقيتها تحتريني يقدرون المواعيد اهم

وانا الي اجي وامسكها مع يدها واقول هاي ( مسوي يمزح معها ) الا وتعطيني كف وتنادي اخوانها ( يعني ثلاثة عيرة ) ويفرشوني عند الباب

انا احسب مسكت اليد حرام عندهم اثاريها ما عرفتني الا لما شافت خوانها يشيلوني يد ورجل يركبوني في الكورلا عرفت الموتر هههههههه

واهي الي تقول لهم خلاص خلوه اعرفه والمهم ركبتني في مرتبة ورى............. واهي إلي تسوق بي........... وانا جالس اون ( ونين بن ناصر في السامري ) واهي الظاهر تحسبني اغني تقول لي اول مرة ادري ان صوتك زين



يا عليها سواقة بعد !!!!!!!!!!!!
طبت من سواقتها انواع التشطيف ( وانا الي من اول مسوي سواق عندها )

قلت في نفسي حلالا ة من يجيبها بفيزة مفحطة تهجد بزارين الشفاء




في نهاية هذه الحلقة نشكر ضيفة الحلقة غرشة وياويلها لو ما تعلق زي الناس ههههههههه

ام الخنبقه

قديم

غرشة عطر

قديم

ههههههههههههههههههههههه مثل ما عودتينا لاز ردك حلقات هههههههه

بس ياخوفي تجي الحلقة الرابعة وانتي ما بعد جيتي هههههه <<خابرها طق حنك عند الباب ههههههههههههه

غرشة عطر

قديم

هههههههههههههههههههههههههههه

حرام عليك والله المهمة شريفة هههههههههههههه

واشكر دعمكم الدائم هههههههه

غرشة عطر

تعال كل ابو يوم وندعم

ام الخنبقه

شاربه بيبسي ومدلعه نفسي

هع هع

عز الله هانيوزلندية نشبت فيك الله يعينها هع

<<-- بتنرفس مثلكـ خ خ خ خ

صانكيوو ع القووصه يالقصاااص <<-- اووص بس

مدمن ديو

هههههههههههههههههههههههه


جعلك من اهل الفردوس قول امين


ضحكتني ومالي خلق اضحك


مشكور واعذرني ع التعليقات << صاير زول اليوم


مشكور يالبـه نيوزلندا اذا كذا

قديم

قديم

قديم

مـنـ س ـمـه

وهـ وهـ وهـ وهـ << تعبت من الضحك

لابوك لابو الكلب زييييييييييييييين

العن اصلك ياعليك شي انت وخشتك لاعاد تعودها فاهم

تستاهل الكف والسدحه اللي جتك من اخوانها هع هع هع

والا القفزه وقصم اني بموووت خلااااص مافيني

............

كنت كاتبه رد وش طوووله بس انمسح للأسف

ومشكووور بانتظار الباقي