|
|
|
|
التسجيل | إسترجاع كلمة المرور | تفعيل العضوية | طلب كود تفعيل العضوية | إتصل بنا
14-11-2007, 06:31 AM
|
#1 |
 
|
مــعــانــــات خشــــه
كالعادة .. أنا وأمي وأبوي جالسين نشرب قهوة الضحاوي .. وكالعادة الموضوع الوحيد الي يفتحونه ويسولفون فيه هو( انا  ) ..قال أبوي : والله أحس أني مقصر وخائف أن الله ياخذ عمري قبل ما أتطمن على بناتي من هالهرش .. < -- ويناظر فيني بنص عين .. وأمي تقول له .. لا ماعليك ربي يهونها أن شاء الله .. ويجي الي يضف هالرش من عندنا ونفتك منها .. وأبوي يقول .. يابنت الحلال هنا الخوف أكبر .. ياخوفي تعرس وتخلف لنا هرووش وسعالوه كثار .. وبعدين وين الدبره .. وأمي تقول : عندي فكره يابو مناحي .. زوجها رجال عقيم ... وأبوي يقول : هو لو فيه رجال معااق عقليا وجسديا ويرضى يضفها من عندنا كان أنا رحت له .. ودفعت عنه المهر وعطيته فلوس عليها وسياره وفله .. بس وينه فيه .. أنت ماتذكرين يوم جبتيها في المستشفى وش حصل .. مدير المستشفى كون لجنة طبية عشان يصنفون هالبنت هي من الجن ولا من الأنس .. وقال رئيس الجنة أحنا لو صنفناها من أي الثقلين بيسهل علينا نعرف هي ذكر ولا أنثى  .. وقتها جلسنا ندعي نقول ليتها بنت عشان نلبسها عباية ولا ولد يفضحنا في الشوارع ويقطع رزق خواته ... وأمي تقول ايييه أذكر والله كانت فشله ..عاد ماقدرت أستحمل كل هالهروج الي تعيد نفسها كل يوم .. وقمت من عندهم بعد ماننشب التمر في حلقي من كثر مايقطعون فيني  ...وقبل أوصل غرفتي سمعت أمي تقول .. ما ظنيت من يعرس على هالبنت .. وهي شعرها مثل الشيحه الي مزروعة في البر بـ لحالها في الصيف .. وأبوي يقولها يابنت الحلال .. هو لو على شعرها لقينا له دبره .. بس وش نسوي بهـ الوجه.. إلي لو يشوفه الواحد يقول شكمان سيارة الددسن حق ابو صالح الله يمسيه بالخير .. دخلت غرفتي وأنا صايبتني داء الصدمه النفسيه .. وأنا أناشق من الصياح .. وقول ليه بس انا قبيحه ليه بس .. كل من ناظر في وجهي يحسب أني دباب ابو ثلاث كفرات .. وبعضهم يحسب وجهي طريق بقيق 70 كيلو .. وأنواع الحوادث فيه .. ناظرت المرايه ودي أعدل شوي في الخشه ولوأن هذا مستحيل بس قلت احاول .. واول ماناظرت فيها .. المرايا عطتني قفاها ماتبي تشوفني وسمعتها تتمتم وتقول: العمر واحد مايبيلها .. وش لي بشوفة وجهها وأنواع العقد النفسية .. وقتها بس ندمت ان امي جابتني أنبطحت على السرير وجلست انغف كالعادة .. وقلت هو لواني ولد مثل ما يقول الأصمعي .. كان على الأقل خرجت وفكيت عن عمري شوي.. حياتهم أزين مننا .. خرجه ودشره وسيارات وتفحيط ومحدن يلوم خششهم .. هماه يقولون الرجال مايعيبه شي .. ( هذا أزين شي في حياتهم ) يعني لو صرت ولد مهنا خلاف.. هو بس الخوف من سروال السنه لاجيت اللبسه .. ماااش احسه خفيف شوي وواسع .. مايمديني على هـ البس .. بالإضافة أنهم يلبسون سروالين .. وحنا موب متعودين والله .. زين إذا لبسنا شي .. ينقال عليه شي يعني .. بس لمتى يعني أعيش هالمعاناااه ذي .. حتى أذكر يوم جابوني للمدرسة عشان يسجلوني فيها المديره قالت : هذي مدرسة أطفال موب حديقة حيوانات الله يصلحكم .. وبعد معاناة في أقناعها وافقت بس حطت لي فصل بلحالي عشان ماخوف البزارين .. وتعالوا عاد شوفوني في حصة الأنتظار المدرسة تصحح الدفاتر وتخليني أعطيها ظهري عشان ماتتوحم عليّ .. وياريت على كذا وبس عطوني فسحه لي بالحالي .. ولاجيت العب في مراجيحهم .. انادي الخالة عشاان تدفني وأتمرجح زي أي طفل في الدنيا .. بس تقولي : لا يا وليدي وجهك مرسوم عليه حوادث ومطبات والفال عليك شين .. وخاف يصير لك شي .. وأسمع الخاله الثانيه تقول لها : خليها تموت يمكن ربي يفك البزارين منها ونعيش بأمان .. من جت المدرسة وهي مزوده علينا ساعات العمل .. المديرة تقول لاترووحون وهـ الهرش ماراح .. نخاف على البنات منها .. والمشكلة أنهم يخلوني أصرخ بدل جرس الفسحة .. ويقولن هـ الصوت لازم نستغله ونوفر الكهرب .. تحطيم تحطيم ... وين أروح فيه.. وكل الناس حلوين .. ولي يضيق صدري أشكل ..هالمواضيع المنتشره هاليومين ..( طخوم وزيوون ) .. اجي أبغى أرد على الموضوع الاقي الموضوع عن الزين وحلااه .. وأقوم أطلع بكرامتي لإني مابي شي يفكرني بخشتي .. كل ماشفت زين ولا زينه .. سال على وجهي دموعي الحاره .. والمشكلة أن حتى الدمعة يوم تنزل تستغرق يوم كامل عشان تصل للأرض .. من كثر المطبات والطعووج الي في وجهي .. وأذكر مره .. ابوي حطني في المزرعة عشان أحرسها من الطيور والحيوانات الي تخرب الزرع .. وكنت أقول لـ أبوي .. تكفى لاتخليني وحدي في الليل .. يقول مهنا سعلوا يسترجي يقرب منك  .. وعقبها يحلفون ان أنفلونزا الطيور طلعت بسبتي ذاك اليوم ... والناس تعاتب أبوي وتقول أستاثمت في الطيور.. أجل هالوجه تحطه لهم ...!! حرام عليك تسوي كذا في طيور .. تصدق أن حتى الغراب يوم شافها من الروعه صار أبيض وفاقد للذاكرة .. ولي يزيد الحره في تسبدي .. أن أبوي يقول ياجماعة في حياتي ماعرفت أن فيه فزاعه تذبح الطيور من الرعب .. بس أمسحوها في وجهي هـ المره .. والمره الجاية بجيب فزاعة من النوع الخامس .. أجل صرت فزاعه هالحين ..وفزاعة من المستوى الأول .. هذا وأنا أحرس مزرعته < -- بالله ماتكسر الخاطر حتى مره كنت أبغى أفرح في العيد مثل كل الناس ... وقلت لإمي : تكفين يمه أشتري لي شلحه عشان فستاني الجديد ..قالت لي : أجل أنتي ينشرى لك شلحه .. أنت شلحتك تجي طلبيه .. أنتي ياكافي تلبسين بنطلون من غير بلوزه .. أجل عمرك سمعتي أن فيه بنت.. رقبه ورجول على طول .. ومن الزعل قلت لأمي وش يفهمك أنتي .. ترى أهم شي الرجول ...و مايمديني أخلص جملتي إلا أمي تقول .. أنقلعي بس .. أنا أول مره أشووف رجول لاصقه في بعض لين الركبه .. عاد جيت برد عليها بس تذكرت بر الوالدين وسكت .. ولي يقهر زيادة .. أن أمي لابغت ترسل فطور في رمضان للجيران ترسلني أنا وتقول عشان البزارين مايقربون منك وينكب الأكل ..وحتى يوم كبرت ولبست عبايه برضه ترسلني وتقول .. هو الشكل الخارجي يكفي عشان يعرفون أنك سعلوا .. ولي يذبحني أكثر يوم أوصل الأكل للجيران وأجي برفع عن وجهي الشيله عشان أسلم .. جارتنا تمسك يدي وتقول : لاترفعينها والله يحييك .. وصدقوني أنا ممكن أتأقلم مع خشتي .. بس كل مادخلت على أمي وبوي .. الاقيهم في الشات بيوزرات نسائية وهات ياتميلح ونصب على الخرفان .. لين يجيهم رصيد في البنك .. ويوم أقولهم حرام الي تسوونه ذا .. يقولون والله الحرام الي تسويه خشتك في الناس أرعبتي الخلق ..حنا نجمع فلوس من الشات عشان نسوي لك عمليات تجميل بلكي ربي يفك الأزمه .. وحنا مانبي ننصب على أحد .. والله لو نعلمهم خشتك وش مسويه في البزارين .. وكم حرمه أسلبت ورعها بسبتك .. كان تبرعوا تبرعات سخية بس مانبي فضايح ..يكفي ماجانا من وراء هالخشه .. خلاص أنا وصلت مرحلةالأنتحارر ... خصوصا يوم سمعت أمي تقول للحريم : مير يمكن ربي يسهلها لي ويعوضني .. أجل عمركم سمعتم عن بنت تشيل زبالة البيت وتطلعها عشان البلديه تشيلها ... ويوم شافتها سيارة البلدية شالتها هي وتركت الزبالة .. حتى أن ابوها يالله لحقهم عند أشارة الخط السريع .. مير نخاف تستاثم فيها ولا كان تركناهم يشيلونها ..وصدقوني ياجماعة كان ودي أشرح لكم كل معاناتي بس خفت يطول الموضوع ولاينتهي الين يوصل للأقسام الأداريه ..قلت عاد مايصير أغث الناس بشكلي وبكلامي بعد .. مايستفاد من الموضوع 1- أني شينه ومشعره وكلش ..2- أن الشيون بشر .. ولهم أحساااس ..بس أهم شي جمال الأخلاق < -- عذر الشيون 3- الي يبي يتبرع لي عشان أسوي عمليات تجميل ترى صندوق بريدي مفتوح  .. 4- ودي أجلس في الشلة .. لإن هذا المكان الي يرحب بشيون أمثالي ..تحيات بترينه |
|
    |
|
14-11-2007, 07:22 AM
|
#2 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
رد: مــعــانــــات خشــــه
بترينه منزل موضوع
 << يقوله بصيغه المذكر علشان يرفع من معنوياتك
لعن ابو بليسك اول ما قريت المقدمه,, احسب انك زي خساير الاسهم  ما دريت ان حالتك اردى (فيس ودهـ يضحك بس به الصيحهـ)
الحين انتي متأكدهـ ان ابوك هو اللي يقول ها الكلام << يبي يشيشك على ابوك
هذي بشرى خير لقينا احد مثل شخصيه موافق << قصدك انفصام شخصيه
المفروش انك تعودتي على الحتسي وردي عليهم وقولي ((ما يضر السحاب نبح الكلاب)) << من اللي يقوله وبعدين انتي متأكدهـ انك تغصين بالتمرهـ علشان الكلام اللي يجيك يعني مهب علشان اسباب ثانيه << لازم يذكرك انك شينه
لا واللي يرحم والديك.. خليك بنت احسن على الاقل البنت يمكن يستفاد منه ,,اما الولد اذا جاك شين ينطبق عليه مقوله الشاعر (لا وجـ(ن) يسلي ,, ولا ... يـخلي )الشاعر كان عزوبي الله يهدينا وياوهـ
 << يقول الحمد لله اني راد
الله يقلع ابليسك انتي لو تجين بأحسن حالاتك النفسيه والبدينه والروحيه والمعنويه ,, تكسرين الخاطر وزودن على كذا جايتن بها الحاله روحي انتحري ولا غطي وجهك بخيشه همن تعالي
 عمال البلديه تسلاب يعني بالعقل طالعين انتي وبرعي صحيح انه المفروض يدخلونكم مسابقه اشين احد بس العمال يقولون بنت شينه ولا ولد شين << يعني فل كامل
والله ما الظاهر فيه فوايد من الموضوع << قل كلام زين او كل تبن
انا ابسالك سؤال منطقي,, ويبي يرفع من معنواياتك الحين ايهم ازين باللعب ,, تلعب بالشارع,, ولا بملعب مزروع
طيب انا اشارك بالشله ,, بس يجي برعي ويحذف ردي يعني فيه امل اصير زين؟؟ << والله يا انت تسمع (فيس يقول لبرعي كمل على ها الرد)
والتراااب بترينه  موووضوعك روووعه,, والصز اني خقيت معك يا الشينه ,, هل تقبلين بي زوجا لكي تراي عزوبي والحاله دماار نوقطه.. << يعني خلص من الرد |
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
14-11-2007, 09:12 AM
|
#3 | |||||||||||||||||||||||||||||||||||||||||||||||||||||||||||||||||||||||||||||||||||||||||||||||
 |
رد: مــعــانــــات خشــــه
بترينه مثل مايقال الفتاة الملعونة صاحبة الوجه القرمزي والعيون اللي تسنها فتوق فروه من صغرها والخشم اللي طال ماسمّوه بجبل طويق او بالاصح بهضبة نجد من كبره وطولها والشفايف اللي بعض المرات يمسكونتس الشرطة ويودونتس للمركز بتهمة انتس صارقتن كفرات من البنشر الفلاني وبالنهاية بعد عرضتس على الطبيب الشرعي وكيذا يظهر انها براطم وليست شفايف ويكتشفون انتس بنت بعد ما البسوتس تهمة انتس ولد وتتشبهين ببنت العيارية والذبيبة من الوزن الثقيل وصاحبة الردود التي تجذب اليها الانظار اينما كانت وفي اي قسم من اقسام المنتدى (بترينه) حطيت اسمتس ازرق عشان تتخيلين نفستس وانتي مشرفه ودافينتس عـ برعي لعل وعسى انه يقبل فيتس مدام انه نفس النمونه وكان في هوليود وهو ماقد مثل ولا فلم بحياته ويوم سألو المخرجين والمنتجين اللي اختاروه كيف هذا يدخل هوليود بدون نجوميه سابقه اقرو أنه انسب وحش لتمثيل الافلام المرعبه من العيار الثقيل من دون مايتخسرون ولا شي على مكياج او تضبيط ولكن لااضنتس تبي تقبلين فيه ولا اضن انه يبي يقبل فيتس لأن كل واحدن عند نفسه انه حلو ويبي ومثل مايقال القرد بعين امه غزال < - هذولا حتى امهاتهم ماتمدحهم . . . على بركة الله نبدى بالاقتباسات الملعونة
ولكن انا شكيت يوم قلتي انهم يفتحون الموضوع فيتس قلت الله يستر هذي اللي تبي تمدح نفسه وانا الصراحه واحدن اقدرها ولانيب قادرن اذب على كيفي وتبي تحرجني بتسذبها لا قالت انا حلوه ودلوعه وما الى ذلك من الكلام اللي لايودي ولا يجيب فـ اللي بالقدر يطلعه الملاس ويبي يجيتس يوم وتظهر حقيقتس ولكن بحمد الله تعالى شفتس تكشفين لنا انتس ايه في القبح والرعب
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ه عنبو بليستس حتى ابوتس خايفن على خواتس منتس لا ويمكن اخوانتس بعد ياوجه التمساح بمواصفات سحليه مير الله يعظم اجره ويطول بعمره لين يفتك منتس لو يزوجتس اي معتوه بالشرق والا الغرب ويأمن على خواتس من شرتس الذي لابد منه
 < -بدى التدبير اجل عايشتن معاناتس بين هالابو والام الظالمين اللي مايدرون انه وبعد سن الثلاثين طلع لتس احاسيس ومشاعر والحاجات اللي تتبعها من القلب والحس وماجر غصنهن ولا قدرو يكتشفون سر الجمال اللي بخدودتس اللي تسنها ساحة تفحيط مصبوبن فيها زيت للي يفحطون اللهم لا شماته اللهم لاشماته <- خاف لا يجيه عيال والابنات يشبهون لبترينه
هههههههههههههههههههههههههههههههههههههههههههههههه هههههههههههههههههههههههههههههههههههههههههههههههه هههههههههههههههههههههههههههههههههههههههههههههههه يلعن ابو التوصيف اللي كيذا يابترينه والله انه تمزع بطني من الضحك الله ياخذ هالوجه ياتسلبه مير الله يكتب لتس نصيبن مثل نصيب نانسي عجرم بس انتي راح تكونين عكسها لأن نانسي الله يذكرها بالخير تحولت من الجمال الى القبح بعرضن في نفسها وانتي بدورتس راح تتحولين من القبح للجمال وتعيشين حياتس الطبيعيه بنت تمشين مع كل البنات وتواجهين المعاكسات ولا راح يمل ابوتس وامتس مجلستس ولاراح يكدرون خاطرتس .. المهم بس دوري لتس دكتور يرضى انه يتعبث بوجهتس ويقابله طول فترة العملية ويصلح لتس عملية تجميل < - هذا وجهي ان خلوتس السكرتيه تدخلين مع باب المستشفى اصلن
ياشيخه ينعن ابو الجو اللي انتي عايشه فيه قطع اجل كـ العادة الله يحوم تسبدتس مير ياعزي للمرايه اللي عطتك قفاها يوم جيتي تناظرينها لا شافتك وانتي تنغفين راح تسمعين الانفجار وتعرفين ان المرايه انتحرت وانفجرت وبعد زمن من مقابلة وجهتس النحيس الذي يجلب الهم والمرض لكل من تسول له نفسه والشيطان بالنظر لتس ولفدغتس الله مير لايخليتس منها
الاصمعي ياايتوها البترينة اللعينه كان يبي مصلحتس يوم يقول هالحتسي وحب انه يطلع عليتس اشاعه خوفن على حياة اليوزرات النسائيه اللي نصفهم مثلتس واردا ولكنهم ماياصلون مستواتس بالشين والقبح اللي على الطبيعه الله مير لايضرتس ويحفظ لتس شينتس وقبحتس ولكن بعد ماجيتي وانكرتي قلت خلها على هواها هي الندمانه اذا جات بنت وفضحت فيها بالمنتدى وقالت انصح الرجال قبل البنات بالابتعاد عن هذا المخلوق الغريب الذي يقال له بترينه لأنها فلم مرعب ماابن امه قد شافه < - والمسكينه تكتب معاناتها معتس وهي بمستشفى شهار
هههههههههههههههههههههههههههههههههه هههههههههههههههههههههههههههههههههههه ههههههههههههههههههههههههههههههههههههه اجل هذاك اليوم يوم تجين وتنسخين ردي على مس بنك وتقولين انا رايي مثل رايه او شي زي كيذا قايلته تبي تبررين عن موقفتس وتبردين حرتس بهـ اليوزر الزهري اللي حب يبرر لنا ان الجمال هو سر الحياة وانتي مستانسه على ردي وتقولين ايه ايه يالاصمعي يبو شب عليهم عيال الكلب وارجدهم لين ماينسون مواضيع الجمال هاللي تغث القلب من شينها وقلبتس يفرك من الحسره على شكلتس اللي يالله يالله تشليح وانا اللي اقول هالبنت عاقله ولاتحب مواضيع طخوم وخرابيط واثاريه من ما يحس قلبتس فيه ومن زود الحره تقولين تسذا ههههههههههههههههههههههههههههههه معذوره معذوره يابترينة الجمال القادم من القصور المهجوره المليئه بالاشباح
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||
