|
|
|
|
التسجيل | إسترجاع كلمة المرور | تفعيل العضوية | طلب كود تفعيل العضوية | إتصل بنا
29-11-2007, 09:54 PM
|
#1 |
 
|
كليله ودمنه ( العوده الى المستقبل )
بسم الله الرحمن الرحيم هذا الموضوع برعايه نانسي عجرم وحفيدها سيد عطيات  <<<< يا لبى تسبيدها .. يووووووووووووووه وش اقولكم وش اخلي .... قبل خمس وعشرين سنه منب قايلن لكم اني كنت فطفوووط وصغيرون .. لا لا ... ولانيب قايلن لكم اني كنت انتضر دوري بزحليقه ابوي قدس الله زحليقته وانا كل شوي رايح وجاي اشوف دوري جاء والا لا مع كل دحديرة .....(( الغريب بالامر صدز أني تخيل روحي يوم ذاك الوقت ووشلون قدرت اطلع وانا صفوط وجهي كنت اوزي بها بسكوت ابو ولد ... ولكن الاغرب اني طلعت من بطن امي وانا محدد الخنجر اللي بوجهي على امل اني اغري الدكتور اللي يعالجني ))ولكن بقولكم اني كنت عايشن مع مجموووعه ناس على بالهم انهم اهل ببيت طين من اللي ألبك يحبه .... وكنت انا واخواني دائما في تآآآآلف وصفاء .... وقمه في البراءة لدرجه ان ولد الجيران اللبناني سمير يجي يتعلم من عندنا الاتي كيت ودايم من غرفه النوم للصاله لقاعه الطعام ( ؟؟؟؟ ) حتى من زود البراءة صرت دب والسبب كنت انا واخوي نلعب مع بعض وش حليلنا لعبه من ينفخ هوا بالثاني اكثر عن طريق قصبه لقيناها بمزرعه جدووو <<< حياتي على الدلع .... الى ان الاخ اللي وش حليله نفخ كثير لين قمط وجهه وانتفخت كرشتي ومن ذاك اليوم والناس اللي اسمهم اهلي يسموني الدب الدلووع ( تذكرت اشين دلوع حسبي الله عليكم )وبيوم من الايام وانا اتدحرج مع الدرج على بالي رشيق ما دريت الا وانا ماسطن عند امي وهي تنقي الرز بوسط الفناء حقننا وهنا يضهر لامي الحبيبه كل اعلومي .... اثري نازلن بدون سروال على بالي الوضع فري وهي اللي تشيلني وتخضني تسنها تخض قربه الين ما طلع كل اللي بعقلي وانا اللي اقولها : خير خير وش فيه ؟؟؟ <<< قمه البراءة .... قالت الحين ياللي ما تستحي ترجرج بالبيت بليا سروال يالفاهر ؟؟؟ ... قلت يمه عاد هذي غلطتكم ... ليش جبتوني كيوت ؟؟؟؟ ... قالت واللي اني قايلن لابووك اللوح ننام اصرف بس ما سمعني ... كير انقلع عن وجهي ... وطبعا وبكل براءة تدحرجت مرة ثانيه اتفحص بيتننا مثل كل يوم ( مهيب لقافه ابد ) ويوم انتهيت من جولتي التفتيشيه والا انا انواع الطفش ... قلت يا ولد وراك ما تنقي الرز شوي مع امك .... وانا اللي اقرب منها واحب على راسها ... وهي تلمسني تشوف لبست سروال والا لا .. وانا استحي واوخر عنها ... وارجع واقولها ...انا / يا سنيورتا يمه .... يا سنيورتا يمه .... يا سنيورتا بلاش دلع ردي علي امي / انت الحين تنادين ياللوح والا تغرغر ؟؟؟ انا / لا يا يمه انا بس اجرب الجاذبيه الارضيه مع كشرتي (( صوت سكون ابن كلب بيننا مع خلفيه شلالات ))  انا / يا سنيورتا ماما .... يا سنيورتا ماما .... يا سنيورتا ماما امي / وطاعون يذبحك ... انت وش بك قمت تهذري ... وبعدين تعال وش السنسورتل ذي اللي تقول عنها انا ما قلت لك لا تماشي عيال الافغان ولا تشرب تروبيكانا ؟؟؟ انا / الحين يا يمه ادلعك واقولك السنيورتا ... وتقولين لي وشهي .؟؟.... على الاقل يا يمه استحي شوي ..وضحي لي ان التغزل والتميلح ينفع الى الحين امي / طيب وش معناتها يا فهيم ؟؟؟ انا/ والله اني سمعت اللبناني ولد جيراننا يقولها لصديقه امه ذيك الشليخه الغنيه ... وانا قلتها بنفسي خلني يا ولد القطها واقولها لك يمكن تصيرين حلوة وغنيه مثلها وتطلقين رجلتس ذا وتتزوجيني امي / اقول وراك ما تنقلع عن عيني ياحيوان يا حقير يا سفله ياللي ما تستحي الحين تقردنن وانا على ذمه رجل ؟ صدق انك قليل ادب انا / يعني يمه عادي لو انتي عانس ما يخالف اقردنتس ؟؟ وهنا ضهرت على محياها عنفوان الحياء حتى بغيت اقولها يمه ترا هونت قالت عقب هالمشهد ... الحين يا حيوان انت وش تبي ( امي احترت وتبي تصرفني ) قلت يمه وش هالضلم اللي عندكم ذا ... الواحد ما يقدر يحافظ على سراويله ؟؟؟ هاه شوفي بعد بعينك ما عندي سروال ... قالت وهي تصفق بيدها وصمخ ... قلت ليش قالت كل تراب كنت حاطه الامل بك اثرك بزر مثلك مثل اخوانك ؟؟؟؟ ايييييييييه يا يمه بدينا باللعب على بعض ... يمه اقولتس انتبهي تراي بتزوجك بعد ابوي لا يكون هذا اولها تراي بطلق .....لا يكثر بس وين سروالي .... مهيب معقوله اللي يصير هذا لي بينكم .... قالت والله مادري عنك .... قلت يا يمه لا نلعب على بعض كل اخواني يقولون انتس ماخذته عشان يلبسه ابوي .... خير وش هالميانه ؟؟؟ قالت والله ما اخذته يتسذبوون عليك ... قلت يا يمه شايفتني العب معتس حبشه ؟؟؟ طلعي السروال والا قسمن عضمن ان يصير لكم شئ ما صار .... قالت خير خير .... اشووفك تهدد .. لعنبو جدك يا حمار تراني امك ... قلت واذا كان امي يعني ؟؟ تسرقين سروالي ؟؟ لا يا حبيبة امتس انتي ... المحارم لها رجالها .. قالت وراك ما تذلف يا حمار لا العن ابو خيرك .... قلت يمه تادبي لا يقوم البقس ... كم مرة تفاهمنا ؟؟؟ اعقلي بس واركدي لا اعلمك وش يصير .... قالت اشووفك طولتها يا لوح وهي اللي تصفقني ذاك الطراق اللي واساني بالارض ... البلاء مهوب قوة الطراق لا ولا قوة الطيحه على الارض لا .. البلاء كل البلاء المخووش اللي جتني من اشطوب ايدينها ... وانا اللي اقوم معصب على بالي صدقي واشوووووت الفار حيوانها الاليف اللي مربيته غصب عنها وهي تناضر وتقول ..حمام جانا مسير ولا سلم عليا ... وهي اللي تشوووف نهايه فارها العزيز على رجلي المصوونه وتزعل وتحضرم ومادري وش قالت واطلع طلعت من بيتنا ضايقن خلقي بليا سرووال ابروح اقابلي اين مخلقن بالدنيا لعل وعسى اتونس بيه ويتونس بيا .... مادريت الا اسمع خشخشه عند الحضيرة حقتنا واروح اناضر والا هذا سمير اللبناني صديقي نايمن تحت البقرة بعد ما رضع منها على باله عربجي .... والحليب يقووطر من خشته الورديه ... واناضر البقرة الضعيه والا هي تلهث وتعبانه نفسيا من اللي حصل لها مثلي  .... بصراحه الوضع يحمس اني افلها وبقوة واطلع حرتي كلها بسمير وانا اللي اقرب منه واهزه ... ماش ما تحرك وارطقه(( الكلمه لا يفسرونها اهل الخرج )) ... ما تحرك ملعون الصلايب ... وانا اللي اشيله واقلبه واطحله ماش الولد ميت .... قلت يا ولد مع سمير الميت ولا بلحالي.. واجلس اسووولف انا واياه وليش القسوة بالدنيا وليش امي كل ابو دايم تدعي علي  وهو ساكت مثل الكلب .... .... وانا بنص السالفه فز سمير وهو يصيح وضربني المتوحش على وجهي ... ودفني بقوة <<< يا حياتي ....وهو يصيح ويقول خلاص خلاص لا تغتصبوني ما احبكم يا افغان يا طالبان ... وانا من قوة الدفه طحت على عصعصي .... ويناضرني سمير ويستمر بالصياح وانا اقوله والله ما فيني شئ والله لا تصيح خلاص يا سمير لا تصيح ..... حتى هاه شف ( صورة المخرج وهو يصور عورتي بدون سروال ) قال يا حيوان انا ما اقصدك انت ... ولا اهتميت فيك اصلا .... والا انت تبيها من الله انك تلمح لي وتوريني عورتك مير هين بس ... وبعدين تعال وراك ما لبست سروال يا حقير؟؟؟؟ وانا اللي اناضره واقول بنفسي وش اقوله ؟؟؟ اقوله امي سرقت سروالي عشان يلبسه الباشا ابوي ؟؟؟ رديت عليه وقلت يا سمير وش اسوي والله خالقني كيوت كذا ؟؟؟  .... بس قلي يا سمير وش فيك ليش تصيح ؟؟؟ قال: ياخي بسالك سؤال وابيك تقول الصدز .... قلت تفضل يا جورج السماثا .... قال ياخي انت مزعل امك اليوم مثل العاده ؟؟؟ ... قلت باستحياء ... شوي يا سمير .... مير هو ما يصدق على الله ويرجع يرغي ويصيح .... قلت يا ولد هييييييه وش فيك وطاعون ؟؟؟ قال ياخي تذكرت نفسي وانا صغير .. الواحد عندكم لازم يقطع بصل عشان يصير رومنسي ؟؟؟ قلت انا : خير خير يا سمير ما عهدناك هكذا ؟؟؟ ياخي انت على ذمه اهلك جاي كبير حتى بالماريه ايدينك ورجلينك جايه قطع غيار مركبينها لك بعدين .....قال ايه يا زلمه انتو ام بتعرفوا غير هيك ..... ولكن الي ما بتعرفووه اني كنت غير وغير كتير كتير ....طيب يا صديقي وش كنت ؟؟؟ قال لا تقاطعني اننا بأولك على كل حاجه .... اسمعني ...( وبعد ما اخذ نفس عميييق كثير ) انا كنت بيوم من الايام صغيروون مرة .... ومرة من المرات ووصتني امي على خياش تبيها للاستعمال الخارجي فقط وانا بالطريق للبقاله مريت من عند بيت حبيبتي عمشاء .... وانا اللي اقاطعه واقوله عمشاء ما غيرها الحولا .... اللي فرقتها واصله اذانيها من شينها ؟؟؟ ياخي اول مرة عرفت ان الارض كريوه يوم شف دمجتها والفرقه ما كملت وصفي لها الا واشوف سمير يموه عليه بيده عشان يرجفني ابن الكلب وهو يقول احترم نفسك ذولا محارمنا ( طارى لي بعض الشباب هالايام اذا شافوا بنت مزيونه بالتلفزيون ضموها لدفتر العايله )... وانا اللي احك راسي مسوي افكر مع سالفته ومتحمس وهو يكمل ويقول ...المهم يوم وصلت بيتها واشوفها جالسه بكل ادب ورقه ونعومه تكنس حوشهم واول ما حست فيني وهو تناديني بنعومه وادب ارق من قبل وهي تقول تعال يا كلب تعال ساعدني وطبعا انا بكل اريحيه اروح لها وانا انطنط من الفرحه اخيرا البلبل الوديع ناداني ( وحتى لو قال يا كلب ) واجلس اساعدها واكنس معها لين جت امها البطريق الرشيق وهي اللي تتلني مع علباي وتسولف معي وليش انا جاي .. وطبعا ومثل أي طفل برئ يا يا دافع قلت لها اني كنت طالع للبقاله عشان اجيب لامي خياش للاستعمال الخارجي ... ما دريت اني كبيت عشاء امي اثاريها تبي تنصب على ام عمشاء وقالت لها اننا بلبنان مايستخدمون الخياش لان ربي خالقهم صغيرونين وحتى لو جابوا عيال <<< ما تعرف تنصب الله يهديها ... وطبعا بعد ما فضحت امي عند ام عمشاء جت الاخيرة وبكل ادب وطردتني وهي تقول لابوك لابو امن جابتك انت وامك النصابه انقلع برا ولا عاد نشوووفك الا اذا جينا نكنس البيت .... طلعت وانا مبسووط لاني عرفت عمشاء على من طالعه <<< هذا اكبر همه الملقوفحشى قصمنجي مهوب لبناني .... المهم يوم وصلت للبقاله واشوف الشايب العور جارنا متكي عند الهندي مادري وش يسولفون به .... وقبل ما اتكلم واقول وش ابي ما دريت الا والشايب يسألني وش تبي جاي هالحزة يا حمارة القايله ؟؟؟ قلت : لا ابد ... اصلا انت وش دخلك ؟؟.... قال وش دخلني ؟؟ طيب انا جالس جالس ابي اشوف وتبي تاخذ يالفقمه ... واقول بنفسي وش يبي هالنشبه ذا ؟؟؟ يعني لازم عمليه التوازن الطبيعيه بالحياة اشووف قمر ومن بعده حمار ؟؟؟ ياربيه وش ذنبي .... مير تطري ببالي فكرة جهنميه والتفت على الشايب واقوله .... الحين يا خال سمعت انك من خويا الاسطورة صدز ؟؟؟ قال : يا جعل تخلخل عظامك ... اصلا انا اللي معلم الاسطورة بس خل عنك ذاك العصل.... قلت طيب وش رايك بالخياش اللي للاستعمال الخارجي ؟؟؟ ليش ما يستعملونها الرجال ؟ ابي رأيك وش رايك اجربها ... تعرف احد سواها قبل ؟؟؟ قال الشايب بعد ما طلعت ابتسامه كبيرة على وجهه الشين :ايييييييييييه كثير .. منهم ابو فلان وابو علان ....قلت : والله ؟؟ قال اييييييييييييييييييه حتى بالماريه خذ معك هالكريم ذا يسلك لك امورك .... قلت ينعن ام الفله الحين بروح اجربه ... واخذ الخياش واطلع وانا مبسوط اني لعبت على الشايب ...واول ما وصلت للبيت وانا اقول بنفسي صدز ليش ما اجربها ... مهوب يقول ابو فلان جربها قبل .... راحت عن بالي ان الشايب يوم يعد هالاسماء عدهم لناس ماتوا قبل لاولد (طبع هالشياب اذا جوا ينصبون يلزقونها بناس متوفين ) المهم وانا اللي اقمز على غرفتي ومن غرفتي للسطح واسوي نفس ما قالي الشايب حطيت الكريم بالمنطقه المحايده ولبست الخيشه وشوي اسمع صوت امي تناديني هو جيت يا لوح من البقاله والا الا الحين <<< انواع الاستذكاء اميمتي .... كلها دقيقتين بعد صوت امي وانا اللي جاي على وجهي من الحراااااااااااااارة عندها ابتسي .... وهي اللي فزت مفزوعه ما تدري من اللي جاها من السماء ...وهي اللي تشوفني غارسن وجهي بحوض النخله واحرك ذيلي .... وامي تجي لمي وتقول وشبك عسى ما شر ... قلت لا ابد بس العلم هذا هو ... وقلت لها كل السالفه من يوم ما طلعت من البيت لين ما جربتها وجيتها بسرعه وهي تناضرني بعين وتناضر الكريم بعين ثانيه .... قالت.. يا لعنبوا شيطانك يا غبي هالكريم ذا فقس والشايب لعب علييييييك يا بقرة ولكن حقك وما جاك .... تدري اهوووه .... وهي اللي تملأ ايدها من الفقس وتحطه في منطقتي المحاديه بعد زياده ... وتقول جرب جرب يا وليدي هذي عقوبتك ليش تفضح بي عند ام عمشاء يا حيوان ....ومن بعدها وبسبب الحرااااارة وانا اللي صرت بين الرجال والمرة .... ويحجرون علي اهلي بالبيت ولا احد يدري عن اللي حصل لي غير امي وهي اللي تكرفني بالبيت مثل الشغاله ... واذا احد سأل عني قالت له اني سافرت لاندونيسيا.... فكان كل من طلع ودخل لعن ابو جدفي بزبيريه او كربه نخله .... حتى ابوي جاء ليله من الليالي يقردنن وانا اللي اقوله لأه لأه ما يصحش يا معلم هاهاهاهاهاااااااي  <<<< على تراب ( ينعن ام الشطحه حسيت اني حقير ) الين ما بيوم من الايام رضت امي عني بعد ما طاحت بي وانا احارش الدجاج والدجاج يحارشني <<< بلاها عرفت ان ابو طبيع ما يجوز عن طبعه وهي اللي تجيب قاز وتقولي تعال تعال يا وليدي خلاص رضيت عليك وودي اني اعالجك يا بعد تبسدي وتولع بي في المنطقه المحايده وترجع شنباتي مثل ما تشوووف يا دافع البلاء ..... مير اقوله يا سمير واقول ليش الى الحين شريف بحارتنا اثر المنطقه اللي عندك محروووووقه ؟؟؟ بس خلاص يا سمير مزاعلك ..... قال سمير والله يا دافع ما طاح من النجم اخف للسماء وانت انسان طلعت على حقيقتك يا كلب .... مير تدري اهم شئ افهم قصتي زين واعرفها .... قلت له والله يا سمير ان قصتك ذي بنت كلب كلها نصب في نصب ولكن تدري .... خلاص خلاص ما راح ازعل اميمتي السنيورتا ابد ... وانا اللي اسفهه واروح لامي السنيورتا ... والقها تصلي بعد حيي وبعد ما خلصت وانا ارتمي بحضنها وهي تصيح وانا اقولها وربي اسف يا سنيورتا اسف يا امي الحنوووون ما راح ازعلك او ازاعق عليك مثل الغرااااب ابد ابد .... ويا شيخه اسرقي كل سراويلي فداك يا قلبي .... وهي تصيح .... بس يمه ممكن اعرف شئ ؟؟ وش قلتي يومتس تحضرمين وانا طالع معصب ؟؟ <<< شين وقوي عين ... قالت امي : والله يا وليدي ما قلت غير ربي يصلحك ويهديكوهنا اغرورقت عيناي من الدمعي وجلست جاثياً على ركبي بدون سروال اقبل يدا امي يارب يخليلنا امهاتنا ويطول باعمارهن ويخليهن لنا ذخر... ويرحمنا ويرحم والدينا وجميع اموات المسلمين...... وقبل لا اختم موضوعي اقول : ارحموا من في الارض يرحمكم من في السماء ... فالشغالات والخدم والعمال لهم انفس مثلنا ومشاعر ولكن حدتهم الدنيا على الشغل عندنا بالصورة هذي فلا تذلونهم زود ما الدنيا ذالتهم  لكم كامل احترامي وتقديري مع اعتذاري الكبير على مصالتي العضمى ... ولعلي اوصل بيوم من الايام لذائقتكم العياريه يادافع البلاء المقدوسي  |
|
    |
|
29-11-2007, 10:03 PM
|
#2 |
 
|
رد: كليله ودمنه (العوده الى المستقبل)
ياهلا والله وغلا باستاذنا الحقيييير الكبيرررررر والله ماأخفيك يادافع أني كنت أشوف المتواجدين وطلع لي دافع البلاء ينشئ موضوع بالشله والله وأنا من بعدها ماغير أوسوس وكل بعد دقيقه أسوي تحديث للصفحه بشوف وش أنت جايب لنا من الزين ماأقول الا انك كبييييير والله كبير يادافع أسمح لي الحين أثبت موضوعك بألعن مطرقه ودريل وبعدها نمزع الموضوع للمعرض .. وبإذن الله برجع للرد ..يادافع ..( حنا إذا ماتعلمنا من مواضيع نتعلم من من ؟  برب |
|
|
|
29-11-2007, 10:06 PM
|
#3 |
|
|
رد: كليله ودمنه (العوده الى المستقبل)
يالبى قلبك يا برعي ... وانت استااااااااااااااااااااااذ انا اتعلم منك طال عمرك وكل الموجودين من اصغركم لاكبركم (( صورة بوسه )) تشرفت بحظورك واتشرف ان موضوعي يتثبت وشرفي الكبير بردك |
|
|
|
|
30-11-2007, 12:20 AM
|
#4 |
 
|
رد: كليله ودمنه (العوده الى المستقبل)
يادافع البلاء وش هالقصة مافهمت شي من السالفه بس مت ضحك على سردك للقصه<<<بتسوي فاهمة وكيذا
لا لالا (صوره يدي تدفك بقوه مع كتفك)<<تمون  ..... يله اشرح لي مافهمت سالفه الخيش للاستعمال الخارجي ..ووش دخل الخيش بالعيال (صورة دمجتي وهي مو فاهمه)يادافع البلا الحين كليلة ودمنه وش دخلهم ليكونون بس اسامي شغالاتكم؟؟!!!  الله يخلي لنا اميماتنا ويجزاهن خير ويسلم لنا يديتك اللى خطت هالموضوع الكويس قبلاتي الحاره <<<بمناسبة دخول الشتا |
|
|
|
|
30-11-2007, 02:18 PM
|
#5 | ||||||||||||||||||||||||||||||||||||
|
|
رد: كليله ودمنه (العوده الى المستقبل)
هلااااااا غرووووشه يالله حيها
لو قلتها بتصفق من برعي ... بس خليها على ماهي عليه احسن
ليتنا من حجنا سالمين روايه يا خلف جداني كليله ودمنه العنوان العوده للمستقبل والعاقل يفهم
اللهم امين .. ويجزاك الف خير على حظورك وتشريفك لي بالموضوع قبلاتي الاحر <<< يتفاعل اكثر هالادمي بالبرد |
||||||||||||||||||||||||||||||||||||
|
|
|
||||||||||||||||||||||||||||||||||||
|
01-12-2007, 10:55 AM
|
#6 | ||||||||||||||||||||||||
 |
رد: كليله ودمنه (العوده الى المستقبل)
يادافع البلا
. . عنبو هالوجه بالعن لك مسجل ياوصخ وش هالقصة المهبوله اللي زي وجهك ياحيوان يا ابوكرشه يا رئيس الحشرات الزاحفه انت يحلفون انك من الحيوانات اللي يمشن على اربع وبعض المرات تطير يامعوق ياعاهه اجل مصادقن لك لبناني وهاللبناني حتسيه مثل حتسينا وش هالنصب ذا وين انت لاقينا الله يصلح قليبك مير ماعليك شرهه مادام انه مابعد اكتمل نموك الى هالحين مناب قايلين لك شي والا هذا لوبناني تعرف وش معنا هالكلمه يعني ما ينتفوت عذاب يعني احجره طالع عمرك بحوش البقرة وعلمه وشلون يقدر يتصرف مع الزواحف اللي مثلك واشكالك مير ماش مابالحمض احد على ماقالو < - بدينا بالامثال والحكم ياحكيم لا واللي قاهرني انك تمشي بدون صروال وانت مالك حادي على هالشي عنبو بليسك انا يوم قلت انك كيوت وماتلبس صروال قلت ايه التسلب عرفت هالحين اكيد انه شنب وراعي سوابق واثاريك من جمبها الله يحوم تسبدك مير ثكلتك امك وتباً لك ياحقيري المفضل يادافع قصة عياريه مية المية اسلوبها ملعون والدين وتسلسل افكارها قذر مثلك ياحيوان جازت لي وقريتها مره ومرتين وتسني جالسن اشوف مسلسل ابو عواد الاردني < - ياشين السماجه فكرك مجنون وخيالك وصخ ياوصخ تصلح كاتب قصص لأفلام اكشن يالله يالله تقدر تصيطر على قريحتك اللي مستلمينها ثمانين شيطان كل واحد العن واخبث من الثاني وانت لك بالعياره خبره وباع طويل وهذا يظهر على كتابتك وتمكنك من استمرارية الروعه الحيوانيه حتى نهاية القصه ياحيوان يا بقره المهم خن نبي نشوف الاقتباسات على اني بديت اكرهها لكن لو مانلقى الا اقتباس ونطلع منك بفايدة ياعديم الفايدة <- يحلفون اني جالسن اكتب بالتكست واضافة الرد لين كتبت فيه مسحه ولد الحراميالله قم افصخ صروالك خن نبي نبدى بالاقتباسات ياروح ماما انت < - الله من التفكير الزين. . .
هههههههههههههههههههههههههههههههههههههههههههههههههه ههههههههههههههههههههههه ذكرتني بأبو وعماني ياشيخ احس انهم مارجين كل ماجيت عندهم لمسوني وقالو وش ذا هاه يابو قسمن برب الكعبه اني اشك بعمري لولا الحيا لا اقول لبوي هيييييييييه يابوالشباب تراني ولدك انت وش عندك ترى ندري عن حركات بداية القردنه اللي تخلي الواحد على باله شنب وتريش له واخر شي تقلب ام ام الطبخه عليه لكن الحمدلله اني كبرت ودايم اشكر ربي على هالنعمه والسبب الوحيد اني افتكيت من حركتهم ذي
. . بعلمك سر تعال قرب اذنك (وشسمه تراني قضيت) < - بشر امك طيب المهم لا تحرمنا من ابداعاتك وبنتظار جديدك على احر من الجمر ياحيوان < - طيب قم عن الجمر وفي رعاية الله ياايوها البار بوالديك ولا تنسى ان تفرش اسنانك ياحيوان يامنحط ياسافل |
||||||||||||||||||||||||
|
|
|
||||||||||||||||||||||||
|
01-12-2007, 12:40 PM
|
#7 | ||||||||||||||||||||||||||||||||||||||||||||||||||||||||||||||||||||||||||||||||||||||||||||
 
|
رد: كليله ودمنه (العوده الى المستقبل)
<<< جاين مستحي  يقول شلون ابرد على ها الموضوع الزين دفدوعي << ابو من علمك الدلع الصدز اني ماعرف شلون ارد على قصه البنت سته وستين كلب من زينها ياخي وش هالقصه تسان خليت لي سطيرين على الاقل احطهن موضوع ابزع فيها قدام الاعضاء يعني اني تطورت وصرت اعرف وكييذا <<بدينا بالحسد  يادافع البلا << اسم ذا ولا دعوه الزبده قصه حلوه ضحكت فيها الا ماتمزع قلبي من الضحك ياويلك لو جا جرحي فتاق والله يعني اني انقي اقتباسات زينه
شف هي وحده من ثنتيتن يا انكم بزارين مؤدبين يا انك لاعنن خيرهم وواطين على رقابهم  بس انك دمقراطي اجل تروح وتجي ولا الحين دورك محجوز والله ماشفت اللي عندنا من سبق لبق
ياخي وش انت حيوان تراب تسلب تحب تقلب المواجع ابو ولد عاد يازينه اول تفتحه وتلحس البياض اللي داخله وتجدع الباقي الله يخلي لنا قناه اليمن  دام انها الى الحين تجيب دعايتها وابو صالح اللي يبيعه الى الحين مع ان فترته صلاحيته منتهيه بس على قولته دام انه منفك اجل جديد
هههههههههههههههههههههههههههههههههههههههههههه ههههههههههههههههههههههههههههههههههههههههههههه هههههههههههههههههههههههههههههههههههههههههههه  اجل اتي كيت بغرفه النوم الله يلعن بليسكم تسان اني داري انكم طلعتوه سيدا يعرف الاتي كيت وصار الضاهر يدرس عيال الحاره بعد نعنبوا غيركم حتى البناني انحرف
اجل تنافخون مانقول شي براءه اطفال (( ايقونه تقول البراءه بوادي واخو دافع البلا بوداي اللي نفخ اخوه بقوه حتى ان القصبه يقولون انها نشبت بوجهك وما انفتحت الا بعمليه قيصيره مهب اخو ذا نافخ بالقصبه من قلب ))
نعنبوا بلسيها امك اجل سارقته لبوك اللي ماتستحي <<<بدأ يمون ابو الشباب ياخي شف احسن طريقه عشان تحافظ على سراويلك وملابسك الداخليه الاخرا من ستيانات وماشابه حط حرفك عليها << طريقه مجربه وجايبه مفعولها
هاه بس بشر عسى يوم انك قلبته جازت لك الوضعيه وعرفت تسولف زين
وهو اللي بيجرب الافغان بيصير يهتم فيك تصير عادي اصلا داخل وطالع من الحضيره مادرى عنك سمير والدليل انك تسولف معه وهو نايم هذولا يابوي افغال (( اخشن كافر ))
| ||||||||||||||||||||||||||||||||||||||||||||||||||||||||||||||||||||||||||||||||||||||||||||
