ممكن نصير اصدقاء خخخخخخ موضوع برعايه فتحي يا ورده

بردوق صندقان

السلام عليكم

يالله حيهم كلن بأسمه من اكبر دمجه لاصغر دمجه

بصراحه يعني مدري من جد مدري وش اقول... اقول تو ما نور المنتدى ولا اقول يالله حيني ولا اقول انا صديقكم الجديد من جيبوتي

لكن ما اقول الا يا جعل من هالحط هالقسم انه يعرس على ممرضه سيرلانكيه اجل قسم تعارف وتبادل طوابع

على طاري طوابع انا ليش احب اكه السبيت؟؟ من جد ترا للحين ما اعرف ياليت اللي عنده جواب يقوله

المهم نرجع لموضوعنا ونخلي كثر الهذر وش كنت اقول ايه طيب بما انه تعارف احب اقولكم اني لبناني

واحب جمع الطحالب البريه واحب اطبخ وانا لابس مريول الطبخ

كنتم مع الموجز والان اليكم النشره بالتفاصيل


سالفه اني لبناني هذي خالصين منها ولا اسمح لأي شخص كائن من كان انه يغير هالقناعه اجل وش بهم اللبنانيين زود عني حتى انا البس فنيله علاقي وسروال سنه بكيني


وعلى طاري جمع الطحالب البريه<<< ركز بالله يا اسطوره على هالكائن بدت هالهوايه تستحوذ على اهتمامي عندما كشت مره ولقيت طحلوب كذا لونه مقلم اصفر واخضر <<< اسطوره ركز بالله على الالوان تراها مهمه بالقصه قاعد لحاله قربت منه ونغزته شوي قام يترجرج نغزته مره ثانيه قام برضوا يترجرج نغزته ثالثه بس بقوه شوي الا اسمعه يقول بشويش ياحقير ليس الا بعدها حبيت هالكائن عشان كلمه ليس الا


اخر هوياتي المذكوره وهي ليست الاخيره واقعيا وهي الطبخ بالمريول بتسألوني وش تعرف تطبخ يا بردوق ابقولكم قبل لاتسألوني يا بثرين وش تعرف اسألوا متى تطبخ بترجعون تتبيثرون وتقولون متى تطبخ اقول لكم ما اطبخ الا برمضان واجاوب سؤالكم البثر اللي زي وجيهكم عن الشي اللي اعرف اطبخه الا وهو الفيمتو الفيمتو فن يا جماعه مو اي احد يعرف يطبخه صح

يعني تخيل ياللي تقرا او تقرين الموضوع انك قاعد من الصبح جوعان وعطشان وحالتك حاله ويوم جا وقت الفطور لقيت الفيمتو خفيف بالله مو تنقهر؟؟ طيب نفس الوضع بس الفيمتو مركز وثقيل ويشحط كل شي ينشحط من الجهاز الهضمي والمناعي بالله مو تنقهر؟؟

قايل لكم انه فن وانا من القلائل اللي يتقنون الفن هذا مع اني متأكد اني الوحيد اللي يتقنه بس تواضعي يمنعني من البوح



في النهايه احب اشكركم على صبركم على بثارتي وموضوعي اللي تقله الرباط الصليبي اللي بخشم اهات واتمنى اني ما طولت عليكم


ايه صح واتمنى نكون اصدقاء خخخخخخخخ


برايفت اهات

شكرا يا ابي الروحي

A M A L

^
^
^
يا كثر هذرتك هاليومين اشوف الي يسجلون لهم اكثر

من لسااااااااااان وهذا الي نبيييييه

حياااك الله وان شاء الله نشووف الابداااع

والمواضيع السسنعه واهم شي النشاااااط

آخر كلام

ولكم بردوق >> تحسبه بالشات

ستاربكس

ولكم أبورد صقيقنا القديم الجديد , بردوق صندقان ..


تو ما أنور المكان يوم دخلت موضوعك ورديت عليك .. << حالة نفسية عطوها جوها ..


وأنا من هواياتي المناقر مع البزارين , والطبخ بس بدون مريلة .. << هاها ماصلة ..


المهم , اتحفنا بـ سواليفك , وبرابيسك , واتمنى انك تفيد وتستفيد , مع اني ما اضمن لك هـ الشي ..


أديووووس ..

غرشة عطر

يالله انك تحيي هالبردوق
والله واخترت المكان المناسب في الوقت المناسب
ياكثر بربرتك....الله يعين روسنا من تصديعك...التم المتعوس على خايب الرجا

<<<<<موب كني اسب؟؟؟؟


لاعاد الصدق انك خبيل وتستاهل من يقرا لك....حظ اوفر<<<<شبكت الخطوط