في ليلة عرسها تبكي..
حزينه وقلبها يحكي.. يقول الحمد لك ربي على كل حال..
على الصحه..
على النعمه..
على قلب شكى همه..
وصبرطال..
تجيها أمها وتقول..
خلاص يابنيتي انسي..
قوي قلبك الحاني واقسي..
نصيبك هو نصيبك ..
مابيدينا شي..
ولوكان الله كاتب لك حبيبك ..
ماوقف في دربكم شي..
تجاوبها..
ابي اعرف..
ابوي شلي استفاده ألحين..؟!
لوذابحني كان ابرك..
وزوجي اش ذنبه المسكين..؟!
يعيش باقي العمر..مع جثه تتحرك..!
عليك الله يايمه..خبريني شلون اضمه..؟!
واذا وده يكلمني..وشاف دموعي فعيوني..قولي لي شلون اكلمه..؟!
واذا ناداني بأسمي..وانا اخطيت في اسمه..ياترى وش موقفه مني..؟!
وهو يسمع اسم غيره..!
تجيها امها وتقول..
خلاص فضيها من سيره..
ترد البنت..
بقول لك شي يايمه..
وخليها من الأسرار..
ابكتب له رسالة شوق..
بشاكيه الألم والعوق..
وعقب ماانتهي منها ..
بكل الحرص وديها ..
وخبيها عن الأنظار..
وابي منك وعد صادق..
توصليها لذاك المغرم العاشق..
وبعد مايوصلك رده..
على طول بلغيني بآخرالأخبار..
ربع ساعه يايمه..
عطيني بس ربع ساعه..
ابكتب له ألين دمع القلم مايجف..
وتعالي بعدها واستلمي مافالظرف..
وكتبت من حزنهاأبيات..
تقول فيها..
(سلاماتي وتحياتي واشواقي الشديده على اللي روحه قبالي وانفاسه بعيده على اللي افترقنا غصب عن عيني وعينه بعد ماكنت انا وهو نحلم بلحظه سعيده بعيش بغربتي لحالي وهو الله يعينه يكمل نصفه الثاني ويلقى من تريده مثل ماقالت أمي مالنا إلا قدرنا والا من زمان المفترض إيدي بإيده يسامحك الله يالوالد على عمرقتلته بعدما ماتت ابنيتك وش اللي بتستفيده؟انا آسفه على اعذاري وربي غصب عني نعم بتزوج الشخص الفلاني بس بعيش عمري وحيده محد ممكن انه يترس عيوني بدونك تذكر كلمتي هذي'انا فحبك شهيده'تذكركلمتي ارجوك لأنها من فؤادي فؤادي اللي ذبحوه اليوم وطعنوه فوريده تذكر كلمة فيها شعوري وماطرى لي انا فحبك شهيده وذي ترى آخر رساله)
وجتها الوالده عندها..
وهي تحاول تغض الطرف..
وتسألها..
وش اللي بداخله هالظرف..
رساله هي رساله لحب من حياتي فات..
لحب من حياتي طار..
بسرعه ارجوك وديها ..
وهي تذرف دموع نار..
على هونك يايمه..
خلاص اطمني انتي..
برسل ماكتبتي..
واستعدي..
بعد شوي بيزفونك ..
يزفوني؟!!
وربي كان اهون لويكفنوني.!
بعد ايام..
تسافر لجل تقضي في فرنسا.شهر العسل.
والمكتوب للعاشق وصل..
وهي مع زوجها تضحك..
وهومن فرحته يضحك..
يقول افداك انابروحي وبيتي ومالي والأهل..
وهي تقول اشكرك بالحيل..
وساعه بعد ساعه..
فرحتهم تزيد..
وحانت ساعة الرده..
بعد ماطالت المدة..
وموعدهم بعدساعات..
واول ماوطوا ارض المطار من الفرحه بكوا..
تطير البنت ناحية أمها..
اشتقت لك حيل يمه..
هاتي حضنك الدافي اضمه..
وخبريني عن احوالك..
بس ابسألك يايمه..؟!
ارسلتي الرساله له..؟!
ارسل لك جوابه..؟!
ترد الأم..
يابنيتي بعد مارسلتيها..
صرت انتظر منه خطاب..
ومرت ايام وليالي وساعات..
وبعد مده..
شهر..اويمكن شويه يزيد..
لقيت نفس الرساله..
عند صندوق البريد..
تقول:لم يقرأها أحد..!
قلت بنفسي اتأكد..
وصلت لباب منزلهم..
وكلمني أخوه أحمد..
عرفتي ليش مافيه أحد قرأ الأبيات..؟!
في نفس اليوم اللي به تزوجتي..
وكنتي حيل مغتمه..
حبيبك ماقدر يتحمل الصدمه..
ومع كل الأسف..
*مات*
19-03-2008, 03:16 PM
مآت .. !!
العرض العادي
