NABDH

بكيراوي

ساعه ونص من الابداع

وش المنقهر عندك <<<< ما يتمصلح ابد

الصورهـ شي شي

ان شاء الله كذا تكتب

شليويح بيك

من جدك يانبض ؟

وش هالابداع والفن والامتاع والحماس والوناسة وكل شئ ؟؟!





قسم بالله قمة باالذوق

آآآهـ لو انكم مطلعين ابداعاتكم قبل .. كان الحين فاتح جناح للملحق بالجنادرية


يالله ان شاء الله في مناسبات جايه

لاتحرمينا جديدك

A M A L

اقول الحين انتي راسمه بالفحم او قلم رصاصـ خ يتوو

عجبتني الرسمه عندك الزوايا يبي لهاا واضح انكــ معصبه زي ما قلتي

والا الرسمه مافيها اخلاف حلووهـ مرهـ ان شاء الله

نشووفك احسن من المنقهرهـ في الرسم وتتوفقي عليهااا
قووولي امييييييين بس

أبــ Jo$eph ــو

تسني أشوف قسم الشخابيط انقلب حصة فنيه ..

لكن الحق حق .. والكلام الفاضي ما له مكان هنا .. فكرتي فرسمتي فأبدعتي ..

مشالله عليك حتى صفايط وجهه جايه مضبوطه .. والا النظره الثاقبه ..

نبض .. واصلي وحنا وراك .. بالتوفيق ..

A S 6 O R H

{ .. مثبت .. اللين ما ارجع لتس الليله ان قاله الله .. ونشوف وش وضع صورتس .
( ايقونتن حجزت لها 3 ردود وكلها الليله ان الله عطاني عمر ارد عليها ) .

موافق عليها

^^^^^^^^^^
الله لايقوله

ايه ناس تحجز ثلاث ردود وناس تموت عشان ترد رد واحد

نبض نبض العن خيرتس وش ها الرسم يلعن ابليستس والله يا انتي فنانه وش ها الابداع وش هالزين <<اما شايب زين لا لا جد وش سالفتتس مع الشبان ؟؟ لاايصير بس يذكرونتس بالزمن الجميل نبض اسمحي لي ارفع لتس القبعه يوه تذكرت رسمتي يوم اني بثاني متوسط يوم اني ارسم ناس يتسابقون على خيول فروسيه وكييذا وياخذون رسمتي ويتحطونها بالمعرض حق الفنيه <<<<ترى المدرس مهب ولد خالتي نبذ على تبن يامبدعه

المنقهره

رسمتس قميحه جداً
تدرين يوم شفت رسمتس تذكرت شي إني ناسيه ماأووقع على رسمتي يلعن ام القهر
خلاص أن شاء الله الرسمه الجديده أوقع عليها <<---- وناويه ترسمين جديده؟
الخطوط معقده جداً .. شكلتس وانتي ترسمين كنتي معصبه .. اللي أستنتجته من الرسمه ان فيتس عقد .. وأنتس مريضة نفسياً <<---- مالمريض غيرتس يالعاهه
أهم شي أنتس خذتي ببالتس نقد أسطورة في صورتس اللي راحت حقت الشيبان .. وحطيتي إطار .. أحيي فيتس الاطار المنتاز
والا الرسمه تقلب التسبد ..

كفاني عذابـ

نبض وربي كلمة إبدآع قليله في حق الرسمه

وقسمن شي شي

يآربي متى بصير من زيتس << شوي شوي

نبض تف تف ماشاء الله

الله لا يضرتس

لآآآبسه بكلهٌ.!

أول شيء أنا صريحه يعني تقبلوو وجه نظري برووح ريااضيه

.

أمممم وربي أبدآآع.. مو طبيعي

بس بسئــلك. انتي الي رااسمه <أنطمي ياحمآآرهـ..

روووعة تسلم يديآآآتك.. وربي رووعه

الله يعطيك العاافيه،،.. ولآتحرمينآآ

من أبدآآعكـ.. المبهر يآآصغننه..

مرجوج

خطيره الرسمه ..
لاكن وين حـااجب الشاايب االايمن >> بالنسبه له 8

موافق عليها

الا صدز الشايب ليش يصيح من اللي طاقه

blue

ابداع يا نبض .. ماشالله عليك والله يحفظك من العين ..

A S 6 O R H

نبض نبض يرحم امك لا عاد ترسمين .. يختي شوفي الشايب يبي يحتسي يبي يعبر عن رسمتس الشنيع .. ما يقدر يحتسي يا بنت الحلال .. شوفي ما رسمتي له خشه .. شلون تبين يحتسي .. الله يصلحتس وراتس طولتي الشنب وكثرتي السكسوكه وسحبتي على خشته ( فمه ) هـ الحين انتي لعبتي بـ شكل الانسان .. خليتي ماله فم ليه كيذا يا نبض .. وش الكره والحساسيه والبغضاء اللي فيك .. يعني عشان براطمتس تسنها لستك كفرات شنابر .. قولي ما اعرف وش الشنابر عشان اقول لتس ما عمرتس شفتي بهبهاني احمر شكمانين منكلات و مركب شنابر و مسقط مكينة كابرس 8 سلندر .. ولا صح ما عندكم الابداعات هذي بـ الشرقيه .. حدكم كورفت موديل 77 .. ويشق له ( سدهـ ) ويطلع صوت الموتر خورافي ويقول لكم تراي معدل موتري وهي كلها اقرب سباك وفتحت ماصورة ام 1.5 بوصه .. نبض دمتي تلميذة فاشلة عند الرسامه المنقهره .
برايفت سلفر : متى ننزل رسماتنا انا وياك عندنا ناس فاشلين ولازم نعلمهم كيفية الرسم ع اصوله .
نبض .. ترا الشايب ما يسمع وش نقول .. لـ ان ماله اذن .. حشي فيه ع كيفتس .

نسخة لـ ذهب الملحق بعد اكتمال الردود & ارفعي صورتس ع الملحق .

برايفت بلو : ياخي ليه توقيعك تحط فيه قلوب يعني البنت تخقق بوجهة نظرك .. تدري ان اللي محليها البريسز .. بس يقولون انه يجرح <-- انفصام شخصية .

ستاربكس

ماشاء الله ماشاء الله .. تف تف تف ..

الرسمه خقق خققاااااااااق , خقق خقق خقق يا تبن خقق .. << أعصابتس ..


نبض حددي موقفتس , انتي ترسمين وإلا تصورين ..

وتراتس ابدعتي في كل المجالين .. الله لا يضرتس بس ..


ياربيه متى اكبر واصير رسامه ومصورهـ زيتس ..


برايفت سطير ..

يجرح وبس .. إلا تعذيب ..