في (دق الخشوم) .. هلالهم دايما مهزوم ، والدمعه اللي ما تنباع نشتريها !

## تؤكد المصادر إلى أن النصر سينضم إلى قائمه افضل 350 نادي في العالم .. ولكن ما غيبه الاعلام ان النصر حقق المرتبه الـ28 بعد كأس العالم للانديه في عام 2000 كأعلى رقم حققه نادي عربي ..
## لانها دقة خشم .. وجايه من النصر .. يا حر على تسبودهم ..
## بطولة الخطوط السعوديه .. بطولة الارهاب .. بطولة الصداقه .. بطولة المئويه .. بطولة بندر بن ثامر .. كلها بطولات دوليه ما شاء الله .. لكن بطولة الامير فيصل بن فهد اللي من عام 1975 طلعت تنشيطيه وسنيه وكل العذاريب فيها ..
## قد قلت قبل ان الهلاليين ما بعد عذربوا في البطوله لانهم للحين ينافسون عليها .. لكن ما توقعت توصل فيهم البجاحه انه قبل المباراة يمجد في هالبطوله وبعد (دقة الخشم) يسفل فيها .. ورده بلاستيكية لـ فيصل ابو اثنين ..
## كان في السابق (منصور البلوي) شماعة الهلالين .. لكن يوم ودعهم منصور .. جاء ضحية جديده اسمه (فيصل العبدالهادي) .. الله يستر بس لا يصير (معيض) هو الشماعه الجديده ..
## اعتدت بعد كل نهائي ان ارى دعاية (كنتاكيه) على القنوات الناقله .. لكن الظاهر انهم قفلوا بعد ما دروا ان ماكدونالدز صار عنده (100) فرع ..
## النصر غاب 9 سنوات وتغنى الجميع الجميع بلا استثناء .. مع أن الهلال والاتحاد والاهلي وجميع الانديه الكبيره أقل نادي غاب فيهم 13 سنه .. هنيئا لك يا نصر ..
## كلمات هزت مشاعري كثيرا ..
الأولى لـ سعد الحارثي يوم قال (أحب اتذكر الرمز الراحل ابو خالد الله يرحمه واقول الله يرحمك يا ابو خالد .. وهالكاس هذا استكمال للمشوار اللي بديته وباذن الله نكمله بالبطولات باذن الله)
والأخرى لطلال الرشيد يوم قال (لو اننا كلنا متكاتفين ويد واحده كان يمكن ما بقى كاس الا وخذها النصر) .. وايضا يوم يقول ( ان هالكاس فرصه للنصراويين ان كل واحد ان كان في قلبه شيء يشيله بسبب هالكاس) ..
ومنصور بن سعود تحدث عن الرمز (تمنيت في هاللحظه انه يكون معنا)
## رساله إلى سمو الامير الوليد والى ايضا من هم يختلفون مع الامير الوليد ( هلا تنازلتم عن بعض قناعاتكم فقط من أجل النصر) ..
## البعض اتخذ من هذه البطوله فرصه لتصفية الحسابات وايضا مكانا لتشتيت القلوب التي ستجتمع باذن الله .. نحب ان نبين له ان هذا الكاس جاء بمجهود الجميع .. ابتداءا من الجمهور مرورا باللاعبين وانتهاءا بالاداره والشرفيين جميعا .. والكأس لا ينسب لأحد سوى لـ(النصر) فقط ولا شيء غير النصر ..
## حتى لا نظلم محمد الشهراني .. فقد يكون محمد الشهراني (الطُعم) الذي ابتلعه تفاريس وكوزمين ليبتلعهم بلال بعدها ..
## 35 بطوله نقيه .. وما زال للمجد بقيه ..
## الأمير الوليد أكد بأنه سيثبت الـ35 بطوله التي سبق ان اقرها فيصل بن فهد الله يرحمه على وقت الامير عبدالرحمن بن سعود .. نرجوا ان يتم الركض خلف هذا الاثبات ليتم اخراس جميع الالسنه المتصاعده لتنكب على رئاتها ..
##يقول الرثعان : مجانين .. مجانين .. جمهور الاصفر في حبه مجانين ، لكني اقول : مجانين .. مجانين .. هجوم النصر في (كباريه) مجانين .. ماجد عبدالله أصر على فتح مشروع كبري الموينع في جده .. وريان بلال أسس مشروع كبري خيرات في استاد الملك فهد ..
## ما كذب سعد الحارثي يوم قال (ارفع راسك انت نصراوي) ..
## كل الشكر لادارة المنتدى على قرارها الذي القى ثماره بوقف الاساءه إلى اي شخصيه نصراويه خلال تلك الفتره ونتمنى ان تمتد الفتره إلى ما لا نهايه ..
## في أعمق احزاننا كنا نتذكر الرمز الراحل ابو خالد الله يرحمه .. فلا تنسوه من دعائكم وانتم في غمرة أفراحكم .. الله يرحمك يا ابو خالد .. وإلى جنة الخلد إن شاء الله ..