|
|
|
|
التسجيل | إسترجاع كلمة المرور | تفعيل العضوية | طلب كود تفعيل العضوية | إتصل بنا
09-04-2008, 07:25 PM
|
#1 |
 
|
خليل مبدع ويستاهل وشاعر قوي
وجهة نظر مادامت قصيد يشرفني مروركم فيها .. . . خليل مبدع ويستاهـل وشاعـر قـوي وماهوب يكفر ليامن صار عنـا بعيـد والشعر ماهوب حصري لحظري وبدوي كلٍ على قدرته يبـدع فنـون القصيـد وان قيل تصويت قلنا ذيك فزعة خـوي وكلن حسب قدرته والله هو اللي يريـد ماقلت هالهرج لجل اني معه مـن ذوي الحق ينقـال والله بالخوافـي شهيـد يشيل شيلات صعبـه ماتواجـه زوي ويجيب من فيض صدره كل معنى جديد اليا ورد عد من عقب العطش يرتـوي ماهوب يارد ويرجع بأمر طاغي عنيـد البيرق اللي معـه مرفـوع ماينطـوي جابه ويستاهلـه مـادام رايـه سديـد واللي معه مبدعين وكل ذيـب يعـوي ويلقى جماهير تعشق كل شـيٍ فريـد والشعـر يبقـى بترتيبـه ومايحتـوي كلٍ على مايبي يقـدر يجمّـع رصيـد التعديل الأخير تم بواسطة أحمد السكران ; 09-04-2008 الساعة 07:41 PM. |
|
    
|
|
09-04-2008, 07:52 PM
|
#2 |
 
|
رد: خليل مبدع ويستاهل وشاعر قوي
الاستاذ اللاذع..
اول شي صح لسانك عـ هالقصيدة.. ثاني شي صحيح انا ما تابعت شاعر المليون هالجزء عقب ما طلع بدر بن خرفاش لكن من خلال ردة الفعل الي اليوم شفتها من الي تابعوا الحلقه امس<<<قولي بنات المدرسه واخلصي كانوا يسبون خليل وان ما عنده سالفة وانه ما يستحق انه يكون شاعر اصلا وانه وانه ويرفعون بناصر وانه مطلوم ومدري وشو طبعا..انا اعتقد هالشي صار لان السعوديين ما عمرهم يحطون يدهم بشي الا وتخيلوا ان لهم كامل الاحقيه فيه ما ادري ليه.. ناسن قالوا وقف التصويت ظلم لناصر وناس قالوا غش وناس قالوا وناس قالوا كلام كثير لكن انا مدري ليه اجزم ان لو ناصر الفراعنه كان مو سعودي وخليل سعودي كان قالوا ناصر ما عنده سالفه خليل اشعر منه وكذا احنا مدري ليه نحس اننا احسن ناس ما يستاهل الا الي فاز واذا على ظلم وما ظلم خل الي قاعدين يصايحون هذولا يسوون شاعر مليون ويفوزون شاعرهم الي يبون انا اقل من اني اعطي رأيي بواحد زي ناصر او خليل وناصر شاعر اتوقع هو الي زاد شهرة شاعر المليون ومافيه كلام عليه وعلى شعره لكن هذي وجهة نظري اتمنى فقط تقبلها اشكرك ودمت بخير |
|
|
|
|
09-04-2008, 08:00 PM
|
#3 |
|
|
رد: خليل مبدع ويستاهل وشاعر قوي
تبطي عظم
عقل نادر ويوزر مثقف يعجبني واحترمه ومتابع له وبشدهـ مرورك هو اكبر شرف لي اخيتي .. والف شكر على ابداء وجهة نظرك ومادمتي من متذوقي الشعر فـ رأيك يهمني واضافته هنا هي اضافه لمعلوماتي شكراً لكِ بقدر طيبت قلبك التي ليس لها مقياس لأن قلبك كبير لقلبك ولكـ  |
|
|
|
|
10-04-2008, 04:38 PM
|
#4 | ||||||||||||
 
|
رد: خليل مبدع ويستاهل وشاعر قوي
 ((لولا اختلاف الأذواق لبارت السلع )) أنت تشووف ان خليل يستاهل...غيرك يشووف ناصر...وغيرنا يشوف غيره وغيره... مستحيل اننا نقدر نجمع رأي الناس على شخص واحد وانه يستحق الفووز .. بس كـ رأي شخصي لي بصراحه أنا اشووف انه نااااااصر اللي كان يستحق الفوز وبجداره  ..مو لانه سعودي مثل ماتقول تبطي بس لأنه شاعر قوووي ومتمكن... ثقاافته جدآ عاليه...استخدامه للأفكار وصياغته للتعابير كانت جدآ جدآ مبتكره..كلماته ومعانيه تفقد الابتذال مثل مانشووفها عند غيره.. يكفي انه لما يبدا بقصيده تلقى الكل يسكت <<<تشووف نفسها تفتح خشتها  نبدا نبحث عن المعاني اللي يرمي لها ناصر في قصيده ...واتوقع ان البصمه اللي تركها ناصر الفراعنه له في قلووب الناس هي أكبر دليل على شاعريته  ولايهوون الجميع وكل اللي شارك بشاعر المليوون اللاذع يسلمووو على القصيده |
||||||||||||
|
|
|
||||||||||||
|
10-04-2008, 06:16 PM
|
#5 |
|
|
رد: خليل مبدع ويستاهل وشاعر قوي
عذوب
مثل ما انا قلت وجهة نظري انتي جيتي وقلتي وجهة نظرك وانا احترمها مثل ما احترمك شكراً على حظورتس .. وتراني منتبه للبيت بس موب سبب اني ادافع عنه  |
|
|
|
|
13-04-2008, 04:50 AM
|
#6 |
 
|
رد: خليل مبدع ويستاهل وشاعر قوي
.. مجرد مجاراة .. يا اللاذع اخطيت والغلطة صداها قوي والناس كلن يقول انه برايه سديد لا تبرّر لـ لجنـة ٍ وضيعة ٍ ترتوي من حرّ مال السعوديين خير ٍ مديد (ابو لغابيب) أخلاقه غدت تنزوي تزيح كل احترام وكل خُلق ٍ حميد و (دربن) اساسا أعدّه شخص ماهو سوي غبي وحاقد ولا يفهم بنظم القصيد واللجنة الباقية اسلوبهم ملتوي لا منّ (ناصر) حضر طقتهم ام العبيد لا تلومنا اللي حصل ياخوك ماهو شوي وافهم ترا (الشبرمي) يقرب لـ (حمد السعيد)  |
|
|
|
13-04-2008, 05:06 AM
|
#7 |
|
|
رد: خليل مبدع ويستاهل وشاعر قوي
يستاهل الشبرمي
أنسان خلوق قبل يصير شاعر |
|
|
|
|
13-04-2008, 05:24 AM
|
#8 |
|
|
رد: خليل مبدع ويستاهل وشاعر قوي
برايفت صح لسانك |
|
|
|
|
13-04-2008, 11:50 AM
|
#9 | ||||||||||||
|
|
رد: خليل مبدع ويستاهل وشاعر قوي
برايفت
اول شي بقول لك اني اول مره ادري انك شاعر لكن صح لسانك وعز الله انها مجاراة حلوه وجزله منك ولكن فيه هالبيت . .
الشعر مافيه مجامله ... واللي يجامل بالشعر ماهوب شاعر والشبرمي شاعر ولا فيه كلام وعلى الاقل شيلاته تحس فيها حس شعري ماهيب رطينة عجز ... الشبرمي يستاهل المليون واخذه بجداره وهذا رايي وكلن له رايه ولو اختلاف الاذواق لبارت السلع برايفت شكرا لك انك جيت وابديت رايك |
||||||||||||
|
|
|
||||||||||||
|
13-04-2008, 06:31 PM
|
#10 |
|
رد: خليل مبدع ويستاهل وشاعر قوي
امممممممم والله انا من عشاق ناصر ومن محبيه لكن بقول رايي بكل حياديه
خليل شاعر وقوي مايختلف عليه ثنين بس ناصر برضو شاعر قوي وعلى ماقيل من شعار الجاهليه الكلام مهوب ان خليل خذها او ناصر خذها الكلام على لجنة الظلم وبرنامج الفشل يعني ناس من محبين ناصر كانو يصوتون والرقم يطلع خطا استقعاد اللجنه له حتى في طريقة النقد يعني اذكر بدر مصفوق مره يوم ينقده يقول درقن درقن ؟؟ بالله هذه نقد هذه طريقه توضح الاخطا فيها ؟؟ لاوقدام شاعر كبير يعني مهوب احد المبتدئين !! وقدام برنامج كاااان محترم وقدام ناس وشعار ودكاتره مافيها اي احترام للشاعر ولالقصيده الكلام كثير وكثير سبقوني فيه وقالوه لكن احب اوضح لكم ان ناصر الفراعنه قال مره حقي مهوب عند ابو ذيب يعني لانطير في العجه حتى ناصر قالها بلسانه احب ابارك لخليل الشبرمي ويستاهل لكن والله ماتمنيت انه ياخذها بهالشكل لانها اهانه له كانهم ينتقصون من قوة قصيده بهالحركه برضو تمنيت الجمهور على الاقل يوم اخذ البيرق صفق بدل ماالصمت والتعجب واحباط الشاعر واذا كان خليل الشبرمي روحه رياضيه بعد مااعلن الفوز راح يحب خشم ناصر لازم اننا نبادله بالروح الرياضيه ونصفق له ونبارك له بدل احتقار وسب شخص ماله دخل حقنا مهوب عند ابو ذيب الف الف مبروك خليل والف مبروك محبين خليل التعديل الأخير تم بواسطة سيل الظلام ; 13-04-2008 الساعة 06:35 PM. |
|
|
|
|
16-04-2008, 09:32 AM
|
#11 | ||||||||||||
|
|
رد: خليل مبدع ويستاهل وشاعر قوي
صح بدنك يالغالي ولا هنت
وعموما اياً كان السبب في فوز الشبرمي فبرأيي انه لايستحق ،، هو شاعر ممتاز جداً وأخلاقه عالية جدا ... لكن وين راحوا الشعار اللي يستحقون .. (الفراعنة، المحيا، مهدي، عيضة، خلف) اجل ابو يمن ياخذ الثالث !! والكعبي الثاني ،، واضح ان اللجنة والمسابقة فاشلة .. كل الشكر لك وفي النهاية اختلاف الآراء لا يفسد (للشعر) قضية |
||||||||||||
|
|
|
||||||||||||
|
17-04-2008, 06:59 PM
|
#12 |
|
رد: خليل مبدع ويستاهل وشاعر قوي
يستاااهل خلييل ويستاهل ناصر ويستاهل عيضه
|
|
|
|
|
22-04-2008, 10:28 AM
|
#13 |
|
|
رد: خليل مبدع ويستاهل وشاعر قوي
عفوي
تستاهل الطيب يالذيب ومشكور ع المرور |
|
|
|
|
18-05-2008, 09:57 AM
|
#14 |
|
رد: خليل مبدع ويستاهل وشاعر قوي
والله انا اشوف ان خليل يستاهل الاول
وناصر يستاهل الثاني لكن الي مزعل العالم كلها ليه ناصر يطلع بدون اي نتيجه بالبرنامج يعني حتى الثلاثه الاوائل ماطلع منهم ع العموم صح لسـانك يالاذع |
|
|
