|
|
|
|
التسجيل | إسترجاع كلمة المرور | تفعيل العضوية | طلب كود تفعيل العضوية | إتصل بنا
30-03-2008, 11:06 PM
|
#1 |
 
|
ليلة توظيف ستار ..
في ذات يوم من الأيام , كنت جالسة في أمان الله , اتفرج على توم وجيري مع عيلان اخوي , إلا ويجيني ذاك الإتصال .. ( ترا اللي داق يحاتسيني انجليزي , بس دارية انكم مهنا زود قمت وترجمته لكم ) ..  أنا : ألوو .. ... : مرحبا .. أنا : مرحبتين .. ... : ثلاث مراحب .. أنا : أربع مراحبات .. <-- اخلصي ..  ... : الأخت ستاربكس .. ؟؟ أنا : ايوهـ معاك ستار , من معي .. ؟؟ ... : معاك ستيفانو اورلاندو .. أنا : و الكوبه , وش تصير يعني .. ؟؟ ... : أنا مدير شئون الموظفين في شركة ورنر في هوليوود , وإحنا شفنا السي في حقك اللي ارسلتيه لنا وحبينا نسوي لك مقابلة .. <-- يخرب بيت العطالة , مرسلة سيرتك لأمريكا بعد ..  أنا : اهااا ورنر , طيب متى المقابلة .. ... : راح تكون المقابلة بعد أسبوع إن شاء الله .. <-- ستيفانو ويقول إن شاء الله .. أنا : آآوووح وش اسبوع , الفيزا يبي لها اقل شي شهرين هذا لا صار عندك واسطة ويالله تطلع .. ... : ما عليك إنتي ازهليها بس , كلشي مرتب لك , المطلوب إنك تروحين السفارة وتقولين لهم أنا ستار وتقدمين جوازك وهم يضبطون لك الفيزا ..  أنا : خلاص تم .. ... : يالله نشوفك على خير .. أنا : على خير .. واروح ركـــــض لـ أبوي , واصاارخ يوباااااهـ ابشرك ابشرك جتني وظيفة , بس وشسمه يبي لها شوي سفر  , قال وينها فيه الشرقيه ؟ قلت حولها هه مهنا بعد , ابد كلها خمسين كيلو وإلاي في الدمام .. قال زييين أجل روحي مع أخوتس أخبر عندهـ دورة فيذاك , قلت لاا وشسمه ما يصلح اروح معه , شارطينن علي إني اروح لحالي .. قال ايه مايخالف اهم شي وظيفتن تفكنا منتس .. أنا بس سمعت ما يخالف وما تشوفون إلا غباري .. وووووش على الغرفة اولم العفش ..  ومن الساعة وحدهـ الفجر وأنا مرتزتن عند باب غرفة أبوي احتريه يقوم للصلاهـ عشان يوديني السفارهـ , وأول ما قال الله أكـ .. , ما تسمعون إلا طرراااخ بـ الباب ,, يوباااااااااااااهـ قم قم يالله اذن المغرب وإنت ما قمت .. واروح اناقز على سريرهـ واسحب البطانية .. ( سطير وآهات ولا كلمة ) .. شوي واجيب موية واكبها عليه , بس ذكرت إن امي فيه يعني ماله داعي انكد عليها نومتها .. <-- ظنتس مهيب قايمة مع ذا الصراخ والمناقز .. عاد ابشركم إنه قام , وترا ما جاني طراق منه ولا جاني جيك مويه ماشي مليون على جبهتي ولا شي ..  وركبنا السيارة ووصلنا السفارهـ بحمد الله , وهنا عاد سئلني السؤال اللي ماله داعي , قال لي وش جايبنا هنا الحين .. ؟؟ قلت هما أنا جايني شغل , قال ايه , قلت يوم اني فكرت فيها قلت ورا ما أخذ الجنسية الأمريكية الحين وأروح اشتغل فيها عشان يدبلون راتبي, ولامنه جتني الزيادهـ , يزيدوني 95 % موب 5 % زي بعض الناس .. قال ايه والله ونعم الفكرهـ .. المهم إني رحت لم الموظف حق السفارة بعد ما وقفت في السرا لي حول النص ساعة , وقلت له أنا ستار , وإلا وقام يرقل , اووهـ ستاار ام سوري ذات أي كيبت يو ويتنق , إي ددنت نو ذات ات واز يو .. الترجمة .. ( Ohh Star ana assef 5leetts wagfah t7treen , ana ma dreat anah enty ).. قلت ايه ايه بس خلصنا ترا ابوي واقفن يحتريني برا , دوك هذا الجواز والصورهـ , عسى الفيزا مولمة بس .. قال لي يس افكورس افري ثنق از ريدي فور يو , ذس از يور فيزا اند يور تيكت , ذا اونلي ثنق ذات وي وانت يو تو دو از ابييرنق إن ذا ايربورت اند قو تو هوليوود .. الترجمة .. ( eah akeed klshn molmenah ltts , hathy he el visa & tthkertts , elshey elwa7eed elly nabetts tswenah ho ents tjeen llm6aar w tro7en lm Hollywood ) .. مير اخذ التذكرهـ والجواز عقب ما لزقوا عليه فيزتي الجميلة , وارجع للبيت , في إحتراء الرحلة السعيدة .. يوم جاء يوم الرحلة , وأنا اودع في أهلي اقول لهم يالله نشوفكم على خير , ولو سمحت يبه بأخذ لي تاكسي ما ودي اتعبك واخليك تجي معي للمطار , إنت خابرن الطريق طويل وتعبن عليك .. بس هو الله يهديه عيى ولزم علي إنه يوديني .. مير ابلش .. يوم جا يحطني مع البوابه حقت الرحلات الداخلية , وانشب له لا لا رح مع بوابة الرحلات الخارجية , عطاني ذيك النظرهـ قال وشوله رحلات خارجيه منتب رايحه للشرقية ؟ قلت إلا بلا بس ذاك منول يوم إني سعودية , هـ الحين صرت من ذوات الشعر الأشقر يعني لزوم اروح للشرقية من بوابة الرحلات الخارجية .. قال ايه والله توني افطن , واشوا مشت عليه .. <-- والله لو ابوتس موافق عليها ما مشت عليه ..  واروح اقص لي البوردنق .. واسلم العفش .. واقعد احتري قدام البوابة .. ويوم جت الساعة وحدهـ الفجر أعلنوا عن الرحلة .. <-- رايحة المطار من الساعة 9 الصبح كل ذا خوفن لا تفوتها الرحلة .. وركبت جنب الشباك عشان لا تفوتني المناظر .. وقعدت وقلت خل اخذ لي غطه , المشوار لـ أمريكا طويل والحين ليل يعني مايمديني اشوف شي , انام الحين واقوم الصبح واقعد اتمقل لين نوصل .. وما دريت بنفسي إلا وصوت الكابتن يقول يالله ترانا وصلنا لوس أنجلوس والحمدلله على سلامتكم ..  يخرب بيت العدو احد ينام 14 ساعة في الطيارة , ياسفاب الكرسي بس .. لو إني دارية إني بنام كان قعدت عند الممر على الأقل اسهل لي لا بغيت أكل وإلا اتمشى وإلا شي .. <-- يا حمارهـ تبين تأكلين وانتي نايمة ..  ونزلت من الطيارة ودخلت المطار , عنبوا بليسهم وش ذا مطار وإلا ملاهي , الله يذكر المصباح بـ الخير , هذا قمة العز عندنا اثرهم مسكتينا فيه ..  يخرب بيتهم حتى ماكدونالدز موجود في المطار .. وش ذا الدلع .. ومالكم بـ الطويلة , طلعت ولقيت سواقن اشقرن احمرن اعطرن وش زينه معاهـ ليموزين اسود طويااااال ومعه لوحه مكتوب عليها اسمي .. واروح له ركض واطلع له الجواز سي سي ذس از مي , احط اصبعي على اللوحة وعلى الجواز واقول له شفتا شفتا قلت لك هذي انا .. قال اووهـ مس ستار ويلكم تو لوس أنجلوس .. قلت الله مير انه يحييك , قال بليز لت مي تيك يور شنطة وانتي ادخلي للسيارة عن الحر .. <-- تعبت من الإنقلش ..  وفتح لي الباب ودخلت , ياااااوك يا طولها طولااهـ , وهـ بس ليتكم معي تشوفون العز .. <-- كذبت الكذبة وصدقتها ..  وحرك السيارة عشان نروح لم هوليوود .. وطول الطريق وأنا فاتحتن الفتحة حقت السقف وطالعتن منها عشان اتفرج على الزين .. تخبرون فتحة الشباك صغيرهـ خطرن اطلع منها و يجي خط البلدة حقهم ويشطف راسي .. وصلنا الشركة على خيرر .. وقال لي السواق انتي ادخلي الحين وأنا بروح لم الفندق واحط عفشتس فيذاك , ودوتس هذا هو العنوان وهذا رقمي , ازهمي علي لامنتس قضيتي منهم .. قلت له طيب ورحت اتمشى في الموقع قلت خل اتشوف كودي الاقي جورج كلوني وإلا جوني ديب عندهم تصوير في الإستديو وإلا حفل اوسكار وإلا شي .. وأنا مدرعمه ابشوف الأستديوات إلا وقفوني السكيورتيه وقالوا لي عطينا تصريحتس عشان نمشيتس .. وريتهم جوازي ما نفع , وريتهم بطاقة الأحوال ما نفعت , وريتهم رقم السواق برضو ما نفع .. عاد عصبت قلت لهم تراكم بتندمون على ذا الحركة , أنا جايبتكم جايبتكم يا عيال اللذينا .. وعطيتهم مقفاي يعنني قوية  , ورجعت لم المكان اللي نزلت فيه من اول , قلت هـ المرهـ بصير مؤدبة وادخل المكتب , كود لا دخلت المكتب عطوني تصريح .. ورحت لم ذك السكرتيرهـ , وهـ بس يا زينها .. عنبوا دارها أنا خقيت عليها , شلون الرجال اجل .. ولا بعد مطلعتن السيقان حسبي الله عليها , قلت لها ابي ستيفانو الله يعافيتس , قالت عندك موعد ؟ قلت ايه عندي .. قالت طيب مومكين تعطيني الاسم الكريم , قلت معتس ستار تؤبريني .. قالت ايه ايه ستار اهلان وسهلاان , هلاّ راح ناديلك ستيفانو ..<--الحين وش بلاتس قلبتي اللهجة .. طراهـ محدن يطلع سيقانه إلا اللبنانين .. قالت لي تفضلي ع المكتب دقايق ويكون عندك , و دخلتني المكتب , عنبوا بليسه مكتبة قصرن لحاله , قعدت اتمشى شوي فيه , والقّط من ذا الشوكلاطه اللي حاطه وادسه في مخباتي .. تخبرون يعني طول الطريق مااكلت شي وميته جوع , وذا ربي منعمن عليه وعندهـ كلش , شوي إلا اسمع صوت الباب , واركض لم الكرسي واحط رجل على رجل لزوم البرستيج , ويدخل .. السلام عليكم .. أنا : وعليكم السلام .. <-- ترا قربت اخلص مشوها لي .. ايوهـ وش ممكن اخدمك فيه .. ؟ أنا : لا إنت قل لي وش ممكن اخدمكم فيه , انتوم إللي تبوني موب أنا  .. <-- يعنني تراني منيب ميتن عليكم .. معليه بس مين الأخت .. ؟ أنا : هااو شفيك يا ستفيانو نسينا ما كلينا , نسيتاا ذيك الأيام وذيك السوالف .. أنا ستاربكس ياابن الحلال .. ستاربكس .. !! أنا : ايووهـ , هاهاها ( ضحكة برستيج برضو ) ,, يااخي خوفتني , حسبتك ما عرفتني .. شلون إنتي ستاربكس .. !! ما يصير .. أنا : شلون ما يصير , اقول لك أنا ستاربكس من خلقني ربي وهذا اسمي .. يا ستفيانو عن المزح تراني منيب رايقتن لك .. ويلف عني ويقوم يحوس بذا الأوراق , وأنا هه كني بديت اخاف من الموضوع ., قال شوفي شوفي , ويوريني ورقه ..  أنا وجهي صار .. قال اجل شكل الغلط مننا , أنا أسف على كل اللي صار ما توقعت إن غلطة بحرفين ممكن تسوي الحوسة هذي كلها , قلت شلون يعني ما في وظيفه , قال للأسف لا .. قلت يعني جيتي هذي كلها طلعت فشوش , طاقة مشوار من الرياض , والعب على اهلي اقول رايحتن الشرقية وهذي اخرتها .. قال والله لو بيدنا وظفناك بس تخبرين يعني ما عندنا ميزانية تغطي ممثلتين , بس لا تخافين التذكرهـ والسكن وكلش علينا , ولو تبين ترجعين الليلة بطيارتي الخاصة رجعتس .. قلت أجل خل ارجع وش يقعدني فيذا لحالي , قال اجل تولمي الليلة الساعة ثمان رحلتس .. وزهمت على صديقي السواق قلت له تعال خذني بس لا أبوكم لا ابو ديرتكم المخيسه , ورجعت اخذت عفشي و وقعدت احتري في اللوبي , حتى الغرفة كرهتها مابغيت اطول فيها , لييين جت الساعة ثمان ويمرني صديقي ونروح لم المطار , واركب الطيارة وارجع لـ سعوديتي الله لا يخليني بس .. وطول الطريق مشغلة قلبي تولع بـ الرياض , حبن ورثته من الجدود .. ووصلت لـ أرض الوطن , لا عادها الله من رحلة .. ما يستفاد من الموضوع .. 1. أرضى بوظيفتك لو إنها مخيسه .. 2. لا عمرك تكذب على أهلك وتقول لهم إنك مسافرن للشرقية , وانت قاصدن مكان ثاني .. 3. قبل لا تركب الطيارهـ , تأكد إنك نايم زين , واشرب لتر قهوهـ , عشان ما يفوتك شي .. <-- للحين منقهرهـ .. 4. حسك عينك تقوم أحد نايم بجلافة , تراهـ موب في صالحك .. 5. ترا السياحة الداخلية وش زينها .. <-- مالها شغل في الموضوع بس ذكرت المؤتمر اللي مسوينه حق السياحة الداخلية .. والعذر والسموحة على طولة الموضوع ..  |
|
    |
|
30-03-2008, 11:34 PM
|
#2 |
 
|
رد: ليلة توظيف ستار ..
يافرحه ماتمت رحمتس ستاار اجل سفره وحركات ووظيفهتخزي العين .... وش حلات وطناا الحبيب والله فيه امكان توهبل <- احلفي صج .. كل واحد يرضى بنصيبه بوظفيته لا احد يتسذب بعد اليوم بعدين تاكلون هواء ذكرتني بطاش ... وسفرتهم اللعينه ... لو سمحتي نبي معلومات اكثر عن هذاي المزيونه وش فيلمه وين بيكون تصوريهاا اي مكان بالديرهـ موضوعك خووش موضوع مااقصرتي ستاره |
|
|
|
|
31-03-2008, 12:08 AM
|
#3 | ||||||||||||||||||||||||||||||||||||||||||||||||||||||||||||
 
|
رد: ليلة توظيف ستار ..
اي والله اخلصي .. انا قعدت عنده شوي احاول اترجم هي نكته ولا نكته < ولا ما تنقلع برا
 ودي اعلق .. بس اخلي التعليق لموااافق
والله وطلع لك مخ .. وصرتي تعرفين تصرفين .. اجل تاخذين الجنسيه  << انت لك وجه تتكلم بالجنسيه
لعن ابو بليسك اجل ذي الترجمه {<< ميتن من الضحك تخيلي ذا وجهك .. تسان باتسر يسجلون حاله اختطاف من الدرجه الاولى سطير .. موافق .. تولموا عندنا صيدهـ << براا
موطني .. موطني .. موطني ..  قد عشت فخرا للغدي << يأشر بعلم السعوديه ..ستااار .. اسلوب حلو .. وقصه حلوهـ .. وسفرهـ حلوهـ .. وكل ابو شيء حلوهـ << علق على حلوهـ ستاار .. اعذرينا على القصور .. |
||||||||||||||||||||||||||||||||||||||||||||||||||||||||||||
|
|
|
||||||||||||||||||||||||||||||||||||||||||||||||||||||||||||
|
31-03-2008, 12:36 AM
|
#4 |
|
رد: ليلة توظيف ستار ..
أحلىىىىىىىىىى ستار وشذا الأبداع
والله ماشاء الله أسلوبتس سلس بالحيل .. خلصت وأنا مدري ودي أقتبس بس مهنا وقت .. بأخليها القابله إن شاء الله |
|
|
|
|
31-03-2008, 02:43 AM
|
#5 | ||||||||||||||||||||||||
 
|
رد: ليلة توظيف ستار ..
أقول وش بلا ذي انقليزيتها غير اللي حنا نعرفها !!
---> ودهـ بس ما يحصل الشخص المناسب في المكان المناسب .____________ ابداع كتابي منقطع النظير احرف تسطرت واظهرت الابداع المكنون هنيئا لك يا ستار .. قلمك ابو نص ريال جاب نتيجه فتّاكه .. |
||||||||||||||||||||||||
|
|
|
||||||||||||||||||||||||
|
31-03-2008, 05:32 AM
|
#6 | ||||||||||||||||||||||||||||||||||||||||||||||||||||||||||||||||||||||||||||||||||||
 
|
رد: ليلة توظيف ستار ..
ههههههههههههههههههههههههههههههههههههههههههههههه هههههههههههههههههههههههههههههههههههههههههههههههه ههههههههههههههههههههههههههههههههههههههههههههه هلا هلا بصقيقتي والله===لزوم الاحتكاك يلعن يومتس وش ذا الهبال ..تكفين وش تحسين به؟ ..امانه امانه وش تحسين به؟ ..لا صدز وش تحسين به؟؟ ..اكلمتس جد وش تحسين به؟ ===اقول انقلعي قبل ماتحس انها تبي تصكّتس بالنعال على جبهتس ستار بكس..كتبتي فـ ابدعتي..موضوع مكانه الاصلي ذهب الملحق..وبتشوفين
بتقنعيني انتس ثقل وماخقيتي عالاسم يعني؟؟ ...انا وهي انا قمت تروشت اول ماقريته اقول طيييري زين قال والكوبه قال
مير الله يخلف عليتس
..غيرتس مايصحى الا بالفندق ..
ههههههههههههههههههههههههههههههههه
==لاتحاولين تقنعيني انتس تطلعين سيقانتس اللي تسنهم عصاة ماوكلي
...ذكّرتيني لما سجلت في البحرين اوّل ماوصلت السكن غيّرت نغمة جوالي وحطيت ((نجوم الليل والغربه تذكرني بزمانن فات))...مع ان مابيني وبين الخبر الا جسر ..وفوق هذا ماصار لي ساعتين من تركت اهلي ياشين الناس اللي يبون يسوون اكشن غصب لا...وحاطه نغمه خاصه حق امي وابوي ((هلي ياليتني مافارقتكم..عفت روحي انا يوم العفتكم))..ومن جهه ثانيه قاعده اطق اصبع وارقص مع صديقاتي ستار..والله موضوعتس ستار ..الله يسعدك يارب ادري ردي مهوب قد المقام...لكن والله قاعده اصمم وماكنت ناويه ارد..لكن لما قريته قلت لازم اسجل اعجابي فيه يعطيتس الف عافيه تحياتي نبض |
||||||||||||||||||||||||||||||||||||||||||||||||||||||||||||||||||||||||||||||||||||
|
|
|
||||||||||||||||||||||||||||||||||||||||||||||||||||||||||||||||||||||||||||||||||||
|
31-03-2008, 08:32 AM
|
#7 |
 |
