تقرير .. انا االاسطوره ... صدقتوا انا موافق :d (تقريري بتاع المسابقه)

موافق عليها · 27-03-2008, 02:46 AM

بسم الله الرحمن الرحيم
السلام عليكم ورحمه الله وبركاته
<<<تخيلو انها زي حقت مصيول

المهم اقولكم هذا ياطويلين العمر وانا جالس اتابع التلفزيون وحاط على قناتي المفضله دعايات اوربيت وغير فجاءه واحط قناه والله مدري وش اسمها <<عشان مانسوي دعايه المهم انهم حاطين برنامج عن افلام ترتيب الافلام قلت اصبر ياولد وشف وشو المركز الاول ولا اشوف المركز الاول واتمقل الا والله هو الاسطوره قلت يعلن بليسه التسلب ماعمره يدخل شي الا يصير ازين واحد كفو والله ياسطير التسلب واخذ جوالي وادق عليه هلا والله سطير شلونك ويرد علي كا العاده اخلص وش تبي قلت وش ها الابداع شلون طلعت الاول على الامريكان شلون نتقت الهولويديين قال منهو انا قلت ايه انت مامثلت انت فلم عاد قلت له وين انت الحين قالي والله منبطح بالبيت عاد انا نبت براسي نخل شلون بالبيت والولد ماخذ المركز الاول بشباك التذاكر لايصير يمثل بالنيه بس قلت له ماتجزم قال قدام بس وشو <<< والله انك ياسطير زكرت ماعندك شي ورا كل شي قدام الا في بعض الاشياء تحب الورا المهم قالي وشو قلت نروووح هوليود نشوف وش السالفه قال ابد قدام باتسر نروح نحجز جهز شنطك قلت ماعليك جاهزه الشنطه <<<كلها القط من الارض وحط بالشنطه (عفش مطلقه ) المهم تقابلت انا وسطير في صباح اليوم التالي ومشينا لم المطار وكل امورنا تمام وانا اتذكر واقول لسطير بشر عساك حملت برنامج الوافي على جوالك قال ماعليك كل شي تمام
وركبنا الطياره والا الرحله مليون ساعه وجايبين لنا فطور فول نعنبوا حيهم راحين هوليود وجايبين لنا فول المهم مالكم بالطويله رحنا لم هوليود الا سطير مضبط الاوضاع حاجزن لنا فندق وكل ابو حاجه واول ماوصلنا لم الفندق قلت لسطير يالله يالله اخلص نبي نروح نشوف ها اللي يقلدك وابد طلعنا من الفندق ومشينا رجليه الا نشوف فيه تصوير فلم ونقول خل ندخل ونسأل وين تصوير فلم الاسطوره ودخلنا الا نشوف تصوير فلم الكتراز ونسأل نكولاس سجيك ابو سكيج ابو سكيج قالي سم ياخلفهم قلت بالله ماتدري وين تصوير فلم الاسطوره قال الا ادري بس وش تبون فيه قلت لا ابد فيه سوء تفاهم نبي نحله وعاد قعد يوصينا ابو سكيج اركدوا توقعوا تراكم متهورين اعرفكم قلت لا ماعليك نعجبك وعاد وصف لنا المحل حق الفلم واول مادخلنا موقع التصوير الا نلقى هاك البوكستر واللي مكتوب فوقه
{Iam Legend

وندخل شوي الا نشوف هاك المخرج والله لوك اعجبني مخرجهم وندخل عليه هلا ابو الشباب هلا زكرت كيفكم وش تسون قال قاعدين نصور فلم <<على نياته مافيه لكاعه طيب ماتعرفنا يبو قال معكم المخرج
فرانشسكيو لاورينس

قلنا طيب نبي نشوف ها الاسطوره اللي زارفن اسم خوينا قال والله لو تشوفون الممثل داري انكم بتحبونه تراه بطل قلنا طيب ورنا خل نشوف انا الصراحه ما اعترف الا باسطوره واحد اللي على يميني ابد ترى الاسطوره ماكبر راسه وقالي كفو والله انك زكرت ياموافق المهم جانا الاسطوره ومعه الابطال الثانين والا نشوف هاك العبد الحلو انا اقول للاسطوره عرفته عرفته هذا
ويل سميث

ويجيني كوع يمشي تريلون من الاسطوره منهو ذا قلت له بالله ماتعرف منهو عاد وانا اقوم واخر له منهو ويل سميث
اسمه ويل سميث سوبر ستار ونجم بوب مغني وومثل اللي تبيه تلقاه فيه لو تجيبه بفيزه شغاله ماقال لا ولد في فيلاديفيا (ايقونه تقول مافيه فيلادلفيا مافيه مصروف )25 سبتمبر 1968 وطوله 6,2 قدم كان أسمة ويلاري سميث الثاني ولكنه حصل على أسم الشهره له من معلمية وهو في في المدرسه الثانوية وأسم الشهرة هو برنس ( أو الأمير ) والمعلمين أعطوه هذا الأسم لأعجابهم به ، لكنه بعد ذلك أضاف لأسم برنس كلمة ثانية وهي فرش فأصبح الأسم بالكامل فرش برنس .ويل سميث كان الطفل الثاني في عائله تتكون من أربع أطفال عاش في طبقة متوسطة في فلادلفيا تخرج من الثانوية العامة وكانت بدايته في عالم الشهره عندما كون فريق غنائي (جيفت تونز) ولكنه يوم طنخ شوي بذر ثروته وبدا يشتري خرابيط لكنه استطاع ان يعود عندما بحث عن شيء جديد في عام 1989م ،عندها قابل Benny Medina الذي كان لديه مسلسل تلفزيوني أسمه a sitcom , ويل سميث أحب الفكرة كما أحبتها شبكة NBC التلفزيونية وفعلا كانت بداية شهرت ويل سميث في التلفزيون وقد دام هذا المسلسل ست سنوات متواصلة وظهر على الشبكة نفسها في The Fresh Prince of Bel-Air وفي ذلك الوقت أيضاً بدأ يخاطر في الأفلام بحيث أن النقاد أخذوا عليه بعض الملاحظات في فيلم Six Degrees of Seperation سنة (1993م) وقد فشل الفيلم في ذلك الوقت لكن النجاح الكاسح والذي حقق له بوابة الدخول والذي جاء مع النجاح هو فيلم Bad Boys سنة (1995م)
المهم جا ويل سميث قلنا هلا والله ابو سميث قلنا هلا والله ابو سميث قال مرحبا قلنا وش ها الزين وش ها الفلم البطل بالله وش اسمك بالفلم قال : روبيرت نيفيل
وعرفنا على البطلين اللي معه الاول هي
السي براخا بدور : آنا

وهذا الحلو

هذا اسمه
شارلي ثان بدور :ايثان

ماشاء الله حمولتن طيبه واضح انه فلم ابن كلب طيب طيب الكاتب وينه وينقز ويل سميث موافق يرحم امك لا تفضحنا ترانا سارقين الفكره قلت لا لا مهب سارقينها مقتبسينها قال ايه تسذا قلت وش رايك وانا اضبط لك قلت طيب شلون قال هذا الله يسلمك الفلم مقتبس من قصه مشهوره كتبها الكاتب ريتشارد ماثيسون عام 1954

لا لا حلوين اصطافكم ولا سطير اجل شكلنا نبي نخليهم يكملون الفلم قال سطير تم اللي تشوفه ياسي موافء

طيب قولوا لنا وش طبيعه الفلم قال لنا ابو سميث اللي تبون

مغامرات \ رعب \ دراما

عاد بين هم متجمعين واسطورتنا مفهي مع الممثله << ازين من اللي مفهي مع البزر
واروح والا اشوف الاوراق الا فيها سينارو مكتوب فيه قصه الفلم واقعد اقراه الا مكتوب

هذا قبل ثلاث سنوات انتشر فيروس معدي بالجو وكل مكان وحول الناس كلهم الى اشباه الزامبي الا بطلنا روبيرت نيفل استطاع انه يحمي نفسه من هذا الفيروس واستطاع انه بعد يخترع مضاد لهذا الفيروس لكن ما نجح ها المضاد الا على نفسه وبكيذا انتهت البشريه ولم يبقى سواه وكلبته اللي معه وصار كل يوم يطلع يذيع بالمذياع ان كان فيه احد من البشر يستطيع سماعه انه يقابله في مدينه نيويورك على المينا وصار كل يوم يطلع ويورح يدور على اكل طبعا ماكان يخرج الا صباحا لان الناس المتحويلين كانت تحرقهم اشعه الشمس اذا طلعوا بالصبح وفي يوم من الايام نصب كمين لاحد هذه الوحوش واستطاع ان يصيده وقام وكتفه وحطه عنده بالمختبر وبدا يسوي عليه تحاليل الا ان واحد من الوحوش بالخارج حط روبيرت نيفل براسه وفي اليوم التالي خرج روبيرت كعادته لكنه وجد منصوب له كميل ايضا من قبل الزامبي ووقع روبيرت بالفخ وضل معلقا من اول النهار حتى قبل غروب الشمس بقليل اي قبل خروج الزامبي بقليل وعندما استيقض ووجد نفسه قبل الليل فك نسه مسرعا وحاول الذهاب الى سيارته لكن هذا الوحش خرج له واطلق عليه ثلاثه من الكلاب المتحوله ودخلوا الكلاب مع كلبته في صراع مميت ادى الى قتل الثلاث كلاب واصابه الكلبه البطله بجروح عميقه ولم تلبث الى ان تحولت هي الاخرى الي كلبه متوحشه لك روبيرت قد قتلتها وهي بين يديه ولاول مره يخرج روبيرت من بيته باليل فقد خرج وهو حزين بسيارته وذهب ليقاتل الزامبي لكنهم استطاعوا ان يتغلبوا عليه وفي الاخير جاته مساعده لاادري من اين اتت وعندما استيقظ وجد نفسه ببيته وقد انقذته امراءه وطفل هم آنا وايثان ودار حديث بينهم انهم سمعوا ربويرت بالميذاع وقد اتوا لندجته لذهاب الى المحميه وقال لهم روبيرت لا توجد هناك محميات ابد ولم يصدق ولم يجلسوا مده طويله حتى استطاعت جماعه الزامبي ان تحدد مكان روبيرت وانا وايثان بسب الجرح الذي كان في ربيرت ولما هاجموا الزامبي الثلاثه الابطال ذهبوا للختباء في المختبر في اسفل المنزل لكن الحت جماعه ازامبي الا ان تجدهم وهم في المختبر لحظ روبرت ان الزامبي التي اقام عليها تجبرته كانت تتحسن وقال لقد وجت العلاج واخذ عينه من الدوا واعطاه لـ آنا للذهاب به الى المستعمره ووقف هو في وجه جماعه الزامبي وفي يده قنبله وفجرها به وبهم وذهب آنا ويثان الى المستعمره ومعهم الدوا ولم يبقى من الاسطوره الى عمله

عاد بعدها والا اشوف الاسطوره مطلع الكميره حقته واقوله كفو والله شلون معك كمره والله انك زكرت <<من اليوم وحنا نريش ببعض بالله القط لنا كم لقطه

دوكم لقطات المبدع اسطورتنا

ياناس ياحبي لكبته حركه

عاد ترانا مازرفنا منهم مقاطع ابد

مقطع الفلم

هذا مقطع كييذا بس عشان السياره اللي فيه

حمل الفلم تونيت من هنا

ماعليكم مانسينا الترجمه

عاد همن يوم خلصنا وشفنا سالفتهم << والله من الشرافه قال سطير عطهم الاسم يستاهلون حلو فلهم قلت والله لو ما انت موافق تسان ما خليتهم يمثلون بها الاسم بس دام انه اعجبك خذ يبو سميث الاسم بس تراك ما تجي ولا نص اسطورتنا ورجعنا لكم سالمين اشتقتوا لنا

همسه : تراني اول مره اسوي تقرير يعني العفو مدري الموهم على القصور

Panda · 27-03-2008, 03:20 AM

الله الله يا فووقه

مثبت * ولي بااك يابطل

أبــ Jo$eph ــو · 27-03-2008, 03:29 AM

موافق .. اولاً وليس آخرا .. اهنيك على الاختيار الموفق .. تقرير غير من واحد غير .. غطيت على اليو اس بوكس اللي يجي في ام بي سي تو ..

اسلوب جديد .. في الطرح والتعليق .. يدل على انك نابغه بس ما تعرف تستغل نفسك ..

اقتباس

وطوله 6,2 قدم

رايحن تسوي تقرير والا تفصل له ثوب ؟..
____________________________________
الفلم رائع بمعنى الكلمه .. قصه كامله من كل الجهات .. موب مثل بعض الافلام اللي تخلص ما تدري وش النهايه ---> مهب منك من اللي تشربه وانت تتابع ..

المشهد المؤثر .. يوم يصاب كلبه ويذكيه ذكاة شات ---> ما تأثر الا مع الكلب ..
والا يوم يتذكر مرته وولده مدري بنته .. يقطع القلب --> ابو من علمك الاحاسيس ..

موافق .. مرهـ ثانيه اهنيك .. واقول لك .. حط المركز الاول نصب عينيك ..

ابدعت يا بطل ابدعت ..

احُوبني · 27-03-2008, 04:32 AM

الصراحه فكره جديده للتقرير غير الي متعودين عليه وهو سرد الاحداث بشكل تقليدي

وبرضو اهنيك على اختيارك لي ها الفلم
لو مايجي منه الا هاالبطل الاسيمر ويل سمث < خاقتن معه خقتن اوب طبيعيه

اقتباس

طيب الكاتب وينه وينقز ويل سميث موافق يرحم امك لا تفضحنا ترانا سارقين الفكره قلت لا لا مهب سارقينها مقتبسينها قال ايه تسذا قلت وش رايك وانا اضبط لك قلت طيب شلون قال هذا الله يسلمك الفلم مقتبس من قصه مشهوره كتبها الكاتب ريتشارد ماثيسون عام 1954

حبيت فكرتك في توصيل هاالمعلومه

اقتباس

قال سطير عطهم الاسم يستاهلون حلو فلهم قلت والله لو ما انت موافق تسان ما خليتهم يمثلون بها الاسم بس دام انه اعجبك خذ يبو سميث الاسم بس تراك ما تجي ولا نص اسطورتنا

وش وجهه الشبه في النهايه بين الاسطوره وايل سمث وبين اسطورتنا ؟

انهم كلهم في النهايه ضحوا

موافق ابدااع الله لايضرك

ستاربكس · 27-03-2008, 04:58 AM

الله الله يا موافدز وش هـ الزيـن ..

والله إنك ما تلعب , مرهـ وحدهـ مسوي تقرير عن اي آم لجند ..

تقرير خطيـــر .. ,

أبدعت فيه والله .. ,

على إن الفلم ما كان معجبني برضو , مدري وش جايكم على الأفلام اللي ما عجبتني ..

بس تقريرك غير نظرتي للفلم .. موفق إن شاء الله ..

كشة عبده · 27-03-2008, 08:55 AM

وعليكم السلام ورحمة الله وبركاته

يممماامي فلللم تعييش جو معوووه

موافق قدااااااااااااام

Panda · 27-03-2008, 11:20 AM

ياااهلاااا والله بفووقه

أجل رحت أنت وسطير لهوليوود خخخخخخخخخخخخ
كان خذتني معكم اشوف ويل سميث واسلم عليه

هالفلم شفته يمكن من أسبوع...
والله الفلم ماعليه حلو..لكن ماأحسه بمستوى أفلام ويل سميث اللي بالعادة
وغير كذا أحسه قصييييير مرررره ماامداني اشغله إلاه قاضي
يعني الأحداث كلها قلبه قلبه قلبه على طول خلصت

بس تدري وأنا اشوف الفلم ماكنت ادري انه لحاله في العالم مادريت إلا آخر الفلم
كنت احسب انه عايش لحاله بس في المدينة
لأنه كان في البداية يشوف تلفزيون يعني فيه مذيعين ومحطات وكيذا ..هذا مو معناه ان فيه غيره؟
فعشان كذا لما جت الحرمه وانقذته أنا مااستغربت أحسب انها عادي يعني قلت ياحليلها جت من مدينة ثانية تنقذه << يععع خربت على نفسي الفلم
فعشان كذا كنت احسب بس اللي في مدينته هم اللي ماتوا .. وهو يعني قرر يعيش هناك لين يقضي على الأشرار

بس تدري احس المنتجين انبسطوا على الفلم يعني مهنا ممثلين واجد يدفعون لهم فلوس
مافيه إلا سميث والباقي ادوارهم صغييييرة

***

ذا سبيكه ماله دوور خخخخخخخخخخخ

***

يازييييين الكلبة اللي معه حبييييييبه مرررره وقسم ضاق صدري يوم ماتت
ورحمته يوم حزن عليها يحق له محد مسليه في الدنيا غيرها

***

وبعدين على فكرة...ترا بنت ويل سميث في الفلم هي بنته الصدقية

***

إلا أقول يوم رحتوا لهوليوود ولقيتوا القصة مكتوبه في ورقة ليتك نطلت الورقة وقلت لسطير ماعليك أنا اللي بقصها لك

***

فووقه
الله يعطيك العافية على هالتقريرر الرائع
وبالتوفيق ان شاء الله

° زمـآن و طـآف ‏° · 27-03-2008, 01:43 PM

أمشششششش موآفدز حبتين يآتقرير ..

أمّآني أقولك حرآم ..

( أكوي أكويهم كوي يآمعديهـم أنت وطآش مآطآش )

يآلله وشوله احمله مآقصرت أنت وبندوه علمتوني وش بيصير ..
بس ميخآلف جآر آلتحميل ..
وبعدين نسيت يآغبي ..
أنا كنت بآلمرتبه آللي ورىـآ وأكلنآ فول سوىـآ حتى ..
بس كفك قسم تقرير ولآبلآلآلآلآلآش يآعيني عليك يآموآفدز
وهـ ياحلوـه أبو سموثه خوينا

موآفدز سطير أنا

" آلله يعطينآ آلعآفيه وآلحمد لله علىـآ سلامتنآ "

εïз

مدري!! · 27-03-2008, 04:20 PM

الله الله ياموافق ماتوقعت منك ذا التقرير الخطير

اثرك اذا اشتهيت منتب سهل

غلبتهم اطلق تقرير وقسمن

...
الفلم ماشفته لاكن سمعت عنه كثير انه رهيب ويوم شفت تقريرك مره اشتهيت اتفرج عليه

..

موافق تقرير وطريقه طرح رائعه

يعطيك الف عافيه

A M A L · 27-03-2008, 05:01 PM

والله فيلم فله الصراحه كان قلتو لنا

نحضره معاكم،, تقرير ممتااز موافق عليها

والله انك خطير تخليتكم كيف اشالكم هونااك

تقرير .. انا االاسطوره ... صدقتوا انا موافق :d (تقريري بتاع المسابقه)

ذهب الملحق