النمرة .. أو .. مطخطخه .. هذا هو السؤال .. !!

النمرة · 16-04-2008, 03:42 AM

سسسسسسسسسسسلامو عليكو ...

الله يهديكم بس .. الحين فاتحين ذا الملحق الزين وكل ذا الوناسة والحش ولا تعلموني ؟! مالكم حق بصراحة أبد أبد بتاتاً البتة ..

المهم بتغاضى عن هالزلة ولاعاد تعوّدونها وبخش في الموضوع .. أنا والعياذ بالله من كلمة أنا صديقتكم في الله النمرة أو مطخطخه أيهما تحبون .. وبصراحة أكثر كنت محتارة بقوة وش أسجل بأي يوزر بحكم أني كنت أكتب بيوزر النمرة بشكل حصري قبل ثمان سنين في منتدى معروف بس منب معلمة وشو حتى ما تحسبوني أسوي له دعاية بس انه فيه حروف الألف واللام والألف بهمزة من تحت والقاف واللام والألف و مابقى الا العين اللي ما تعلى على الحاجب عاد الباقي عليكم وش ذا تبوني اعلمكم كلش مايصير

ايه اقول لكم اني كنت اكتب فيه بشكل حصري بزعمي أقدر الإنتماء وأحس ان هاليوزر ما ينفع الا هناك بس بحكم اني تاركة المنتدى من يمكن خمس سنين او أكثر ماش ماعد حسيت بالانتماء لهاليوزر بقوة زي قبل.. ومثلكم عارفين خفت اني اكتب به همن عاد ينكبون علي معجبيني ومعجباتي وانا بيل قيتس قبله يهاوشني حيث اني مخربة سيرفر الهوتميل من كثرة الرسايل اللي توصلني في كل ثانية (<--- الله واكبر يا اوبرا)

أما عاد يوزر مطخطخه فأحس انه يوزر جخة ما يحصله أي أحد كود بواسطة .. فيه رزة كنها رزة أبو شهاب في باب الحارة مدري شلون اشرح لكم .. يعني أول شي معناه قوي وثقيل .. على الاقل الواحد يصير مطنوخ لو بالإسم المستعار يعني من باب تعويض خساير الأسهم والذي منه

والشي الثاني طريقة كتابة الإسم توحي لكم انه فيه محور تناظر في النص تقسم الاسم لنصفين شبه متماثلين بحكم اني أمووووووووووووووت في شي اسمه رياضيات وريض ويمكن بعض الاعضاء هنا يتذكرون تجاربي وقصصي في الحياة اللي أدوشت المنتدى فيها ذيك الايام هماه يا آهات

الشي الثالث ان فيه جرس موسيقي رنان من تكرار حروف الطاء والخاء <<< تسمعين بالموسيقى والرومنسية من زين مخارج ذا الحروف كنها اصوات تكفيخ

بس عاد .. بما اني احترت بين هالاسمين قلت اخلي اجيب حكم من اهله وحكم من اهلها يختارون لي .. وذا الحكام ما اجتمعوا الا في صاحبة الحظ السعيد ستار ستي مدري ستاربكس ههههههههه لحظه بالله كلمة راس بيني وبين اخيتي :-
بالله ذا يوزر تكتبين فيه انتي ووجهتس .. لا صرتي تحبين قهوة يهودي اسمه ستاربكس تقومين انتي تسمين نفستس فيه والعياذ بالله؟ وبعدين منتب لاقية ازين من الاسم اللي سماتس ابوي فيه لو تطيرين .. خليني احس بالفخر لا قلت للناس شفتوا الكاتبة القديرة مرزوقة اللي تكتب في الملحق : هذي اختي على الاقل احفظي حقوق مواضيعتس وكتاباتس الثمينة وسجلي اسمتس في وزارة الاعلام بالمرة عشان مايجي واحد مثل زياد ويلطشهم خخخخخخخخخخ (ياحليله صار مضرب مثل شبيه اليامي الله يا انتم استاثمتم فيه بعد) على فكرة تراي ما نويت اسجل الا يوم قريت مواضيعه الشيقة واسلوبكم الفتاك معه خخخخخخخخخخخ

المراد إن أختي الكريمة إختارت لي أني أكتب بالنمرة وقلت عشان نرضي جميع الأطراف فأنا بسجل باليوزرين عن عيني ومن هذا المنبر اقول ترى بكتب باليوزرين وحدة بطرانة لها خمس سنين ماكتبت خلوني أتهنى

عاد منب قايلة رحبوا بي وذا الخرابيط بس يكفي تحطون كم بلونة على شوية نبيذ <<< ما لطشت الجملة من حلقة Faith & Hope أبد

<--- يعنني عندنا دش ونتابع ام بي سي فور ولا نقرا الترجمة

<--- ماش الى هالحين مخها مبرمج على الرعيل الأول خبري بالناس على عهدي بالكتابة اللي عندهم دش قمة الكشخه

معليش عطوني شوية وقت أسترجع فيه لياقتي وأعرف وش صار حال الدنيا وأبشروا إن شاء الله بالمواضيع

يامال الفانكس <<< يووووه غبااار مبطية ما قلتها ههههههه

A S 6 O R H · 16-04-2008, 04:25 AM

^
^^
وشذا المرض يا ناس .. من جدها ذي سجلت بيوزرين .. هذي اللي تسمع بـ التموية وتسجل بيوزرين ورا بعض واحد صدزي والثاني انتحاري .. طيب يا بنت الحلال تسان سجلتي بواحد بعدين انتظري عشر يوزرات ودزي الثاني عشان تبعدين الشبهه عن روحتس <-- للحين انت و الانتحاريات يا سطير .
النمرة .. يعني هـ الحين ع الشهرة اللي قلتيها لتس وآخرتها ما قلتي غير غير اهات الدلخ اللي يذكرتس .. يرحم امتس اذا انتي من عهد الغبار ترا فيه ناسن تقرا لتس <-- ريش فيها سطير وطيرها فوق .
النمرة اسمون يتلئلئ في عالم النت وعالم القصص .. ومكانتس بـ تكية الملحق ولا انا غلطان .. وبعدين ترا لياقتس ترجع لتس بكمن رد .. وخلي هـ السبهه اللي تقولين انها اختس ام اسم مدري وشو حق الكفار .. الا كلما شافوها ويبون يضيقون صدرها قالو لها ( هل تعلمين ان كل من يشتري من ستار بكس والريال تساوي رصاصة مدري وشو منهم ) <-- اهم شي المقولة ذيك حقتهم .
اي اقول لتس عشان ترجع اللياقه زين خليها تسوي لتس عصير ليمون مع نعناع وحطي معهم سفن اب لزوم التغار مع العصير .. عشان تحسين انتس من جد مطخطخة وبنت كاش ولتس حق تردين صح .. وهماهم يقولون ( التغار من الشباع والشباع من بيت اباااي ) <-- وش رايك توصف لها وشلون تطرش بعد .
النمرة .. زيااد حقه وماجاهـ .. والمرة الثانية ما احس اننا كوفنه مزبوط .. كله من ام شعر كيرلي اللي صدت فيني ( ) <-- احساسي يهبل .
اما زيااد ابو وجه اللي تسنه جسر البحرين من طوله .. صار مهوب هين جاب لنا النمرة حته وحدهـ ( ايقونتن ما زالت تريش بـ النمرة ) <-- هاه صدقتي اني اعرفتس واقرا لتس مهوب اهات لحاله .

النمرة .. الموضوع هذا .. اقوى ذبة على سالفتس مع يوزراتس له مني جائزة <-- لا تصدقون تراي اللعب عليكم .. عساي اجيب الجائزة الاول . ( ايقونتن ناويتن تسحب ع المركز الثالث ) .

Private · 16-04-2008, 10:04 AM

النمرة ؟ << جالس يفرك عيونه يبي يتأكد بس مع قوة الفرك طلع غمص من عيونه
انتي ماغيرك القديمة النمرة المغبرة اللي قبل مليون سنة
وين كنتي فيه كل هالسنين ؟ يعني تبين تقنعيني انك سافرتي امريكا وتغربتي وخذتي الدكتوراة بعدين رجعتي تكتبين بالانترنت
يا هلا والله بالطش والرش .. اذا ماعرفتيني طبعا هذا لاني غيرت يوزري القديم، واسألي آهات يعلمك
وش جايبك فيذا وبعدين تبين تفهميني ان هالخبلة ستار بكس اختك ؟؟ يعني ماجمع الا وفق ؟؟
ستار بكس هالمتخلفة ماغيرها ؟ طيب ماتستحين على وجهك تقولين انها اختك بالفم المليان ؟ << كني قلبت على ستار ستار ادب

يعني الحين بعد ماصرتي عجيز ويالله حسن الخاتمة قلتي ابرجع للنت .. انا لو مكانك صليت لي ركعتين وجلست احتري الموت مابقى بالعمر مثل اللي بقى

خطوة عزيزة يالنمرة والله الله بالمواضيع السنعة ، والله اني انبسطت لما شفت يوزرك ، وقلت اكيد هي ماغيرها ..

لمن لايعرف النمرة فهي كاتبة عيارة من الطراز الاول من الرعيل الأول للانترنت متالقة بشكل خيالي وتعتبر في مستوى العيارين الكبار امثال : آهات، الصمرقع، رايح فيها، ابوبرغش

دوك هالوردة بس لا تعفطينها

النمرة · 16-04-2008, 02:20 PM

ياهملالي مدري أهب .. أنت يالاسطورة قل لي من واسطتك يوم انك تاخذ ذا الرقم المميز؟! أجل عقب ذا العمر أجي بكل كلفة وأسجل ومالقيتوا تعطوني الا ذا الرقم اللي كنه كلمات متقاطعة ؟؟ مفروض تخلون الأرقام كلها مميزة عشان تجذبون الأعضاء لمنتداكم .. بس هيهات هيهات (صورة واحد يتثاوب وراكب خيل) .. لا ومن زين الطبايع مسجلة بمطخطخه على طول قبل لا أدري وش رقم تسجيلي .. والا مفروض أصبر لين أشوف متى يجي الرقم الزين وأحجزه

<--- كل يوم بتسجل يوزر على غرار ( مطخطخه2 .. النمرة 15 .. مطخطخه 403 ..) لين يطلع لي رقم تسجيل حلو

بعدين منتب الوحيد اللي يقرا لي لا تمن <<< تسمع بالتواضع

وعلى طاري المركز الثالث يرحم أمك تكفى أنهج علينا ياخي يوم جيت أشبك النت بالدايل أب ما دليت وين أحط السلك معه بعدين حرام عليكم كل المواضيع مليانة صور وأشياء حلوة وإكسات ماندري وشهي (وجه يناشق)

بعدين أقصى طموحك وحده شعرها كيرلي ؟ ياخي أكثر ماكثر الله الكشش حولك مايبي لها طموحات طب وتنق <<< يوم تروشت عندهم بنت إختها توها تدري ان مشطها ضايع له شهرين

يالله حيه مير وشكراً على الترحيب اللي زي وجهك <<< تراي أمدح

برب

النمرة · 16-04-2008, 05:25 PM

يالله حي برايفت ألفين مرحبا .. إلا انا ذاكرتن مرة من المرارير ان آهات كان يحط اسمك في توقيعه واستنبطت انك صديقه بس عاد كاني اعرفك بشكل أقوى بيوزر ثاني مدري .. علمني وش يوزرك أقل لك من أنت
والله مير يعلي مقامك يومك حشمتني موب زي بعض الناس اللي يمدحون بما يشبه الذم

وبالنسبة لوين كنت فلو سمحت لا تخشش معلومات مغلوطة في عقول الناس أنا ما كنت في أمريكا بل في سيؤل وتوني جاية من خمس ايام (وقسم بالله اني ماكذبت واني شايفة السيول في الديرة)

ههههههههههه@ مفروض اني اصلي ركعتين اي والله الله يحسن لنا ولك بالخير كله من هالريض اللي عجز بي .. ذكرتني بالمعلقة الهجائية العريقة اللي قلتها فيه وقلت في أحد الأبيات ( وفي زهرة شبابي صاروا يسمّوني "يا خالة" )

أما ستار يقولون انها اختي بحكم الـ DNA والا انا كنت احسبننا لاقينها في السوق ضايعة وربيناها من كثر ما هي تموت في الاسواق
وخبرك عارف كلش بواسطة ذا الأيام حتى التسجيل في المنتديات أها عاد لو اني ماقلت اني اخت هالكاتبة العظيمة اللي ماترضى بغير المراكز المتقدمة في المسابقات كنتو بتثبتون موضوعي اها عاد قل الصدز

هاه وش رايس يامرزو.. عفواً بغيت اغلط واقول اسمتس الصدقي معليش شوي شوي وأتعود على ستار ستي حقتس

مشكور يا وخيي برايفت على هالوردة اللي من عطيتني اياها وانا اسقيها مريتو

يامال الفانكس

موافق عليها · 16-04-2008, 06:06 PM

شف صوره النمره واحلب لبن
بالله هذي صوره تحطينها ماعليك شرهه من اختك ستاره ماجمع الا وفق
يقولون انك مسجله عشان تلعنين خير سطير لا منه ما اعطى ستاره الاشتراك
بعدين مسجله بيوزر بيوزرين ماهنا خلاف خوذي راحتك ماعندك الا كديش
قسم لو تسوين موضوع تقعدين تناقشين فيه يوزرك الثاني وكييذا وتسوين اكشن اضمن لك انه بيروح لم ذهب الملحق
الا هو صدز ان لتس ثمان سنين تعرفين النت يابنت الحلال اذكر ان النت قبل ثلاث اسنين مافيه بالسعوديه توهم يطفون فيه وانتي تقولين لنا قبل ثمان سنين ماكان فيه كمبروترات مغير اللي طاف كان معه اطلس هذا الكشخه عندنا
المهم ياعجزنا الشمطاء الجديده حياك الله <<< كيفني وانا رسمي

شليويح بيك · 16-04-2008, 06:50 PM

اقتباس

أول شي معناه قوي وثقيل .. على الاقل الواحد يصير مطنوخ لو بالإسم المستعار يعني من باب تعويض خساير الأسهم والذي منه

اي والله تحسين من الاسم فيه شيك $$

اقتباس

والشي الثاني طريقة كتابة الإسم توحي لكم انه فيه محور تناظر في النص تقسم الاسم لنصفين شبه متماثلين بحكم اني أمووووووووووووووت في شي اسمه رياضيات وريض

حبتس برص يالمصريه اجل فيه احد يحب ريض تذكرت مصطفى الدافور اللي قاعد قدام هو ونظراته واتذكره اذا نقصت درجه قعد يصيح عند الاستاذ @

عاد تراي محفر بمادتين ريض هالترم .. خلتس حولي انتبهي لي

اقتباس

الشي الثالث ان فيه جرس موسيقي رنان من تكرار حروف الطاء والخاء <<< تسمعين بالموسيقى والرومنسية من زين مخارج ذا الحروف كنها اصوات تكفيخ

اجل مخارج موسيقيه .. خخخخخخخخ

اقتباس

المراد إن أختي الكريمة إختارت لي أني أكتب بالنمرة وقلت عشان نرضي جميع الأطراف فأنا بسجل باليوزرين عن عيني ومن هذا المنبر اقول ترى بكتب باليوزرين وحدة بطرانة لها خمس سنين ماكتبت خلوني أتهنى

ونعم الاختيار

اقتباس

عاد منب قايلة رحبوا بي وذا الخرابيط بس يكفي تحطون كم بلونة على شوية نبيذ <<< ما لطشت الجملة من حلقة Faith & Hope أبد

سمي اطلق نبيذ معتق من عام 47 << يتمصلح عشان تختبرين عنه بالريض ابي افتك منها

اقتباس

يامال الفانكس <<< يووووه غبااار مبطية ما قلتها ههههههه

يامال الكل يوم سيري وسعتي صدورنا الله يوسع صدرك بالعويفيه

ستاربكس · 16-04-2008, 09:53 PM

من انتي ما اعرفك ..

بعد مالقيتي إلا انا تتبلين علي .. كان اخذتي لك من اليوزرات الجديدهـ وإلا نظام مملوحة بس أهبّل وقلتي إنها اختس , اخبرتس تحبين ذا النكات ..

المهم ومن هذا المنبر , اعلن إنها ليست اختي , ولا تمت لي بـ صلة , ولا اعرفها ولا تعرفني , والله ولي التوفيق ..

<-- فيها إنفصام ..

أختاااااااااااااااااي .. <-- اقريها زي ما يقولها خالي ..

الحين بـ الله عليتس وش استفدتي يوم إنتس قلتي لهم اسمي ؟ , يقال لتس الحين بتنتقمين مني وتخربين مخططاتي يعني ؟ ..

أنا عارفة إنتس غايرتن مني , ليه إن كل مواضيعي تروح لـ ذهب الملحق وإنتي لا .. وليه إن ابوي يحبني ويخمني كل يوم وإنتي لا ..

يا .. مـ سـ عـ و د هـ .. وهه هذاي قلت اسمتس , ورينا وش تسوين ..

اقتباس

( هل تعلمين ان كل من يشتري من ستار بكس والريال تساوي رصاصة مدري وشو منهم ) <-- اهم شي المقولة ذيك حقتهم .

لو سمحت .. هل تعلم إن كل ريال تنفقة في مقهى ستاربكس اليهودي , يساوي رصاصة تقتل فيها أطفال فلسطين .. وقسم حفظتها صم ..

اقتباس

ستار ادب

المنقهره · 16-04-2008, 09:55 PM

النمره هولاااااااا والله هولااا فيتس حيّها
يوزر أشهر من علم على نار ياقدمتس يختي من وين طلعتي عنبوتس اول ماشفت يوزرتس غبر جهازي
يختي أجل انتي مثلي عندي يوزر رايان قيقز
محسسه نفسي أني ولد كاش $$ <<----- الله يخلف عليتس
يختي وش صار على مجلة حياة ؟! ماتخبرين لي زاوية فيذاك بجلس أوسوس وأطلع عقدي عليهم <<-- يالله بزوتس في الملحق يب يبزونتس في حياة

حيتس وخن نشوفتس وكيذا ولا تقطعين هماه