The Mist .. الخوف يـــ غ ــيـــر كل شيء ..

DON A7MED · 18-04-2008, 06:15 PM

السلام عليكم اخواني .. أعضاء و زوار منتديات الملحق..

انا اليوم كتبت تقرير بسييط عن فيلم..

السحاب THE MIST..

إخراج:

فرانك دارابونت.

الكاتب:
ستيفن كينج

النوع:
دراما,رعب,خيال

أمس شفت الفيلم واعجبني مررره كفيلم رعب راااااااقي جداً له هدف يبغى يوصله غير عن افلام الرعب الغبيه

اللي طلعت مؤخراً ما ادري وش تبي كلها تقطيييع ودم وصرااااخ .. صرااحه هذي النوعيه ما تعجبني نهائياً ..

القـــ ص ــــة:

رجل فنان مهتم بالرسم ويرسم شخصيات هوليوود الشهيره .. في احد الأيام أقتلعت احد الأشجار جزء كبير

من بيته لأنه كان في عاصفه هذي العاصفه هبت على أغلب المدن المجاوره .. هو بعدها راح لجاره اللي كان

محامي في المدينه وسأله هل أن كانت شركة التأمين بتعوضه عن اللي حصل في البيت .. بعدها طلب منه

المحامي انه يوديه معه للمدينه عشان يشترون لهم اغراض عشان تكفيهم أوقات العاصفه .. المهم راحوا

للمتجر المقصوود وحصل هناك انتشار السحاب في كل المدن لكن هذا الضباب كان يحمل معه كائنات غريبه

ومفترسه المهم كان هذا سبب في إحتجازهم في المتجر وعدم مغادرتهم له .. وبس ما ودي أحرق بااقي الفيلم

عليكم لأني انصحكم تشوفونه .. وبقوووه..

رأي شخصي:

اعجبني الفيلم كثييير من ناحية انه فيلم رعب وقصته جميله

واللي أصلاً اي شخص بيعرف القصه بيتشوق للفيلم بكل تأكيد ..

لكن لعل أبرز مافي الفيلم هو التصوير

و تنقل الكاميرا بين الطاقم بشكل راائع و حوارات الفيلم أيضاً كانت تميزه كثييراً عن بعض أفلام الرعب الغبيه

لكن السيناريو جيد نوعاً ما لكن هناك أشياء في الفيلم غامضه..

مثل ذهاب المحامي إلى خارج المتجر بعدها لم نشاهده مره أخرى في الفيلم .. كانت غامضه بالنسبه لي أنا .. لكن أعجبني في السيناريو هو انتقالاته السريعه وحيوته وأستعراضه الجميل للشخصيات وببساطه..

وبعد ودي ان اتكلم عن الموسيقى في الفيلم كانت جميييله وتماشت كثيراً مع النهايه ومع اوقات الرعب .

اعتقد ان المخرج دارابونت لا يعرف جيداً إنهاء الفيلم خصوصاً هنا كانت النهايه تصدم المشاهد كثيييييراً لكنها

تبقى نقطه مميزه للفيلم ان تأتي نهايه غرييبه وتفاجأ كل من يشاهد ..

وبعد ودي أتكلم عن الأداء التمثيلي في الفيلم كان جميل نوعاً ما ..

خصوصاً الولد الصغير اللي معهم .. الفيلم هذا في شبه بسيييط من فيلم الرعب الجيد التل الصامت ..

الشبه هو من ناحية الوحوش في الفيلم والحشرات الغريبه .. لكنه يبقى يتميز عن أفلام كثيييره ظهرت

تسمى أفلام مرعبه .. من وجهة نظري أعتبره احد اقوى افلاام الرعب في الألفيه الجديده

وايضاً ثالث أقوى افلام المخرج دارابونت والكاتب ستيفن كينج بعد الرائعتين ..

إصلاحية شاوشانك ..غني عن التعريف من أعظم الأفلام في التاريخ..

والميل الأخضر .. ايضاً غني عن التعريف أحد اجمل افلام ستيفن كينج ودراربونت مع توم هناكس..

تقييمي للفيلم :6\10

وفي الاخير رابط تحميل الفيلم تورنت ..

كود بلغة HTML:

http://www.superfundo.org/download/axxo/index.php?dir=&file=The.Mist%5B2007%5DDvDrip%5BEng%5D-aXXo.torrent

وبس اتمنى ان تحوز مشاركتي الأولى على رضاكم ..

هذي هي المره الأولى اللي اشارك فيها هنا معاكم ..

....

Panda · 19-04-2008, 12:12 AM

أهلن أهلن دون أحميد

فلم رائع..
مثبت * ولي باك

DON A7MED · 19-04-2008, 12:28 AM

شكراً اختي بنده على التثبيت..

ماتوقعت التثبيت .. ألف شكر لتس اختي بنده..

..في انتظارك..

مصيول بن جورج · 19-04-2008, 09:03 AM

وعليكم السلام ورحمه الله وبركاته ..

يا هلا والله بالمواضيع اللي تفتح النفس .. وجايب لنا فلم يا لبى قلبك

الصراحه موضوعك لؤطه

DON A7MED ابدعت يا حلو .. بس لو انت مبكر اسبوعين ولحقت معنا بالمسابقه ..

سجل اعجابي بموضوعك يا حلو .. ودوك نسيت ها الملف طايح منك بالطريق << جايب الترجمه

تفضل يا خلفهم .. ..

* الترجمه بالمرفقات

شليويح بيك · 19-04-2008, 01:52 PM

اول شئ احب اهنيك على تقديمك الحلو والرائع DON A7MED
الصراحه على هالتقديم حمستنا نشوف الفلم .. جاري تحميل الفلم والمشاهده

شاكر لك اسلوبك المميز وطرحك الرائع ولاتحرمنا جديدك

سلفر · 19-04-2008, 03:10 PM

الفلم اليوم جالس اشوفه .. اذا خلصته اليوم .. برجع لك .. لاني .. حتى ما كان ودي اقرا الموضوع لاني خفت بتحرق علي بعض الاحداث

blue · 20-04-2008, 05:18 AM

يكفي ان الكاتب هو ستيفن كينج

لي رجعه بعد مشاهده الفلم

جاسم · 20-04-2008, 07:17 AM

DON A7MED ..اختياركان رائع

هذا يا جماعة الخير فلم قوي بمعنى الكلمه يعني يخليك تيأس في بداية الفلم طول الوقت وهم محبوسين في السوبر ماركت
خايفين وهم نايمين يتنافضون من الخوف لكن نهاية الفلم كان تقطع القلب من جد ..بس ودي اقولكم شوفوه من جد لايفوتكم ..طبعاً مدة الفلم ساعتين..
..

اقتباس

مثل ذهاب المحامي إلى خارج المتجر بعدها لم نشاهده مره أخرى في الفيلم

الا لقوه وهو على وشك انه يموت في الصيدليه يوم راحو..

وهذا الـTrailer

احُوبني · 20-04-2008, 01:19 PM

الفلم هذا خطير انصح إلي ما شافه يشوفه ولا بي فوته نص عمره
في البداية أول ما شفته فيسي صاير كذا من قوة التتنيحه
ندمت أني شريته لدرجه بغيت اكسره < متهورة

لأني اكره شي فيه وحوش وكائنات غريبة ومصاصين دماء
بس بعد نهاية الفلم انقلب فيسي كذا

من قوة الصدمه شهقة وصرخة صرخة وجتني تكه وغلقه ما يعلم بها إلا الله
وتوقعاتي للمشاهدين إثناء الفلم :
تتكي على ببسي وبوب كورن و في نهايته تجيك غصة تقعد يومين عقبها ماتا كل شي من قوة القهر < تبي تحرق عليهم الفلم

بصراحه أرشحه أفضل فلم رعب لعام 2007

● يا ليت تسمح لي اخوي اذكر بعض أراء النقاد عن فلم " the mist " :

من الافلام التي تبقى معك لوقت طويل
الفيلم اظهر ان البشر لا يختلفون عن الوحوش
فيلم يدعو للتشاؤم والكآبة واليأس
فيلم متخصص لإثارة وتدمير الأعصاب فيلم مخيف بكفاءة عالية
لا اتوقع دعوة الفيلم لحضور لحفل الأوسكار
أفضل افلام الكاتب ستيفين كنج
رسالة الفيلم " خطر الشر من الداخل .. كخطر الشر من الخارج
فيلم مخيب للأمال .. والنهاية أكتئاب شديد
الرواية هي الأفضل والبقية هراء
واحد من أفضل أفلام 2007
مشاهدة الفيلم محزنه!!
فيلم فارغ وبلا هدف
فيلم رائع .. أفضل من فيلم الميل الأخضر!!

أشكرك DON A7MED على ها التقرير ولاختيارك الموفق لهذا الفلم ننتظر منك المزيد من الإبداع

Panda · 22-04-2008, 01:56 AM

ياااهلااا والله بـ DON A7MED
جيت وجبت الخير معك

***

بصرااحة فلم رائع...
وزي ماقال بلو..يكفي ان الكاتب ستيفن كينق..
بصراحة مستحيل انسى فلمه Secret Window
بطولة جوني ديب كان فلم راااائع صرااحة

بالنسبة لهالفلم...كان غريب عجيب...
يعني في البداية كان ينحاشون من السحاب والوحوش اللي فيه
وجلسوا في السوبرماركت آمن لهم...
لكن مع الوقت تحول السوبرماركت باللي فيه خطرهم أكبر من الوحوش نفسهم !!
فصار الجلوس فيه أو الخروج منه كله ماتفرق..

كل شي ولا نهايته !!
يعني تعودنا في الأفلام الهليوودية تكون النهاية سعيدة
أو فيها انتصار..
لكن هالفلم غير..نهايته كانت محبطة جداً !!
لكن مع ذلك اقنعتنا نهايته

***

دون..
الله يعطيك العافية ماقصرت

سلفر · 22-04-2008, 02:18 AM

اهنيك على اختيارك .. انا من النوع اللي ما يحب الافلام الخياليه

لكن هذا الفلم مشوق صرراحه .. الفكره روعه .. السيناريو محبوك .. ويشدك بس الاكشن فيه قليل بالنسبه للحوارات

يعطيك العافيه على هالاختيار

DON A7MED · 23-04-2008, 07:05 PM

مصيول بن جورج اقتباس

وعليكم السلام ورحمه الله وبركاته ..

يا هلا والله بالمواضيع اللي تفتح النفس .. وجايب لنا فلم يا لبى قلبك

الصراحه موضوعك لؤطه

DON A7MED ابدعت يا حلو .. بس لو انت مبكر اسبوعين ولحقت معنا بالمسابقه ..

سجل اعجابي بموضوعك يا حلو .. ودوك نسيت ها الملف طايح منك بالطريق << جايب الترجمه

تفضل يا خلفهم .. ..

* الترجمه بالمرفقات

مشكور أخوي على المرور الجميل والمشجع .. بس والله أحرجتني .. يا مصيول

ومشكور على ملف الترجمه .. ياخي دورته في الطريق مالقيته قعدت ادور بعد ماطاح مالقيته لاتصدق أصلاص ناسي أجيب الملف بكبره ..

فهمت شي؟؟

DON A7MED · 23-04-2008, 07:26 PM

شليويح بيك
مشكور اخوي على المرور الجميل والمشجع والله .. ويشرفني مرورك..

سلفر
والله حتى انا مثلك ما احب الخيال مررره بس فيه أفلام خياليه لها معنى ولها هدف مثل الرائعة العظيمه واقوى افلام الخيال وهو فيلم A Space Odessey بعده رائعة سيد الخواتم بثلاثيتها ..

بلوو..
في إنتظارك ..

جاسم .
صحيح ذكرتني فيها .. مشكور على التوضيح والإهتمام .. وشرفني مرورك ..

أحوبني
أشكرك أختي على مرورك الجميل وتحليلك الحلو والممتع للفيلم ..

سلفر ..
شكراص على المرور الجميل جداً والله .. جد ما اجامل ولايهون الباقين

فتى منفوحة · 04-06-2008, 10:07 PM

تصدقون
طلع موجود عندي ولا شفته

لكن اوعدكم خلال هالصيفية بإذن الله اشوفه

الف شكر دون احمد ، و كل اللي شارك في الموضوع<

The Mist .. الخوف يـــ غ ــيـــر كل شيء ..

هوم سينما